ايه رئيكم نبدء دورة صيانة الفولكس البيتلز

**أحمد سالم** · 18-11-2008 04:44 PM

الصورة المرفق بتبين 3 مواضع بيتم ظبط الكربرتير منهم
رقم 1- مسمار ظبط الهوا وظيفته بيعلى الماتور
2- تنظيم مرور البنزين داخل الكربرتير
3- تنظيم مرور الهواء داخل الكربرتير
والمفروض ان رقم 4 بيكون بيك السلانسيه
وظيفته انه بينظم مرور البنزين مع الهوا بعد مرورهم من المسامير السابقه
طبعا الصورة اللى جايه بتبين قيم فتح وغلق المفاتيح الثلاثه
واللى عنده معلومه فى الموضوع ده يارت يفيدنا

ودى صور للكربرتير من الداخل

والصور اللى جاية اعتقد انها بتشرح بيكات الكربرتير احجامها وادائها تقريبا

**ahit** · 19-11-2008 06:27 PM

السلام عليكم

كلام جميل جداً و مجهود ممتاز من الأستاذ و المرجع أحمد سالم
بس ياريت ترجمة واضحة و مفهومة للكلام اللى موجود فى الصوره دى عشان نستفيد كلنا
شكراً

**أحمد سالم** · 20-11-2008 11:04 AM

السلام عليكم
اولا التاكيهات هى صمامات مسؤله عن دخول وخروج البنزين والهواء وخروج العادم من غرفة الاحتراق اللى هى وش البستم من فوق
والصمامات دى لازم تكون مظبوطة وموحده فى فتحها لان لو كانت مقفوله زياده او مفتوحة زياده تعمل مشاكل فى الماتور
الشرح بالصور
اولا ده شكل الجزء اللى بتمر فيه التاكيهات

وده شكلها وهى راكبه فى الماتور وطبعا عليها غطى وش التاكيهات

وهنا شلنا الغطا

وده جوان وش التاكيه

وده الجوان القديم

[img=http://img167.imageshack.us/img167/9472/57614393jw8.png]

طبعا الصورة الاخيرة اللى بالاحمر بتبين
المقاس الطلوب للفتح التاكيه
والمقاس ده بيتعرف بقطعه اسمها الفيلر
ودى صورته اللى بيقيس بيه البوجيه

هى كلها شرائه كل شريحة عليها المقاس بتاعها
بتتحط تحت الفتحه
وبنمسك صامولة التاكيه بمفتاح ونفتح ونقفل بالمفك
بس ظبط التاكيهات فى البيتلز بيبقى ليه طريقه لان الظبط بيتم مره من ناحية اليمين ومره من ناحية اليسار
وده بيتوقف على رفع البساتم
وده اللى هنشرحة فى الجزء التانى

**El.Hossieny** · 20-11-2008 11:15 AM

الله ينور عليك يا ابو حميييد .... صور فعلا اكثر من رائعة ..... و مجهود متميز ...

**أحمد سالم** · 20-11-2008 01:46 PM

ظبط التاكيهات الجزء التانى
ده شكل الفيلر اللى بنقيس بيهالمسافه بتاعة فتحة التاكيهات

وطبعا لازم يكون معانا مفتاح ومفك زى كده

وده طريقة عمل التكيه

طبعا مهم جدا ان نعرف الترتيب بتاع كل تاكيه من الاربعة وده متعلق بفتح البستم وقفله
النقطة دى انا مش عارفها كويس لاكن فى رسم توضيحى بيبنها
لغاية لما نسئل عم محمد على الميكانيكى لازم نعرف منه بنبدء بأى تاكيه فى الاول وبنعرف ازاى ان البستم مغلق او مفتوح وياريت لو حد يعرف النقطة دى يساعنا

المعلومه الاخيره ان موقع شركة فولكس بيقول ان لازم نعمل شف على الاكيهات بعد 3000 ميل عم محمد على بيقول ممكن كل 5000
وطبعا بعد ظبط التاكيهات بنقوم بتنظيف غطا التاكيهات بالبزين ونركب الجوان
ونثبته مكانه بمشبك معدنى مثبت على الماتور زى ماهو موضح ف اول صوره
مهم جدا اننا نتأكد بعدها ان الجوان راكب كويس ومش بيسرب زيت وده ممكن نعرفه تانى يوم لو لقينا نقط زيت تحت العربيه

