الموضوع: لو بقى معاك فلوس !!!

المشاركة الأصلية كتبت بواسطة ESO101

في جميع المجتمعات فيه قيم ومبادئ ومُثل عليا
ناتجة إما من الأديان أو الأعراف
تكاد تكون القيم والأخلاق الناتج عن العرف أو الدين في جميع المجتمعات متشابهة حد التطابق
ومع ذلك مفيش مجتمع تقدم إلا لما النخبة والطبقة المثقفة قدرت تفرض مبادئها وتعمل القانون لحد ما الناس إكتسبت ثقافة النخبة
طبعًا .. مش الناس المتعلمة أو اللي بتعرف تقرأ وتكتب ( بقصد النخبة المثقفة )

فالشخص العادي لما يبقى عنده طموح يوصل لتقدير النفس ودا يبقى طموح عدد كبير من الشعب
وقتها النخبة دي هتقدر توصل من خلال أفراد منها للحكم لإنها نشطة ولها جمهور كبير .
وقتها بس المواطن المصري هيوصل للرقي اللي وصله العالم
إنما أعذرني , تبقى طموح إنك يبقى معاك فلوس عشان تشتري ماركات وتدخل أفلام و تتجوز عدد من النساء
واللي تدوسلك على طرف تبدلها بإتنين وتركب عربيات آخر موديل
فأنت حتى إن وصلت للمال لن تشعر بإنسانيتك ومجتمع هوا دا كل طموحه عمره ماهيعرف يقضي على الفساد ولا هيرتقي ولا حتى هيتقدم خطوة
أ , ب حضارة = إحترام الآخر .. والحاجة دي مفقودة عندنا .
التنوير عمره مابدأ من رأس الهرم ( الحكومات ) لازم يبدأ من مفكرين نشطين في قاعدة الهرم ( شعوب )

ودا لا يعني إن الفوضى اللي إحنا فيها الحكومة مش مشتركة فيها .... أسباب تراكمية ومشاكل متوارثة أكتر من فساد
لازم يبقى فيه قاعدة شعبية عندها مثل وقيم عليا ووصلت لدرجة عالية من إحترام المبدأ ونفسها ترتقي بالإنسان
لسه مشوارنا طويل وحربنا شرسة .

كلام سليم لكن مين النخبهة اللي عندنا الان في مصر ؟مين اللي الاعلام مهتم بهم و عاملينهم القدوة و بيستضيفوهم في البرامج و كان مفيش غيرهم .مين المثل الاعلي للشباب؟
الممثلين و الراقصات لدرجة ان الراقصات بيقدموا الان برامج.ماشاء الله . و قدوة الشباب و النجاح بالنسبة لهم ستار اكاديمي و غيره من البرامج الفنية البحتة و كانها شئ مهم .خلاص من قلة المغنيين. فيه برنامج واحد عن اي مخترعين او متفوقين في اي مجال؟ لا دول مطحونين و افكارهم علي الورق في الادراج .رجال الاعمال بيتبنوا لاعبي الكرة لكن حد اتبني مخترع و لا حتي اشتري اختراع من اي باحث. مين اكثر ناس بيكسبوا فلوس ؟
الاعلام لو عايز ممكن يركز علي المخترعين او الباحثين و رجال الاعمال يكونوا sponsors للبرامج دي و يستفيدوا من الاختراعات طبعا لو مفيدة و يكون فيه مسابقات مفيدة غير الغناء و التمثيل و الهلس.
الاعلام هوه اللي شوه رجال الدين بانهم بيختاروا الفتاوي الغريبه لناس غريبة عشان يقولوا هما دول رجال الدين و يشوهوا الدين نفسه و جايبين امثال اسلام البحيري يتعدي بكل وقاحة علي العلماء و الائمة في احسن الازمنه و اقربها لزمن النبي (عليه الصلاة و السلام) انا عرفت الشخص ده من موضوع هنا في المنتدي لكن الحمد لله لم ولن اشاهد برامجه
الاعلام بيسيطر علي تفكير كثير من الشباب و بيوجهه بدون ان يشعر و الحمد لله عندنا اعلام اكثر من سيئ. ربنا ينتقم منهم

دى كام نقطه جت فى بالى بمناسبه تحول الكلام عن الموضوع لجوانب الشغل والفرص والحكومه

*دى شويه مشاكل من مصر فى نقاط :
-الواسطه مش بس بالمفهوم الضيق اللى هو ظابط بيجيب رخص قرايبه ولا موظف كبير بيعين اصدقائه انما فى كل الطبقات بمعنى ان حضرتك لو موظف صغير فى اى جهه واحد قرايبك جاى يخلص مصلحه عندك راقب تصرفاتك واعرف انك بتعمل نفس اللى بيعمله الظابط وغيره لانك ببساطه مش حتوقفه فى الطابور وحتخلصه الاول طيب لو حد شغال شغل خاص شوف برضه تعاملك مع زبون عادى وحد معرفه ولاحظ الفرق
من الاخر الموضوع فى مصر واخد طبيعه شخصيه بعكس بره انت فى الشغل شخص غير اللى بره الشغل وبالتالى انا شايف اننا كلنا ملطوطين فى موضوع التسهيل للاقارب ولو كلنا كنا ظباط او فى مناصب عليا برضه حنسهل طلبات الاصدقاء والعائله من باب الخدمات الاجتماعيه او المميزات الوظيفيه وده اول غلط .

