استبدال طرمبة البنزين

**Mecha** · 23-01-2015 02:41 PM

طبعا دايرة الطرمبتين توازي ,نفس التانك ونفس الكربراتير

**ahmed_eng2001** · 23-01-2015 10:08 PM

المشاركة الأصلية كتبت بواسطة mecha

يا باشا مالها الكهربا لا رق هيتقطع وبنزين ع الزيت ولا بلوفه تعلق.وان كان ع الراجع ممكن تركب خانق في الطرد او تاخد راجع من الكربراتير.
كدا علي حال البنزين في مصر احنا محتاجين water separator .رغم انه مش لدواير البنزين.
كام كيلو عملتهم كل طرمبة حضرتك؟؟؟؟

اهو ده الكلام الجديد عليا .....
ايه هو الخانق الى ممكن اركبه ؟؟

انا فضلت الف ورا الكاربراتير كتير ...... اخرهم كانت عند ابراهيم بتاع شبرا .... و فى كل مرة يأكد الصنايعية ان الكاربراتير سليم .... لغاية لما رحت لعم حمدى الفنى ( عضو معانا فى المنتدى ) و هو الى قالى ان طرمبة البنزين احيانا بتدى ضغط زيادة

و بالفعل ... احيانا خط البنزين الداخل للكربراتير تحس فيه برعشة .. و احيانا متحسش
و يومها ركبلى طرمبة كهرباء خارجية ... و شغالة كويس

الكربراتير عندى مفيهوش راجع .... و بالفعل ... انا ركبت فاصل للمياه زى ماكينات الديزل ... بس البلاستيك او الزجاج مستحملش البنزين .... اتشرخ بعد ايام قليلة

لو حضرتك تقصد الطرمبة الميكانيكية القديمة .... من ساعة ما اشتريت العربية من 2010 و انا عملت بعربيتى اكتر من 50 الف كم

**ahmed_eng2001** · 23-01-2015 10:11 PM

المشاركة الأصلية كتبت بواسطة mecha

دا اللي انت محتاجه ,البلف دا ,كل طرمبه تدي علي خط افقي والخرج للكربراتير
او طرمبه كهربا احتياطي بمفتاح وريليه وفي خرجها محبس بليه علي t للكربراتير والخط التاني كاركة

الله ينور عليك ... بالفعل ده الى ينفع ...
المشكلة انى رحت و جبت بلوف و تيهات بتاعة معدات الهوا .. و الى بالطبع الاورنجات لم تتحمل البنزين لفترة طويلة

ححاول انزل ادور على محبس كدة عند بتوع المياه

**ahmed_eng2001** · 23-01-2015 10:19 PM

المشاركة الأصلية كتبت بواسطة mecha

طبعا دايرة الطرمبتين توازي ,نفس التانك ونفس الكربراتير

الطرمبة القديمة ( من غير راجع ) مع الطرمبة الكهرباء ... و بالفعل انا كنت مركب فلتر بنزين 3 طرف قبل الكربراتير على طول ... طرف جاى من الطرمبة ... و طرف داخل الى الكربراتير و اخدت الطرف التالت و عامله راجع للتانك

مع الطرمبة الجديدة ... ممكن كمان اخد خط الراجع بتاعها .. مع الراجع من الفلتر و اركب فيهم سكس بلف زى ما حضرتك اقترحت على خط الطرد

**ahmed_eng2001** · 23-01-2015 10:24 PM

المشاركة الأصلية كتبت بواسطة احمد فهمى

الاسهل زي ما قولتلك وتعملها مفتاح وتبقى اصلي وتوصلهم مع بعض بس مش فاكر كنت موصلها توالي والا توازي بس سهل تجرب

حفكر اوصلها ان شاء الله و اعملها مفتاح داخلى ...

كنت جربت احط الطرمبتين توالى ..... و حطيت الطرمبة الكهرباء الاول ... و بعدها الطرمبة الميكانيكية و قلت اجرب و اشوف

لقيت الطرمبة الميكانيكية بتجيب بنزين من جسمها كله لبرة .. فعرفت ان فيها جوان ضارب ... فلغيت الفكرة

**Mecha** · 24-01-2015 04:21 AM

الرباطات النحاس دي اللي تمشي معاك ,الخانق يعني ضيق في الخط عشان يقلل كميه البنزين ,فتنقي نبل بقطر ضيق يدوب يملا غرفة العوامه او تحط محبس لخرج الطرمبه الكهربا .لزمن فيه خط راجع بس فيه ميكانيكية بيلغوه لما الطرمبة بتضعف . لو عندك طبة في التانك ممكن تفضي الميه بيها ودا separator للبنزين

**Mecha** · 24-01-2015 04:26 AM

مينفعش تركب طرمبتين توالي دي مش طرمبات طرد مركزي ,الضغط هيعلا اوي

**Mecha** · 24-01-2015 04:31 AM

ادي محبس1/4'' للبنزين ورخيص 2.3 استرليني

**احمد فهمى** · 24-01-2015 11:41 AM

المشاركة الأصلية كتبت بواسطة Mecha

دا اللي انت محتاجه ,البلف دا ,كل طرمبه تدي علي خط افقي والخرج للكربراتير
او طرمبه كهربا احتياطي بمفتاح وريليه وفي خرجها محبس بليه علي T للكربراتير والخط التاني كاركة

هو ده الكلام