**أحمد سالم** · 20-11-2008 01:55 PM

المشاركة الأصلية كتبت بواسطة ahit

السلام عليكم

كلام جميل جداً و مجهود ممتاز من الأستاذ و المرجع أحمد سالم
بس ياريت ترجمة واضحة و مفهومة للكلام اللى موجود فى الصوره دى عشان نستفيد كلنا
شكراً

الاستاذ الفاضل احمد حسن بالنسبة للصورة هى بتشرح علاقة حجم بيك البنزين اللى فى الكربرتير بالسرعة وده واضح ب مقاس rpm
والشرح على بيك 34

**ahit** · 20-11-2008 11:16 PM

السلام عليكم

شكراً على الرد و المعلومات القيمة الخاصة بالتيكهات
و لكن أنا أقصد ترجمة كل نقطة من النقاط العشرة الموجودة بالصورة بالترتيب
أو لو أمكن يتم شرح طريقة ضبط هذه المسامير الخاصة بالكلبراتير بالعربى
و شكراً

**أحمد سالم** · 21-11-2008 06:57 AM

حاضر يااحمد باشا انت تأمر
لاكن حاول برده تساعدنى

**أحمد سالم** · 21-11-2008 08:19 AM

السلام عليكم
اجمل اختراعات معشوقتى البيتلز
اولا حصل معاك انك رحت لميكانيكى بيتلز وقعد يتحجج علشان يعملك اى شغل وينزل الماتور طيب ايه رئيك مش هنززل الماتور يبقى ساعتها تكلفة الصيانه هيتشال منها تكلفة تنزيل الماتور والطريقة سهله جدا
اولا شوف الصوره لو الماتور قدامك كده ايه رئيك طبعا ده وقت الصيانه بس

تعالو نشوف بقى الاستاذ المحترف ده عمل الحكايه دى ازاى
بس مهم جدا اننا نكتسب روح المغامرة زى الناس دى مش بيخلو حاجه تقف قدامهم وعلى رأى المثل الحاجة ام الاختراع
دى الحاجات المطلوبه بس

وهنا طريقة قص القطعة الخلفيه من العربيه

طبعا الرفر الخارجى هيفضل سليم ودى طريقة التركيب للقواعد باللحام
وبيتقال عليها عاشق ومعشوق يعنى جزء من الماسوره اصغر من الاخر علشان يدخل جواه

ودى طيقة الفك والتركيب بكل سهوله

وهنا رجعت العربيه لطبيعتها تانى

**أحمد سالم** · 23-11-2008 08:30 PM

المشاركة الأصلية كتبت بواسطة ahmedsalem124

ظبط التاكيهات الجزء التانى

ده شكل الفيلر اللى بنقيس بيهالمسافه بتاعة فتحة التاكيهات

وطبعا لازم يكون معانا مفتاح ومفك زى كده

وده طريقة عمل التكيه

طبعا مهم جدا ان نعرف الترتيب بتاع كل تاكيه من الاربعة وده متعلق بفتح البستم وقفله
النقطة دى انا مش عارفها كويس لاكن فى رسم توضيحى بيبنها
لغاية لما نسئل عم محمد على الميكانيكى لازم نعرف منه بنبدء بأى تاكيه فى الاول وبنعرف ازاى ان البستم مغلق او مفتوح وياريت لو حد يعرف النقطة دى يساعنا

المعلومه الاخيره ان موقع شركة فولكس بيقول ان لازم نعمل شف على الاكيهات بعد 3000 ميل عم محمد على بيقول ممكن كل 5000
وطبعا بعد ظبط التاكيهات بنقوم بتنظيف غطا التاكيهات بالبزين ونركب الجوان
ونثبته مكانه بمشبك معدنى مثبت على الماتور زى ماهو موضح ف اول صوره

مهم جدا اننا نتأكد بعدها ان الجوان راكب كويس ومش بيسرب زيت وده ممكن نعرفه تانى يوم لو لقينا نقط زيت تحت العربيه

بالنسبه للصور اللى فاتت دى بتبين ازاى نعرف انهى بستم مقفول وانهى مفتوح علشان نظبط التاكيه بتاعه
وطبعا دى دليل بس فى الاصل بتكون فى الاسبرتير وبنعرفها من الشاكوش
لما يكون الشاكوش فى الاتجاه كذا يبقى الابستم كذا هو اللى مقفول
وده شكل الشاكوش وهو بيكون داخل الاسبرتير وله اربع اتجاهات فقط