الموضوع: لو بقى معاك فلوس !!!

المشاركة الأصلية كتبت بواسطة Mahmoud Naguib

Mecha وهو حضرتك عايش ف استراليا وبتقيس وضعك على وضع مصر واللي فيها !!
مقارنة ظالمة بالمرة !!
لو حضرتك مصري وسافرت على كبر هتفهم قصدي بس ممكن تكون مسافر من صغرك أو مولود أصلا هناك !!
وف الحالتين مصر بلد اللامعقول أي حاجة صح ف الدنيا كلها هتلاقيها غلط ف مصر !!
ياريت متتكلمش ع الناس ومتنتقدهمش واتكلم عن الحكومات الظالمة والفاسدة اللي بتحكم الدولة !

يا سبحان الله يا اخي ,هو انا عشان قلت رآي مش عاجب البعض-في انحطاط اخلاقيات الناس بسبب الانفتاح- الهجوم يكون علي شخصي.يبو راضيين عن اخلاقيات الانفتاح !!!. لا يا اخي عشت واتعلمت واشتغلت في مصرسنين . اشتغلت بملاليم الملاليم ومع الخبره ربنا كرمني بردك في مصر. وحاليا راكب عربيه موديل 94 وعامل فيها شغل يعني ممشي حالي. اللي انا موش فاهمه واحد مثلا راكب اوروبي موديل حديث وبيشتكي ويهاجمني .او استاذ مثلا معتبر عربية بمية الف جنيه حقيره!!!.دا كلام يجن .عاوز رولز ولا بنتلي ولا يتواضع بمرسيدس في متناول اليد !!!!.فين فين في انهي دنيا في انهي عالم دا بيحصل .لف امريكا سويسرا النرويج استراليا كندا وشوف .اللي راكب عربيه حديثه جايبها فينانس والبيوت والشقق كذلك لكن ندره جايبها كاش!!!! .وكلو سمع عن كارثة mortgage في امريكا اللي خدت اقتصادها والعالم للركود اقساط قايمه ومفيش شغل وشوف ديترويت والخراب اللي حل بيها.وفي البلاد السابقه "المتقدمه الغنيه!!" ناس كتيييييير راكبين العربيات الحقيرة ام" ميت الف جم" الصيني والهندي والكوري والياباني وراضيين بيعيشتهم وبيسعوا.ربنا يهدي

المشاركة الأصلية كتبت بواسطة afndina

علي كدا مصر كلها حتبقي في السجن
مهو اخلاق الناس كلها زفت وكمان لازم يبقي لكل مواطن ظابط ماشي وراه علشان يطبق القانون علشان يمشي زي الالف
ضمير الانسان يا استاذي الفاضل هو اللي بيطبق القانون , غير كدا القانون عبارة عن حبر علي ورق واي حكومة في العالم مش حتقدر تعمل اللي سياتك بتقول عليه لازم يبقي في اخلاقيات عند الناس .
اما بقي الكلام اللي انا علمت عليه بالازرق في مداخلتك اللي فاتت , دا يثبت كلامي ان حضرتك بتعلق فشلك علي الحكومة علشان ترتاح .
والناس اللي مش عجبها كلامي وبتقول عليه فزلكه ,اكيد دي اول ناس بتكسر القوانين واول ناس بتمشي عكس واول الناس اللي بتركن صف تالت ولما تيجي تكلمهم تقلهم ابدأوا بنفسكم يقلك خلي الحكومة الاول تعمل قوانين تمشي علي الكل .
والنوعية دي هي سبب من اسباب تخلف البلد , لانها دايما تقلك اشمعنا انا
اجبلك من الاخر علشان تنجح في حياتك
ابعد عن طريق القطيع واصنع طريق خاص بيك , صدقني حتوصل

اطبق القانون في بلد مش بتطبق القانون ؟

ربنا لما امرنا ان احناةيبقي عندنا ضمير و نشتغل و بحسن الاخلاق في نفس الوقت حط القوانين و حط الجزاء و العقاب عسان اللي يلتزم ياخد ثمرة التزامه و اللي يمشي غلطةليه عقابه في الاخر انما ربنا مسابش الموضوع مفتوح من غير جزاء و شاف كل واحد هيبقي كويس و لا لا

