الموضوع: ايه رئيكم نبدء دورة صيانة الفولكس البيتلز

دى صورة للعدادات اللى ممكن نحتاجها علشان نتابع كل شيء فى العربيه
زى الشحن ولفات الماتور و و الخ

ودى صور لعدادات ديجيتال بتتركب فى البيتلز
وياريت لو حد شافها قبل كده يقولنا بتتباع فين

السلام عليكم
سمعت ناس كتير بتشتكى ان العربيه البيتلز بتنقط زيت من تحت الماتور
[IMG][/IMG]
عايزين نعرف ايه سبب تنقيط الزيت
وازاى نحل المشكله دى
اولا فى 5 اماكن هما بس اللى ممكن يتسرب منهم زيت اولهم
1- اولسيه الكرنك وثمنه تقريبا 20 جنيه لاكن مشكلته اننا لازم ننزل الماتور علشان نغيره ولازم نشترى الاصلى علشان مايبوظش بسرعه طبعا تنزيل ماتور البيتلز يتراوح بين 50 الى 70 جنيه ولو نزلت الماتور علشان اولسيه الكرنك حاول تكشف بالمره على الديسك والاسطوانه بتوع الدبرياج علشان لو تعبانين يتغيرو بالمره والماتور نازل
[IMG][/IMG]
ونعرف ان التنقيط من اولسيه الكرنك لو كانت نقط الزيت تحت العربيه فى المنتصف بالظبط مابين الماتور والفتيس تقريبا او كما يقال عند تلاقى الماتور مع الفتيس
والحل اننا نغير جوان وش التاكيه وهو تقريبا الواحد ب 5 جنيه
وده شكله ولو الزيت من جوان وش التاكيه هيكون التنقيط على الجانب اليمين او الجانب اليسار اسفل الماتور
[IMG][/IMG]
2- من الجوان اللى تحت الجزء اللى بتركب فيه طابة اللى بنزل منها زيت الماتور
وفى الحاله دى هتلاقى زيت على الماتور من تحت على الطابه وحولها وتحتها مباشرة على الارضوهيكون نقط الزيت على الارض فى نص العربيه برده لاكن متجه للخلف اكثر اما فى حاله اولسيه الكرنك بيبقى للامام اكثر
[IMG][/IMG]
والحل اننا نغير الجوانات دى وهى اقل من 10 جنيه برده تقريبا
[IMG][/IMG]
3- ممكن الزيت يجى من اسفل الكاوتش اللى بيغطى الاكس الخلفى بيكون فى اكسين واحد جهة اليمين وواحد جهة اليسار هما بالظبط زى الكبالن ولو الزيت بينقط منهم هيكون التنقيط اسفل الاكس مباشرة وده هيكون زيت فتيس مش زيت ماتور
والحل اننا نغير الكاوتش ده انا مش فاكر اسمه بالظبط لاكن هتعرفوه من الصوره
[IMG][/IMG]
[IMG][/IMG]
طبعا هيكون الزيت بسيط جدا وهتلاقى ترشيح على الكاوتشه القديمه وهتلاقيها مقطوعه
4- فى قواعد بتركب فى الماتور من تحت اسفل السربنتينه ممكن تكون بايظه او التسريب من السربنتينه اللى هى بتبرد الزيت وهى تعتبر زى الريدياتير بس هيكون برده الزيت فى نص الماتور لاكن هيكون فى زيت على الماتور من فوق كمان
ده شكل السربنتينه
[IMG][/IMG]
[IMG][/IMG]
5- لو بقى الزيت على الماتور فوق الطنبوره ده يبقى من الجوان اللى فى المكان ده لاكن برده انا مش عارف الاسم بالظبط
[IMG][/IMG]
والحل اننا نغير الجوان اللى هنا وده بيبوظ لو الماتور بيسخن زياده عن الازم
وهى تقريبا بيتقال عليها قاعدة الدينامو
[IMG][/IMG]

ودى تقريبا كل الاماكن اللى ممكن يتسرب منها الزيت