الموضوع: الفرامل بتفلت

السلام عليكم، انا عربيتي فورد مونديو 1998 و فيها abs و ebd انا كنت لسة مغير التيل و الطنابير للعربية. المشكلة عندي اني ساعات لما اجي افرمل القي الدواسة بتروح و تيجي معاية (زي كدة المفك الصليبة لما ياكل في المسمار)

انا اقعد بقراء و في ناس بتقول ان دة هو الabs و ان دة المفروض مفيد بس انا الصراحة شايف ان الفرامل مش بتبقي كويسة خصوصاً علي الرمل و الملفات. في ناس تنية بتقول دة مشكلة السيرفو، ممكن حد يفهمني او يقولي علي طريقة اتأكد بيها و اية هو السيرفو و فين مكانة بظبط؟؟؟

شكراً......

اولا انت ماعندكش abd لان العربية موديل التسعينات
بالنسبة لو عاوز تتاكد عندك abs ولا لا دور العربية المفروض تنور لمبته في الطابلوه 3 ثواني وتطفي ولو فضلت شغالة يبقي كدا في مشكلة ولو مافيش اي لمبات نورت وعاوز تتاكد برضو انزل تحت العربية المفروض داخل للفرملة خرطوم زيت الفرامل زايد سلك تاني بتاع الحساس لو مالقيتش السلك دا يبقي مافيييييييييش abs بس بص كويس ليكون مستخبي في اي حتة وخليك في العجلة الي قدام اوضح
اذا تاكدت من وجود abs انتقل للخطوة التالية وهي دور عربيتك شدددددددددد حزام الامان اطلع علي طريق فاضي وانت علي سرعة 80 دوووووووووووووووس فرملة جامدة مفاجئة هتحس بصوت هزة كانك بتدوس فرامل وتسيب وهتحسها في الدواسة تحت رجلك وقارن الصوت دا للي بيطلعلك لو نفس الصوت يبقي كدا عيب abs لو صوت تاني يبقي عيب تاني بس نصيحة ماتسكتش عالفرامل مافيهاش هزااااااااااااااااااااااا اااااااااااااااار واكيد انت عارف الاتنين الي مالهمش امان