الموضوع: كيف توفر الوقود من خلال الهيدروجين drycell او wetcell

المشاركة الأصلية كتبت بواسطة rotanamasoud

فهمتك طيب لو حنصمم على حجم تلامس اسطح الخليه مع الماء
وعايزين نبنى خليه باسطح تلامس صافى 2 متر مربع المتر 100سم *100سم=10000سم يعنى محتجين سطح تلامس 20000 سم
واخدنا اسطح تلامس صافى بعد المطاط 20*17=340*62=21080 بعد ازاله مقطع التخريم حيكون صافى اسطح التلامس 2 متر تقريبا
ايه رايك فى التصميم المبنى على حجم التلامس بالمتر كقاعده عامه بحيث اى تصميم مستقبلى يكون وحده انتاج الخليه حجم الغاز المنتج لكل متر

فكرة والله مبتكرة منك و اقسملك ان عمري مافكرت فيها ولا جت علي بالي احسبها بالطريقة دي ملعوبه ههههههههه
..بالمناسبة مساحة سطح التلامس بالمتر زي فكرة حضرتك هي فعلا فعلا المساحة الفعلية للخلية...
.لكن سؤال..هل كل المساحة الصافية من الاستناليس داخل الخلية بعد خصم مساحة الكاوتشوك شغالة؟
الاجابة لا
احب اضيف لحضرتك من التجربة و الخطأ ان التصميم و شكل الشريحة له عامل كبير جدا جدا ..مثلا عملت عدة اشكال لخلية بدائية عشان اعرف بس اي شكل افضل في انتاج الغاز فعملت خلية دائرية بمعني الكاوتشوك كان حافظة دائرية و عملت وحدة تانية مستطيلة لاعلي بنفس المساحات و عدد الشرايح و وحدة ثالثة مستطيلة بالعرض و لاحظت ان الاخيرة عطت غاز اكتر وسخونة و سحب امبير اقل ولاحظت الخليتين الاولي و التانية الميه في داخل الخلية لا تتعدي النص يعني نصف مساحات الشرايح مش شغال ولا في تحليل للميه غير في نصها الاسفل...و النص الاعلي لا تصله الماء و بالتالي مفيس تحليل كهربي للماء ..فاضي
اما الخلية الاخيرة اللي كانت 11طول×16عرض نسبة تلامس الاستناليس مع الميه حول 85% ولذلك مشيت و نبيت خلايا المشروع بنفس الطريقة العرضية الافقية ..
الخلاصة ان في خلايا صغيرة موفقة ومشاكلها اقل و غاز اكتر و خلايا ضخمة غير موفقة مشاكل بقي وعايزة فولت و امبير عالي و في الاخير انتاج الغاز قليل
واحسب ايضا مساحة اسطح الخلية بالمتر مربع تقدر تحسب كام +- الخلية هتحسب امبير... بالاضافة لكمة koh او هيدروكسيد بوتاسيوم
اما الفولت تحدده بعدد الشرايح و خاصة خاصة عدد النوترال ...يعني ما ينفعش تعمل خلية بسيطة بين السالب و الموجب 4 نوترال و تشغلها علي 220dc تحصل مشكلة كبيرة و ممكن الخلية بسلك التغذية تولع ....لان الشرايح النوترال بتقسم عليهم الفولتية مثلا لو خلية بسيطة (موجب و 4 نوترال و سالب )وانت حددت الفولت اللي هتستخدمه فليكن 12 فولت ....اذن لو قست بالافوميتر طبعا هيقرا 12 فولت علي الشرحتين السالب و الموجب و لو ثبت طرف الافوميتر السالب علي السالب في الخلية و ابتديت تقيس بطرف الافوميتر الموجب علي النوترال تلاقي الافو يقيس قياس تنازلي النوترال رقم 4 هيكون 9 فولت و الثالث 6 و التاني 3 هكذا...... فكل مازاد عدد شرايح النوترال بين قضبين سالب و موجب كلما تحتاج ( فولت اعلي و امبير اقل ) لدرجة ان ممكن تعمل خلية مكونة شريحة موجب و 100 شريحة نوترال و شريحة سالب بس و دي ممكن تديك 30 لتر/دقيقة
حاليا بعد التجربة علي اللانسر بدرس نظري و بحسب اعمل خلية 12 فولت و لا 110 و لا 220 عشان ازود كمية الغاز من حوالي 10 لتر في الدقية lpm الي 25 لتر او اكتر عشان نقدر نستفاد بالفكرة باقصي الامكان بس عشان وقت الشغل مستني وقت فاضي واعيد ترتيب خليتي تاني لأي نظام تغذية و بحاول اركب دينمو ايضافي بعد تعديله كهربيا بس في قطعة الكترونية منتظرها هتوصل من لندن يمكن الاسبوع دة عشان يكون الدينمو محور تغذية السستم
ورجاء من كل عنده اضافة فنية زي الاخ rotanamasoud يضيف و يساهم لاثراء الموضوع لعموم الفايدة

