الموضوع: منع تجديد ترخيص السيارات الملاكي الذي مر على تاريخ صنعها اكتر من 20 سنه

طبعا الموضوع شكلا و موضوعا مرفوض ده اولا

* العربيه ديه مش ملك الدوله علاشان تسحبها او توقف ترخيصها او تمنع تجديدها , ممكن الحكومه تضع قوانين فحص صارمه للامن و المتانه و البيئه . ده الى ليهم
لكن الى مش من حقهم انهم يسحبو عربيه قديمه او يمنعو ترخيصها لاى سبب اخر
-
** الناس الى بتقول انا مع الفكره علاشان الشوارع تفضى و الزحمه تخف
يعنى مثلا علاشان انا و انتا و انتم راكبين عربيات حديثه حنحجر على الناس الى مطحونه و ممعاهش حق الزيرو الى تمنه اغلى من تمنه الحقيقى الضعف علاشان يفضولنا الشوارع نمشى فيها !!!!!!!!!!!
مش ملاحظين ان ديه انانيه "" اوىىىىىىىى "" ؟
يعنى لو حضراتكم راكبين عربيات موديل70 كان حيبقى ده نفس كلامكم !!!!

*** الناس الى بتقول ان الفكره ديه حتحد من المعاكسات و الناس الى بتكاسر و الناس الى بتخبط عربيات الناس !!!!!!!!!
بامانه باى منطق الكلام ده مظبوط !!!!!!!!
يعنى محدش بيشوف العيال الى راكبه لانسر و فيرنا و غيرها و مفيمه العربيه و شغالين غرز و معاكسات و قله ادب !!!!

؟ و بعدين على اى اساس نفصل المجتمع لنصين ؟ نص معاه فلوس و يركب عربيات و نص يتبهدل فى الاوتوبيسات علاشان حضراتنا نمشى فى الشارع "" بدون زحمه "" ياسلام !! بجد ده بأنهى منطق .

فكرتونى بالمثل بتاع الراجل الى صباعه ورم بدل ما يعالجه فقطعه !
عاوزين الشوارع تكون منظمه لازم نخطط شوارعنا من اول و جديد و نشيل الوزارات و الهيئات الحكوميه من وسط المدينه
عاوزين الناس تركب عربيات حديثه باسعار قليله شيل الجمارك و حرر سوق السيارات و حتلاقى كل الناس جابت زيرو من نفسها

لكن ماتبقاش الدنيا بتضغط على البنى ادم من كل ناحيه و مش طايق نفسه و يادوبك مقدى مشاويره بعربيته القديمه الى بتحميه من سفاله المواصلات الغير ادميه و مستحمل هم الدنيا
و تيجو تقولو .. اه فعلا ... علاشان الشاورع تفضى ..... علاشان البيئه .... علاشان محدش يكحتلى عربيتى !!!!!!! ( بلاش نعيش فى برج عالى )

يعنى يا جماعه انا مكونتش ناوى اتكلم بس بصراحه حاسس انى حصلى حاله من الاستفزاز الشديد و كان عندى كلمتين و كان لازم اقولهم .

و اقسم بالله انى ما اقصد حد معين بالكلام ده و ياريت محدش ياخد كلامى كهجوم ... ياريت يحط نفسه محل الناس الى احنا بنتكلم عليهم دول

* ملحوظه عربيتى الاساسيه موديل 2005 ... علاشان محدش يقول انى بقول الكلام ده دفاعا عن عربيتى .

