الموضوع: مساعده في حوار جواز

المشاركة الأصلية كتبت بواسطة hh

اول حاجة موضوع التأخير ده مفيهوش اي حاجة. بتتقل، بتفكر، مترددة اي تفسير من دول و لا يعيبها و لا يعيبك. اذا كنت انت نفسك بتفكر و تسأل و تفسر كل حركة و همسة، تفتكر هي مش حتفكر و تاخد وقتها؟ حتى لو هي بتقابلك عشان عريس كويس و فرصة برضه ايه المشكلة؟ ماهو جواز الصالونات كدة انت بتقيم ظروفها و شخصها و هي كمان، و اهم حاجة في العريس في الصالونات انه يكون جاهز اكيد.

موضوع انهم بلدي دي انت تحكم عليها مش حد تاني و اكيد بتبان في اللبس و التصرفات و طريقة الكلام. انما حكاية التخميس دي مش مقياس، ممكن جدا تكون هزار او تكون طريقة اختك ضايقتها فبتغلس عليها. يعني اختك بتنتقد رفعها حتي لو قالتلها انها ميزة لأنها لو شايفاها ميزة مكنتش علقت من الاول فالبنت بتفهمها ان دي حاجة الناس بتحسدها عليها. رأيي النقطة دي كلام ستات في بعض متديهاش اهتمام اكبر من حجمها.

كونها منطلقة و مش مكسوفة في الكلام دي شخصيتها و اعتقد ان معناها انك عاجبها و الا كانت بقت مقفلة معاك. لو انت من النوع اللي عايز واحدة مقفلة و مش متكلمة و لا جريئة دي حاجة ترجع لك، انما النقطة دي متقلقش من اخلاقها لو هو ده قصدك بالعكس هي مش بتحاول تمثل، و انا شخصيا مش فاهمة الرجالة اللي بيبقوا عايزين واحدة مقفلة و ملهاش شخصية دول خالص.

حكاية انها بتقول لك انها مبتنساش دي برضه انا مش عارفة تقلق في ايه. اولا فعلا كل الستات مبتنساش و حتكتشف ان ممكن مع اول خناقة تلاقيها شايلالك حاجات عملتها من سنين :-o و الله لو فكرت شوية حتلاقي مامتك نفسها كدة. طالما قررت تتجوز يبقى تقبل الستات بمميزاتهم و عيوبهم :-)

حكاية الرنة دي بصراحة بايخة شوية و اتمنى انها متدلش عالبخل. بس هي ممكن قوي الام تكون شايفة انها عيب هي اللي تتصل بيكوا. موضوع البخل ده يبان اكتر لما تدخل بيتهم و ان كان بخل الام مش دليل على بخل البنت.

بصراحة واضح من كلامك ان البنت عاجباك بس انت خايف مش اكتر. وفي نفس الوقت اعمل حسابك ان رأي مامتك و اختك بس عشان يلفتوا نظرك لحاجة انت مش شايفها، انما وارد جدا تكون فيه حاجات مش عاجباهم و انت معندكش مشكلة فيها فرأيهم في النهاية مش مقياس خصوصا في الشكل لأن واضح انهم بيقولوا عليها مش حلوة و رفيعة زيادة و بلدي، يعني مش عاجباهم و بيقلقوك منها. انما في الاخر الحاجات دي ازواق و انت مش حتتجوز على زوق مامتك، اهم حاجة متكونش تحفظاتهم ليها علاقة بأخلاق البنت و اهلها.

اخيرا متنساش الاستخارة و ادعي دايما ان ربنا ييسر لك الافضل و سيب الامور على الله. حاول تبقى مقبل على الموضوع ببساطة و متحملش الامور اكتر مما تحتمل و ان شاءالله ربنا ييسر لك امرك و يكتب لك الخير.

والله انا متشكر لحضرتك جدا كون انك اول سيده ترد علي الموضوع بس علشان موضوع الرفع و الطخن ميتفهمش غلط اختي مكناتش بتقول ليها انت رفيعه الموضوع جه ان اختي بتقولها انا في وقت فراغي بروح جيم علشان احافظ علي وزني قامت البنت قالت ليها انا بقي باكل كتير بس بحرق اللي باكله كله اختي قالت ليها ما ده شئ كويس قامت البنت قالت ليها الله اكبر انت هتحسديني و خمست في وشها

انا هقابل البنت النهارده بالليل حد عنده ملاحظات واقتراحات تساعدني اني احسم رأيي

المشاركة الأصلية كتبت بواسطة mody1982

انا هقابل البنت النهارده بالليل حد عنده ملاحظات واقتراحات تساعدني اني احسم رأيي

- خليك واثق فى نفسك ( بس مش مغرور )
- ماتشغلش بالك بأيه اللى تتكلم فيه المواضيع هاتجيب بعضها
- خليك واضح وصريح لأن الصراحه فى الاول أساس بتبنى علية مستقبل بكامله
- ياريت مايوصلش منك انك لسه متردد وانما بتفكر كتير بس لاهمية الموضوع ليك وليها

تمنياتى لك بالتوفيق ...

