الموضوع: كيف توفر الوقود من خلال الهيدروجين drycell او wetcell

المشاركة الأصلية كتبت بواسطة rotanamasoud

البابلر بالبلدى زى الشيشه كتشبيه للشكل برطمان فيه لنصه ماء وبه خرطوم طويل داخل الماء يدخل منه الغاز والخرطوم الاخر عالى ليخرج منه الغاز (تقدر تعمله بنفسك)
وظيفته
يفلتر الغاز من اى بخار ماء قادم من الخليه نتيجه الحراره
يعمل كصمام امان لعدم رجوع الغاز ولو الغاز انفجر يتوقف عند البابلر وميوصلش للخليه
والتوفير هو اللى حقيقى وانت وشطارتك ورينا النتايج انا مبحبطش حد انا بقول الواقع من تجربتى

تسلم يا باشا انا عارف انك مش بتحبطنا ولا حاجة ومتشكر على شرح فكرة البابلر وان شاء الله هكتب النتايج بعد الانتهاء والتجربة

المشاركة الأصلية كتبت بواسطة tasaka

الخليه حتوفر بنزين فى البدايه .. لكن الكمبيوتر بعد تركيب الخليه بفتره ( موش طويله ) .. حيبدأ يعدل ضخ البنزين بالزياده .. و لن يكون هناك توفير فى البنزين

و ده سبب الاحتياج الى الاجهزه الاضافيه لظبط كمبيوتر السياره ليعمل بطريقه مناسبه لوجود الخليه


الاجهزه هى للاتى :
1- تعديل قراءه حساس الاكسجين الذاهبه للكمبيوتر
2- تعديل قراءه ال MAF و ال MAP الذاهبه للكمبيوتر سواء لدرجه حراره الهواء ( لتعديل توقيت الاشعال ) .. او لخداع الكمبيوتر بان السياره على منحدر ( حتى يقوم الكمبيوتر بخفض البنزين )
3- اجهزه للسيطره على الخليه نفسها للتحكم فى التيار و درجه حراره الخليه



اقرأ عنوان ( الاليكترونيات Electronics ) فى الرابط الاتى

https://www.hho-1.com/hydrogen-hho-generator/

تنبيه هام جدا

عند استعمال الاجهزه الاضافيه .. و خصوصا اللى ظبطها موش ديجيتال ( يدوى ) .. لابد من مراقبه حراره العادم بجهاز متخصص للاطمئنان على سلامه المحرك



السبب ..
الفكره العامه للاجهزه الاضافيه هى خداع الكمبيوتر ليضخ بنزين اقل ( بقيمه محسوبه مناسبه ) .. يعنى الخليط اصبح Lean

لو زودت فى ظبط الاجهزه ليضخ الكمبيوتر بنزين اقل كثيرا جدا من المسموح .. سيصبح الخليط Lean زياده عن اللازم

و كفكره عامه .. الخليط ال Lean بيرفع درجه حراره الموتور .. و لو اصبح Lean زياده عن اللازم .. سترتفع حراره الموتور جدا مما سيؤدى الى تلف المحرك

و هذا هو السبب فى وجوب مراقبه حراره العادم .. حتى التأكد او الوصول الى الظبط المناسب للاجهزه بدون اتلاف المحرك



و استكمالا للايضاح .. المفروض ان ضبط الاجهزه الاضافيه سيخدع الكمبيوتر ليصبح الخليط Lean .. و بالتالى المفروض سترتفع درجه حراره المحرك ( نظريا ) .. و هذا شيئ غير مناسب للمحرك

لكن فى الواقع ( لو تم ظبط الاجهزه مظبوط ) .. ان الزياده الناتجه فى الحراره سيقابلها تبريد ناتج من وجود HHO داخل المحرك اثناء الاحتراق .. و بالتالى سيعمل المحرك بأمان فى نطاق درجه الحراره المسموحه له طبقا للتصميم

بدون استعمال اجهزه لتعديل قراءه الحساسات ( فى حاله استمرار الوفر لسياره بها حساسات ) .. سيتراوح الوفر من 10% الى 25%

باستعمال اجهزه لتعديل قراءه الحساسات .. سيتراوح الوفر من 30% الى 60%

على ارض الواقع .. الوفر سيتراوح من 10% الى 30% على اقصى تقدير حتى باستعمال الاجهزه الاضافيه ( بظبط مناسب )

المشاركة الأصلية كتبت بواسطة tasaka

تنبيه هام جدا

عند استعمال الاجهزه الاضافيه .. و خصوصا اللى ظبطها موش ديجيتال ( يدوى ) .. لابد من مراقبه حراره العادم بجهاز متخصص للاطمئنان على سلامه المحرك



السبب ..
الفكره العامه للاجهزه الاضافيه هى خداع الكمبيوتر ليضخ بنزين اقل ( بقيمه محسوبه مناسبه ) .. يعنى الخليط اصبح lean

لو زودت فى ظبط الاجهزه ليضخ الكمبيوتر بنزين اقل كثيرا جدا من المسموح .. سيصبح الخليط lean زياده عن اللازم

