طبعا الحاج محمد علي لا يعلي عليه .... الراجل هو و ابنه قمة في الادب و الذوق و الامانة ....
بس لو عايز سمكري كويس .. انا سمعت ان عمرو زكريا السمكري كويس جدا و متخصص بيتلز .. و هو الشارع اللي بعد الحاج محمد علي يمين ....
رقم العضوية : 10261
تاريخ التسجيل : 07May2008
المشاركات : 77
النوع : ذكر
الاقامة : 10th of ramadan city
السيارة: pride
السيارة[2]: betellz
دراجة بخارية: no
الحالة :
السلام عليكم
ازيكم يا جماعه اخباركم ايه انا بشكر جدا الاستاذ احمد حسن والاستاذ احمد سالم علي الموضع الجميل اللي هما كانو السبب الرئيسئ فيه وذلك لافادتنا بالكثير من المعلومات القيمه عن هذه السياره الاسطوره اللي اكيد كل واحد فبنا هيستفيد منها ولو بمعلومه صغيره وبالمنسله انا امبارح كنت بعربيتي عند الحاج محمد علي الميكانيكي فعلا الراجل قمه في الادب والذوق والاخلاق والخبره والضمير وابنه عمرو ايضا ميتخيرش عن ابوه المهم عمللي طقم السرفيس اللي هو مكون من ضبط التاكيهات وتنظيف الكربراتير وطقم الكهرباء وشوية حاجات تانيه كتير جنب الشغل انا مكنتش واخد بالي منها سلك واقع بيبة لك بوجيه سايبه صاج التوربينه كان سايب كله وكان بيرزع تم ربطه بالكامل والحمد لله خلا العربيه زي الساعه:k49::k49: بس المشكله عندي اني محتاج اسيراتير وكربراتير لانهم عندي تعبانين جدا وربنا يسهل في اقرب فرصه الواحد يقوم بتغييرهم لما يكون في كاشات لو في حد يا جماعه عندو فكره ممكن يخشلهم في حسبة كام ياريت يقول اهز حتي الواحد يكون عامل حسابه هيدفع كام وياريت برده لو حد يعرف سمكري كويس ويكون امين كده زي محمد علي ياريت تقولونا عليه والف الف شكر لجميع اعضاء المنتدي المحترمين الجدعان.
محمد بركات
رقم العضوية : 8997
تاريخ التسجيل : 15Apr2008
المشاركات : 1,050
النوع : ذكر
الاقامة : مصر الجديدة
السيارة: Logan 2010 Full
السيارة[2]: Vw Beetle 1969
دراجة بخارية: wallahi mafeeesh
الحالة :
طبعا الحاج محمد علي لا يعلي عليه .... الراجل هو و ابنه قمة في الادب و الذوق و الامانة ....
بس لو عايز سمكري كويس .. انا سمعت ان عمرو زكريا السمكري كويس جدا و متخصص بيتلز .. و هو الشارع اللي بعد الحاج محمد علي يمين ....
رقم العضوية : 8723
تاريخ التسجيل : 11Apr2008
المشاركات : 3,226
النوع : ذكر
الاقامة : Cairo-Egypt
السيارة: E 200
السيارة[2]: VW Beetle 1302
دراجة بخارية: no
الحالة :
السلام عليكم و رحمة الله و بركاته
لا شكر ولا حاجة يا أستاذ/ محمد كلنا إخوات فى هذا المنتدى
المهم تكون مصلحتك تمت على الخير و بالصورة اللى انت عاوزها.
ربنا يبارك للحاج محمد على و إبنه عمرو و كل الصنايعية اللى عندهم ضمير و أمانة و ما عندهمش جشع و طمع.
بالنسبة للكلبراتير و الإسبراتير ممكن حضرتك تسأل عليهم فى الوكالة أو فى فيصل أو عند أسامة علام فى جسر السويس , و أنا إن شاء الله هاسألك بردو عند محل قطع الغيار اللى بتعامل معاه فى عابدين و ربنا يسهل إن شاء الله.