المشاركة الأصلية كتبت بواسطة enghonda

قانون جديد الفكرة في طرحه هو اننا نضرب عصفورين او اكتر بحجر واحد يعني اولا اننا نقلل من الكثافه المروريه في الشوارع ونضمن قلة اعداد العطلات الناتجه عن أعطال السيارات القديمه اللي بتعذبنا في الشوارع بالاضافه الى ان السيارات القديمه دايما بتكون مواتيرها انتهت صلاحيتها وحتى لو اتعملها عمرة مبترجعش زي الاول وبالتالي بتطلع لنا سموم ملهاش حل بتلوث الجو واللي بخلي اعلى معدلات تلوث داخل المدن موجوده عندنا في القاهره الكبرى وده نعتبره ثانيا غير كده انه هيكون الاقبال على شراء سيارات جديده هيكون كبير لدرجه هتخلي اسعار السيارات الجديده تنزل الارض وهتظهر لنا انواع وموديلات جديده منافسه زي اللي انا عن نفسي شفتها في دول الخليج .. غير كمان ان قلة الكثافة المروريه دي هتساعد في ظهور المجهودات اللي بتعمل عشان صيانة وتطوير الطرق اللي طبعا صعب انها تنفذ دلوقتي بسبب الزحام الدائم وعدم توافر طرق بديله لتحويل مسار السير ليها عشان تتم الاصلاحات اللي محتاجاها كل الشوارع والكباري ومش لاقي حتى طريق واحد ادي عليه مثال على صلاحيته... يلا ماعلينا.. المهم اكيد في بردو لو فكرنا كلنا هنلاقي في فوايد تانيه كتير وياريت منبصش من الناحيه السوده للفركه دي على اساس مثلا هنجيب جديد منين والايد قصيرة والكلام ده لأن اللي مش معاه يجيب جديد في اكيد طرق تانيه طبعا شريفه يشتري جديد سواء تقسيط او غيره بالاضافه ان وسائل المواصلات التانيه هيكون مجبره انها تتحسن وتتطور عشان تستقبل الاعداد الكبيرة اللي هجيلها وتستخدمها وهيكون المسؤلين مضطرين انهم يوجدو طرق جديده وفعاله لايجاد وسائل نقل اكثر فعاليه وبتخضع لقوانين المرور والبيئه...
ياريت تكون فكرتي وصلت للجميع وانها فعلا تكون مفيده لينا كلنا.. ولو عاوزين تأكدو من الفوائد الناتجه من تطبيق القانون ده ياريت تطلعو على احوال المرور في دول الخليج وفي اوروبا

كلمة واحدة مينفعش
ميقدروش يمنعوا ترخيص العربيات القديمة
ولما العربيات ترخص و تتشال الجباية من عليها نبقى نتكلم

طبعا لا اوافق

انا مش موافق خاااااالص

انا بأيد الكلام دة عربية هلكت خلاص يرميها ويجي علي نفسة شوية ويشتري جديد او مش لازم جديد يكون واحد عاندةعربية موديل حديث شوية عيز يجدد ويشتريها عادي والعجلة هتمشي
بس في حالة واحدة بس يرخصو الجديد طبعا مش علي حسبهم يرفعو الجمارك لكل واحد عايز يشتري سيارة جديدة بدل سيارتوا القديمة الي تقوم الدولة باعدامها وهيا معدومة خلقة فرمها يعني عشان مفيش عربجية يستخدموها بدل الكرو من غير نمر ويركبوا عليها حمار محنا بلد الافتكسات في ازاي تفضل تاخد من الحاجة بدون رحمة حتي لو هلكت مش بيهون علي المواطن المصري انو يرميها متعرفش الي

لابد ان يتم رفع الرسوم علي السيارة وخفض اسعر السيارات ...
وبعد ذلك يمكن ان تكون السيارات الموجوده هي حتي 10 سنوات فقط .. والاهم هو سيارات الحكومة والقطاع العام الكبيرة اعتقد انه منذ 40 سنه موجوده بالطرق

انا ملاحظة حاجة علي فكرة

موضوع العادم الاسود والتلوث اللي بيحصل من العربيات ده اكتره بيحصل من الميكروباصات (الترامكوا بالذات) واتوبيسات النقل العام والسيارات الأجرة (قليل اوي لما اشوف عربية ملاكي طالع منها دخان اسود زي الاجرة كده) لان الاجرة والاتوبيس دي معظم اللي راكبينها ناس مش اصحابها يعني شغالين عليها ومش هايهمهم اوي يعني موضوع الدخان وان حالة المتور بقت زفت وكده لانه كده كده بيفحت فيها وبيحرق في المتور ومهما حصل مش هايدفع مليم في تصليحها اصلاً كل اللي يهمه منها انه يركب اكبر عدد من الزباين ويروح اكتر عدد ممكن من المشاوير وبس عشان يوميته تزيد.