و كفكره عامه .. الخليط ال lean بيرفع درجه حراره الموتور .. و لو اصبح lean زياده عن اللازم .. سترتفع حراره الموتور جدا مما سيؤدى الى تلف المحرك

و هذا هو السبب فى وجوب مراقبه حراره العادم .. حتى التأكد او الوصول الى الظبط المناسب للاجهزه بدون اتلاف المحرك



و استكمالا للايضاح .. المفروض ان ضبط الاجهزه الاضافيه سيخدع الكمبيوتر ليصبح الخليط lean .. و بالتالى المفروض سترتفع درجه حراره المحرك ( نظريا ) .. و هذا شيئ غير مناسب للمحرك

لكن فى الواقع ( لو تم ظبط الاجهزه مظبوط ) .. ان الزياده الناتجه فى الحراره سيقابلها تبريد ناتج من وجود hho داخل المحرك اثناء الاحتراق .. و بالتالى سيعمل المحرك بأمان فى نطاق درجه الحراره المسموحه له طبقا للتصميم


على ارض الواقع .. الوفر سيتراوح من 10% الى 30% على اقصى تقدير حتى باستعمال الاجهزه الاضافيه ( بظبط مناسب )

طيب بالنسبه للكربرتير عندي فيه حساس مش عارف شغله ايه و اقيس العادم فين او اشتري الجهاز بتاع القياس منين

المشاركة الأصلية كتبت بواسطة اسلام الحلواني

طيب بالنسبه للكربرتير عندي فيه حساس مش عارف شغله ايه و اقيس العادم فين او اشتري الجهاز بتاع القياس منين

انا متابع موضوع خلايا الهيدروجين من فتره .. بس بدون تعمق .. يعنى منتظر ظهور خليه ناجحه بسعر كويس و ساعتها ساشتريها ( لو اقتنعت بيها )

بالنسبه لسؤالك .. اللى اعرفه بصفه عامه ان العربيه الكربيراتير موش محتاجه الكلام ده .. بس اتأكد بنفسك لان معلوماتى سطحيه بالنسبه للعربيات الكربراتير .. و تشوف بيدخلوا الهيدروجين فين بالظبط عند المدخل



.. كفكره عامه .. حساس الشكمان هو اللى بيسبب مشكله ان الكمبيوتر بيزود الضخ بعد فتره من تركيب الخليه .. و بالتالى مفيش وفر او استفاده من الخليه الهيدروجين

اما الحساسين الثانيين على مدخل الهوا فدول فقط لزياده التوفير اكثر او لاعطاء معلومات متناسقه مع قراءه حساس الشكمان المزيفه



الخلاصه

1- يبقى اى عربيه مفيهاش حساسات شكمان .. موش محتاجه لمراقبه احراره العادم .. و يبقى موش محتاجه اجهزه اضافيه ( لخداع الكمبيوتر ) .. بس فى جميع الاحوال الافضل طبعا تركيب جهاز مراقبه حراره الخليه و كهربتها علشان التشغيل يكون آمن


2- يبقى اى عربيه فيها حساسات شكمان .. يبقى محتاجه لمراقبه احراره العادم و محتاجه اجهزه اضافيه .. لان اللى حيحصل احد الاحتمالين الاتيين :

- تركيب اجهزه اضافيه و ظبطها بطريقه خاطئه ( لزياده الوفر اكثر من اللازم ) .. النتيجه الموتور و الشكمان حيسخن اكثر من اللازم .. يلزم مراقبه السخونه حتى انتهاء الظبط و بعده بقتره

- عدم تركيب اجهزه اضافيه .. الكمبيوتر بيزود الضخ بعد فتره من تركيب الخليه .. و بالتالى مفيش وفر او استفاده من الخليه الهيدروجين .. و برضه الافضل مراقبه الحراره لفتره ( بس النقطه دى يلزم لها بحث اكثر ) .. ده تخمين منى لانه قد تحدث سخونه لو الكمبيوتر زود الضح اوى .. ( بس النقطه دى يلزم لها بحث اكثر )


3- كفكره عامه ( على قدر فهمى ) السخونه بتحدث بسبب البنزين الزياده الغير محترق فى العادم


4- كمعلومه عامه .. توليد الهيدروجين اكثر من اللازم او اقل من اللازم يقلل من كفاءه الخليه

الرقم المتداول ( على ما اتذكر .. نصف لتر هيدروجين لكل 1000 cc من سعه الموتور ) لاعطاء افضل كفاءه ( ابحث و اتأكد بنفسك )



و الافضل انك تبحث شويه .. لانى بصراحه موش متعمق فى الموضوع

بس لما لقيتك بدأت تعمل خليه و عايز تدخل فى الموضوع بسرعه .. حبيت احذرك و اوضح لك بعض الامور التى قد تضر الموتور لو لم تقرأ بما فيه الكفايه

