إتعرضت لحادثة بسبب عدم عمل فرامل الـ 301

**Mohamed_Ayman** · 10-03-2015 03:20 AM

أستاذ أشرف ،

أشكرك على موقفك الايجابى ، والحمد لله قدر ولطف ... ربنا يوفقك وينصر الحق.

**mkozaq** · 11-03-2015 03:32 PM

بص مش هخرج من الموضوع الاساسي الخاص ببيجو علشان احكي اللي حصل من توكيل رينو . بس لو عاوز تعرف هقولك كلمه واحده بس . ميجان 2005 . عموما انا متابع اخبارك و مستني اعرف هتوصل ل ايه مع وجيه اباظه قبل ما اتعامل معاه و لو احتجت حاجه من الصعايده . وي ار هيير :) :)

**Ashraf Fawzy** · 12-03-2015 07:45 AM

المشاركة الأصلية كتبت بواسطة mkozaq

بص مش هخرج من الموضوع الاساسي الخاص ببيجو علشان احكي اللي حصل من توكيل رينو . بس لو عاوز تعرف هقولك كلمه واحده بس . ميجان 2005 . عموما انا متابع اخبارك و مستني اعرف هتوصل ل ايه مع وجيه اباظه قبل ما اتعامل معاه و لو احتجت حاجه من الصعايده . وي ار هيير :) :)

ربنا يبارك فيك و فى مساندتكم, انا ماكنش ليا تعامل مباشر مع رينو عشان كدا ذكرت "عن سمع" :)

و إن شاء الله هاتابع معاكم أول بأول مجريات الأمور مع شركة cdcm الوكيل الرسمى و الوحيد لشركة بيجو فى مصر.

**mkozaq** · 14-03-2015 02:16 AM

ايه اخر الاخبار و التطورات يا استاذ اشرف . يا تري وصلت لفين . انا علي فكره بسبب اللي حصل معاك حجزت لوجان هاي لاين اوتو

**Ashraf Fawzy** · 14-03-2015 12:27 PM

المشاركة الأصلية كتبت بواسطة mkozaq

ايه اخر الاخبار و التطورات يا استاذ اشرف . يا تري وصلت لفين . انا علي فكره بسبب اللي حصل معاك حجزت لوجان هاي لاين اوتو

ربنا يبارك فيك و فى متابعتك و مساندتك ليا, انا حالياً فى إنتظار دورى فى جلسات حماية المستهلك و اللى هايتم فيها طلب لجنة فنية لفحص فرامل السيارة و طلب شهادة من توكيل بيجو بمطابقة أجزاء وحدة الفرامل (زى التيل و الطنابير) للمواصفات القياسية التى ينص عليها القانون.

و ألف مبروك عليك الحجز و تستلم على خير بإذن الله و ربنا يرزقك خيرها و يكفيك شرها.

**Ashraf Fawzy** · 16-03-2015 10:31 PM

طبعاً انا مازلت فى إنتظار تحديد ميعاد جلسة ليا فى جهاز حماية المستهلك, علماً بإن جهاز حماية المستهلك أبلغ شركة بيجو بالمشكلة يوم 26 فبراير و فضلوا منتظرين ردهم النهائى لغاية مارحتلهم يوم 8 مارس عشان يحصلوا منهم على الرد النهائى و بصورة كتابية, و لغاية النهاردة لم يتم تحديد ميعاد الجلسة.

**Ashraf Fawzy** · 17-03-2015 05:34 PM

أخر التطورات مع شركة بيجو و مشكلة الفرامل 17 مارس 2015

رحت النهاردة (17 مارس 2015) جهاز حماية المستهلك أشوف ميعاد لجنى إمتى, و للإسف لقيت إن توكيل بيجو لم يقم بإرسال رده كتابياً بالفاكس لجهاز حماية المستهلك يوم 8 مارس 2015 كما كان ينبغى أن يفعل (بناءً على إتصال جهاز حماية المستهلك بهم) و كما تم إخبارى بذلك حين ذهبت لجهاز حماية المستهلك يوم 8 مارس 2015, و إنهم لسه النهاردة موصلين ردهم كتابياً لجهاز حماية المستهلك يداً بيد (شوفوا الصدف يا جدعان, فى اليوم اللى أنا أروح حماية المستهلك يبقى توكيل بيجو بيوصل الرد كتابياً).

تم إبلاغى اليوم فى حماية المستهلك إن هايتم الإتصال بيا بعد إسبوع بميعاد إنعقاد اللجنة اللى هايحضرها مندوب من الشركة و اللى المفروض هايتم فيها تحديد ميعاد فحص فنى للسيارة.

أحب أفكركم إن جهاز حماية المستهلك أبلغ شركة بيجو بالمشكلة يوم 26 فبراير 2015 و لسه النهاردة توكيل بيجو بيبعت الرد كتابياً ... قمة الإستهتار بحياة عملاءه و عدم الإحساس بالمسؤلية لتحمل نتائج أخطاءه.

‫#‏بيجو‬ ‫#‏بيجو_مصر‬ #301
‪#‎Peugeot‬ ‪#‎PeugeotEgypt‬ ‪#‎Peugeot_Egypt‬ ‪#‎PeugeotCDCM‬ ‪#‎CDCM

**abdulkhaleq** · 17-03-2015 08:35 PM

الله معاك
اتكلم قدامهم بثقه وبحده وباحترام
واكتب الوقائع في ورقه عشان ماتنساش حاجه بالتواريخ

**Ashraf Fawzy** · 20-03-2015 01:42 PM

المشاركة الأصلية كتبت بواسطة abdulkhaleq

الله معاك
اتكلم قدامهم بثقه وبحده وباحترام
واكتب الوقائع في ورقه عشان ماتنساش حاجه بالتواريخ

ربنا يباركلك على النصيحة الغالية دى, و دعواتكم ليا بالتوفيق بإذن الله.

**Ashraf Fawzy** · 22-03-2015 02:59 PM

رحت النهاردة 22 مارس 2015 جهاز حماية المستهلك (إدارة السيارات) بالمهندسين عشان أتابع شكوتى, للإسف الإستاذ حسام عبد الموجود المسؤل عن شكوتى ماكنش موجود النهاردة, و الإستاذ أحمد (بنفس الإدارة) مشكوراً طلب منى أتابع معاهم بالتليفون بدل المشوار من أكتوبر و أنتظر إتصالهم بيا بتحديد ميعاد الجلسة للإستماع لشكوتى. هانت بإذن الله, دعواتكم بالتوفيق.