تمام انا بحاول اجمع افكارى بحيث نحاول نوصل لتصميم مثالى قدر الامكان قبل التنفيذ
من تجاربك الافضل للشكل المستطيل بوضع عرضى لتحقيق سطح كبير للتلامس
عمل الاخرام فى اقصى ارتفاع لنحصل على اقصى حجم ممكن للخليه(سطح تلامس)
الفكره هل ممكن لو عملنا خرمين دخول وخرمين خروج ممكن نحسن من القدره على الانتاج او نقلل الامبير(تحقيق اعلى استفاده)
الاستفسار ايه وظيفه البابلر(اللى بسميه الشيشه)
المعلومه من كلامك ان وحدات الخليه تشبه (اربع البطاريه) وبكده انا فهمت كيفيه تقسيم الجهد لاى فولت اريد تشغيل الخليه عليه

المشاركة الأصلية كتبت بواسطة rotanamasoud

تمام انا بحاول اجمع افكارى بحيث نحاول نوصل لتصميم مثالى قدر الامكان قبل التنفيذ
من تجاربك الافضل للشكل المستطيل بوضع عرضى لتحقيق سطح كبير للتلامس
عمل الاخرام فى اقصى ارتفاع لنحصل على اقصى حجم ممكن للخليه(سطح تلامس)
الفكره هل ممكن لو عملنا خرمين دخول وخرمين خروج ممكن نحسن من القدره على الانتاج او نقلل الامبير(تحقيق اعلى استفاده)
الاستفسار ايه وظيفه البابلر(اللى بسميه الشيشه)
المعلومه من كلامك ان وحدات الخليه تشبه (اربع البطاريه) وبكده انا فهمت كيفيه تقسيم الجهد لاى فولت اريد تشغيل الخليه عليه

صح الله ينور عليك
حكاية الاخرام دي لازم خرم اعلي الشريحة و خرم اسفل الشريحة و الخلية ليها مدخل المية الموجه للاخرام السفلي و مخرج علوي لخروج خليط الغاز والاوكسجين و الميه للتنك
بالنسبة للاحمال هي زي فكرة البطارية
حاول تتفرج علي فيديوهات كتير و اكتب في اليوتيوب
How to make hho dry cell
وانت هتاخد بردو خبرة و اتفرج كيف نظريات عملها بعد كدة مش هتهرب منك حاجة
وعلي فكرة اتوفقت امبارح في عربية هوندا 2002 .1700

المشاركة الأصلية كتبت بواسطة rotanamasoud

تمام انا بحاول اجمع افكارى بحيث نحاول نوصل لتصميم مثالى قدر الامكان قبل التنفيذ
من تجاربك الافضل للشكل المستطيل بوضع عرضى لتحقيق سطح كبير للتلامس
عمل الاخرام فى اقصى ارتفاع لنحصل على اقصى حجم ممكن للخليه(سطح تلامس)
الفكره هل ممكن لو عملنا خرمين دخول وخرمين خروج ممكن نحسن من القدره على الانتاج او نقلل الامبير(تحقيق اعلى استفاده)
الاستفسار ايه وظيفه البابلر(اللى بسميه الشيشه)
المعلومه من كلامك ان وحدات الخليه تشبه (اربع البطاريه) وبكده انا فهمت كيفيه تقسيم الجهد لاى فولت اريد تشغيل الخليه عليه

