الموضوع: السعر الحقيقى للدولار

المشاركة الأصلية كتبت بواسطة mecha

يا نهار مدوحس هي حصلت كدا ,اللانس يعتبروه اشرهباب .اومال في السكه الحديد مبيستعملوش الحاجات دي !!!!!,احنا كنا بنستعمل الشربون الكهربا في التفوير.ايه اللي جري في الدنيا.انت ادري بالدنيا المقلوبه يا بشمهندس .

سمعت و الله اعلم انهم بيستخدموه فى السكة الحديد ... بس معنديش معلومات مؤكدة

المشاركة الأصلية كتبت بواسطة mecha

باشا البليكه دي حصلت قبل كده في بدايه الالفينات . قالك سلع افتزازيه عشان لقي ناس بتستورد بودرة طعميه واكل كلاب معلب .لكن في القلب قالك ممنوع استيراد اي منتج له مثيل محلي .المهم الناس دي مش دريانه بالدنيا حطو ضمن المنع خراطيم الهيدروليك افتكروها زي خراطيم الميه التيل المحلي واهو كلو خراتيم ههههه .كت بأيف تونج فرحت اشتري حاجات من واحد مشهور من الاضيش الهيدروليك .وانا في المخزن دخل علينا البيه وباللفظ - متسولين البلد جايين عاوزين مني خراطيم - .القصد القرار جاله علي الطبطاب وستوك المخازن عكم وقفش منو فحت .وهوبا شويتين والهوجه راحت . وشوف عندك اسعار السلع هتنزل !! ولا هتفضل فوق.

و للأسف ... ده الى ممكن يحصل ... و نفتح مجال لوجود سوق سوداء فى كل السلع ... و ده الى كنت اقصده بسؤالى عن مين الى يحدد السلع الاساسية و السلع الاستفزازية ... و بناء على ايه ؟!!

و زى ما حضرتك ذكرت ... الاسعار حتزيد نتيجة قلة المعروض .. مش نتيجة ارتفاع الدولار

المشاركة الأصلية كتبت بواسطة mecha

كمان ياباشا ,محسوبك هليهلي بالاوي هههه .الحاجات الوش دي يانهار .كام واحد من الالاضيش الاخوانيه دول في المنتدي قفشت معاهم ومبطاقهمش من ايام الكليه .مقضينها بيومي

انا بس معترض على حاجة و حقولها لحضرتك علشان بعزك ..... اطلاق الفاظ على اى مجموعة من الناس او حتى ادوات ... اول خطوة علشان تكرههم .. و لو كرهت حاجة .... حتدى لنفسك العذر انك تعمل ضدهم اى حاجة
مش عاوز الموضوع يقلب سياسة احتراما لقوانين المنتدى ....

اسمع النصيحة دى من اخوك .. و لو مقبلتهاش ... يبقى و لا كأنى قلتها :)

تقبل تحياتى و احترامى

المشاركة الأصلية كتبت بواسطة karim alaa

ي
استاذ ahmed_eng2001

اكيد مزهقتش انا بس حسيت ان مفيش خلاف مبينا و فى نفس الوقت كلامك على انك مختلف معايا و ادينا و وصلنا لنفس النقطه المسكن ده مكنش فى حاليا اى حل غيره هيعملو ايه بعدين بقى ده فى علم الغيب ( مع اننا عارفين كويس انهم مش هيعملو حاجه )

و كويس انك فهمتنى سعر البنزين اتقفنا تقدر تدفع 6 جنيه فى لتر البنزين و هيغلى اكتر و يبقى ب 9 لما الدولار يبقى ب 15 ؟ ده بس الى هيجيلنا احنا على طول غير زياده سعر الرغيف و خلافه عشان كده هو ميقدرش يقول سيبها تولع و المشكله اننا بنستورد كل شىء لو ده مش حقيقى و بنصنع و لا كنا حسينا بالقيمه الغير عاديه للدولار دى و اتمنا يكون فى اى حد بيعمل خطه يقدر ينفذها تشيل و لو 20 فى الميه من الدمار الى احنا فيه ده

