الموضوع: منع تجديد ترخيص السيارات الملاكي الذي مر على تاريخ صنعها اكتر من 20 سنه

انا مش بكذب حضرتك أوحاجه ,, أنا عارف أن هناك الدوريات بهدله
والفحص بهدله جدا جدا

انا بس بتكلم في حكاية ال15 سنه دي فعلا كانوا ناوين يعملوها بس رجعوا في كلامهم
يعني مثلا سيارتنا هناك تويوتا كورونا 92 يعني بقالها لو حنحسبها ل2009 بقالها 17 سنه
ومع ذلك لسه مجددين البيمه بتاعتها عادي جدا

اينعم كان معانا قبلها كراون 82 بس فعلا والدي بعها لأن بعد حرب العراق الأخيره كانوا بيسحبوا الموديل ده عشان بيودوه عالعراق ,, لكن مش عشان نهاية ترخيص

في حضرتك ال كابريس كلاسك 87 وقبل كده وماشية حلو جدا وسوقها مش بيوقف والكريسيدا وغيرهم والمرسيدس ,,

بجد ربنا يستر لو أتطبق هناك الكلام ده ,, كان في كلام في سنة 2006 انه يتطبق بس رجعوا في كلامهم

العربية دى ملكية خاصة الدولة ملهاش دخل 20 سنة ول100 سنة ملهمش غير الفحص الفنى عند تجديد الرخصة

يا خبر !!!
ربنا يستر بجد
مش عارف هو لابد فيها ليه ؟؟ أينعم هي من مفاخر تويوتا لكن برضو يعتقها بقى هههههههههههههه


اه طبعا انا معاك ان قانون زي ده يفرق كتير ,, ولو الأمن والمتانه شدوا كمان تبقى أخر هنا

اه طبعا الأمن والمتانه هناك صعب قوي ,, حتى لو داخا تجيب أو تودي حد المطار كنا لازم نغسل السيارة ونظبها عشان تلاكيك الدوريات ,, ولا الدوريات المباغته اللي بتطلع من تحت الأرض ؟!!
أمتى يبقى كده في مصر والناس تمشي عالسيف ,,, أمتى ؟؟

عارف أحلى حاجه في الكويت أن السيارات القديمه زي سيارتنا وغيرها تحس أنها لو نزلت مصر وقورنت بالجديد هنا الزيرو أنها تحسها لسه طلعه من المصنع ولا الوكاله .. كل ده من القوانين

انا معاك ان القانون ده ضرورى
علشان الناس تبداء ترمى العربيات القديمه
بس لازم يدوا فتره سماح طويله
يعنى يقولوا مثلا ان القانون ده هيبداء تطبيقه بعد 10 سنين مثلا
وممكن يبدأوه بالتدريج
يعنى العربيات اللى فات عليها 40 سنه
وبعدها بسنتين تلاته اللى فات عليها 30 سنه
وبعدها ب 3 سنين اللى فات عليها 20 سنه
بكده تكون الناس خدت فتره طويله والخساره تكون تدريجيه
وسعر العربيات يبداء يقل تدريجيا
بس لازم قبلها يرفعوا الجمارك طبعا

وحد الله يا أتاذ مصطفى ,,

الأستاذ الفاضل صاحب الموضوع مقالش شئ غلط أو وحش بالعكس ده لو حصل كده كل الناس حتركب أحسن حاجات وحتبقى في متناول الأسعار ,, أينع في البدايه حتبقى غاليه وممكن تغلا جدا بس سنه والتانيه وحتقل جدا ومش بعيد نبقى في مستوى الخليج ,, بس ده يلزمه الجمارك تقل
بجد حتلاقي لما مثلا أجعص سيارة ب30 أو حتى 70 ألف وفعلا سيارة محترمة وتقضي بيها سنه والتانيه وتخسر فيها 10 ألاف مش حتستخسرهم فيها حتى لو 20 ألف خسارة ,, حتعتبرهم تمن المواصلات اللي كان ممكن يتدفعوا ,,
ولو فضلت بيهم المده كلها وجيت تبيعها ب 7 ألاف برضو حتحس أنها عادي