-الحكومه عندنا مشكله ازليه فى طريقه تعاملنا مع الحكومه احنا بنبص للحكومه انها المفروض تعمل كل الخدمات اللى تريحنا وتخلينا نعيش فى جو محترم وده صح جدا ولكن خليك منطقى فى نظرتك للوضع مصر عندها عجز فى الموازنه من يوم مبقينا جمهوريه بمعنى ان البلد دى ليها طرفين ايرادات ومصروفات طيب لما المصروفات تبقى اكتر من الايرادات يبقى ايه الوضع يبقى مش حنقدر نطور ولا نعمل خدمات طيب والحل الحل زى اى منظمه فيها عجز"سواء مؤسسه خاصه او اسره" نقلل المصروفات ونعلى الايرادات يا اما نستلف والحل التالت هو المطبق من قديم الازل لانه الاسهل واللى مبخليش حد يشتكى
حتقوللى طيب مطالما بنستلف ليه مش بنعمل خدمات ونرفه الحياه فى البلد اقولك لانك لو بصيت على مصروفاتك حتلاقى ان مصر دوله عجيبه ليه اقولك اكبر بنود المصروفات وقوللى رأيك
1-الدعم مصر بتدعم المواطن من يوم مبيتولد وفى الغالب لحد وفاته ازاى اقولك يتولد يتعمله بطاقه تموين ياخد منتجات بأقل من سعر السوق والحكومه تدفع الفرق يكبر شويه تعلمه "وده واجب على كل دوله لغايه التعليم الاساسي" لغايه ميتخرج من الجامعه ولما يحب يجيب عربيه وهو فى الجامعه حتى لو 128 حمرا تخليه يدفع جزء من البنزين وهى تدفع الباقى ولما يتخرج يبدأ يدور على الحكومه تشغله وده "لو تحقق" يجرنا للبند رقم
2-المرتبات الحكوميه مصر بتدفع مرتبات لحوالى 5 مليون موظف حكومى كلنا عارفين ان منهم حوالى 60 % مبيشتغلوش بيقبض ومبينتجش "حتى لو بيقبض 500 جنيه المهم ان الدوله بتدفعله ومبتاخدش منه مقابل .
3-فوائد القروض اللى بناخدها علشان نسد العجز فى الموازنه كل سنه تخيل انك بتستلف علشان تسدد اللى انت سالفه السنه اللى فاتت واللى قبلها

ودى البنود الرئيسيه اللى بنصرف فيها كل ايراداتنا وعليها شويه سلف طيب فين بقى فلوس الخدمات والمشاريع الجديده متفكرش لانها مش موجوده وعلى فكره حل المعضله دى عمرنا محنلاقيله حل لاننا مش عارفين هى البيضه الاول ولا الفرخه بمعنى هل الحكومه تعمل الخدمات الاول وبعدين تشيل الدعم ولا تشيل الدعم وبعدين تعمل الخدمات طيب توظف الشباب الجديد ولا تمشى ال60% اللى مبيشتغلوش وهكذا
حط نفسك مكان الشعب مره وجاوب وحط نفسك فى المسؤليه العامه مره وجاوب وشوف الفرق .

-طيب كمان حاجه حضرتك عايز تعيش بره السؤال المنطقى لما تسافر حتشتغل ايه وتاكل منين لانك لو عبقري فى مجالك او بتعرف تعمل حاجه مش كتير بيعرفوا يعملوها وانت مبدع فيها مش محتاج تقول ازاى اقدر اسافر لانك بمجرد متقدم ما يثبت تفوقك فى اى مجال مطلوب بره اغلب الدول المتقدمه حتاخدك علشان انت حتفيدهم اكتر من غيرك
اما لو كنت عايز تسافر وانت مش مميز فى اى مجال يبقى نصيحه خليك هنا لان بره انت مش حتعرف تعمل حاجه وحتشتغل فى مهن عمرك متتخيل تشتغلها هنا وحتبقى مضطر تشتغلها مش علشان تركب عربيه زى مانت فاكر لا حتشتغلها علشان تاكل وتشرب لان بره الحكومه مبتأكلش حد ولا حد حيأكلك من غير مقابل وفكر ان مش كل الالمان والامريكان والكنديين مهندسين ودكاتره وعلماء لا حضرتك فى هناك ناس برضه تعبانه وحياتها صعبه جدا وفى هناك برضه ناس مش لاقيه شغل فالشغل اللى انت بتعمله مش ناقص عندهم انك تعمله انما انت حتشتغله علشان انت حتقبل بمرتب ارخص .