بالنسبة للسمكرى فيه ناس كويسة جداً فى الحرفيين بس أنا ماتعاملتش مباشرة معاهم و كمان عمرو زكى اللى جنب الحاج محمد على بجسر السويس بس بردو أنا إتعاملت معاه فى شغل صغير و بسيط مش سمكره كاملة يعنى و بردو إن شاء الله هاسألك على سمكرى محترف كويس و نظيف و هارود عليك قريب إن شاء الله و يا ريت باقى الأعضاء يفيدونا فى الموضوع دا بردو.
و لو أى عضو من أعضاء المنتدى إحتاج أى مساعدة يكلمنى أو يراسلنى أنا و الأستاذ الفاضل المحترم / أحمد سالم ... و إحنا إن شاء الله هانعمل اللى ربنا يقدرنا عليه
لا إله إلا الله - محمد رسول الله* Ahmed Hassan *
أرجو الدعاء لوالدى بالرحمة و المغفرة
و لوالدتى بالشفاء
رقم العضوية : 8780
تاريخ التسجيل : 12Apr2008
المشاركات : 919
الاقامة : Egypt-cairo
الحالة :
السلام عليكم ورحمة الله وبركاته
كل عام وانت بألف خير
الاخ الفاضل mohamedbarakat
اشكرك جدا على ذوقك
وسلام خاص للاستاذ الكبير احمد حسن
وسلامى ايضا لصديقنا العزيز الحسينى
بالنسبه للكربرتير والاسبرتير ان شاء الله هنحاول نشوفلك افضل مكان تجيب منه وبأفضل الاسعار
رقم العضوية : 8780
تاريخ التسجيل : 12Apr2008
المشاركات : 919
الاقامة : Egypt-cairo
الحالة :
رسم توضيحى لطريقة مرور الزيت لتبريد وتزييت الماتور فى البيتلز
رقم العضوية : 8997
تاريخ التسجيل : 15Apr2008
المشاركات : 1,050
النوع : ذكر
الاقامة : مصر الجديدة
السيارة: Logan 2010 Full
السيارة[2]: Vw Beetle 1969
دراجة بخارية: wallahi mafeeesh
الحالة :
هو اكيد مجهود رائع .... بس ممكن يا ابو حميد تترجملنا اي حاجة
او تشرح لينا الرسم بالكلام
رقم العضوية : 8723
تاريخ التسجيل : 11Apr2008
المشاركات : 3,226
النوع : ذكر
الاقامة : Cairo-Egypt
السيارة: E 200
السيارة[2]: VW Beetle 1302
دراجة بخارية: no
الحالة :
السلام عليكم و رحمة الله و بركاته
مجهود كبير من أستاذ أكبر
شكراً على التوضيحات الجامدة و عاوزين أكتر يا باشا
و بجد كنت واحشنا كتير
شكراَ
لا إله إلا الله - محمد رسول الله* Ahmed Hassan *
أرجو الدعاء لوالدى بالرحمة و المغفرة
و لوالدتى بالشفاء
رقم العضوية : 8780
تاريخ التسجيل : 12Apr2008
المشاركات : 919
الاقامة : Egypt-cairo
الحالة :
السلام عليكم
هنتكلم عن جزء هام جدا فى الماتور ويعتبر من اهم الاجزاء التى تحدد لنا حالة الماتور وده بنعرفه من لون البوجيه وشكله لما نيجى نغيره
اولا شرح تشريحى للبوجيه او شمعة الاشتعال
شمعة الاشعال أو شمعة الشرر Spark Plug.. هي ما يطلق عليها في الوسط المهني بين العامة ب'البوجيه' او البوجى فى الخليج ,وتستخدم شمعة الإشعال في غالبية آلات الاحتراق الداخلي* ماعدا محركات الديزل
ووظيفتها هى توفير الشرارة ذات الجهد الكهربائي المرتفع واللازم لاشعال خليط الوقود والهواء داخل غرفة الاشتعال.
انواعها (2 شمعة* 3 شمعة* 4 شمعة)
خصائص شمعات الاحتراق المناسبة لسيارتك
وعلي كل شمعة اشعال يكتب عليها حروف وأرقام تدل علي خصائصها فمثلا:
W16EXR-U11
W= حجم القلاووظ وحجم السداسي المشكل بها (حسب الجدول)
16= معدل درجة حرارة التشغيل (درجة مئوية).
