منع تجديد ترخيص السيارات الملاكي الذي مر على تاريخ صنعها اكتر من 20 سنه

**abzoabzo** · 24-01-2009 02:30 PM

المشاركة الأصلية كتبت بواسطة mohamed_88sk

لا بصراحه انا معاك ,,

بس مش معاك في أن اسعار الجديد حتنزل بالعكس دي حتزيد عشان الأقبال حيزيد ,,
بس نفترض واحد معاه سياره قديمة هل تعتقد الدوله لما تمنهع ترخيصها حتديله فلوس ؟؟؟؟ أبدا حيقولوله زي ماعملوا مع التاكسيات حنعتبرها تساوي 10 ألاف والباقي أنت كمله يعني حيخسفوا بتمنها الأرض وحيبقى في أفترا ,,
وزي ما قال استاذ حسام حيتظلم اللي ما يقدرش يدفع ..

:k48: :k48: :k48: :k48: مش فى البلد ده :k48: :k48: :k48: :k48:

**m_saad80** · 04-02-2009 01:08 AM

متهيالي لو لغوا التقسيط ننحل الازمة المرورية

**د./اليشع ثابت** · 04-02-2009 04:49 AM

خير الامور اوسطها
يعنى للاسف يوجد عربيات موديلات من الستينات و غيرة
دة بخلاف للاسف الشديد
انتشار العربيات الى بدون رخص من اساسة
و دون رخص لسائقيها ايضا
ودة موجود فى المناطق الشعبية زى امبابة و غيرها
و طبعا دة للاسف بسبب عدم التواجد المطلق للمرور
يارب البلد تتظبط شوية :K_crying[1]::K_crying[1]::K_crying[1]:
يارب

**kliken** · 10-02-2009 11:34 PM

انا مع انهم يلغوا التاخيص للقديم بس بشرط ان العربيات الجديده تكون بتمنها اللى تستاهله مش الاستهبال اللى عندنا فى اسعار السيارات الجديده

**ابوهاشم** · 17-02-2009 01:10 PM

الكلام ده ياباشا لو كانت الحكومه هى اللى بتوزع العربيات على الشعب ببلاش يبقى حقهم يعدموها
لكن عاوز واحد دخله على قده وراح دفع دم قلبه فى حتتة عربيه ترحمه هو واسرته من قرف المواصلات وبمنتهى السهوله كده ياخدوها منه ببلاش ويروح هو بقى يولع فى نفسه يمكن انت ظروفك مرتاحه وتقدر تشترى زيرو طيب واللى مش معاه يعمل ايه

**Falcon.Crest** · 17-02-2009 03:03 PM

I am with Kilken, most of countires do like that and in same time alot of advanages will be got

**blue_1177** · 19-02-2009 03:39 PM

ممكن اوافق على الاقتراح دا بس بشرط
+
+
+
+
+
+
+
+
+
+
+
اللى كاتب الموضوع دا يبيع عربيته ويركب مواصلات

**noway** · 07-03-2009 09:35 PM

يا جماعه المهم حالة العربيه بغض النظر عن سنة انتاجها وغلط الخلط بين الاتنين فبعض العربيات القديمه اصحابها محافظين عليها اكتر بكتير من ناس معاها عربيات جديدة وفي اوربا نفسها مفيش قوانين مماثلة للقانون ده حسب علمي وسمعت من مصادر موثوقه انه في بعض الدلول الاوربيه يتوارث الابناء سيارة ابيهم التي ورثها عن جده ويتباهى الواحد منهم بقدم سيارته ونفس الكلام في سنغافورة تجد سيارات قديمه الى جوار الجديده لكن الكل في حالة جيدة...ضروري جدا عدم الاهتمام بالمظاهر على حساب الجوهر.
اما مسألة تقليل الكثافه المرورية فالقانون المقترح مش هيحلها لان السبب الحقيقى هو عدم آدمية وسائل النقل العام وبالتالي برضه الناس هتفضل تشتري عربيات.

**zyadahmed** · 28-03-2009 11:49 PM

اقتراح مستفز من ناس بتفكر بانانية يعنى انا عندى سكودا فيليشيا موديل 96 ارميها بعد 7 سنين وانا شقيان فى تمنها ولسه جايبها من شهور حرام عليك اتقى الله مش كل الناس ابوها ولا ماماتها جابت لها عربية يقدر يغيرها من ميراثه فى ناس شقيانة ومتغربة عشان تجيب عربية مستعملة تمشى بيها وعذرا لاسلوبى الحاد بس فعلا كلامك ينرفز

**CryptonX** · 12-04-2009 02:54 PM

لا20 سنين ولا حاجة !

يتعمل فحص فني حقيقي ! مش اي كلام

العربية الي تعدي الفحص بنجاح ان شاء الله كانت موديل 1930 يبقى خلاص !

الي مش مراعي عربيته او ماشية عاملة زي مصنع فحم من وراء يستاهل بقى .. موديل 30 ولا ان شاء الله 2030 حتى .