الموضوع: نصيحة لوجه الله ,, الكورولا تستاهل التمن ده؟؟

المشاركة الأصلية كتبت بواسطة mnashat77

لو بتفكر ف اعاده البيع ووسائل امان ف العربيه يبقي خليك كورولا
لو بتفكر ان فلوس اقل وامكانيات تعتبر واحده يبقي خليك ف فلوانس ووفر الفلوس
الكورولا مازالت ١٩٠٠٠٠

كورولا تانى فئه بتتباع فوق ال 190000 حسب كل موزع غالبا من 193 ل 199

المشاركة الأصلية كتبت بواسطة yasser100

ﻻ خلاف على اسم الكورولا . يعنى لو لحظت كان سعرها الفئه الاولى تقريبا كانت 175000 على ما اتذكر او اقل و الفئه التانيه كانت 182000 تقريبا لانه كان فرقها مش كبير بينها و بين عربيتى باشتريها حوالى 179.500 . دلوقتى الفئه التانيه رفعت 10000 و اصبح 190000 بدون زيادة اى شئ جديد فى امكانيات العربيه و مع ثبات اسعار الماركات التانيه اللى فى نفس رينج الكورولا .

بالظبط وهوه ده اللى يضايق ويجنن

المشاركة الأصلية كتبت بواسطة esraa ahmed

كورولا تانى فئه بتتباع فوق ال 190000 حسب كل موزع غالبا من 193 ل 199

انا بقول كده برضه ماحدش مصدقنى - فالمصرية قالولى 197000 يعنى بينها وبين الفلوانس حوالى 24 ألف بس اعتقد أن ده over price علشان استلام فورى

المشاركة الأصلية كتبت بواسطة roland

انا بقول كده برضه ماحدش مصدقنى - فالمصرية قالولى 197000 يعنى بينها وبين الفلوانس حوالى 24 ألف بس اعتقد أن ده over price علشان استلام فورى

حضربتك العربية ب 190 بس
انا لسه مستلمها التلات الي فات بس انا حجزت من شهرين في التوكيل (كايرو فيستيفال)، المعارض بتاخد افر بريس علشان بتسلمك بدري
العربية رائعة بجد و الطلب عليها جامد
انا كان معايا قبلها لانسر بومة و الفرق بينهم جبار زي ما قلت لحضرتك قبل كدة
عموما اليباني دايما يكسب، انا عديلي عنده bmw و كورولا 2007. طبعا بخلاف الثبات و الدلع هو شايف الكورولا اكثر إعتمادية و أقل في الاعطال تقريبا مابتعطلش خالص
أعرف واحد معاه مرسيدس و نيسان قشقاي برده مبسوط اوي بالقشقاي و شايف انها اريح و اكثر إعتمادية من المرسيدس بجد و الله. الاوروبي ثبات و دلع و اوبشنز و جري بس لما نيجي للإعتمادية و قلة الاعطال او عدمها اليباني يكتسح
خد بالك ان مواتير اليباني شغالة فلة مع البنزين المنيل بتاعنا و دي نقطة مهمة جدا جدا جدا لان حتي بنزين 95 بيعمل مشاكل مع الاوروبي الحديث علشان المحطات بتغشه (مش عيب عربيات يعني) بس هي بلدنا كده و بنزينا زفت حنعمل ايه.
يعني انا شايف لو مش كورولا يبقي حاجة يباني
و ربنا يوفقك للصواب

المشاركة الأصلية كتبت بواسطة Mohamed.Hany

الغريبة ياسامح ان صاحب الموضوع موضح كذا مرة انه داخل عشان يسال الملاك و تلاقي ناس و لا ركبو العربية و كارهين ليها يقولك انا ركبت 2013 و انا ركبت مش عارف ايه اصلها وحشة مش ممتعة طب وانا مالي ب 2013 و لا فلوانس ولا اي موديل شئ غريب فعلا الراجل بيطلب راي محايد من مالك للعربية زي و زيك يا سامح .
شكرا ليك و للحيادية و الكره و التقليل من غير الملاك بقا غير طبيعي بصراحة و ده بسبب نجاح العربية المنقطع النظير امام المنافسين اللي مخلي الناس مش مستحملة ده و ميخيلاهم علي طول عاوزين يعلقو بالسلب و خلاص في شئ مش بيمتلكوه من الاصل .