-حاجه كمان الاعلام خلينا نتكلم شويه بمنطقيه كلنا متفقين على دور الاعلام سواء فى التوجيه او التعليم او الثقافه ولكن ده للاشخاص الغير متعلمين "مع كامل احترامى ليهم" لان لو شخص متعلم قال كده يسمحللى اقول ان حاليا فى ظل الانفتاح المعلوماتى الرهيب وتنوع مصادر المعرفه لو الاعلام وجهك يبقى انت اللى سايب نفسك واسرتك لغيرك علشان يتحكم فيك لان اى معلومه او بند او خبر تشوفه اعلاميا بمجهود "ممكن يكون بسيط او كبير حسب رغبتك فى الالمام بالموضوع" تقدر تستوثق منه وتتأكد من صحته وكل ما قيل فيه من كافه الاطراف وبعدها احكم وكون رأيك واحترم رأى الاخرين
فبلاش نحمل موضوع الاعلام اكبر مما يستحق ،نعترف بتأثيره وقوته ولكن نعترف برضه بتقصيرنا وكسلنا عن البحث والسؤال والتعب للوصول للحقيقه فاحنا بنسمع من الاعلام واللى على هوانا يبقى صح وبيؤكد صحه فكرنا واللى مش عاجبنا الاتهام جاهز "اعلام مضلل" من غير تعب


**اخيرا النقط اللى فوق كلها ممكن كل نقطه نتكلم فيها فى موضوع لوحده ولكن هى جت فى بالى مع تصفحى للردود\ فى الموضوع ومحاوله منى لعرض رأيي الشخصى وبالتأكيد هو رأى يحتمل الخطأ واحترامى لكل ارائكم .
تحياتى.

المشاركة الأصلية كتبت بواسطة eslamrace

دى كام نقطه جت فى بالى بمناسبه تحول الكلام عن الموضوع لجوانب الشغل والفرص والحكومه

*دى شويه مشاكل من مصر فى نقاط :
-الواسطه مش بس بالمفهوم الضيق اللى هو ظابط بيجيب رخص قرايبه ولا موظف كبير بيعين اصدقائه انما فى كل الطبقات بمعنى ان حضرتك لو موظف صغير فى اى جهه واحد قرايبك جاى يخلص مصلحه عندك راقب تصرفاتك واعرف انك بتعمل نفس اللى بيعمله الظابط وغيره لانك ببساطه مش حتوقفه فى الطابور وحتخلصه الاول طيب لو حد شغال شغل خاص شوف برضه تعاملك مع زبون عادى وحد معرفه ولاحظ الفرق
من الاخر الموضوع فى مصر واخد طبيعه شخصيه بعكس بره انت فى الشغل شخص غير اللى بره الشغل وبالتالى انا شايف اننا كلنا ملطوطين فى موضوع التسهيل للاقارب ولو كلنا كنا ظباط او فى مناصب عليا برضه حنسهل طلبات الاصدقاء والعائله من باب الخدمات الاجتماعيه او المميزات الوظيفيه وده اول غلط .

تمام حضرتك هنا أنا مش هقولك كلامك مش صح
بس لو جيت تحسبها كدة هتلاقي انه طالما الأمر كده ف مصر كلها إذا دي طبيعة بشرية
يعني اللي ف مصر واللي ف أمريكا واللي ف ألمانيا حاجة زي دي جواهم !
ولكن إي اللي بيحكمها !!!
القانون والعدل
لو المواطن المصري لقى العدل والقانون مطبقين من أصغر واحد لأكبر واحد وع الكل هيتعامل عادي مع الجميع

-الحكومه عندنا مشكله ازليه فى طريقه تعاملنا مع الحكومه احنا بنبص للحكومه انها المفروض تعمل كل الخدمات اللى تريحنا وتخلينا نعيش فى جو محترم وده صح جدا ولكن خليك منطقى فى نظرتك للوضع مصر عندها عجز فى الموازنه من يوم مبقينا جمهوريه بمعنى ان البلد دى ليها طرفين ايرادات ومصروفات طيب لما المصروفات تبقى اكتر من الايرادات يبقى ايه الوضع يبقى مش حنقدر نطور ولا نعمل خدمات طيب والحل الحل زى اى منظمه فيها عجز"سواء مؤسسه خاصه او اسره" نقلل المصروفات ونعلى الايرادات يا اما نستلف والحل التالت هو المطبق من قديم الازل لانه الاسهل واللى مبخليش حد يشتكى
حتقوللى طيب مطالما بنستلف ليه مش بنعمل خدمات ونرفه الحياه فى البلد اقولك لانك لو بصيت على مصروفاتك حتلاقى ان مصر دوله عجيبه ليه اقولك اكبر بنود المصروفات وقوللى رأيك
1-الدعم مصر بتدعم المواطن من يوم مبيتولد وفى الغالب لحد وفاته ازاى اقولك يتولد يتعمله بطاقه تموين ياخد منتجات بأقل من سعر السوق والحكومه تدفع الفرق يكبر شويه تعلمه "وده واجب على كل دوله لغايه التعليم الاساسي" لغايه ميتخرج من الجامعه ولما يحب يجيب عربيه وهو فى الجامعه حتى لو 128 حمرا تخليه يدفع جزء من البنزين وهى تدفع الباقى ولما يتخرج يبدأ يدور على الحكومه تشغله وده "لو تحقق" يجرنا للبند رقم
2-المرتبات الحكوميه مصر بتدفع مرتبات لحوالى 5 مليون موظف حكومى كلنا عارفين ان منهم حوالى 60 % مبيشتغلوش بيقبض ومبينتجش "حتى لو بيقبض 500 جنيه المهم ان الدوله بتدفعله ومبتاخدش منه مقابل .
3-فوائد القروض اللى بناخدها علشان نسد العجز فى الموازنه كل سنه تخيل انك بتستلف علشان تسدد اللى انت سالفه السنه اللى فاتت واللى قبلها

