الموضوع: ايه رئيكم نبدء دورة صيانة الفولكس البيتلز

مخطط كهرباء البيتلز 1600 سى سى

السلام عليكم و رحمة الله
شكرا يا أستاذ احمد على أهتمامك بسؤالى وأحب أن أسجل لك أعجابى بطريقة مشاركتك فى المواضيع حيث أنك تتبع الأسلوب العلمى الموثق ودة طبعا بياخد مجهود ووقت من حضرتك بارك الله فيك
بالنسبة لموضوع البوجية والزيت فلى سؤال أخر وهو هل ممكن أن الصباب يتسبب فى وجود زيت على البوجية لوهناك تلف بة ,وهل الصباب الخاص بماتور البيتلز بة جوانات كوتش مثل المواتير العادية أم لا, وأنا عندى حاليا مش بيخرج دخان من الماتور بس لما أشتريت العربية كنت أول ما أقوم بتشغيل الماتور يخرج دخان مزرق زى ما يكون فية رائحة زيت وقد قمت بمحاولات لكى أظبط الكاربراتير بنفسى لأن الميكانيكى اللى رحتلة ما كانش ظابطة كويس و كان عندى أعتقاد أنة يتسبب فى أستهلاك البنزين بدرجة كبيرة وبعد محاولات كثيرة من الظبط وجدت أن الدخان اللى كنت الاحظة عند بداية التشغيل أختفى وعلى فكرة الدخان دة كان لونة أزرق مش أسود ورائحتة زى دخان عادم الموتسيكل فهل عدم ضبط الكاربراتير يسبب أيضا نسبة من وجود الزيت على البوجيهات؟
وشكرا لك على مجهوداتك الرائعة.

والله فعلا حل حلو
وانا عامل موضوع جديد عن عمره البيتلز
يا تري تتكلم كام العمره كامله
ولو عملت طقم شمبر بس يتكلفكام
وهل لو اتعملة البوجيهات حتجيب زيت
او العربيه تدخن
ممكن نكمل كلامنا في الموضوع نفسه اوهنا اللي يريحكوا

السلام عليكم
بالنسبه لاستفسار الاستاذ عرفات
اشكرك جدا على كلاماتك الجميله والله كل لما بلاقى كلام كده كويس بتشجع اكتر
اما موضوع الجوانات الكاوتش فانا اعتقد انها غير موجوده فى البيتلز
وموضوع الدخان اللى بيخرج بعد ماندور الماتور مباشرة ده اكيد بيكون ظبط كهربا وكربرتير بس بالاكثر الكهرباء
وانا هضيف شوية صور بتشرح الكربرتير من شركةفولكس خاصه بالبيتلز

والله العظيم ربنا هيبركلك ياباشا كان عندي استفسار بسيط وهو ان العربيه عندي مبتدخنش ولا بتسخن بس المشكله ان في نقص في ازيت بسيط فده ممكن يكون سببه ايه ولو طقم شنبر كلفته هتكون كام بالمصنعيات

محمد بركات

السلام عليكم
اولا ايه كمية الزيت اللى بتنص عندك بعد 1000 كيلو
ثانيا الشنبر مش هو السبب الوحيد لنقص الزيت ممكن يكون اولسيه الكرنك عايز يتغير وهو بيتكلف بالمصنعيه حوالى 100 جنيه
اما طقم الشنبر فأنا سمعت انه من عند بتوع قطع الغيار بيعمل فى حدود 100 او 105 وبنجيب كمان جوان وش سلندر ب 50 جنيه وانت وشطارطك بقى فى المصنعيه بس هى ممكن تكون 200 او اكثر تقريبا انا بقول انك لو حبيت تعمل طقم شنبر اعمل حسابك بالزياده فى 700 جنيه علشان ممكن تلاقى اسطوانة الدبرايج عايزه تتغير فالافضل انك يكون معاك المبلغ ده تقريبا بالزياده لأى طوارئ

السلام عليكم
علب الشكمان الرياضيه الخاصة باليتلز انا هحط صور العلب وياريت تساعدونا فى الحصول على اسطى بتاع شكمانات يقوم بتصميمها
وكلنا نتعامل معاه ان شاء الله