It is doesn't handle well, it is not fun to drive الكورولا موش ممتعة في السواقة والهاندل بتاعها وحش
ودمعتو نزلت علي خدو لما ساق الكورولا كمان
فية يا جماعة انا سقت الفلوانس 2014 وفرق شاسع لصالح الكورولا
دة فية واحد في المنتدي هنا ال signature بتاعو اسمو ندمان اني اشتريت فلوانس
السحب لصالح كرولا بفرق رهيب العربية انعم والصالون اوسع والفتيس بتاع الفلوانس عملوة cvt وبرضو حافظو علي مميزاتهم الشهيرة بتاعة ان الفتيس بينتش في التاني والتالت (تحس انها اوبشن في الاوروبي)
لا الكرولا حد قال ان موتورها بيخس زيت ولا توكيلها بيضحك علي الزباين كل يوم بسوفت وير جديد ولا اصلا عمرنا شفنا حد بيجيب سيرة رينو قدام كرولا ولا حتي ياريس .
دا اللي شاريين فليوانس شاريينو علي حس موتور وفتيس نيسان يعني علي حس اخشن موتور ياباني واسوا فتيس cvt نزل السوق .
جرب يا باشا بس تشد بفلوانس مع كرولا بعد اي مطب ودمعتك هاتنزل علي خدك فعلا
احنا راكبين الكورولا وعارفينها وسقنا الفلوانس واحنا ناس موش عبيطة ودايسين السوق كويس قبل مانشتري انا معايا كورولا ونوبيرا واكتافيا a5 وعلي فكرة وانا بشتري الكورولا محاولتش اصلا افكر في الرينو بعد ماسقتها انا كنت بقارن مع سيراتو (علي فكرة السيراتو احلي من الفلونس بمراحل )

المشاركة الأصلية كتبت بواسطة mohamed.hany

و علشان حضرتك طلبت رأي ملاك كورولا 2014 اسمحلي اقولك بالتفصيل تستاهل ولا لأ و نصحية صغيرة متسمعش كلام حد معهوش العربية لأنه ببساطة مش هيبقا عارفها ولا عارف قيمتها ولا مميزاتها و لا عيوبها و لو معاه عربية منافسة و اقل منها هيبقي دايما عاوز يبين انها افضل لاسباب اخري.

العربية ثمنها 190 الف و باكد تاني .

ايه النقط اللي بدور عليها في العربية ؟

1.الموتور و سحب العربية :
بالورقة و القلم قارن مبين قوة مواتير فلوانس و شارك و و سنترا و امبريزا و ساعتها هتتأكد ان في تفوق كبير في قوة الموتور للكورولا و لو بتقارن بالخصوص مع الفلوانس فاسمحلي ففي فرق كبير قوي في التجميع و الطلعة بتاعتها بطيئة جدا مقارنة بالكورولا , و في فيديو مصور بنفسي للكورولا و انا بجيب من 0 الي 100 في 9 ثواني بالتكييف .
https://www.youtube.com/watch?v=f6vxutw7vjw

2. وسائل الامان :
الكورولا اعلي وسائل امان في فئتها esp trc hac isofix طبعا لو قارنت مع الفلوانس و الشارك و السنترا فال esp و ال trc كافي اني احسم موقفي لأنه وسيلة امان في منتهي الخطورة و كفيلة بانقاذ حياتي و حياة اسرتي و هي مسئولة بانها تمنع تعويم العربية و ترجعها في مسارها السليم لو حصل اي انحراف و طبعا ده مش موجود في العربيات السابقة.
اتفرج علي عربية bmw اللي المفروض ثباتها لا يختلف عليه اتنين لما بيكون قافل esp العربية بتعوم ازاي عشان تعرف اهمية وسيلة الامان دي ؟
https://www.youtube.com/watch?v=rulbwac6sy4

3. استهلاك البنزين :
الكورولا افضل استهلاك بنزين في فئتها يكفي اني في الطوالي استهلاكي بيبقي ف حدود 4 لتر لكا 100 كم لك ان تتخيل الرقم .


4. الاوبشنز :
الكورولا من اعلي اوبشنز موجودة في السوق فهل حضرتك محتاج اوشنز اكتر من دي :
بالنسبة للموتور 1600cc الذي تبلغ قوته 122 حصان و عزم 154 نيوتن
ناقل حركة اوتوماتيك cvt - نظام ثبات الكترونى (vsc) +نظام فرامل abs+ba+ebd - زجاج كهرباء - سنتر لوك – تكييف يدوى - باورستيرينج كهرباء - تحكم بالنظام الصوتي من عجلة القيادة- راديو 6cdسماعات + مدخل usb+aux - نظام مانع السرقة – نظام تصفيح ضد الصدأ - ضبط مستوى الاضاءة الامامية يدوى - امكانية طى الكنبة الخلفية - نظام اضاءة نهارى (ليد) – 2ايرباج - مرايات كهرباء - مفتاح بالريموت - السعة اللترية 55 لتر - . مثبت سرعة - تكييف أوتوماتيكي dual zone - تحكم بالنظام الصوتي والتليفون من عجلة القيادة - bluetooth - راديو 6cd سماعات + مدخل usb+aux - ضبط مستوى الاضاءة الامامية أوتوماتيك - 2ايرباج -كاوتش مقاس 55/16 205 r(جنوط سبور ) - حساسات ركن امامية وخلفية خاصية الركن التلقائى park assist – فوانيس شبورة أمامية وخلفية - مرايا كهرباء قابله للطى - نظام المساعدة في المرتفعات hac - نظام تثبيت isofix - نظام ebl للتنبيه الضوئي