المشاركة الأصلية كتبت بواسطة mody1982

انا هقابل البنت النهارده بالليل حد عنده ملاحظات واقتراحات تساعدني اني احسم رأيي

خد الامور ببساطة اكتر من كدة. خليك مقبل على الموضوع بنفس مفتوحة و من غير توتر و سيب الامور تمشي بشكل طبيعي و ادعي ربنا سبحانه و تعالى ييسر لك اللي فيه الخير

اخواني الافاضل اتعقد زياده
امبارح شوفت عروسه تانيه غير البنت اللي حكيت عنها و ده كامنمن منطلق نصح واحد صاحبي قالي لما تبقي بتقارن بين شخصين احسن ما بتكون بتقارن بين شخص و بين فراغ و ساعتها تقدر تحدد اذا كان اللي شايفه ده طبيعي و لا لأ لما قولتله بس كده مش عاجبني و حرام قالي ما انت كده كده بتشوف واحده واحده و يا بتقول اه يا بتقول لا فرقت ايه لما تشوف اثنين سوا و اللي تلاقي نفسك اميل ليها و مرتاح ليها اكتر تبقي هي المختاره
احسن ما تبقي مش عارف اللي حاسس بيه ده ميل و لا عادي و لا ايه بالظبط
المهم العروسه التانيه 27 سنه خريجه تجاره و اعتقد انها مقاربه لينا في المستوي ا لمادي
ملاحظتي عليها
البنت بتتكسف بس لما بتكلميها بتفتح و بتبقي شبه العروسه الاولانيه في طريقه الكلام
يعني الشخصيتين متقاربتين جدا و الفرق بين البنتين
الصيدله سمرا و ا لتجاره بيضا
الصيدله 23 سنه و التجاره 27
و طبعا المستوي المادي اريح شويه للبنت بتاعه التجاره
لما قابلت البنت بتاعه صيدله النهارده كان كل كلامها بيوصلي رساله اني عاجبها و موافقه بيا لدرجه اني لما اختلف معاها في حاجه في الحوار ترجع و تقوم تقولي هو انت زعلت علشان اختلفت معاك هو ده ضايقك هو ده مخليك مش مبسوط
ممكن ده يبقي اعجاب او ممكن يبقي انها عاليزه تقنعني بيها اكتر علشان مقولش عليها لا
و البنت بتاعه التجاره برضه بنت ناس و محترمه و في واحد صاحبي يعرف ابن خالتها
بس انا معرفش هو في قبول مبدئي منها و لا لأ
و المشكله بقي اني بقيت في حيره اكبر يعني صحبي ده وقعني في مشكله بدل ما نصيحته تفيدني
البنتين ممتازين اعتقد بتاعه تجاره متدينه اكتر و بتصلي الفجر و بس بتاعه صيدله تدينها برضه عالي بدليل انها مرضتش تسلم عليا
ام البنت بتاعه صيدله شكلها مش مهتم بنفسها بس ممكن ده يرجع للحاله الماديه
البنت بتاعه صيدله لما قابلتني النهارده جت بنفس الهدوم بتاعه المره اللي فاتت
عارف انه مش عيب بس دي ملاخظات
في المقابل البنت بتاعه تجاره مامتها شايفه نفسها بس بتتكلم كتير و حاسسها يعني مش سهله
الموضوع دلوقت للأسف اتعقد و بقي لازم اختار حد فيهم و التاني اقوله كل شئ قسمه و نصيب
انا حاسس اني عملت مصيبه لما مشيت ورا صاحبي رغم ان كلامه كان منطقي ساعتها في ان ما انت ممكن تقول دي متنفعش و دي تنفع يبقي ليه تشوف واحده فيهم و تصيع فرصه ان ممكن حد تاني يبقي مناسب اكتر
مصيبه انا عارف و خطا كبير انا عارف
بس الموضوع صعب في المفاضله ما بينهم
و حاسس بذنب شديد اني لازم اقول لواحده فيهم كل شئ قسمه و نصيب
مش عارف اعمل ايه الصراحه