اختلافنا فى قرار البنك المركزى نفسه .... القرار ده لازمله خلفيات و تاريخ و ثقافة معينة .. علشان القرار ده يطلع ... و بدون التخل فى السياسة ... انا عاوز خطة طويلة الامد علشان احكم على القرار ده حجمه اد ايه فى الخطة الكبيرة

القرار ده معمول علشان يكعبل ارتفاع سعر الدولار ( الى لسه فى طريقه للزيادة ) و بعد ما راتفاع الدولار يرجع يقف تانى ... لازم اكون مجهز طريقة تانية لوقفه تماما .. او تبطأته لحين تجهيز خطوة اخرى

انما القرار لوحدة كدة !!! مينفعش

بالنسبة للاسعار .... حترتفع مفيش كلام و حنوصل ل 8 جنيه بطريقة او باخرى ... طالما انت جزء من العالم و بتقول انك منفتح عليه ... و لا نستطيع غير اننا نكون منفتحين عليه

اما عن ايه بديل القرار ده ..!!!! اعتقد ان الى طلع القرار ده كان ممكن يطلع قرارات تانية :b4_556:

المناقشات و الحوارات حول موضوع السعر الحقيقى للدولار مثمرة و جميلة و خفف من حدتها خفة دم الاعضاء اللى اضافوا لى البسمة و انا اقرا مداخلتهم.....نرجع للموضوع فى الاهرام اليومى الاسبوع الماضى ذكر الاستاذ فاروق جويدة شكوى اصحاب مصنع "كان" يوفر العمل ل800 شخص بأنه اضطر للاغلاق لفشله بفتح حساب بالدولار و القى بالوم طبعا على قرار المركزى و كذا بدأ بعض الشح فى بعض قطع غيار السيارات و ذكر ملحق السيارات بجريدة الاهرام الجمعه توقف بعض الشركات عن توريد انواع احدث من السيارات وذكر بعض المشاكل ( يمكن الرجوع لعدد ملحق سيارات الاهرام) و اكيد الخطوة المصاحبة لقلة المعروض هى ارتفاع فى الاسعار و ركود فى الكثير من الصناعات المعتمدة على الاستيراد و للاسف لا يمكن الحفاظ على سعر الدولار " بقرار " و لكن كان يحتاج " أجراءات و ليس قرارات" فالقرار اصبح الاستمرار فى تنفيذه شبه مستحيل و اعتقد لا يمكن الاستمرار فية لما بعد رمضان , لأن رمضان يعنى الاحتياج الشديد للاخضر لتوفير المواد الغذائية المطلوبة فى رمضان .... وده هيشدنى لما بعد رمضان اقصد الحج كيف ستتعامل الدولة مع نزيف العملة الصعبة القادمة فى عمرات رجب و شعبان و رمضان و الحج و هى على الابواب مشكلة جديدة مطروحة للنقاش.....

الإخوة الافاضل نقاش علي مستوي عالي والله. القرارات عطلت ارتفاع الدولار المطرد و رايي المتواضع ان ده يعكس سعر الدولار الحقيقي امام الجنيه. لي اصدقاء اكدواىلي انهم لا يستطيعون الحصول علي الدولار من البنوك لتسيير مشاريعهم و بالتالي يلجأوا الي اي مصادر غير البنوك "السوق السوداء". اذا لم يتوفر الدولار للمحتاجين له لأعمالهم ستكون النتيجة زيادة الفارق في سعرة اما الجنيه. الي بيحصل الان هو انحناء للموجه مناصحات الصرافة او المتاجرين بالعملة و التاريخ يثبت حدوث هذا عدة مرات. ما هو الأفضل للبلد ده موضوع تاني ....