E= طول قلاووظ الشمعة
X= يختص ببعض التصميمات الخاصة بشمعة الاشعال
R= يدل علي أن شمعة الاشعال تحتوي علي مقاومة داخلية
U= يدل علي أن شمعة الاشعال تأخذ شكل وهيئة خاصة
11= ثغرة (فتحة) شمعة الاشعال (مم).. وهنا تكون (1.1مم)
طبعا هناك مواقع خاصه بالبوجيهات
تعطيها نوع سيارتك وتاريخ تصنيعها وسعة المحرك
وهو يحدد لك نوع البوجيه المناسب لسيارتك
بعد ماعرفنا انواع واشكال البوجيهات
هنحاول نحدد عيوب محرك السياره من شكل البوجيه لما نفكه عند التغيير
يفضل فى انواع البوجيهات العادية الرخيصه ان يتم تغيرها عند 5000 كيلو وهناك انواع جيده تستمر الى 15000 الى 20000 كيلو وهناك نوع ذو رأس بلاتينى يتغير عند 100000 كيلو لاكنه غالى الثمن
ولازم علشان نعرف وظيفة البوجيهات نعرف مامعنى كلمة اشواط المحرك لان منهم شوط الاحتراق الذى يستخدم فيه البوجيه
والصورة القادمه تبين ذلك
نرى في الشكل السابق الجزء الأساسي من المحرك والذي يسمى المكبس Piston وهو الجزء المماثل للمدفع في المثال السابق. يتصل المكبس بعامود الحركة crank shaft الرمز P في الشكل التوضيحي. وبدوران عامود الحركة يمكن إعادة المكبس إلى وضعه الابتدائية كما ويعمل هذا الجزء على تحويل الحركة الرأسية للمكبس إلى حركة دائرية.
وصف الدورة الكاملة لمحرك السيارة
(1) شوط الأخذ: يبدأ المكبس عمله في الحركة من أعلى موضع له ليتحرك إلى الأسفل حيث يكون صمام الإدخال مفتوح ليدخل خليط من الوقود والهواء إلى داخل اسطوانة الاحتراق. وتكون نسبة الوقود صغيرة بالنسبة للهواء ولكن كافية لإحداث الاحتراق. وهذا الشوط موضح في الفترة المحددة باللون الأصفر.
(2) شوط الانضغاط: يغلق صمام الأخذ عندما يبدأ المكبس في الحركة للأعلى ليضغط خليط الوقود والهواء وترتفع درجة حرارته تدريجياً ليساعد على رفع كفاءة الاحتراق. وهذا الشوط موضح في الشكل الجانبي باللون البنفسجي.
(3) شوط الاحتراق: في اللحظة التي يصل إليه المكبس إلى أعلى ارتفاع له يصبح الخليط عند ضغط عالي تنطلق شرارة كهربية لينتج عنها احتراق (انفجار) للوقود المكون للخليط فترتفع كلا من درجة الحرارة والضغط ارتفاعاً هائلاً لتدفع المكبس بقوة للأسفل. وهذا الشوط موضح في الشكل الجانبي باللون البرتقالي.
(4) شوط العادم: عندما يصل المكبس في حركته للاسفل إلى ادنى قيمة له يفتح صمام العادم لتخرج نواتج الاحتراق من المكبس ومنه إلى العادم خارج السيارة ويرتفع المكبس نتيجة لدوران ناقل الحركة إلى الاعلى طاردا ما تبقى من نواتج الاحتراق ليبدأ دورة جديدة بسحب كمية جديدة من الهواء والوقود. وهذا الشوط موضح في الشكل الجانبي باللون الاخضر.
مرة اخرى لا حظ ان حركة المكبس كانت دائما حركة رأسية للأعلى وللأسفل ولكن هذه الحركة تتحول بواسطة الجزء المغمور في الزيت (لتقليل الاحتكاك) من حركة رأسية إلى حركة دائرية ليأخذها عمود ناقل الحركة crank shaft ليدير عجلات السيارة والتي ستحرك السيارة للأمام أو للخلف.
شكل محرك البيتلز وطريقة عمله كما فى الصورة القادمه
البوجيه
Spark plug وهي التي تولد الشرارة الكهربية في لحظة انضغاط الخليط لتحدث الاحتراق وللعلم في محركات الديزل لا توجد هذه القطعة حيث يحترق الوقود نتيجة لارتفاع حرارته.
