الموضوع: حد بيفهم فى الطيارات الحربية يفهمنا يعنى ايةطيارة رافال وسوخوى

ايه حكاية طيارة قديمة من عشين سنة ,طب ما اللينكس الهلوكبتر الانجليزي اسرع كبتر من السبعينات وبلاد كتير بتشتريها ولسه في الخدمه شغالة زي اللسعة.مهياش عربيه موديل السنة

ايه عيب السوخوي 35 .ممكن فيها امكانات اعلي ,وفي 73 طيرانا كان روسي وقالوا تقيل ونجح

المشاركة الأصلية كتبت بواسطة Mecha

فعلا الطائرات تاني تكنولوجيا بعد الفضاء في العالم .فيه برنامج حلو اسمو crash investigation ممكن علي ديسكفري او ناشيونال جيوجرافيك .الجميل بتلاقي اسس الميكانيكا مطبقه مثلا طياره وقعت بسبب الوقود سرب .وسببه الميكانيكي طلب كلامبات لماسورة جاز او JET A لمكنة لرولز المهم كانوا مستعجلين يلا يلا وسحبوها منو وجت الماسورة اكسرت في الجو من الاهتزازات.وواحده تانية وقعت بسبب عدم تشحيم مرفاع دفة الديل والبلي فرك وفي الاخر كسر الديل . وبردك سخانات الوقود ولعبة الدفع العكسي للفرمله .فيها هيدروليك كتير .اللي يغيظ المسامير الصليبه الكتير في الجناح.ههههههه

air crash investigation برنامج جميل جدا ... مش علشان حوادث الطائرات فقط .... كمان علشان اسلوب الشرح و الرسومات الى بيعملوها فيه و بتوضح حاجات كتير

جسم الطيارة فيه برشام كتير .... و فيه بعض المسامير الموجودى فى جسم الجناح من اسفل
و من الاعطال المشهورة جدا .... تلف بعض هذه البراشيم ... مما يستلزم اعادة دقها مرة تانية

درجة الحرارة جوة غرفة الحريق بتوصل ل 3000 درجة تقريبا ... بس اهم حاجة ... انها توصل لاقل من 1200 درجة قبل ما تخبط فى ريش التربينة
بيعملوا حاجة زى ستارة هواء بارد حوالين ريش المرحلة الثابتة الاولى الى بعد غرفة الحريق مباشرة

ده غير ستارة الهواء الى بتكون حوالين غرفة الحريق من جوة لاحكام الحريق فى منطقة معينة و البعد عن الجدران قدر ما نستطيع

الطائرات عمرها طويل ... مش علشان جودة الخامات المستخدمة او دقة الصناعة ( و ده بيحصل فعلا ) .... انما علشان الصيانات الى بتتعمل على طول و على فترات ثابتة .. مفيش مشكلة ان الطائرة تعيش اكثر من 30 سنة كمان

الميج 21 الى فى الجيش ... فيه بعض منها موديل اواخر الستينات
الايرباص 300-600 و ال 300-B4 من الثمانينات و لا زالت فى مصر للطيران

السوخوى 35 لسة محدش يعرف عيوبها علشان لسة مدخلتش الخدمة

اما عن طيراننا الروسى فى 73 .. فده قصة لوحده

ايه اخبار الكفاءة والوقود .من فترة عرفنا د.هاني خاطر في كندا كان حسن استهلاك الوقود

المشاركة الأصلية كتبت بواسطة mecha

ايه عيب السوخوي 35 .ممكن فيها امكانات اعلي ,وفي 73 طيرانا كان روسي وقالوا تقيل ونجح

1-هناك فرق بين طائره السيادة الجويه ، وطائره متعددة المهام. القوات الجويه المصريه تفضل متعددة المهام.

2- الطائرات الروسيه لها نسخة مخصصه للتصدير وتكون أقل بالكفائه من المستخدمة بروسيا.

3- اللي الان لم يكتفي الجيش الروسي من الطائره لذلك تحتاج لانتظار 3 سنوات علي الاقل.

---

في المقابل من الجانب الفرنسي..

1- الطائره رافال متعددة المهام مثل الـ f16 المصريه ولكن مع أختلاف الاجيال.

2- النسخة مثل المستخدمة بالجيش الفرنسي تماما، الشيء الوحيد المنزوع هو أمكانيه حمل رؤس نوويه.

3- الجيش الفرنسي لديه أكتفاء من الطائره لذلك لن تحتاج للانتظار، وهتاخد طائراتك من طلبيه كانت مخصصه للقوات الجويه الفرنسيه.

4- وأخيرا لا تنسي الفرقاطة فريم اللتي ستستلمها إيضا بأقرب وقت.

المشاركة الأصلية كتبت بواسطة mecha

ايه اخبار الكفاءة والوقود .من فترة عرفنا د.هاني خاطر في كندا كان حسن استهلاك الوقود

عذرا .. انا مش فاهم ... حضرتك تقصد ايه بالكفاءة و الوقود ؟؟

الطائرات الحربية بتختلف شوية فى التقييم عن الطائرات المدنية .... فمثلا .. محدش بيتكلم عن استهلاك اف 117 ( الشبح المقاتلة ) عن استهلاك الوقود عالى او لأ ... علشان دى بتأدى مهمة غير عادية
بصفة عامة ... تطوير المحركات بيشمل تطوير فى استهلاك الوقود

عذرا .. ياريت تعرفنا ايه الى عملوا دكتور هانى خاطر :)