ناس عايزه تتجوز وناس ندمانه علي الجواز

**ibrahim sallam** · 23-03-2015 06:41 PM

المشاركة الأصلية كتبت بواسطة yasserelgohary

لما شوفت الايطاليات فى امم أوروبا علقوا معايا اوى :))

ههههههههه ركزت انت

**reda elgohary** · 23-03-2015 06:45 PM

متابع .

**sherif222** · 23-03-2015 08:15 PM

جواز الصالونات مضمون بنسبة 99%

**hitman235** · 24-03-2015 07:51 AM

المشاركة الأصلية كتبت بواسطة sherif222

جواز الصالونات مضمون بنسبة 99%

هو ممكن يكون ناجح لو تم لكن كأسلوب بيفشل كتير فى البدايات خصوصا انهمش مناسب لكل الناس لأن نسبه كبيره من البنات المتاحه بالاسلوب ده فرصهم فى الجواز مش كبيره اوى اساسا و اكتر من 99% من الوقت بيكون شكلهم اقل من المتوسط و مش دايما بتكون اسره البنت و اهلها كويسين كمان و لأن الى بيتجوز صالونات بيفكر بعقله اكتر فسهل يرفض او ينهى عند اول مشكله
ثانيا مش كل الى اتجوزوا صالونات حبوا بعض و من غير حب اعتقد فكره الجواز هتبقى زى قلتها لأن هيفضل عندك الفراغ الى كان عندك قبل ما تتجوز

**medosalah** · 25-03-2015 02:52 PM

يا ريت يا جماعه اللي ليه تجربه يقدر يفيدنا بيها ما يبخلش علينا

فين تجارب الشباب في اختيار شريك الحياه؟؟؟

**Eng_Doaa** · 25-03-2015 05:12 PM

هو يعنى ايه جواز صالونات ؟؟

يعنى ناس ترشحلك بيت محترم و اهله محترمين و بنتهم على خلق و متربية و متعلمة و انت تدخل البيت من بابه ايه العيب فى كده ؟

و لا الافضل انك تفضل تشوف اللى ماشية فى الشارع او معاك فى الشغل و ما تعرفش عنهم و لا عن بيتهم اى حاجة و بس لمجرد انها تبان حلوة يبقى تنفع للجواز .

جواز الصالونات هو الرقى فى الاختيار مش زى ما الشباب فاكر . و احسن بكتير من انك تفضل تتعرف على واحده و اتنين و تلاتة و انتب برده هتكون عندها رقم تلاثه عشان هى اكيد ده اسلوبها فى الاختيار انها تتعرف على شباب كتير برده و معندهاش حرمانية فى الموضوع ده خالص .

الطيبون للطيبات :)

**medosalah** · 25-03-2015 08:15 PM

المشاركة الأصلية كتبت بواسطة eng_doaa

هو يعنى ايه جواز صالونات ؟؟

يعنى ناس ترشحلك بيت محترم و اهله محترمين و بنتهم على خلق و متربية و متعلمة و انت تدخل البيت من بابه ايه العيب فى كده ؟

و لا الافضل انك تفضل تشوف اللى ماشية فى الشارع او معاك فى الشغل و ما تعرفش عنهم و لا عن بيتهم اى حاجة و بس لمجرد انها تبان حلوة يبقى تنفع للجواز .

جواز الصالونات هو الرقى فى الاختيار مش زى ما الشباب فاكر . و احسن بكتير من انك تفضل تتعرف على واحده و اتنين و تلاتة و انتب برده هتكون عندها رقم تلاثه عشان هى اكيد ده اسلوبها فى الاختيار انها تتعرف على شباب كتير برده و معندهاش حرمانية فى الموضوع ده خالص .

الطيبون للطيبات :)

انا هعلق علي كام نقطه

1..... (الطيبون للطيبات ) ليس لها علاقه بالزواج وانما علماء التفسير فسروها ان معناها ان القول والفعل الطيب يخرج من اطيبون .. اهل البر والصلاح

2.... حضرتك صح تماما في موضوع ان جواز الصالونات في الغالب بيكون اضمن وارقي والشاب المتقدم علي الاقل بيبقي مرتاح نفسيا وماعندوش خوف من ان البنت تكون من النوع الفريييي اللي عنده كل حاجه سهله والاختلاط سهل وتعدي حدودها سهل وتصاحب ده ثم ده سهل وعندها غراميات وحب وحوارات بسسسسسسسس

جواز الصالونات في منه طرق تانيه انا افضلها
زي مثلا الشاب شاف زميله في العمل او الدراسه بيعجب بيها كشكل اولا ثم يراقب تصرفاتها ويعجب بطباعا وحدودها في التعامل مع الناس وبعد فتره يصارحها انه عايز يتقدملها في البيت لو كانت مش مرتبطه ثم يروح البيت من بابه ويقابل الوالد والعيله ثم يتعرفوا علي بعض اكثر في وجود الاهل