5. وسع الصالون :
الكورولا اوسع صالون في فئتها و ده طبعا مقارنة بالمنافسين و اقرب عربية لوسع الكورولا هي الفلوانس

6. التوكيل :
افضل توكيل في مصر بدون شك بشهادة الجميع و يكفي انه لما الناس اشتكت في الدفعات الاولي ان العربية منخفضة و بتحك التوكيل اتصرف بسرعة و علي العربية بتغيير العفشة كها للعفشة الرياضية اللي بتنزل في النسخة الخليجية بتغيير 4 مساعدين و 4 سوست و بطاحات و كوبلن ببلاش و التكلفة كانت في حدود 12000 جنيه انا مش متخيل ان في اي توكيل في مصر هيعمل كدة خصوصا انها مشكلة بسيطة و ليست عيب صناعة مثلا زي موتور بيبوظ و لا فتيس بيضرب زي في بعض الماركات الاخري

7. اعادة البيع :
بدون جدال او نقاش افضل سعر اعادة بيع و كمان اسرع بيع يعني مش هتقعد تدلل علي العربية زي الماركات التانية او تفاجاء ان النوكيل عمل خصم علي العربية زي الفلوانس مثلا اللي التوكيل بيعمل عليها خصم 5000 جنيه و تستلم فوري اما الكورولا تلاقيها بالحجز شهور و لو هتستلم من معرض تلاقيها زايدة 5000 اكيد الكلام ده ليه معني و مدلول . هل تتخيل في يوم من الايام ان الكورولا يتعمل عليها خصم ؟ ده التوكيل مش ملاحق ايه اللي يخليه يدلل عليها في البيع و يقلل السعر ؟ طيب انا لو جبت عربية ب 170 الف و التوكيل نزل عرض ب 165 الف لما اجي بيعها هخسر فيها اكتر ما هي خسرانة !!!!

8. الاعطال :
عمرك شفت كورولا فيها عطل ؟ او جابت موتور ؟ او جابت فتيس ؟ تكيفها باظ ؟ او او او ؟ اكد لأ طبعا ب هتلاقي الكلا ده كتير مؤخرا مع المنافسين زي الفلوانس مثلا في بعض الحالات غيرت مواتير و لكن مسمعتش عن حالة واحدة فقط في الكورولا حصل فيها كدة.

9. الخامات :
عمرك شفت كورولا فتيسها او دركسيونها جلدهم شقق ؟ طيب سمعت عن كورولا زراير التكييف او الكاسيت قشروا ؟ او سمعت ان مقبض الباب بتاعها اتخلع ؟ انا مسمعتش خالص بس سمعت في ماركات تانية زي الفلوانس .

10. التكييف :
تكييف العربية ميختلفش عليه اتنين و عز الصيف مش بقدر اقلل الحرارة عن 21 من قوته ماشاء الله.

و ده مش تقليل من اي عربية دي مميزات العربية و اعتقد رد كافي و شافي ليه هي اغلي منهم و ليه الناس دايما بتحتار مبين فلوانس و النترا و سيراتو و سنترا و كروز و شارك لانهم قريبين في السعر و مبين كورولا و سكودا a7 و استرا و فوكاس اكيد لو حضرتك قارنت كل عربية سعرها بيبدأ من كام هتعرف ليه يعني مثلا الفلوانس و الالنترا و الكروز و الشارك بيبدائو من 150 تقريبا اما الاسترا و الكورولا و السكودا و الفوكاس بيبدائو من 170 او 180 فكر كدة ممكن يكون فرق السعر في ايه و الردود هتلاقيها فوق في كلامي
بعد كل النقاط دي ايه رأيك تستحق ؟

احنا بقي عاوزين الردود كلها كدة موش عاوزين فتاوي كلو يرد باسلوب علمي واحنا موش بنفرض راينا علي حد كل واحد حر في فلوسة يركب اللي هو عاوزو بس الرد موش باسلوب علمي وعلي فكرة احنا بنركب عربيات فول اوبشن من سنة 85 وسمعة التويوتا في العالم ودول الخليج ومصر موش هاتهزها عربية بنت امبارح ولا راي اي حد فينا
الراجل ردو موضوعي وعلمي وبالفيديوهات العربية الكورولا في ستات عندنا في منتدي كورولا وبكرر تاني ستات جابت بيها ال210 ومصورين
وانا واكتر من 20 عضو كمان جبناالسرعة دي والموتور مرتاح وناعم استابيلتي زي الفل ولا كلمة
اللي يقول 2011 و 2013 ايوة انا لو نفس الشكل موجود مكنتش هاشترية مع انها اكتر عربية اعتمادية في السوق برضو ساعتها
وانا بصراحة محبش العربيات المكس اللي البودي معمول في مكان والموتور والفتيس ماركة تانية بصراحة شغل صيني الكلام دة