مساعده في حوار جواز

**احمد فهمى** · 06-05-2015 03:54 AM

الملخص المفيد والدتك قالتو دى واحده مش سهله ... نصيحه اخلع منها حاليآ عايزين بس يتجوزو ويخربو بيت الراجل ويطلقو بعد سنه ويجيبو عيل ينهو بي حياتك بيعتبرو دى وسيلة لجمع المال بسهوله وقوانين سوزان مبارك الله يحرقها كلها ضد الراجل يعنى اخرك ساعتين تشوف فيها ولدك فى المكان اللى هي برضو تختارو من الاخر آلاشكال اللى مش سهله عارفين القصص دي وانت اخرك بتفكر فى حياه مستقره اصبر شويه وربنا يكرم وانا خايف اكون بظلم حد بس جواز الصالونات مرو ما فلح تخيل ناس جايين شان يجوزو بنتهم وهي كمان اكيد هيتجملو وهيتصنعو بكل الاشكال مفيش حد هيبينلك عيبو وربنا يوفقك بس اصبر القصه مش هزار

**Mahmoud Naguib** · 06-05-2015 05:52 AM

شوف ياكبير !
بعد قراءة موضوعك بتأني وقراءة التعليقات طلعت بشوية نقط مهمة !
ف الأول خلينا منصفين شوية انت دلوقت بتتكلم من وجهة نظرك انت بس فعمرك طبعا ما هتقول على نفسك حاجة مش كويسة مثلا !
هي لو اتكلمت هتبان ملاك برضه وهتطلع فيك عيوب !

ف البداية كدة
أولآ مينفعش أخت حضرتك تتكلم معاها ف موضوع هي تخينة أو رفيعة ده لأن الموضوع ده حساس لناس كتير !
طب اتكلمت معاها ... ده معناه اي !
معناه انهم وصلوا لمرحلة كويسة من التفاهم تخلي أختك تكلمها ف النقطة دي
يبقى متلومش بقى عليها انها ردت كدة !
مهو ده رد طبيعي أساسا وإذا اعتبرته غلط يبقى سؤال أختك من الأول هو اللي جه مش ف محله !
ركز ف النقطة اللي فاتت دي كويس واحسبها !

ثانيا يابطل مش أساسي يعني إن أختك كلامها يبقى سنة !
مهي ممكن برضه تكون بتبالغ شويتين !!
متبصش ع الأمور برؤية غيرك حتى لو أقرب الناس ليك !
لأنه مهما كان حبه ليك ممكن يتصرف غلط ويفتكر ده الصح
وممكن يركب وجهة نظره الصحيحة ع الأمور مع انها بتختلف مع وجهة نظرك !

ثالثا المشكلة برضه عندك فى إنك متخيل إن التأخير ف الرد منهم ده مثلا تكبر أو غيره !
دي بنت وده جواز !
وأيا كان مستواهم المادي لآزم هيخافوا على بنتهم ويفكروا ف الموضوع كويس جدا !!
قيس بقى النقطة دي على أختك !!
لو جالها حد مش هتاخد وقت تفكر !!!؟؟؟؟

رابعا البنت كونها قالتلك مبتنساش وكدة ده مش معناه انها مش سهلة !!
مهي لو مش سهلة مكانتش قالت كدة أصلا !
البنت خايفة وطيبة جدا على فكرة والنوع ده يتراضى بكلمة حلوة صدقني !!
اللي بيشيل جواه مبيقولش أنا بشيل جوايا على فكرة !!

خامسا متاخدش الأمور بنظرية المؤامرة ده جواز وأسرة وبيت وعشرة ومشاركة
يعني مش لما البنت تعمل أي حركة تفسرها وتدخلها ف تحليل بقى وازاي دي قصدها كذا لآ دي قصدها حاجة تانية لأن لو قصدها كذا كانت عملت كذا !!