https://youtu.be/yItH6S_dUd0
بص يا باشا فيديو مبسط بإمكانيات بسيطة بس غلطة فظيعة جدا هو عملها انه ركب 12 مسمار لتثبيت اجزاء الخلية مع بعض من غير ما يعزلهم يعني عملها بطرية فيها شغل تخريم كتير في اللوحين الخارجيين البلاستيك او الحديد و الاستناليس و الكاوتشوك من غير لزمة بس هي اشتغلت معاه بالحظ و كان ممكن تحصل معاه قفلات كتير
بس انت بسهوله تعمل نفس الطريقة بس بشرط او تعديل واحد فقط انك تخلي ال12 مسمار او اكتر خارج الشرايح و القاسكت او الكاوتشوك ..يعني المسامير فقط لتثبيت اللوحين الخارجيين و بالتالي يتم ضم و ضغط باقي الشرايح و المطاط فكرة الساندوتش و بكدة لو هتعمل زيها بالظبط هتخرم 12 خرم للوحين الخارين حوالين الاستناليس و في صورة كنت منزلها لخليتي الكبيرة هتلاحظ مسامير التثبيت حوالين مساحة سطح الشرايح بكدة تكون وفرت علي نفس شغل كتير قوي يعني الحكاية سهله جدا...وانا ان شاء الاسبوع الجاي هفوك خليتي لاعادة ترتيبها وهصورهالك بالتفصيل غير ان هعمل وحدة للهوندا و بردو هصورهالك
ارجو اكون افدتك
بس انا فاكر ان قولت معلومة خطيرة جدا انك ممكن تاخد اشارة الرالية بعد ما يدور المتور من الدينمو ..عرفت قيمتها لان روحت لواحد في سيرفس كان عندة مشكلة في الدبرياج كاستشارة و المهم قولت ابص علي السريع و نسيت الخلية شغاله لاني مشغلها علي النور الصغير و بعديها كام ساعة لاقيت البطارية زيرو ..فالافضل تشتغل و تفصل مع المحرك بس بردو علي تتوصل بالتوالي بمفتاح في التابلوة

مبروك على الهوندا
تشغيل الكتاوت ممكن المفتاح يتعمل مع الكونتاك بحيث لو حصلت ونسيت عمر البطاريه ما تفضى منك لاكن فكره مع لمبه الدينمو عشان تحافظ اكتر على البطاريه والسيستم لا ينتج غاز ويحمل على البطاريه اطلاقا
بفكر فى تصميمات ممكن اعملها على ورقه واصورها قريبا
نسيت تقولى فايده البابلر(استنتاجى انه مجرد بيان لانتاج الغاز)

المشاركة الأصلية كتبت بواسطة Mohamed142

موضوع راااااااااااااااااااااااا اااااااااائع

شكرا يا باشا

المشاركة الأصلية كتبت بواسطة rotanamasoud

مبروك على الهوندا
تشغيل الكتاوت ممكن المفتاح يتعمل مع الكونتاك بحيث لو حصلت ونسيت عمر البطاريه ما تفضى منك لاكن فكره مع لمبه الدينمو عشان تحافظ اكتر على البطاريه والسيستم لا ينتج غاز ويحمل على البطاريه اطلاقا
بفكر فى تصميمات ممكن اعملها على ورقه واصورها قريبا
نسيت تقولى فايده البابلر(استنتاجى انه مجرد بيان لانتاج الغاز)

الله يبارك فيك بس حقيقي ربنا وفقني فيها... العربية فعلا في مقام الجديدة رغم انها 2002 .المختصر صحبتها ليتوانية الاصل الظاهر بس عايشة في امريكا وبعتتها من امريكا عشان تستخدمها كل ما تيجي فركنتها عند ابوها بس فقررت ان تبيعها .. ...هوريك شكلها مازال اعلانها موجود ..البلد دي فيها عجايب...
Honda Civic, 1.7 l., coupe 2002-08 m., | Used cars | A3770567 | Autoplius.lt