ودى البنود الرئيسيه اللى بنصرف فيها كل ايراداتنا وعليها شويه سلف طيب فين بقى فلوس الخدمات والمشاريع الجديده متفكرش لانها مش موجوده وعلى فكره حل المعضله دى عمرنا محنلاقيله حل لاننا مش عارفين هى البيضه الاول ولا الفرخه بمعنى هل الحكومه تعمل الخدمات الاول وبعدين تشيل الدعم ولا تشيل الدعم وبعدين تعمل الخدمات طيب توظف الشباب الجديد ولا تمشى ال60% اللى مبيشتغلوش وهكذا
حط نفسك مكان الشعب مره وجاوب وحط نفسك فى المسؤليه العامه مره وجاوب وشوف الفرق .

إنت هنا قلت كلام كويس جدا عندي برضه رد عليه !!
حضرتك مصر مليانة مشاريع ضخمة جدا واستثمارية وتدخل للبلد مليارات مش ملايين وكلها محطوطة ف الأدراج !!
إبتداءا بقى بتنمية قناة السويس وتوشكى مرورا بتعمير سينا والمثلث الذهبي وإنتهاءا بالتعاقد مع شركات بترول جديدة وتكثيف البحث عنه
المشاريع دي كفيلة تنقل البلد نقلة تانية تماما بس لأغراض سياسية المشاريع دي مبتتمش !
علشان نرضي دبي وأمريكا وإسرائيل وناخد منهم حفنة من الدولآرات ونقعد ساكتين !!
صدقني البلد مليانة خير بس الحكومات الفاسدة هي اللي من مصلحتها متعملش ده !!
ولو على تمويل للمشاريع دي لو بطلوا سرقة سنة واحدة والله يقدروا يعملوا 5 مشاريع عملاقة تطلع بالبلد لفووووووووووووووووق

-طيب كمان حاجه حضرتك عايز تعيش بره السؤال المنطقى لما تسافر حتشتغل ايه وتاكل منين لانك لو عبقري فى مجالك او بتعرف تعمل حاجه مش كتير بيعرفوا يعملوها وانت مبدع فيها مش محتاج تقول ازاى اقدر اسافر لانك بمجرد متقدم ما يثبت تفوقك فى اى مجال مطلوب بره اغلب الدول المتقدمه حتاخدك علشان انت حتفيدهم اكتر من غيرك
اما لو كنت عايز تسافر وانت مش مميز فى اى مجال يبقى نصيحه خليك هنا لان بره انت مش حتعرف تعمل حاجه وحتشتغل فى مهن عمرك متتخيل تشتغلها هنا وحتبقى مضطر تشتغلها مش علشان تركب عربيه زى مانت فاكر لا حتشتغلها علشان تاكل وتشرب لان بره الحكومه مبتأكلش حد ولا حد حيأكلك من غير مقابل وفكر ان مش كل الالمان والامريكان والكنديين مهندسين ودكاتره وعلماء لا حضرتك فى هناك ناس برضه تعبانه وحياتها صعبه جدا وفى هناك برضه ناس مش لاقيه شغل فالشغل اللى انت بتعمله مش ناقص عندهم انك تعمله انما انت حتشتغله علشان انت حتقبل بمرتب ارخص .