السؤال هو ما الخيارات المطروحة.....؟ الحقيقة لا أعرف و الأجابة متروكة لخبراء الاقتصاد و المال, الجنية خسر الكثير من قيمته امام الدولار و تدخل المركزى لايقاف حركة العرض و الطلب الحرة و المتروكة لحركة السوق و لكن بطريقة عكسية فبدلا من اكثار العرض اجهض كفة المطلوب على حساب حركة السوق و لا الومه فيما فعل فلو ترك العمليه للعرض و الطلب بصورة حرة الله اعلم كم سيخسر الجنيه من قيمته و لكن كما اسلفت من قبل هذا قرار غير مدعوم بأجرءات تكفل نجاح القرار و استمراريته و الحقيقة الله يكون فى عون المسؤولين فأنا غير متشائم بطبعى و لكنى ارى الخيارات المتاحة محدودة جدا ......ربنا يفرجها من عنده
99

موضوع السعر الحقيقى للدولار كان فى 11 ابريل الماضى و فى 27 ابريل انقل لحضارتكم مقتطفات من جريدة البورصة المصرية بطريقة كوبى بست بدون اى مونتاج من عندى العنوان هو" قوائم انتظار رينو ومرسيدس تمتد من 6 أشهر وحتى عام "


الإثنين 27 أبريل 2015 10:03 ص
كتب ـ شريف عيسى:
علمت «المال» من أحد كبار تجار السيارات فى الإسكندرية أن عددا من العلامات أبرزها «رينو» و«مرسيدس» تعانى قوائم انتظار طويلة للغاية تمتد من 6 أشهر وحتى عام كامل للحصول على السيارة.
وقال إن طرازات وموديلات «رينو» بها قوائم انتظار تمتد لستة أشهر، وأنه فى حال رغبة العميل فى الاستلام الفورى لها فإن ذلك يزيد من سعرها الرسمى للموزع والوكيل بواقع 10 آلاف جنيه.
وأوضح أن إقبال المستهلكين على شراء طرازات وموديلات مرسيدس قد تراجع بصورة كبيرة بداية من فبراير الماضى؛ نتيجة انخفاض المعروض، وعجز الوكلاء على توفيرها فى القريب العاجل، نتيجة بلوغ قوائم انتظارها عامًا كاملا.
وأشار المصدر إلى أن ميناء الإسكندرية يعانى من تكدس للسيارات المستوردة من الخارج، والتى يعجز الوكلاء والموزعون عن الحصول على الإفراج الجمركى لها؛ نتيجة أزمة فتح الاعتمادات الدولارية والممتدة منذ ما يقرب من شهرين.
ولفت إلى أن استمرار البنك المركزى المصرى فى تفعيل قراراته المتعلقة بوضع حد أقصى للإيداع النقدى بالدولار فى البنوك عند عشرة آلاف دولار يوميا للأفراد والشركات وبإجمالى 50 ألف دولار شهريا لمكافحة غسل الأموال والسوق السوداء، سيؤدى إلى انهيار سوق السيارات محليا، فى ظل عجز الوكلاء والموزعين على تلبية احتياجات السوق، والذى يعانى حاليًا من فجوة حقيقية تتسع بمرور الوقت بين العرض والطلب. خلال الربع الثانى نتيجة استمرار أزمة الدولار.
أنتهى المنقول.... بالضبط هو ده اللى اشرت عليه فى موضوعى و اثرته هنا علشان ده منتدى يهتم بكل ما يحتك بالسيارات و لكنه يؤثر على كل مناحى الحياة فى مصر ( ببساطة لأننا نستورد كل حاجة تقريبا) ....و اكيد موضوع انسحاب شركة ديملر فى تجميع المرسيدس ده السبب الرئيس (نقص توريد السيارات لنقص الاتمان ) و اكيد هيلحق بديملر شركات اخرى.....و الحل ....حل قريب الاجل معرفش انما حل طويل الاجل لازم نقلل الاستيراد علشان نهرب من لعنة الدولار...الدول اللى اتعرضت للحصار الاقتصادى من امريكا استفادت اكثر من ناحية تطوير صناعتها المحلية بس كان على حساب مستوى رفاهية الافراد ....و