امبارح فاولت وروحت مشواري الاسبوعي 130 كيلو عالطريق الدولي وقرصت عليها لاني اول مرة اشتري اتوماتيك بس ما شاء الله عليها مش بطالةوالله ......وكان معدل سرعتي 120/140 كيلو/ساعة..المهم و بعد المشوار فاولت تاني حسبتها اخدت حوالي .5.8 لتر ل100 كيلو تقريبا بس عشان شديت عليها فاكيد استهلكت اكتر من معدلها الطبيعي بس عشان اجيب آخرها و ايه اعلي استهلاك والهورس باور الفعلي عشان تجاربنا...
هي فكرة الكونتاكت افضل طريقة بس انت فهمت موضوعي كله عبارة عن تجارب فاي طريقة تشغيل مش فارقه ..لكن المشروع الكبير دة ليه مخطط تاني بس هيديك فكرة بسيطة ....الفكرة ان شاء الله اذا وفقنا ربنا ونظمت خلية كويسة وقدرت احصل علي كمية الغاز المطلوبه فمصدر تيار السستم اكيد مش البطارية بس هيكون دينمو اضافي بس لازم اعدل في نظامة و الغي جزء و هضيف جزء عليه عشان اطوعه و اتحكم في فولته و امبيرة اللي معتمد عليهم كمية الغاز ...
ولو تعرف alteronter اوالدينمو علي حقيقته هتستغرب ..و دينمو العربية لو مفهوش لجام او منظم جهد لدخول و خروج تغذيته ممكن تشتغله مكنة لحام حديد و تحمل علية لمبات اكتر من 1000 وات و ممكن تعثر علي دينمو ممكن يدي اكتر من 110 فولت ac و 370 امبير ac ... و من مميزاته انك تقدر تتحكم فية زي ما انت عايز ....
بالنسبة للتصاميم ارسم و ابعت الصور عشان اعرف طريقة تفكيرك
البابلار فايدته مكثف و فلتر امان للخلية وامان للمحرك من الخلية بمعني ان التفاعل ودورة حركة المية و الغاز من بين الخلية و التانك ممكن يسبب سخونة و ضغط داخل التانك..
فمثلا لو سخنت الخلية ايه ممكن يحصل ؟
الاجابه هسبب تمدد الميه و عالمدي هيحصل تبخر للمية ..
طيب فين هيروح بخار المية؟
ج. هيخرج غاز الهيدروجين و الاوكسجين و بخار المية للمحرك من شدة التفاعل ...وهيخرج الهيدروجين و الاوكسجين يخرج معاهم قطرات مية من مخرج خروج الغاز في التانك ...
طيب ايه الحل انا عايز هيدروجين و اكسجين بس؟
ج. يبقي هتحتاج بابلار هيكون نظامة زي الشيشة هدخل الهيدروجين و الاوكسجين و حتي لو في بخار ماء او قطرات ماء من التفاعل من فوق البابلار و هيترسب و يتكثف اي بخار ماء داخل البابلار و يخرج من البابلار غاز الهيدروكسي او خليط غاز الهيدروجين و الاوكسجين. .ودة المطلوب ......اذن لا غني عن البابلا ..وطبعا في تحزير اوعي تفكر تقرب نار اي شرز كهربي من خرطوم خروج الغاز من البابلار ...طبعا اكيد هينفجر وصوت فرقعة شديد زي ضرب النار...بس ميزته لا يسبب حريق او ازي زي الغاز الطبيعي يعني غاز آمن بس هتطر تعمل بابلار جديد .....
طبعا بعد ما فهمت فايدته طبعا البابلار ميصحش اننا نثبته في مكان ممكن يسخنه لاننا محتاجينه بارد عشان يكثف اي ابخرة ويخرج غاز الهيدروجين و الاوكسجين فقط....مال ليه قولتلك تخلي الخلية قدام الليداتير عشان تبريد الخلية و البابلار
ومن الاتنين الجاي ان شاء الله هنظم خلية صغيره بردو 31 شريحة للهوندا و نقيس فارق الاستهلاك ....