انا لما ابقي متاكد ان انا لو عملت الصح هيجي غيرى و يسرق مجهودي عشان عنده واسطة عشان القوانين مش بتطبق عل الكل بالحق عشان الفساد يبقي اشتغل ليه

و علي فكرة اي شعب في العالم بيحس بالفساد وعدم المساواة مش بيشتغل لان ديه حتجة طبيعية لما اعرف ان مجهودي كده كده هيتسرق يبقي اتعب ليه ؟

و المواطن برة مش ببحترم نفسه عشان عنده ضمير طببعي لا لانه عارف انه لما يشتغل هيلاقي عارف ان فيه عدل عارف ان فيه قوانين بتطبق علي الكل و ان اى واحد بيخالفها بيتعاقب مش انا اتعاقب و ابن الباشا لا

يا ريت بلاش نظام جلد الذات و نقعد نشتم في الشعب و نقول العيب فيه لا العيب في المناخ كله اللي ميساعدش علي حاجة كويية و الدليل المصريين اللي بيخرجوا برة البلد و بينجحوا و ينحتوا في الصخر بس ليه ؟ عشان عارف اني هشتغل هلاقي نتيجة مجهودي

المشاركة الأصلية كتبت بواسطة mecha

يا سبحان الله يا اخي ,هو انا عشان قلت رآي مش عاجب البعض-في انحطاط اخلاقيات الناس بسبب الانفتاح- الهجوم يكون علي شخصي.يبو راضيين عن اخلاقيات الانفتاح !!!. لا يا اخي عشت واتعلمت واشتغلت في مصرسنين . اشتغلت بملاليم الملاليم ومع الخبره ربنا كرمني بردك في مصر. وحاليا راكب عربيه موديل 94 وعامل فيها شغل يعني ممشي حالي. اللي انا موش فاهمه واحد مثلا راكب اوروبي موديل حديث وبيشتكي ويهاجمني .او استاذ مثلا معتبر عربية بمية الف جنيه حقيره!!!.دا كلام يجن .عاوز رولز ولا بنتلي ولا يتواضع بمرسيدس في متناول اليد !!!!.فين فين في انهي دنيا في انهي عالم دا بيحصل .لف امريكا سويسرا النرويج استراليا كندا وشوف .اللي راكب عربيه حديثه جايبها فينانس والبيوت والشقق كذلك لكن ندره جايبها كاش!!!! .وكلو سمع عن كارثة mortgage في امريكا اللي خدت اقتصادها والعالم للركود اقساط قايمه ومفيش شغل وشوف ديترويت والخراب اللي حل بيها.وفي البلاد السابقه "المتقدمه الغنيه!!" ناس كتيييييير راكبين العربيات الحقيرة ام" ميت الف جم" الصيني والهندي والكوري والياباني وراضيين بيعيشتهم وبيسعوا.ربنا يهدي

عشان في مصر ال 100 الف جنيه بيجيبوا عربية صيني اللي هي اصلا مش مسموح ليها تعتب ابواب الدول النضيفة .. شوف لما تحول المبلغ ده ليورو او دولار هتركب بيه ايه ؟ لو جبت للراجل الطيب ده نفس العربية اللي بنفس المبلغ في امريكا او اوروبا انا متاكد انه هيبقي طاير من الفرحة

في الدول النضيفة مفيش تواجد للعربيات الهندي و الصيني و العربيات الكورى و اليابانى احدث الموديلات باحدث تكنولوجيا بتنزل و اسعارها تقريبا نفس اسعار الاوروبي

و الناس برة بتقسط كل حاجة بس عايشين فرقت ايه انا دافع كاش و لا قسط المهم اني قادر اشتري حياة متكملة نضيفة و استمتع بيها

الناس اللي مسافرة وعمالة تتكلم على الحكومات وانها كويسة وإن المصريين اللي مش عاجبهم حاجة !!
طب لما حضرتك شايف برضه إن المفروض كل واحد يغير من نفسه لأننا وحشين وإن الحكومة مالهاش أي دخل لي حضرتك سيبتها وسافرت !!