المشاركة الأصلية كتبت بواسطة mody1982

اخواني الافاضل اتعقد زياده
امبارح شوفت عروسه تانيه غير البنت اللي حكيت عنها و ده كامنمن منطلق نصح واحد صاحبي قالي لما تبقي بتقارن بين شخصين احسن ما بتكون بتقارن بين شخص و بين فراغ و ساعتها تقدر تحدد اذا كان اللي شايفه ده طبيعي و لا لأ لما قولتله بس كده مش عاجبني و حرام قالي ما انت كده كده بتشوف واحده واحده و يا بتقول اه يا بتقول لا فرقت ايه لما تشوف اثنين سوا و اللي تلاقي نفسك اميل ليها و مرتاح ليها اكتر تبقي هي المختاره
احسن ما تبقي مش عارف اللي حاسس بيه ده ميل و لا عادي و لا ايه بالظبط
المهم العروسه التانيه 27 سنه خريجه تجاره و اعتقد انها مقاربه لينا في المستوي ا لمادي
ملاحظتي عليها
البنت بتتكسف بس لما بتكلميها بتفتح و بتبقي شبه العروسه الاولانيه في طريقه الكلام
يعني الشخصيتين متقاربتين جدا و الفرق بين البنتين
الصيدله سمرا و ا لتجاره بيضا
الصيدله 23 سنه و التجاره 27
و طبعا المستوي المادي اريح شويه للبنت بتاعه التجاره
لما قابلت البنت بتاعه صيدله النهارده كان كل كلامها بيوصلي رساله اني عاجبها و موافقه بيا لدرجه اني لما اختلف معاها في حاجه في الحوار ترجع و تقوم تقولي هو انت زعلت علشان اختلفت معاك هو ده ضايقك هو ده مخليك مش مبسوط
ممكن ده يبقي اعجاب او ممكن يبقي انها عاليزه تقنعني بيها اكتر علشان مقولش عليها لا
و البنت بتاعه التجاره برضه بنت ناس و محترمه و في واحد صاحبي يعرف ابن خالتها
بس انا معرفش هو في قبول مبدئي منها و لا لأ
و المشكله بقي اني بقيت في حيره اكبر يعني صحبي ده وقعني في مشكله بدل ما نصيحته تفيدني
البنتين ممتازين اعتقد بتاعه تجاره متدينه اكتر و بتصلي الفجر و بس بتاعه صيدله تدينها برضه عالي بدليل انها مرضتش تسلم عليا
ام البنت بتاعه صيدله شكلها مش مهتم بنفسها بس ممكن ده يرجع للحاله الماديه
البنت بتاعه صيدله لما قابلتني النهارده جت بنفس الهدوم بتاعه المره اللي فاتت
عارف انه مش عيب بس دي ملاخظات
في المقابل البنت بتاعه تجاره مامتها شايفه نفسها بس بتتكلم كتير و حاسسها يعني مش سهله
الموضوع دلوقت للأسف اتعقد و بقي لازم اختار حد فيهم و التاني اقوله كل شئ قسمه و نصيب
انا حاسس اني عملت مصيبه لما مشيت ورا صاحبي رغم ان كلامه كان منطقي ساعتها في ان ما انت ممكن تقول دي متنفعش و دي تنفع يبقي ليه تشوف واحده فيهم و تصيع فرصه ان ممكن حد تاني يبقي مناسب اكتر
مصيبه انا عارف و خطا كبير انا عارف
بس الموضوع صعب في المفاضله ما بينهم
و حاسس بذنب شديد اني لازم اقول لواحده فيهم كل شئ قسمه و نصيب
مش عارف اعمل ايه الصراحه

بطريقتك دى عمرك ماحتتجوز اصلا
انتا عاوز واحده مافيهاش غلطه - و دى عمرك ماحتلاقيها
ولما تشوف اتنين مع بعض حتلاقى عيوب واحده مش موجوده فى التانيه و العكس و تقع فى الحيره اللى انتا فيها دى و فى الاخر مش حتاخد حد منهم
واضح اصلا ان حضرتك متردد جداا زياده عن اللزوم علشان تطلب استشاره المنتدى هنا و كمان اصحابك فى موضوع يخضع اولا و اخيرا لمزاجك الشخصى

انا بالنسبالى الافضل هى البنت الاولى - و عارف انك مش حتلتفت لرأى و فى الاخر مش حتاخد لا دى و لا دى