سادسا علشان تحكم على الأمور صح متشوفش نفسك أعلى منها مهي برضه ممكن يجيلها واحد أحسن منك !!
حط أختك مكانها وشوف هتخاف عليها ازاي لو جالها حد وهتنصحها بإي !!
مهما كان مستواك المادي محدش ضربك على ايدك وقالك اتقدملها مثلا !

كونها رنت بس ممكن الشبكة وقعت معهاش رصيد معهاش فلوس تشحن !
ما انت سيادتك برضه متجوزتهاش يعني ولآ اديتها 100 جنيه تشحن !
ميعيبهاش أبدا على فكرة
إلتمس لها ألف عذر

أخيرا بلاش تدخل مامتك وأختك ف الموضوع لأنهم هيبوظوه وغيره وغيره
اقعد معاها واتكلم عادي جدا وناقشها ف شكوكك واللي انت محتاجه وشوف هي محتاجة اي وحطه كويس ف الاعتبار

نقطة مهمة جدا
متسيبهاش تتكلم لوحدها لأنها هتلخبط وهتقول كلام هي نفسها مش هتبقى حابة تقوله
حاول تناقشها
امسك انت الحوار !
اسأل وادخل من موضوع أساسي لفرعي
قولها على ميولك هواياتك !
كلمها عن نفسك
متحسسهاش انك أحسن منها أبدا لأنها هتدافع عن نفسها بطريقة ممكن تضايقك وده رد فعل طبيعي من فعل مش صح

ربنا معاك

**mido3_gho** · 06-05-2015 08:40 AM

بص ياريس بخصوص إنها بتقولك إنها بتشيل ومش بتنسي والكلام .. اعرف إنها طيبة بس بتحذرك فقط
مافيش بنت بتقول انا مش بنسي .. هما اصلا بصفة عامة مش بينسوا حتى اتفه الامور

بخصوص التليفون .. الرنة دى اسلوب مش كويس خالص وإنتهى عصر الرنات .. بس الظاهر لسه موجود عندها

بخصوص التخميس فى وش اختك .. اول مرة تقعد مع حد وتخمس فى وشها .. حاجة من إتنين اما عشرية واجتماعية ودى حاجة كويسة وظريفة وتمام علي اساس مبدأ الهزار

او تخميس بتخاف من الحسد ودى حاجة تخاف منها لإن الناس اللى بتخاف من الحسد والكلام دا دماغهم ملحوسة وموسوسين

فا موضوع التخميس حسب جو الكلام بينها وبين اختك

مبدأ رفيعة والكلام دا .. اطمن كلهم بلا إستثناء بعد الجوار هتلاقي الكرش والنفخ ... الكل بيتخن بعد الجواز وبعد الولادة إن شاء الله

مبدأ انها بتفتح موضوعات وإنت مش لاقي حاجة تقولها وهى الى بتتكلم .. إجتماعية وبتملي جو الاعدة

بخصوصك إنت يابطل ... 15 وحدة ؟؟؟؟؟؟!!!!! في إيه ياعم .. كتير اوي

فى الاول والاخر .. توكل على الله وإستخير ربنا والمقابلة التانية هتبين لك حاجات كتير اوي بس حاول تطول فى الاعدة شوية

**4fun14** · 06-05-2015 09:08 AM

واضح ان شخصيتها قوية جدا وده ليه ميزته وليه عيبه
عن نفسى بعتبر عيوبه اكبر
بص من الاخر كده..انت تقابلها تانى ولو حسيت انك عاجبها "وواضح انها عاجباك" خلاص كمل واتكل على الله
حاول تاخد الموضوع ببساطه عن كده ومتهنجش قدام كل تصرف غريب عليك

**khaled_sabry** · 06-05-2015 09:16 AM

الموضوع ده فى ايدك انتا
و ياريت فعلا ماتبنيش قرارك على الردود اللى حتقراها هنا
لانك لما تطرح السؤال فى موضوع هنا حتتشتت اكتر - لان 100 واحد حيرد عليك بناء على خبرته الحياتيه المختلفه عن الاخر - و بالتالى حتلاقى اراء سلبيه و اراء ايجابيه و استحاله حتلاقى اتفاق فى الاراء الا فى النقاط الواضحه اوى و اللى انتا مش حتبقى محتاج تسأل عنها اصلا