مفضلتش لي هنا وغيرت من نفسك لما هي هتبقى حلوة لو عملت كدة !!!
حتى ف ردك بتقول ربنا كرمني وسافرت معنى كدة إننا مغلطناش لما قلنا إن السفر كرم ورزق من عند ربنا خصوصا لو اللي خارج خارج من مصر !!

واللي بيقول برضه الإنسان يبدأ بنفسه ومالهوش دعوة بالناس
أنا لما أروح مصلحة حكومية واقف بالساعات علشان أخلص ورق وانا جاي الأول بس الموظف مبيخلصش غير بالشاي بالياسمين وانا راجل بتاع مبادئ ورقي مش هيخلص ف سنة حتى !!
ولما أكون سايق سليم والناس بتجري حواليا وتضايقني وعربيات خضار واقفة ف الطريق ومطبات ف كل حتة ده محتاج برضه تبقى مختلف وتبدأ بنفسك !!
ولما تسكن ف مكان وتلاقي جيرانك صوتهم عالي وفي مشاكل منهم بتجيلك ولو جيت تتكلم يقولك الجيرة ومش الجيرة يبقى تبدأ بنفسك برضه !!
ولما النور يقطع عليك طول اليوم يبقى تبدأ بنفسك برضه !
ولما كل السلع تغلى والأسعار تولع هتبدأ بنفسك برضه !
ولما تخلص كلية طلع عينك فيها وكورسات وحوارات ومتلاقيش وظيفة تبدأ بنفسك برضه !!
ولما تعدي ال30 وانت لسة متجوزتش هتبدأ برضه بنفسك !!

سيدي الفاضل مفيش أساس أصلا تبنى عليه قيم ................................................

مشكلة الملتزم في بلدنا انه بيعاني من عدم التزام غيره ، لكن مش معني كده ان علشان الناس اللي حولي غير ملتزمين و بيخرقوا القانون يبقي اكون مثلهم . و انا مالي. كل واحد بيتحاسب لوحده و مفيش حاجة اسمها اصل الكل كده.اللهم الا لو اجبرت اجبارا زي بعض الموظفين في بعض المصالح اللي يجبرك تدفع عشان تخلص مصلحتك. اجبار يعني يطلب صراحة او يوقف ورقك . يعني انت مش بتاخد حق حد .انت بتاخد حقك الطبيعي لكن مجبر تدفع تمنه لمن لا يستحق.
اما مسألة ان الحكومة السبب في اللي احنا فيه ، فده صحيح الي حد كبير . لو كان القانون يطبق علي الجميع كان علي الاقل اللي مش ملتزم هيجبر انه يلتزم خوفا من القانون.
اللي حضر مترو الانفاق اول ما اشتغل هيعرف قصدي . التزام الناس يخليك تحس ان ده مش الشعب المصري لان الغرامة كانت فورية و مبلغ مش كبير و سهل لكن بيوجع. محدش كان يجرؤ يدخن او يرمي حاجة في الارض او رجل يركب عربة السيدات و لو كان احيانا واحد نسي يتخض و يتأسف و ينزل المحطة اللي بعدها. ايام الفوضي الملتزم برده هيعتذر و هينزل عشان ملتزم لكن غيره اللي يخاف بس مش هيهمه طالما القانون معطل.
لو الشعب كله كان متربي علي القيم و المبادئ و الدين ، مش هنحتاج حد يراقب تطبيق القانون .كفاية نصوغ القانون و الناس ستلتزم لكن للاسف الاخلاق في انحدار و تطبيق القانون هو الحل. من لم يربه اهله القانون سيربيه او تطبيق القانون .

