الموضوع: لكل الي مش عجبه مصر حل هيريحه ويريح

الحقيقة اني اتحفظ على فكرة الموضوع ده .. و الموضوع التاني الخاص بالاستفتاء .. لان ما فيش حد وصي على حد .. البلد بلد الجميع .. اللي عايز يقعد او يهاجر .. دي حريته و تقديره .. و لو قعد مش قاعد على حساب حد .. و وجود الانسان بره ما يمنعوش من الفايدة لبلده .. و ياما ناس بره مصر انفع لها من ناس قاعدة جواها .. و في نفس الوقت .. ما ينفعش نعمل استفتاءات .. بعناوين فيها نوع من الاستقطاب و الدعاية للانتصار لفكرة او هوى سياسي معين .. انا ظني و مازلت .. ان مافيش مصري بيكره مصر .. ممكن يكره اوضاع سياسية .. اقتصادية .. اخلاقية .. بس انه يكره بلده .. ما ظنش .. لان لو ده حصل .. هيبقى شيء صعب و صادم .

المشاركة الأصلية كتبت بواسطة moody_687

ياباشا انا عن نفسي عايز اهاجر بس خايف
انا بشتغل ف وظيفة حكومية وانا وحيد اهلي وابويا رافض سفري لاسباب اسرية
زميلي هاجر وراح الامارات وساب الوظيفة عشان بلده مش مدياله حقه وسافر الامارات وبسم الله ماشاء الله مرتب عالي
تيجي تدور تجيب شقة اقلها شقة ف مكان معفن هتعملها قول 150 الف ج وحط عليهم توضيب وعفش ب 100 الف ج يعنى الشاب محتاج ربع مليون ج
لو افترضنا بيشتغل وبيقبض ف الشهر 3000 ج وبيحوش ياسيدي 3000 الاف ج يعنى فالسنة 36 الف ج وطبعا ده مرتب عالي ف مصر مفيش حد بيحصل عليه غير فالوظائف ام الوسائط
يبقى الشاب محتاج 7 سنين ل 8 سنين تقريبيا عشان يتجوز وده طبعا فأفتراض ان اهله مش ساعدوه
فهل لو البلد دي كويسة هتبقى حياة الشاب بالطريقة دي ؟؟!!!
ياباشا حضرتك مستريح فيها خليك فيها واشبع بيها
ويريت بقى كلنا نبطل كلام الشعارات مشربتش من نيلها والكلام الاغانى ده اللي مش بياكل عيش

انت رااااااااجل تمام اوي
وجبت من الآخر
وانا ازود عليك حاجه بسيطة خااالص
3 فئات بس اللي مستريحين في مصر
جيش
شرطة
قضاء
وعلي رأي الممثل خالد صالح رحمه الله
الناس دي فعلا البلد بتاعتهم والباقي عايش بمزاجهم ،،، أه والله بمزاجهم
وتعالي احسبهالك
قاضي داخل علي لجنة مرور ( مفيم - بدون نمر - مفيش رخص ) اتفضل ياباشا
قاضي راح البنك ولاقاه زحمة ( يدخل علي مدير البنك ويخلص حاجته وهو في مكتبة وبيشرب قهوتة
ظابط جيش داخل علي لجنة مرور او ردار ( آسفين يا فندم ) منعرفش ان حضرتك
ظابط مرور عنده مشكلة في الشارع اللي ساكن فية ( اتصال بـ القاضي اللي بيعدي من غير رخص ) كمين في الشارع وامن 24 ساعة واللي انت عاوزة
عاوز تاني ولا كفاية
مبارك فشخ - واسف علي اللفظ - الشعب كلة لمدة 30 سنة من صحه وتعليم وسرقة وانفلات وكل ما تتخيلة وتحلم بية وفي الاخر القاضي يخرجة براءة ( مبارك رجل جيش )
فهتلاقي ان الثلاث فئات دول بيخدموا بعض ولا يقبلون بدخول فئة رابعة بينهم
والبلد بلادهم بس هما سايبين الناس تعمل اللي بتعمله علشان منظرهم في الخارج
وعلي رأي المواطن صدام الذي افتقدناه هنا في المنتدي ( احنا انتهينا خلاص )
وكل اللي بيدافع عن البلد يأما مستحمل العفونة اللي عايش فيها - يأما أكل شارب نايم ومزاجة حلو ومتزبط من الثلاث فئات
اما الباقي الذي يريد الخروج فهو ذاق مرارة الظلم في بلده ولا يحس بأدميتة فيها
حسبي الله ونعم الوكيل
حسبي الله ونعم الوكيل
حسبي الله ونعم الوكيل