الموضوع: برجاء المساعدة :مشاكل ما بعد الصيانة واكواد بعد الاعطال الغير مفسرة

المشاركة الأصلية كتبت بواسطة مجمود فراج

الحمد لله كده فعلا بنسبه كبيره المشكلة فى حساس الكولانت لان الباشا جاب عليه ميه كتير وهو بيغير القربه بتاعت الميه وسألته قالى واخد بالى فممكن اعرف ازاى افكه وازاى انظفه وازاى اختبره واعرف لو شغال ولا عايز يتغير وهل لو اتظبط الair pump هتظبط ولا هتفتضل فيها مشكله

الاير بامب لو حتى اتلغت خالص مش هتاثر على حاجة لانها ملغية فى معظم العربيات اللى مسقطة الموتور بتاعك ال x20xev والعربيات كلها شغالة كويس اصلا من غيرها
المشكلة عندك الان هى الكولانت فقط وهو اللى عامل كل المشاكل دى فى العربية
عموما غيره احسن لانه طال ما جه على اطرافه مية كدة فى الغالب باظ وعايز يتغير
الحساس دة هوعبارة عن صامول ركبة فى جنب البلوك بتاع الموتور وانت واقف امام العربية هتجيب مفتاح بلدى تقريبا 14 او15 وهتفكه عادى جدا لما تم ايدك فى حوض العربية وسهل جدا وهو لونه ازرق وراكب عليه فيشة بطرفين سلك هتغيره وكل حاجه هتظبط زى ما قلت لحضتك قبل كدة
تحياتى

ألف مبروك وشكراً ليك على متابعتك بعد الإصلاح لأن فيه ناس كتير بتصلح وتخلع ولا بيقولوا اى حاجه :)
وموضوع إنها بطلت مع أخوك !!!!! ممكن يكون فيه سنسور عند أخوك فيه مشكلة :)
إوعى تزعل من كلامى :)

إيه ياعم الميكانيكى ده ؟؟؟؟ خليه يغير خرطوم الزيت ده وإهرررررررب بسرررررررعة من عنده
ونضف بعد كده فيش حساسات الماف والكامة يمكن تكون بركته حلت عليهم برضه :)
وبعدين شيل كابلات البطارية ربع ساعة كده وبعدين وصلهم تانى يمكن اللمبة تطفى .