في جميع المجتمعات فيه قيم ومبادئ ومُثل عليا
ناتجة إما من الأديان أو الأعراف
تكاد تكون القيم والأخلاق الناتج عن العرف أو الدين في جميع المجتمعات متشابهة حد التطابق
ومع ذلك مفيش مجتمع تقدم إلا لما النخبة والطبقة المثقفة قدرت تفرض مبادئها وتعمل القانون لحد ما الناس إكتسبت ثقافة النخبة
طبعًا .. مش الناس المتعلمة أو اللي بتعرف تقرأ وتكتب ( بقصد النخبة المثقفة )

فالشخص العادي لما يبقى عنده طموح يوصل لتقدير النفس ودا يبقى طموح عدد كبير من الشعب
وقتها النخبة دي هتقدر توصل من خلال أفراد منها للحكم لإنها نشطة ولها جمهور كبير .
وقتها بس المواطن المصري هيوصل للرقي اللي وصله العالم
إنما أعذرني , تبقى طموح إنك يبقى معاك فلوس عشان تشتري ماركات وتدخل أفلام و تتجوز عدد من النساء
واللي تدوسلك على طرف تبدلها بإتنين وتركب عربيات آخر موديل
فأنت حتى إن وصلت للمال لن تشعر بإنسانيتك ومجتمع هوا دا كل طموحه عمره ماهيعرف يقضي على الفساد ولا هيرتقي ولا حتى هيتقدم خطوة
أ , ب حضارة = إحترام الآخر .. والحاجة دي مفقودة عندنا .
التنوير عمره مابدأ من رأس الهرم ( الحكومات ) لازم يبدأ من مفكرين نشطين في قاعدة الهرم ( شعوب )

ودا لا يعني إن الفوضى اللي إحنا فيها الحكومة مش مشتركة فيها .... أسباب تراكمية ومشاكل متوارثة أكتر من فساد
لازم يبقى فيه قاعدة شعبية عندها مثل وقيم عليا ووصلت لدرجة عالية من إحترام المبدأ ونفسها ترتقي بالإنسان
لسه مشوارنا طويل وحربنا شرسة .

المشاركة الأصلية كتبت بواسطة lena jo

مشكلة الملتزم في بلدنا انه بيعاني من عدم التزام غيره ، لكن مش معني كده ان علشان الناس اللي حولي غير ملتزمين و بيخرقوا القانون يبقي اكون مثلهم . و انا مالي. كل واحد بيتحاسب لوحده و مفيش حاجة اسمها اصل الكل كده.اللهم الا لو اجبرت اجبارا زي بعض الموظفين في بعض المصالح اللي يجبرك تدفع عشان تخلص مصلحتك. اجبار يعني يطلب صراحة او يوقف ورقك . يعني انت مش بتاخد حق حد .انت بتاخد حقك الطبيعي لكن مجبر تدفع تمنه لمن لا يستحق.
اما مسألة ان الحكومة السبب في اللي احنا فيه ، فده صحيح الي حد كبير . لو كان القانون يطبق علي الجميع كان علي الاقل اللي مش ملتزم هيجبر انه يلتزم خوفا من القانون.
اللي حضر مترو الانفاق اول ما اشتغل هيعرف قصدي . التزام الناس يخليك تحس ان ده مش الشعب المصري لان الغرامة كانت فورية و مبلغ مش كبير و سهل لكن بيوجع. محدش كان يجرؤ يدخن او يرمي حاجة في الارض او رجل يركب عربة السيدات و لو كان احيانا واحد نسي يتخض و يتأسف و ينزل المحطة اللي بعدها. ايام الفوضي الملتزم برده هيعتذر و هينزل عشان ملتزم لكن غيره اللي يخاف بس مش هيهمه طالما القانون معطل.
لو الشعب كله كان متربي علي القيم و المبادئ و الدين ، مش هنحتاج حد يراقب تطبيق القانون .كفاية نصوغ القانون و الناس ستلتزم لكن للاسف الاخلاق في انحدار و تطبيق القانون هو الحل. من لم يربه اهله القانون سيربيه او تطبيق القانون .

القانون عشان يتم تطبيقه لازم يبقى فيه آليات تساعد على تطبيقه
مش زرار بيداس بسهولة , منظومة كاملة لازم تتفعل ودا فيه شق إقتصادي أكتر بكتير من مجرد حسن النية