برة مستعد أشتغل أي حاجة طالما هتقدر وف الآخر هعيش عيشة كريمة ونضيفة !
الإنسان فيها من أفقر واحد لأغنى واحد تحت طائلة القانون وبيشملهم العدل

-حاجه كمان الاعلام خلينا نتكلم شويه بمنطقيه كلنا متفقين على دور الاعلام سواء فى التوجيه او التعليم او الثقافه ولكن ده للاشخاص الغير متعلمين "مع كامل احترامى ليهم" لان لو شخص متعلم قال كده يسمحللى اقول ان حاليا فى ظل الانفتاح المعلوماتى الرهيب وتنوع مصادر المعرفه لو الاعلام وجهك يبقى انت اللى سايب نفسك واسرتك لغيرك علشان يتحكم فيك لان اى معلومه او بند او خبر تشوفه اعلاميا بمجهود "ممكن يكون بسيط او كبير حسب رغبتك فى الالمام بالموضوع" تقدر تستوثق منه وتتأكد من صحته وكل ما قيل فيه من كافه الاطراف وبعدها احكم وكون رأيك واحترم رأى الاخرين
فبلاش نحمل موضوع الاعلام اكبر مما يستحق ،نعترف بتأثيره وقوته ولكن نعترف برضه بتقصيرنا وكسلنا عن البحث والسؤال والتعب للوصول للحقيقه فاحنا بنسمع من الاعلام واللى على هوانا يبقى صح وبيؤكد صحه فكرنا واللى مش عاجبنا الاتهام جاهز "اعلام مضلل" من غير تعب

هل لو حد طلع قال السرقة كترت وغيره وغيره !
نطلع نقول انتوا محملين الحرامية أكتر من اللي يستحقوه ابقوا أقفلوا بيوتكم كويس !!
هي نصيحة ولكن لآ تخلي تماما أو بحال إجرام الحرامي !!
إحنا نقدر ف الأخير نسيطر على نفسنا ومنشوفش الإعلام
بس صعب نسيطر على غيرنا واللي حصل ان غيرنا دول هما اللي ضيعوا البلد وضيعونا معاهم !!

**اخيرا النقط اللى فوق كلها ممكن كل نقطه نتكلم فيها فى موضوع لوحده ولكن هى جت فى بالى مع تصفحى للردود\ فى الموضوع ومحاوله منى لعرض رأيي الشخصى وبالتأكيد هو رأى يحتمل الخطأ واحترامى لكل ارائكم .
تحياتى.

ف النهاية أشكرك جزيلا لردودك الجميلة ولكني مختلف معك تماما في هذا الرد الذي يسقط دور الحكومات تماما ويحمل العبئ على الشعب !!

المشاركة الأصلية كتبت بواسطة eslamrace

-حاجه كمان الاعلام خلينا نتكلم شويه بمنطقيه كلنا متفقين على دور الاعلام سواء فى التوجيه او التعليم او الثقافه ولكن ده للاشخاص الغير متعلمين "مع كامل احترامى ليهم" لان لو شخص متعلم قال كده يسمحللى اقول ان حاليا فى ظل الانفتاح المعلوماتى الرهيب وتنوع مصادر المعرفه لو الاعلام وجهك يبقى انت اللى سايب نفسك واسرتك لغيرك علشان يتحكم فيك لان اى معلومه او بند او خبر تشوفه اعلاميا بمجهود "ممكن يكون بسيط او كبير حسب رغبتك فى الالمام بالموضوع" تقدر تستوثق منه وتتأكد من صحته وكل ما قيل فيه من كافه الاطراف وبعدها احكم وكون رأيك واحترم رأى الاخرين
فبلاش نحمل موضوع الاعلام اكبر مما يستحق ،نعترف بتأثيره وقوته ولكن نعترف برضه بتقصيرنا وكسلنا عن البحث والسؤال والتعب للوصول للحقيقه فاحنا بنسمع من الاعلام واللى على هوانا يبقى صح وبيؤكد صحه فكرنا واللى مش عاجبنا الاتهام جاهز "اعلام مضلل" من غير تعب .

للاسف الاعلام بيوجه المتعلم والغير متعلم و للاسف ناس كبيرة ومتعلمة مصدقة اخبار و تفسيرات لامنطقية بيرددها الاعلام و المشكلة ان الاعلام ( صحافة و تليفزيون ) كثير بيقول حاجة وعكسها بعد فترة قصيرة والناس لازالت بتصدق و زي ما حضرتك ذكرت كثير من الناس بتكسل و مش بتبحث . و مش كل واحد بيخلي باله من اللي اولاده بتشوفه .ده كمان ممكن يكون بيتفرج معهم. المسلسلات بتدس السم في العسل. الا القليل زي مسلسل ونيس مثلا خصوصا الاجزاء الاولي.الاطفال و الشباب بيقلدوا اللي بيشوفوه.للاسف

المشاركة الأصلية كتبت بواسطة mahmoud naguib

تمام حضرتك هنا أنا مش هقولك كلامك مش صح
بس لو جيت تحسبها كدة هتلاقي انه طالما الأمر كده ف مصر كلها إذا دي طبيعة بشرية
يعني اللي ف مصر واللي ف أمريكا واللي ف ألمانيا حاجة زي دي جواهم !
ولكن إي اللي بيحكمها !!!
القانون والعدل
لو المواطن المصري لقى العدل والقانون مطبقين من أصغر واحد لأكبر واحد وع الكل هيتعامل عادي مع الجميع

