لو بقى معاك فلوس !!!

**Bassem Youssef** · 18-04-2015 11:39 PM

لو الواحد معاه فلوس زي الزر ... ايه اللي يقعده في البلد دي اساسا ؟؟؟

**فتح الباب** · 19-04-2015 01:08 AM

كل من ربنا يعافيه من مرض دى فلوس كل من لا يتم تثبيته على اى طريق مقطوع دى فلوس كل من ربنا سترها معاه وما عملش حادثه دى فلوس ٠٠٠٠٠٠ اللى عارف ياكل فول وطعميه ومعدته مستحمله دى فلوس اقول ايه تانى ياه فى كتير الحمد لله رب العلمين تخيلو انا ظروفى الماديه وحشه اقول الماديه ولكن والله لا ولن تتخيلو انا سعيد جدا بحياتى كده بل واسعد حد فى الدنيا انتو بتتكلمو فى ايه

**monamize4** · 19-04-2015 01:31 AM

نتفق ف الاول ان الفلوس مهمة جدا و ان اللى يقول غير كدا يبقى مش عايش الواقع
زيه زى اللى ان بيقول ان الفقير بينام مرتاح البال و انه الفقير بيبقى متدين و و و و

بس لازم تعرف ان النموذج اللى انت شرحته للسعادة (كله امور مادية) هو النموذج
السنمائى المبالغ فيه للسعادة اللى معظم الناس فاكرين اننا لازم نصل اليه و الا مش
هنبقى سعداء و دا كدب طبعا و زيه نماذج كتييييييير الميديا صورتهالنا غلط

الشخص اللى بيلوم الظروف لانه مش غنى ,, لو بقى غنى هيلوم الظروف
برضه لاى سبب تانى لان دى طريقة تفكير بيتعود عليها الشخص دا

**Mostafa Bedo** · 19-04-2015 01:59 AM

بص حضرتك هو الفلوس مش كل حاجة ادام الحمد لله مستورة ومكفياك اكل ولبس وشرب وبعض الترفيه ولو بسيط يبقي الحمد لله علي كل شئ في دول اغني واحد فيهم ممكن يكون أقل منك زي معظم دول افريقيا

**punisher** · 19-04-2015 02:20 AM

علي فكره يا استاذ باسم اللي معاه فلوس مش بيفكر يسيب مصر خالص... ممكن يسافر فسحه بره ويرجع تاني بس فعلا مصر متتسابش... الاحساس ده يقدر يوصفهولك اللي متغرب عن بلده ونفسه يرجع... بس عارف هيرجع امتي لما يكون معاه فلوس :)

وانتا عايش فيها قرفان منها
وانتا بعيد عنها مشتاقلها ونفسك ترجع

دي طبيعه البشر... الحنين الي الوطن

**minicooper20** · 19-04-2015 02:27 AM

الفلوس
كلمه عموميه اوى
بس انا هقولك حاجه
مفيش حاجه فى الدنيا دى ملهاش ضريبه
ايه ضريبه الفلوس يا عزيزى
هقولك انا بقا
هيبقا معاك فلوس تحجز اتخن عربيه فى مصر
بس مش هتلاقى وقت تسوقها و غالبا هتجبلها سواق
هتبقا لعيالك atm
هتبقا لمراتك كريدت كارد
عارف ليه لان بنيت جبل و وواقف فى وش الريح علشان ميتهدش
هتفضل واقف لحد مضلوعك تتكسر فا تاخد شويه فلوس من الفضلت تعملها
تتعالج بيهم و بعد كده تموت و اهلك يورثو الفلوس
و انتا تتحاسب عليها فى الاخره
خدها قاعده كل مزاد دخلك زادت احتيجاتك
عمرك مهتكون راضى و عمرك مهتقول كفيا فلوس
حتى لو عندك مليار جنيه اصل دى صفه بشريه
الفلوس مش كل حاجه هى جزء بيحقق حجات كتير فى الظاهر بتعها ممتع لاكن بعد متفضل معاك هتزهق
عارف انتا لو امتلكت مثلا بى ام ٥٣٠ شهرين و هتزهق
و تغير
محدش عاجبو حالو
هما ٢٤ قراط متقسمين
اسعى فى الدنيا متخليش همك لم الفلوس
خلى همك اثبات الوجود هتلاقى الفلوس جيه لوحدها
انتا دلوقتى اكيد بتقول انى جاى اعمل عليك حكيم
لاكن انا بوفر عليك ٥ ٦ سنين جرى
تحياتى

**Mahmoud Naguib** · 19-04-2015 02:41 AM

minicooper20
والله انا عارف ده كله بس أنا بفكر ف الأساسيات اللي محدش بيستغنى عنها أبدا !!
مش مهم كماليات المهم الأساسيات !!