الصمامات Valves
لكل اسطوانة صمامين واحد لادخال الوقود والهواء والثاني لاخراج ناتج الاحتراق وكلاهما يفتحا ويغلقا حسب الشوط ولكن في حالة شوط الانضغاط يغلغا تماما.
المكبس Piston
وهو قطعة من الصلب تتحرك للأعلى والاسفل داخل الاسطوانة.
حلقات المكبس
Piston rings توجد حلقات المكبس بين الجزء الخارجي للمكبس والجزء الداخلى للاسطوانة لتسمح بحركة المكبس دون السماح لتسرب خليط الوقود والهواء أو ناتج الاحتراق من التسرب كذلك تمنع من تسرب الزيت إلى داخل الاسطوانة. وعادة ما يحتاج المحرك إلى تغيير هذه الحلقات إذا لوحظ نقصان متكرر في معدل الزيت لانه يكون قد تسرب إلى داخل الاسطوانة.
غرفة الاحتراق
Combustion chamber
وهي المساحة التي يحدث فيها الانضغاط والاحتراق وكما لاحظنا فهي تتغير بين قيمة صغرى (عند الانضغاط) وقيمة عظمى (عند سحب الخليط). إن الفرق بين القيمة العظمى والقيمة الصغرى تسمى الاازاحة Displacement وتقاس بوحدة الليتر أو السنتمتر المكعب (1000 سنتمتر مكعب تعادل لتر). فإذا كان المحرك يحتوي اربعة اسطوانات بحيث أن كل اسطوانة تعمل ازاحة نصف لتر يكون سعة المحرك 2 لتر، أما اذا كان عد الاسطوانات 6 على شكل حرف V فإن سعة المحرك في هذه الحالة تكون 3 لتر وتكتب "3.0 liter V-6."
بصفة عامة سعة المحرك يعطى معلومات عن قوة المحرك. فمحرك يعمل ازاحة بمقدار نصف ليتر يستهلك وقود ضعف ما يستهلكه اسطوانة تعمل ازاحة مقدارها ربع ليتر وهذا يعني ان قوة المحرك ذو السعة الاكبر تكون اعلى من المحرك ذو السعة الاقل.
يمكن زيادة ازاحة المحرك أما بزيادة عدد الاسطوانات أو بزيادة حجم الاسطوانة نفسها أو زيادة الاثنين معاً.
عمود التوصيل
Connecting rod وهو العمود الذي يوصل المكبس مع عمود ناقل الحركة Crank shaft والذي يجعله يدور في حركة دائرية
Crank shaft
وهو الذي يعمل على تحريك المكبس للأعلى وللأسفل.
وعاء الزيت Sump
وهو وعاء يحتفظ بالزيت ليغمر عمود ناقل الحركة Crank shaft.
سبب عدم عمل المحرك
في حالة عدم قبول محرك السيارة من العمل فإن هذا يعود إلى خلل ما وحيث أنك اصبحت على دراية بفكرة عمل المحرك فإن العديد من الاسباب يمكن ان تسبب في عدم تشغيل المحرك ولكن هناك ثلاثة اسباب رئيسية نذكرها على النحو التالي:
خلل في خليط الوقود والهواء:
وهذا يعود لاحد الاسباب التالية:
نقص كمية الوقود اللازم لتشغيل المحرك فيدخل الهواء بدون الوقود فلايحدث الاحتراق.
انسداد في منفذ الهواء فيدخل الوقود بدون كمية هواء كافية فلا يعمل المحرك.
كمية الوقود اما تكون اكثر أو اقل من اللازم فيحدث خلل في الاحتراق الناتج.
وجود شوائب في الوقود مثل بعض الماء الذي سيمنع الوقود من الاحتراق.
