الموضوع: ايه رئيكم نبدء دورة صيانة الفولكس البيتلز

عند شراء كربرتير للبيتل جديد
احترس لان فيه دلوقتى منه صينى مقلد سعره رخيص جدا
ممكن التاجر يبيعهولك على انه المانى بأضعاف سعره
والصورة بتوضح الاصلى من المقلد
الاصلى دايما فيه العلامه محفورة

وده القديم خالص الامانى بتاع موديلات الستينات

افضل مقاس كاوتش للبيتلز
مناسب لارتفاعها عن الارض ويحافظ على العفشه
بالاخص للناس اللى بتحخب تخلى العربيه واطيه






ولا يفضل هذا المقاس مع انخفاض العربيه
لانه هيسبب احتكاك بين الكاوتش والرفرف فى الملفات

شوية احطياطات لمنع اشتعال النار لاقدر الله فى مواتير البيتلز
بالاخص واحنا فى دخول فصل الصيف
ماتور البيتلز معرض لاشتعال النار فيه وليس لسبب عيب فيه
لاكن بسبب اهمال اخوننا الصنايعيه ربنا يهديهم
ولتلافى هذه المشكله
دى بعض الحلول








1- نحاول نثبت خرطوم نقل البنزين للكربرتير
جبدا ويفضل هذه الطريقه



اخطر طرف سلك فيه كهرباء قويه
هو اللى خارج من الدينامو يفضل
نخليه داخل خرطوم حرارى زى الصورة




2- اغب الميكانيكيه بيخلو فلتر البنزين جنب الكربرتير
وده خطأ شائع

لان الفلاتر مصنوعه من بلاستيك رديء جدا لا يتحمل درجات الحرارة العاليه




طبعا هما بيخلو الفلتر فوق جنب الكربرتير علشان يبقى سهل فى الاستبدال افضل ماينزل تحت العربيه


ولو عايز تخليه جنب الكربرتير يبقى خاول تجيب الفلتر المعدنى ده





طبعا ده المكان الصحيح لفلتر البنزين فى البيتلز

تحت جنب العجله الخلفيه من ناحية السائق



طبعا الناحيه الداخليه اللى رايحه للماتور تبقى خرطوم معدنى



وطبعا لاغنى عن وجود طفاية الحريق رغم كل الاحطياطات
كمان لازم نحط عازل على البطاريه لانها تحت الكرسى ومعرض ان المعدن بتاع الكرسى يسبب تلامس

ربنا يسترها علينا جميعا
معلش ياجماعه انا حاسس انى سببت ليكم قلق
لاكن الموضوع مهم ولازم الكل يحترس
ودايما حاول تشوف كل الشغل بنفسك عند اى صنايعى وبالاخص الكهربائيه
لانه ممكن بغلطه بسيطه منه يخسرنا كثير
وطبعا المشاكل دى مش فى البيتل بس
دى فى كل السيارات

على فكره يابو سالم انت لو جبت عربيه غير البيتلز
انا هزعل جدا
انت بقيت علامه من علامات البيتلز

انا هجيب بيتلز مخصوص علشان افضل محافظ على صداقتكم
ان شاء الله جارى التفاوض على عربيه
بس ايه تحفه
هتبقى مفاجئه
ربنا يسهل الحال باذن الله

استاذ كبير جدا والله
بجد معلومات رهيبة وخصوصا موضوع الحريق
يا ريت تحاول تجيب معلومات اكتر عن اسباب الحريق المختلفة
وطرق تلافيها

وهل لا قدر الله لو حصل حريق فى الماتور بيوصل لتنك البنزين
وهل لو الحريق عند الموتور بس الركاب بيوصلهم الحريق عن طريق الكنبة اللي ورا


فعلا موضوع مهم محتاج تخليه في موضوع منفصل والادارة تثبته بعد ما تجيب كل تفاصيله
هيفيد الناس كتير

_____________
محمد سالم