وعلى فكرة موضوع اني أثبت نفسي محتاج فلوس برضه !!

**Mahmoud Naguib** · 19-04-2015 02:43 AM

monamize4

طالما انا كدة مش مبسوط ولما هيبقى معايا مش هكون مبسوط برضه !
طيب فين الراحة والسعادة !!

**أحمد كمال** · 19-04-2015 06:30 AM

محمود

مشكلتك انك باصص لقدام اوي و مستعجل على نفسك

انا اول ما اتخرجت ماكانش عندي مانع اشتغل ب 300 جنيه

و قعدت بادور على شغل و اول وظيفة اشتغلتها كانت ب 1250

و كان فيه زمايلي بيشتغلوا باضعاف الرقم ده

و كنت عايش و مدلع نفسي في نطاق الفلوس دي

اجي اول الشهر اشتري برطمانين نسكافيه يكفوني الشهر في الشغل

و كان يوم القبض اما احب ادلع نفسي اروخ مطعم اسمه حاتي الميدان في ميدان العباسية اكل فراخ مشوية ..... واطلع عالقهوة اضرب حجرين ....... الليلة دي (العشا و القهوة) كانت بتقف - باسعار وقتها - بحوالي 60 جنيه (حوالي 5% من مرتب الشهر) .......... و كنت باعتبرها مكافئتي لنفسي على تعبي شهر كامل

كنت باحلم بأي عربية و اما ابويا بعد فترة في الشغل جاب لي ال 128 كنت طاير بيها اني بقيت حر طليق

ايوة كان نفسي في مرتب اكبر و باحلم بيه ....... و كان نفسي في عربية احسن بتكييف و باور ستيرينج ...... اللانوس كانت حلم بالنسبة لي

السعي و الرضا و البحث عن الرزق هيوصلوك للي انت عايزه

بس التركيز على النتيجة بالشكل اللي هيشتتك ده من غير التركيز على الوسيلة هيتعب اغصابك و نفسيتك و مش هيوصلك

و ما تفتكرش برة الفلوس اشولة ....... اه المرتبات برة لو حسبتها بالجنيه تفتكرها مهولة بس العيشة برضه مهولتين مش مهولة و الناس بتتدعك شغل عشان تعيش

وحد الله و صلي عالنبي ....... و ارضى بنصيبك (الحالي) و حدد هدف (سواء الشغل في مجال معين او في مجالك او السفر او الهجرة الخ الخ الخ) ...... و يكون هدف واقعي ........ و شوف ناقصك ايه عشان توصل له ..... و اعمل خطة للوصول ليه

ناس مثلا اعرفها كانت مشكلتها في الهجرة اللغة ....... فحتوا الصخر سنين لحد ما وصلوا للمستوى المطلوب في اللغة و هاجروا

انما صدقني تفكيرك الحالي ده متعب جدا (ليك مش لينا) ..... و هيخليك تلف في دواير ......

اعتبرها نصيحة من اخ كبير و ما تزعلش مني .....

-

الموضوع: لو بقى معاك فلوس !!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

$ $ $ $ طالما معاك عربيه يبقى انت اكيد غني ومعاك فلوس كتير $ $ $ $

لو معاك عربيه ومحتاج فلوس اقرا الاعلان ده

لو معاك فلوس هتشتري من نفس الشركه ولا هتنوع؟

لو معاك فلوس تشتري شقه في مكان راقي ولا فيلا في مكان اقل؟

الكلمات الدلالية لهذا الموضوع

المفضلات

المفضلات

ضوابط المشاركة