ضعف في شوط الانضغاط
تسرب الشرارة الكهربية
خلل يصيب مولد الشرارة (spark) نتيجة لكسر في احد طرفيه أو ان توقيت الشرارة يحدث في غير الوقت المطلوب
توزيع الشرارة الكهربية
يوضح الشكل المقابل الدائرة الكهربية المسؤولة عن توزيع شرارة الاحتراق. لا حظ دور الدتربيوتر distributor (باللون الاحمر) في توزيع الكهرباء على الـ Spark. حيث أنه موصل في مصدر فرق الجهد العالي عند المنتصف ويخرج منه اربعة توصيلات لكل اسطوانة بحيث تحصل كل اسطوانة على الكهرباء في الوقت المناسب
بعد ماعرفنا تكوين ووظيفة البوجيه
دلوقتى عايزين نعرف نفهم ايه من شكل ولون البوجيه لما نفكة من المحرك
1- لون البوجيه اسود ولا يوجد عليه اى ترشيح زيت ولا تأكل وهذه الصوره تبين الشكل هذا يبين لنا ان شوط الاحتراق او شوط الشرارة مظبوط والتاكيهات مظبوطه ولا يوجد اى مشاكل
2- تأكل فى فحمة البوجيه وده بيبين ان البوجيه مستخدم لفترة طويله جدا وهذا دائما مايتسبب فى صعوبة تشغيل المحرك
3- الشكل القادم يبين ان البوجيه بيخبط فى حاجه فى غرفة الاحتراق وممكن يكون طويل وغير مناسب للمحرك
4- الشكل القادم يبين انكسار فى السيراميك المغلف للبوجيه ولو حصل كده لازم نتوقف فورا عن ادارة المحرك حتى نعرف السبب ودائما مايكون السبب سخونه عااليه جدا داخل غرفة الاحتراق وعادة مايكون بسبب استعمال بنزين غير مناسب للماتور زى بنزين 95 ويكون المحرك غير مناسب لهذا البنزين
5- الحالة القادمة هى من اخطر الحالات لان المحرك سينتهى عمره قريبا لو اسمرت هذه المشكله
وهى ان راس البوجيه يكون عليه كربون ابيض وتاكل فى الجزء المعدنى العلوى
والاسباب اولا ممكن يكون البنزين المستخدم سيء جدا او عليه شوائب كتير او عليه مياه مثلا او سولار وطبعا ده معناه ان البوجيه بيسخن جدا برده وبيدى الشرارة الكهربائيه فى غير توقيتها وممكن يكون الهوا فى الكربرتير مش مظبوط وغاليا مايكون زايد عن اللزوم وممكن يكون زيت الماتور ناقص جدا
6- الشكل القادم بيبين ان فى طبقة لونها بنى لاكن فاتح اتشكلت على راس البوجيه وهى هتمنع انبعاث الشراره لانها هتعمل عازل وده بيبين ان نسبة البنزين اللى بتدخل لغرفة الاحتراق زياده عن المطلوب والعيب ده يحتاج ظبط كربرتير العربيه
7- الشكل القادم معناه ان فى انسداد فى الكربرتير وعدم انتظام مرور البنزين لاكن هناك مؤشر اخر لازم يكون مع السلانسيه او التزويد المفاجء فى دخان اسود بيطلع من الشكمان اما لو الدخان ازرق فاتح فمعناه ان فى مشكله فى شنابر البساتم بمعنى ان الشنبر غير محكم وزيت الماتور بيدخل غرفة الاحتراق
8- الشكل القادم بيبين ان لازم نغير فلتر الهواء فى العربيه لانه متسخ جدا ويتسبب فى دخول الشوائب الى غرفة الاحتراق
9- الشكل القادم اسبابة قريبه من السبب السابق مع زياده ان ممكن يكون الهواء اللى داخل من الكربرتير قليل جدا او فلتر الهواء متسخ وده لازم من تغيير الفلتر واعادة ظبط مسامير الكربرتير الخاصة بالهواء والبنزين ولو العيب ده موجود فى البوجيه لازم يكون فى معاه ايضا عادم اسود اللون فى الشكمان
رقم العضوية : 8780
تاريخ التسجيل : 12Apr2008
المشاركات : 919
الاقامة : Egypt-cairo
الحالة :
رقم العضوية : 5245
تاريخ التسجيل : 05Feb2008
المشاركات : 40
النوع : ذكر
الاقامة : cairo
السيارة: فيات 125 ايطالى
السيارة[2]: لادا نيفا
الحالة :
موضوع رائع يااستاذ احمد وربنا يباركلنا فيك و فى مواضيعك المفيده دائما
المفضلات