تغيير زيت الماتور للفلوانس 2015

**yasser100** · 30-01-2015 01:58 PM

المشاركة الأصلية كتبت بواسطة batman372

انا اليوم قيسته مانيوال و كان اعلى من ال h حاجه بسيطه جدا ...
غالبا التوكيل حط ٤.٣ او ٤.٥ و ضرب على باقى الكيلو !!! المفروض كان يسيب لى الباقى اللتر لانى دافع تمنه بالكامل !!!
بخصوص الاداء فهو مثل ما قبل الصيانه ... و يمكن افضل شويه ...
و غالبا حساس الزيت الالكترونى لو مستوى الزيت عالى حيظهر رساله oil level hight
تحياتى ...

كده مظبوط عندك و زى عندنا كلنا حطولك 4.3 لتر و كل سنه طيب فى الباقى :)

5 لتر ده يعنى هايعدى ال h بكتير و هايدخل على المنطقه المشرشره اللى فوق كمان .

**محمود عمر** · 01-02-2015 02:07 PM

المشاركة الأصلية كتبت بواسطة yasser100

كده مظبوط عندك و زى عندنا كلنا حطولك 4.3 لتر و كل سنه طيب فى الباقى :)

5 لتر ده يعنى هايعدى ال h بكتير و هايدخل على المنطقه المشرشره اللى فوق كمان .

على فكرة انا غيرت زيت في التوكيل بعد 1000 توتال 5w40 وكان ممتاز صوت الموتور هادي والسحب أفضل كتير والوقت بعد 6000 بزيت توتال السحب ممتاز جدا

**عمر مصطفي محمد** · 04-01-2016 10:37 AM

طيب يا جماعة القول الفصل في حوار الزيت ده ايه عشان انا قريت فيه كتير و عايز اغير زيت 5w30 بما ان الناس اجمعت علي انه الافضل للموتور ...هل اطلب تغييره في التوكيل عند 5000 كم علي مسؤوليتي ولا اغيره بره من غير تغيير الفلتر... شكراً

**marsguy** · 04-01-2016 11:58 AM

المشاركة الأصلية كتبت بواسطة عمر مصطفي محمد

طيب يا جماعة القول الفصل في حوار الزيت ده ايه عشان انا قريت فيه كتير و عايز اغير زيت 5w30 بما ان الناس اجمعت علي انه الافضل للموتور ...هل اطلب تغييره في التوكيل عند 5000 كم علي مسؤوليتي ولا اغيره بره من غير تغيير الفلتر... شكراً

التوكيل مش هايرضى يغيرلك بزيت من بره

لو عاوز تغير مافيش حل إلا إنك تغيره في محطة موبيل بطريقة الشفط. ومش لازم تستنى 5000 كم

**عمر مصطفي محمد** · 05-01-2016 10:41 AM

الف شكر ياباشا علي اهتمامك غالباً هعمل كده فعلاً

**عمر مصطفي محمد** · 09-03-2016 12:33 PM

السلام عليكم يا جماعة ...هل في اي جديد في موضوع الزيت ده..وهل التوكيل وصله الزيت الجديد من توتال اللي هو 5w30 ولا لسه ماشيين بنفس الزيت ...هل في حد لسه مجرب الموبيل 5w30 وينصحنا بيه او هيفرق فعلاً في الآداء ولا في نوع جديد افضل منه.. شكراً

**عمر مصطفي محمد** · 18-07-2016 11:33 AM

السلام عليكم يا جماعة ...انا في التوكيل النهاردة صيانة 10 آلاف كم ...سألت المهندس قالي علي موضوع الزيت انه المعتمد عندهم من رينو فرنسا هو 5w40 وقالي انه العربية بتاخد 5 لتر مش 4.3 ..وانا كنت اصلا غيرت الزيت بره الفبريكة لموبيل 5w30 فالحل اني لو لقيت الزيت مش مناسب لصوت موتور العربية اغيره بره تاني لموبيل 5w30 وهل في فرع للتوكيل غير فرع ابو رواش بيقبل اني اجيب الزيت من بره ويغيروه ولا لأ... واطلع من التوكيل اقيس مستوي الزيت وراهم للتأكد انه مش زيادة عن المفروض...