الموضوع: محتاج نصائحكم - النهاردة اول يوم سواقة فعلي

المشاركة الأصلية كتبت بواسطة shadyaboulhagg

الاول السلام عليكم ايها الاعضاء الكرام
النهاردة كان اول يوم ليا اسوق فيه العربية ومحدش بيعرف يسوق راكب جمبي
العربية لسة زيرو geely emgrand ec7 اخدتها من الجراج خلف حديقة بدر جسر السويس العصر كدا شوارع ضيقة وعربيات راكنة يمين وشمال وملفات .. الخ الخ الخ :b4_592:
وروحت ركنتها تحت البيت ...... ثم
بعد اذان العشاء 8:00 كدا توكلت علي الله وخرجت من تحت البيت ودي اول مرة اسوق فيها لوحدي ... وطلعت من تحت البيت ثم شارع العشرين خلف حديقة بدر ثم جسر السويس حتي التجنيد ثم الي المطرية ثم الي شارع المطراوي ........ ورجعت علي الساعة 1:30 بالليل

الحمد لله رجعت سليم .. والعربية سليمة بس مسلمتش طبعا من سخافات الناس فـ الشارع ولا كلاكسات العربيات اللي حواليا ... لان بصراحة العربية كانت بتبطل مني وانا واقف علي مطلع او ارض مش مستوية ... لدرجة ان دخلة شارع المطراوي .. الارض مش مستوية ومش متسفلتة العربية بطلت اكتر مني لدرجة ان شاب ربنا يكرمه هو اللي عداني الحتة النحس دي ....


محتاج نصايحكم بجد في موضوع تبطيل العربية ... غير موضوع سنة سنة دا لاني اصلا بطلع دبرياج بس علي راااااااااااااااااااحتي ثانيا وانا علي مطلع بدي سنة بنزين

ليه بقا بتقف !!!!!!!!

انا عارف ان انا رغيت كتيرر بس حبيت اشرككم معايا التجربة اللذيذة والجريئة فـ نفس الوقت اني اطلع حتت زي دي لاول مرة بسوق فيها :e_braces[1]:

اتحفوني بالنصايح يا اصحاب الخبرة

اولا الف مبروك وربنا يستر طريقك
انا معايا 127 فيورا فمعرفش الميكانيزم مختلفة عن عندك ولا لا
بس انا بدوس دبرياج على الاخر وافضل دايس على البنزين براحة لحد ماسمع صوته وبعدين اجيب الاول واقوم رافع رجلى واحدة واحدة من على الدبرياج واول ما تتحرك اقوم مثبت رجلى ع الدبرياج وازود سنة بنزين بسيطة
لحد ما اشيلها ببطئ جامد
ورجلى كل دة ع البنزين
بص هى عاملة زى الميزان كدة ولو حسيت ان العربية هتبطل منك دوس دبرياج ع الاخر تانى وهتلحق نفسك
اهم حاجة حاول تتمرن ع الموضوع دة فى الشارع انا عملت كدة بقيت ارجع لورا ولقدام مسافات صغيرة وهكذا لحد ما رجلى اتعودت
وخلى بالك موضوع تبطيل العربية لو على مطلع كوبرى او منحدر لاعلى بتلحق نفسك بالهاند بريك عشان متنزلش وراك ومتخفش مع الوقت هتلاقى رجلك بتعمل لوحدها وكل ما تبقى متوتر كل ما هتبطل منك اكتر حتى لو بتسوق بقالك سنين لان دة حصل معايا
اهم حاجة فى السواقة تعود وخبرة اتعلم تمشي فى طرق وزحمة وتروح مشاوير كتير وكل حاجة هتبقى تمام
وربنا يوفقك ويحميك :)

[marq="3;down;3;scroll"]تسلملي يا باشا علي ذوقك ونصايحك [/marq]