المشاركة الأصلية كتبت بواسطة اسلام الحلواني

اقيس العادم فين او اشتري الجهاز بتاع القياس منين

معنديش فكره ايه اللى بيستعملوه اللى بيركبوا الخلايا دى

لكن فيه جهاز لقياس الحراره بصفه عامه

https://www.youtube.com/watch?v=psIFUZaLLaM


و ممكن كمان لو عربيه فيها حساسات انك تستعمل جهاز OBD ii مع برنامج تورك مثلا .. و ده ممكن يعطيك المعلومه ( حسب امكانيات جهاز ال OBD ii .. و كمبيوتر العربيه )

و اكيد فى طرق اخرى

3- كفكره عامه ( على قدر فهمى ) السخونه بتحدث بسبب البنزين الزياده الغير محترق فى العادم

موش متأكد من المطلوب .. هل مراقبه حراره الموتور .. ام العادم .. ام كلاهما معا ؟

محتاجه بحث

https://www.youtube.com/watch?v=e-ValRizBF8
https://www.youtube.com/watch?v=xpEXMxMNupM
https://www.youtube.com/watch?v=s8eeRGOCwuw
https://www.youtube.com/watch?v=mZ1TcmCTkdQ
ليه لف اسلاك علي الخرطوم

المشاركة الأصلية كتبت بواسطة اسلام الحلواني

ليه لف اسلاك علي الخرطوم

دلوقتى فيه خلايا متقدمه Advanced HHO Cells

لف السلك الغرض منه توليد مجال مغناطيسى .. يقوم بتحفيز جزيئات الماء و ذارت الهيدروجين و الاكسجين ( التأثير اقوى على الهيدروجين )

لاحظ ان السلك ده خاص .. سلك مغناطيسى معزول ( بتاع لف المواتير على ما اظن ) .. و كانوا 3 انواع مختلفه .. و كل واحد منهم بطول محدد يجب الالتزام بالاطوال المذكوره بدقه و طريقه لف السلك لكل نوع منهم



انا موش بتاع كيميا و فيزيا .. و ده قدر فهمى للموضوع

فكره التحفيز هى زياده حركه الاليكترونات و تقليل الترابط بينها و بين النواه .. و كذلك احداث التصادمات العشوائيه للجزيئات و الذرات للحصول على نفس الهدف .. مما يسهل عمليه الانفصال داخل خليه الهيدروجين لاحقا

المجال المغناطيسى عباره عن طاقه مغناطيسيه .. قسواء كان تأثيره زياده طاقه الذرات او زياده سرعه الاليكترونات او تصادم الجزيئات العشوائى .. فى كل الاحوال ستنتج طاقه مختزنه نتيجه حدوث ذلك .. و ده هو التحفيز ( اعتقد انه هو التأين برضه .. بس موش متأكد ؟؟ )



ده حيسبب الاتى

1- ان الفصل داخل الخليه حيكون اسرع لان الجزيئات اصبحت غير مستقره قبل الدخول للخليه .. و كمان اعتقد ( مجرد تخمين ) ان الطاقه المختزنه ستقلل من احتياج الخليه للطاقه ( الكهرباء ) لاتمام الفصل

لاحظ ان المجال المغتاطيسى تم وضعه على مدخل الخليه


2- لو كانت ذرات الاكسجين الخارجه من الخليه لسه محنفظه بجزء من الطاقه الاضافيه ( دى محتاجه بحث !! ) .. ده حيكون مفيد لما يحصل الاشتعال داخل البستم لما يكون الخليط Lean .. و بالتالى تقليل السخونه الاضافيه للمحرك اللى بتحصل عندما يكون الخليط Lean

التفسير هو .. جزيئات الوقود بتحتاج طاقه اقل من الاكسجين لاتمام التفاعل ( الاشتعال ) جوه البستم .. لما يكون خليط Lean ( الاكسجين كتير ) .. حيكون محتاج طاقه اكبر لاتمام الاشتعال و ده اللى بيسبب السخونه الزياده فى الحاله دى .. لو كان الاكسجين مشحون بطاقه اضافيه يبقى حيقدر يكمل الاشتعال بدون الاحتياج لطاقه اضافيه و بالتالى المحرك لن تحصل له سخونه زايده

كتطبيق للفكره .. لو جاء الاكسجين من الخليه مشحون بطاقه اضافيه .. او قدرنا نشحن الاكسجين قبل الدخول لل Intake .. اكسجين اكثر حيشتعل فى غرفه الاحتراق ( البستم ) .. و بالتالى اكسجين اقل حيروح للعادم .. و بالتالى حساس الاكسجين موش حيوصل حال lean عاليه للكمبيوتر .. و بالتالى الكمبيوتر اما ان يضخ وقود زياده اقل او لا يضخ زياده اصلا ( حسب اماكن المجال المغناطيسى .. فيه طرق لاستعمال مجال مغناطيسى على مدخل الهواء و مدخل الوقود )

ده قدر فهمى لشويه الكيميا و الفيزيا اللى قرأتهم .. ارجو التصحيح لو كان فهمى خاطئ