لا بالعكس ضرورى لو حضرتك شايف كلامى غلط تقوللى لان ممكن اكون غلطان او معرفتش اوصل وجهه نظرى بشكل كامل فدى حاجه متضايقنيش تماما
بس مينفعش نعتبر السئ طبيعه بشريه لان بكل بساطه محدش بيتولد وجواه الواسطه او المحسوبيه ولكن الاجواء المحيطه والتربيه هى اللى بتخللى ده يتكون فى شخصيه اى شخص وعلشان كده حتلاقى فى مصر الشخص اللى بيقبل يعمل ده وحتلاقى نسبه برضه"حتى لو كانت قليله " بترفضه وبره برضه حتلاقى اللى بيرفض يعمل كده وبرضه فى نسبه"قليله" بتقبل تعمله
اه الرقابه الاداريه والمجتمعيه ليها دور ولكن الاصل فى التربيه جوه البيوت حاول تبص دلوقتى الاهل بيربوا اولادهم" لو بيربوا" بطريقه شكلها ايه وايه القيم اللى المجتمع بيزرعها فيهم حتلاقيها اغلبها سلبيه وفى نفس الوقت الرقابه الاداريه والمجتمعيه شبه منعدمه لان المجتمع تحول للسلبيه فالرقابه جزء منها التبليغ ان حضرتك لو تعرضت لاى شكل من اشكال الابتزاز او الرشوه الممنهجه او غيره من التجاوزات مفترض تبلغ وتفضل تعلى درجات الشكوى لحد متاخد حقك بس ولا انا ولا حضرتك ولا غيرنا بيعمل كده لاسباب مختلفه منها مين حيدوش نفسه علشان 50 جنيه رشوه او مين حيلف فى المحاكم علشان ياخد وظيفه هو احق بيها وده هو المعنى الاصيل "للسلبيه" لانك لما بتبلغ الاصل انك تاخد حقك بس حتى لو مخدتوش انت بتعمل ده علشان ده الصح "ارضاء لضميرك "
علشان كده انا رأيي ان الموضوع مش اصل هو عرض سلوكى دليل على مرض مجتمعى .
عامه مفيش عدل كامل فى العالم لان الدول اللى احنا شايفنها بتطبق العدل جواها بشكل جزئي هى نفسها الدول اللى بتظلم شعوب كامله علشان تحقق مصالحها فلو واحد فى دوله منهم عايز حقه وحقه ده يتعارض مع السياسه العليا لدولته او اللوبي المسيطر فيها حيتعمل معاه نسخه طبق الاصل من اللى بيتعمل معانا هنا ولكن بطريقه سياسيه بدون بجاحه زى عندنا فالموضوع ظاهره كويس لكن لو شوفت الصوره من بعيد بكل تفاصيلها حتعرف ان الظلم موجود والعدل دايما بيكون ناقص .


إنت هنا قلت كلام كويس جدا عندي برضه رد عليه !!
حضرتك مصر مليانة مشاريع ضخمة جدا واستثمارية وتدخل للبلد مليارات مش ملايين وكلها محطوطة ف الأدراج !!
إبتداءا بقى بتنمية قناة السويس وتوشكى مرورا بتعمير سينا والمثلث الذهبي وإنتهاءا بالتعاقد مع شركات بترول جديدة وتكثيف البحث عنه
المشاريع دي كفيلة تنقل البلد نقلة تانية تماما بس لأغراض سياسية المشاريع دي مبتتمش !
علشان نرضي دبي وأمريكا وإسرائيل وناخد منهم حفنة من الدولآرات ونقعد ساكتين !!
صدقني البلد مليانة خير بس الحكومات الفاسدة هي اللي من مصلحتها متعملش ده !!
ولو على تمويل للمشاريع دي لو بطلوا سرقة سنة واحدة والله يقدروا يعملوا 5 مشاريع عملاقة تطلع بالبلد لفووووووووووووووووق


ببساطه كلام حضرتك بيرجعنى لفكره هى الحكومه المفروض تعمل مشروعات تجيب فلوس الاول ولا تجيب فلوس تعمل بيها مشروعات الاول
الفكره ان مصر فعلا كنز استراتيجى بس عندك مشكلتين ان مفيش سيوله نقديه تصرف بيها على اى مشروع تنموى علشان يجيبلك فلوس ولو السيوله اتوجدت"بشكل ما" محتاج تمر بكل مراحل بيروقراطيه العالم "عيب حكومى" علشان تبدأ التنفيذ فبالتالى الحل مش سهل ومباشر الموضوع محتاج وقت وفكر
وفى نفس السياق فكره لو بطلوا سرقه فكره عامه جدا مين يبطل ايه الهرم التنظيمى بالكامل بيتربح بشكل او باخر ورجال الاعمال هو مش بيشتغل فى جمعيه خيريه هو بيعمل مشروع وعايز يحقق اكبر ربح "وده مشروع " فالموضوع مش واحد بيسرق حنقبض عليه ونرجع نبدأ على نظيف الموضوع ان ده واقع مش حيتغير فى يوم وليله وعلى الدوله"من وجهه نظرى" ايجاد مصادر لتقليل النفقات وزياده الايرادات والبدء فى تنفيذ المشروعات التنمويه فى اقرب وقت علشان نحس بتغيير فى وقت قريب وبعدها نحسن ثقافه المجتمع ككل وساعتها بس حتلاقى الهيكل التنظيمى بدأ يتحول من الانعدام الاخلاقى للرقابه الذاتيه على نفسه .
برة مستعد أشتغل أي حاجة طالما هتقدر وف الآخر هعيش عيشة كريمة ونضيفة !
الإنسان فيها من أفقر واحد لأغنى واحد تحت طائلة القانون وبيشملهم العدل