**aymanshebl** · 26-03-2015 08:34 AM

للاسف الجواز مشروع فاشل لان البنت بيبقى اهتمامها الاول و الاخير اهلها و اخر حاجة الزوج ده غير عدم النضج و العناد على الفاضى

**Eng_Doaa** · 26-03-2015 10:34 AM

الطيبون للطيبات لها كذا تفسير من ضمنها الطيبون من الرجال للطيبات من النساء لأن السورة سورة النور تتكلم فى اولها عن الزانى و الزانية . اقرأ تفسير القرطبى ستجده مفصلا على كذا قول من اقوال العلماء .

فى بنات مش بتخرج و بنات مش بتشتغل هل منتظر انها تنزل تتعرف على اى حد من الشارع ؟

جواز الصالونات و الانتريهات الاعلام ظلمه كتير . لكنى اراه من أنقى طرق الاختيار لبناء بيت صالح .

المشاركة الأصلية كتبت بواسطة medosalah

انا هعلق علي كام نقطه

1..... (الطيبون للطيبات ) ليس لها علاقه بالزواج وانما علماء التفسير فسروها ان معناها ان القول والفعل الطيب يخرج من اطيبون .. اهل البر والصلاح

2.... حضرتك صح تماما في موضوع ان جواز الصالونات في الغالب بيكون اضمن وارقي والشاب المتقدم علي الاقل بيبقي مرتاح نفسيا وماعندوش خوف من ان البنت تكون من النوع الفريييي اللي عنده كل حاجه سهله والاختلاط سهل وتعدي حدودها سهل وتصاحب ده ثم ده سهل وعندها غراميات وحب وحوارات بسسسسسسسس

جواز الصالونات في منه طرق تانيه انا افضلها
زي مثلا الشاب شاف زميله في العمل او الدراسه بيعجب بيها كشكل اولا ثم يراقب تصرفاتها ويعجب بطباعا وحدودها في التعامل مع الناس وبعد فتره يصارحها انه عايز يتقدملها في البيت لو كانت مش مرتبطه ثم يروح البيت من بابه ويقابل الوالد والعيله ثم يتعرفوا علي بعض اكثر في وجود الاهل

**Ahmedmiy** · 26-03-2015 04:28 PM

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

ما شاء الله الموضوع كله جميل وخصوصا مشاركات المهندسة دعاء

يا دكتور محمد إن شاء الله احاول اكتب خلاصات التجربة الشخصية باختصار شديد يمكن تكون مفيده إن شاء الله

1- صلاة الاستخارة وصلاة طلب الحاجة
2- كما قال رسول الله عليه الصلاة والسلام . أظفر بذات الدين تربت يداك
3- على قدر شخصك ستكون زوجتك أو كما قالوا إذا أردت أن تفوز بزوجة كالسيدة فاطمة بنت الرسول عليه الصلاة والسلام فلابد أن تكون أنت كسيدنا على رضي الله عنه
4- ابحث عن بيت يكون محافظ على بنته كويس
5- ما تكنش العروسة نزلت شغل فى اى مكان كان
6- كما ستكون اخلاق الاب أو الام أو الأخ أو ولى الامر ستكون بالضبط أخلاق البنت
7- الاهم أن تبحث على من تتوسم فيها انها تعرف الحد الادنى من التدين وتعرف حقوق الاسرة وستقدرك وتحبك وليس من سوف تكون معجب بها واذا وجدتها وفقدتها فقد خسرت بجد

بعض النقاط الاخيرة ليست قواعد ثابتة قد ينقص عنصر ويزيد أخر فلا نعلم الغيب ولن نعلمه فتوكل على الله حق التوكل

ان شاء الله ربنا يرزقك الزوجة الصالحة وعجل يا دكتور ان شاء الله علشان تستقر وتعالجنا ربنا يبارك فيك

سبحان الله وبحمده سبحان الله العظيم

الحمد لله

الموضوع: ناس عايزه تتجوز وناس ندمانه علي الجواز

LinkBack

أدوات الموضوع

عرض

-

-

-

-

-

المواضيع المتشابهه

الجواز والله يخربيت الجواز

لسة مستلم العربية وناس كتير بتفتى وهتبوظلى الدنيا ارجوكم فيدونى

محدش يستعمل مياه من الحنفية - الموضوع خطير وناس كتير بتستعملها

الكلمات الدلالية لهذا الموضوع

المفضلات

المفضلات

ضوابط المشاركة