و مع ذلك اسمحلى اقولك رأى
حضرتك مزودها اوى لانك مش من مره او اتنين او ثلاثه حتى حتقدر تحكم حكم قاطع على شخصيه البنت و طباع اهلها
من كلامك حاسس ان البنت عشريه اوى و طيبه (ودى حاجه ايجابيه) بدليل انها كانت بتتكلم معاك بتلقائيه (اعتبرتها انتا جريئه) و انها خمست فى وش اختك (وده غالبا كانت وخداها هزار- لانها مش معقول تعمل حاجه بنيه وحشه معاكم فى اول مقابله على الاقل)
موضوع الرنه ده غالبا الام كانت بتعزز بنتها - ماهو برضه شكلها رخم لما هى تتصل تقولكم (تعالو زرونا و النبى)
من الاخر كل السلبيات اللى انتا قلتها ليها تفسيرات ايجابيه مقنعه اكثر من التفسير السلبى
و اوئيد نصيحه انك ماتدخلشى والدتك و لا اختك فى الحكم - لأن الستات بشكل عام صعب انهم يقيمو

**hussein** · 06-05-2015 12:53 PM

اخلع يا باشا
متفكرش

**sherifahmed** · 06-05-2015 01:41 PM

سيادتك لو مرتاح مكنتش سألتنا اصلا
هوا دا اخر الكلام
اخلع

**وليد 1** · 06-05-2015 01:59 PM

لا يوجد أمرأة على وجه هذه البسيطة بتنسى

تستوى فى هذا جدتك مع أى رضيعة أقل من سنتين وأنت طالع

فهذه المزية موجودة فى بنات حواء ولله الحمد والمِّنّة ..

بص ياباشا باعتقد أن هذه البُنية رافضة زواج الصالونات

فأنفتحت على سجيتها ( ممكن يكون نظام تطفيش ) والله تعالى أعلم

وممكن بعد ما تبت أنت وتغلس وترخم تلاقيها مالت اليك

دة لو أنت البت نخششت فى نافوخك وشايفها معقولة حبتين

يبقى تفرض وجودك وشخصيتك على الجميع ...بدءاً منها هى

وتفرض وجودك أنت على القعدة

ماتعملش زى العرسان اللى شافوا صورة وجايين يشوفوا لهم واحدة تغسل له الهدمتين

لأن دة تعمله أى ( زانوسى أوتوماتيك 16 بروجرام )

أو بيدور على واحدة تعمل له لقمة ياكلها ...( ربنا يخلى لنا الشرقاوى بتاع الكبدة يا عم )

كما يقول المؤمنون ...أستفتى قلبك

إن كان ...فتوكل على الله ...ولا تنسى أن كل شئ قسمة ونصيب

**No Comment** · 06-05-2015 02:01 PM

المشاركة الأصلية كتبت بواسطة mody1982

ثانيا ال 15 واحده يا باشا 2 منهم بس اللي كانوا ينفع اصلا تبص في وشهم و الله زي ما بقول لحضرتك الباقي اصلا صعب تبص في وشهم

استوقفنى وإستفذنى تعليق حضرتك هذا
فأستغفر الله لعل من تصفهم بهذه الصفات التى منحهم الله اياها أفضل ممن هم أفضل خِلقة
ولعل يقع أختيارك فى النهاية على من هم أفضل خِلقة وأسوء خلقاً

-

الموضوع: مساعده في حوار جواز

LinkBack

أدوات الموضوع

عرض

-

-

-

-

-

المواضيع المتشابهه

موضوع جواز

بلا جواز بلا هم

بلال فضل : أنت حوار يا حوار ( للناس اللى عامله نفسها بتفهم فى كل حاجه )

جواز سفر

جواز سفر

الكلمات الدلالية لهذا الموضوع

المفضلات

المفضلات

ضوابط المشاركة