هى الفكره ايه مفهوم الحياه الكريمه بمعنى حضرتك لما حتعيش بره اه حتعيش فى شوارع نظيفه ومناظر افضل وشقه متواضعه "غالبا اقل مستوى من اللى فى مصر" وعربيه متوسطه المستوى وشغل "حتعتبره مهين فى مصر" ولكن هناك حيكون هو المتاح وبرضه حتلاقى نسبه فساد ومحسوبيه ولو قليله جدا انما موجوده وكل ده مع فرص نجاح وفشل مش اكبر ولا اقل من مصر
فولا حتعيش فى مكان اشبه بالرحاب ولا حتركب عربيه اعلى من المستوى فى مصر غير بمجهود مش قليل وبالتالى حسب كل شخص وقدرته على احتساب فرص نجاحه هنا وبره ممكن حد يشوف ان المميزات هنا اكتر وممكن حد يشوف ان مهما كانت مميزات هنا فالعاملين الاساسيين "الطرق النظيفه والمناظر المتميزه " يلغوا اى ميزه هنا .
الموضوع نسبي بشكل كبير ومفيهوش اى ضمانات للسعاده او النجاح .

هل لو حد طلع قال السرقة كترت وغيره وغيره !
نطلع نقول انتوا محملين الحرامية أكتر من اللي يستحقوه ابقوا أقفلوا بيوتكم كويس !!
هي نصيحة ولكن لآ تخلي تماما أو بحال إجرام الحرامي !!
إحنا نقدر ف الأخير نسيطر على نفسنا ومنشوفش الإعلام
بس صعب نسيطر على غيرنا واللي حصل ان غيرنا دول هما اللي ضيعوا البلد وضيعونا معاهم !!

لا اسمحللى القياس مش دقيق لان بالفعل لو حضرتك مش مأمن بيتك كويس وعامل ابواب وشبابيك محكمه للشقه وبتأمن عليهم كل فتره يبقى حضرتك بشكل او باخر سهلت بل واغريت الحرامى للسرقه
ومش مفترض ان حضرتك متشوفش الاعلام لانه بشكل او باخر هو ناقل للاحداث والمعلومات زى وسائل التواصل والمعلومات التانيه وبيعتبر الاسهل ولكن انت المفترض لما تسمع خبر او معلومه تحاول تتحري صحتها وكل جوانبها من وسائل تانيه للمعرفه لحد متحس انك وصلت لدرجه من القناعه تخليك مؤمن بصدق المعلومه بناء على استنادات وحقائق ووقائع صحيحه
انما اللى بيحصل ان الاعلام "ولانه وسيله المعرفه الاسهل واحد وسائل الترفيه " الناس بتاخد منه كل معرفتها على انها حقائق مسلمه وسايبه نفسها ليه يوجهها زى ميحب لانهم مش بيحاولوا يقاوموا او يبحثوا ولان اى اعلام هو اعلام بدون ضمير "لانه اصبح متحكم فيه الاموال وكل واحد بقى ليه سعر واصبحت تجاره مربحه جدا فغالبا بيبقى توجيهه للسئ فمفترض نتحقق من التوجيه ده هل هو حقيقي ولا مدفوع لغرض ما .

ف النهاية أشكرك جزيلا لردودك الجميلة ولكني مختلف معك تماما في هذا الرد الذي يسقط دور الحكومات تماما ويحمل العبئ على الشعب !!

بالعكس حقك تكون مختلف معايا وده لا يضر احترامنا لبعض لان ده الطبيعى وعلى فكره بالعكس تماما انا مش بحمل الشعب العبئ وسايب الحكومه الموضوع ان لكل طرف دور يعمله الشعب عليه حاجات والحكومه عليها حاجات تانيه المشكله فى مصر ان محدش عارف هو المفروض يعمل ايه وايه دوره فتحولنا لرمي كل طرف لاعباءه على الطرف الاخر فلا الحكومه بتعمل دورها بشكل كامل ولا الشعب بيعمل دوره بشكل كامل وبقي كل طرف عنده الاتهامات جاهزه للطرف التانى
عدم وضوح دور كل طرف ده اساس الازمه وكل الاطراف تتحمل جزء من المسؤليه .
اشكرك على ردك المحترم .
تحياتى .