لكن اللي عنده عربية ملاكي بتاعته حالة متورها بقت سيئة اعتقد انه هايكون اسرع حد يتحرك ويغير المتور بتاعه او يصلحه لانه اكيد هايقرفه في السواقة نفسها وهايتعب العربية زيادة فبيلحق يصلحها قبل ماتبوظ اكتر واكتر لانها بتاعته يعني وهو اللي هايغرم في الاخر اي عواقب تنتج من اهلاكه ليها بالشكل ده.
وبعدين بالنسبة للتلثو يعني لما يحلوا مشكلة دخان المصانع والمخلفات اللي بتترمي في النيل والدخان حريق قش الرز والزبالة اللي مرمية في الشوارع وغيره وغيره وينضفوا البيئة بجد يبقوا يكهنوا العربيات القديمة (وللعلم انا بشوف عربيات قديمة كتير مش بتطلع دخان اسود مع ان موديلها وشكلها قديم)

وبعدين ياجماعة في حاجة كمان

اساسا اساسا هما لسة مش عارفين حيثيات تطبيق قانون احلال التاكسي وهل فعلا هاينجح تطبيقه ولا لأ وازاي هايقدروا يعوضوا اصحاب التاكسيات القديمة ويساعدوهم بطريقة فعلية انهم يشتروا عربيات زيرو

وسمعت كمان انهم لو معرفوش يشوفوا حلول فعلية للتعويضات دي هايلغوا القرار ده اصلا وهايتحط في الادراج ويبقي زيه زي غيره من القوانين اللي المخترع بتاعها بيجيله الالهام بصيغة القانون ده وهو قاعد ياخد حمام شمس ولا قاعد في الساونا مثلا ومش داريان بالناس وبأحوالها وبكيفية تعويضهم عن الخساير الناتجة عن القانون والعواقب بتاعته اصلا.
وبعدين ياجماعة كفاية اشاعات بقي الملاكي ده ملكية خاصة ومفيش قانون ولا دستور بيبيح التعدي علي الملكيات الخاصة دي.
وبعدين مين قال ان لما الاقبال يزيد علي شراء السيارات الزيرو سعرها هايقل والمنافسة هاتبقي للرُكب؟
علي اساس ايه يعني
احنا مش عايشين في مصر ولا ايه؟

ياجماعة احنا هنا في مصر لما بيلاقوا رواج علي سلعة معينة اياً كانت علي طول بتكون او الخطوات لتحقيق اعلي المكاسب هي انهم بيقللوا جودتها عشان يوفرا فلوس طبعا ويرفعوا سعرها عمرهم مابينزلوا ولا يعملوا تخفيضات

كانت انخفضت بسبب الازمة العالمية اللي في العالم كله عشان تنخفض بسبب الاقبال علي الشراء

وبعدين نفكر شوية كده ونشوف الناس اللي راكبة عربيات قديمة دي لو عربياتها اتكهنت ورجعوا يركبوا مواصلات لانهم طبعا مش معاهم حق الزيرو الجديد والا كانوا جابوه من الاول وريحوا نفسهم متخيلين شكل المواصلات وشكل الشوراع هايبقي عامل ازاي ؟
ده اساساً من دلوقتي المواصلات دي مبقتش ادمية ومحدش بقي يعرف يركب مواصلات دلوقتي لا ولد ولا بنت حتى التاكسيات اللي المفروض انها اجرتها اغلي برده منتهي المهانة والقرف لما سواق التاكسي يقعد يذلك عشان يوافق يوصلك مشوارك مع انك مش راكب ببلاش يعني
ياجماعة الناس قرفانة وطهقانة وعلي اخرها ومش ناقصة يعني نقرفهم زيادة

حرام الضرب في الميت حرااااااااااااام

الضرائب والجمارك علي العربيات تدفع من خلال المواطن الا بيشتري العربية يعني انا بدفع الجمارك والضريبة وبمستفدش من اي حاجه غربيه ...
المفروض يتم عمل تخفيض علي السيارات من خلال الجمارك والرسوم وبكده يكون شرائها سهل ..