المشاركة الأصلية كتبت بواسطة lena jo

للاسف الاعلام بيوجه المتعلم والغير متعلم و للاسف ناس كبيرة ومتعلمة مصدقة اخبار و تفسيرات لامنطقية بيرددها الاعلام و المشكلة ان الاعلام ( صحافة و تليفزيون ) كثير بيقول حاجة وعكسها بعد فترة قصيرة والناس لازالت بتصدق و زي ما حضرتك ذكرت كثير من الناس بتكسل و مش بتبحث . و مش كل واحد بيخلي باله من اللي اولاده بتشوفه .ده كمان ممكن يكون بيتفرج معهم. المسلسلات بتدس السم في العسل. الا القليل زي مسلسل ونيس مثلا خصوصا الاجزاء الاولي.الاطفال و الشباب بيقلدوا اللي بيشوفوه.للاسف

تمام ده دوره التوجيه ولكن انا اقدر اعذر غير المتعلم لانه بلا حيله سوى انه يتلقى من الوسيله الاسهل للمعرفه وياخد معلوماته منها على انها مسلمات وميقدرش يتحقق من صحتها لعدم قدرته على التحقق بسبب "عدم تعليمه" ولكن المتعلم اللى سايب نفسه للاعلام ده حد عايز ياخد معلومه سهله ومش عايز يتعب نفسه فى التأكد من صحتها بالرغم ان تعليمه بيؤهله لده فده حد حابب يتم استياقه دون مقاومه منه
بالنسبه لموضوع الاولاد ايه دور اى اب وام فى تربيه اولادهم انهم يعلموهم اسس منهجيه تخليهم يقدروا يعيشوا كافراد صالحين فمش دور الاب والام يقعدوا يتابعوا اولادهم بيعملوا ايه على مدار الساعه لان ده كان بيحصل زمان "ايامنا" علشان كان سهل جدا انما دلوقتى مستحيل انما دور الاهل حاليا توجيه الاولاد للسلوك الصحيح وطرق التحقق من صحه المعلومات وبعد كده متابعتهم على فترات متباعده
المسلسلات والافلام دلوقتى اصبحت عبء على المجتمع مش وسيله ترفيه ولكن ايه سبب شده تأثيرها "الفراغ " لو الاسره عندها ما يشغلها من عمل ودراسه ووسائل ترفيه افضل حتلاقى ان الافلام والمسلسلات مش بتاخد الحيز الكبير اللى بتاخده دلوقتى ومحدش فاضي يتفرج عليها ولو شافها غالبا مش حتكون اهم اولوياته متابعتها ولكن للاسف علشان الناس اتعودت على ان الافلام والمسلسلات هى وسيله الترفيه الاسهل فبقينا كلنا "حتى انا شخصيا" بنديها جزء من وقتنا وده غلط واتمنى لما اتجوز واخلف اغير ده فى سلوكى .

بالنسبه للتقليد خللى بال حضرتك ان قبل الطفل ميستوعب تقليد الافلام والاشخاص بيقلد والديه وده بيزرع فيه القيم اللى يقدر يكمل بيها ولكن من يوم متحولنا من بوس عمو يا حبيبي الى اضرب عمو او اشتم عمو اصبح الجيل متعود ومتربي على السلوك السئ من البيت قبل الوسائل الاخرى
تحياتى.

المشاركة الأصلية كتبت بواسطة lena jo

للاسف الاعلام بيوجه المتعلم والغير متعلم و للاسف ناس كبيرة ومتعلمة مصدقة اخبار و تفسيرات لامنطقية بيرددها الاعلام و المشكلة ان الاعلام ( صحافة و تليفزيون ) كثير بيقول حاجة وعكسها بعد فترة قصيرة والناس لازالت بتصدق و زي ما حضرتك ذكرت كثير من الناس بتكسل و مش بتبحث . و مش كل واحد بيخلي باله من اللي اولاده بتشوفه .ده كمان ممكن يكون بيتفرج معهم. المسلسلات بتدس السم في العسل. الا القليل زي مسلسل ونيس مثلا خصوصا الاجزاء الاولي.الاطفال و الشباب بيقلدوا اللي بيشوفوه.للاسف

المشكلة حتى إن مسلسل ونيس مش هادف !
بمعنى إنه موصل فكرة إن المجتمع ممكن يبقى كويس بس بالأخلاق !
طب فين الصلاة مثلا ف المسلسل !
عمرك شفتيه هو ولآ عيلته بيصلوا مثلا أو بيقرأوا قرآن !
فالموضوع زي السم ف العسل
وفكرة إن ممكن المجتمع يبقى كويس من غير صلاة ولآ تعبد هي فكرة علمانية بحتة !!

إعلام الأفلام أو المسلسلات ف النهاية مش هو اللي نقصده
قصدي على برامج التوك شو بالأخص