الموضوع: كيف توفر الوقود من خلال الهيدروجين drycell او wetcell

[QUOTE=rotanamasoud;3875961970][SIZE=4][COLOR=Black]تمام يعنى هدف حضرتك الوصول للتشغيل الكامل بالهيدروجين
نعم دي أمنيتي من الله ان اشغل المحرك بالهيدروجين بدون مشاكل. ..
موضوع الدينمو هو الصح افضل من البطاريه فى الاعتماد الكلى لاكنى افضل ال12 فولت حتى مع الامبير العالى لسببين
الاول ان البطاريه حتكون عامل مساعد كمكثف عملاق للتنعيم لان المحرك لا يعمل على سرعه ثابته
كلامك عايز تجربة فعلية لان اعتقد اننا هنستهلك بطاريات لان هناخد منها حملها الكلي او طاقتها القصوي و يمكن اكتر ...
بالاضافة لو حصل عطل مثلا في بوجهات العربية و مش قادره تدور ..ايه النتيجه هتكون؟ ج. ان الخلية هتفرغ البطارية تمام بالاضافه ان العربية مش دايرة يعني زادت الطينه بله و مش هينف تاخد ماس من حد لان عندك غول ياكل اي بطارية و عايز للماس كابلات ضخمه يعني دة خطأ جثيم ...
اما الدينمو ممكن اخد منه زي ما انا عايز بمعني ممكن اخد منه من 1 فولت الي اكتر 100 فولت و كذلك الامبير نقدر ناخد منه من 1 امبير الي اقصي امبير حسب مواصفاته... لكن يلزمله (تعديل) و هيكون خروج تياره و الامبير AC مش DC يعني هنحتاج rectifier دايرة توحيد من ACالي DC و هتكون 4 سيلكونات ضغط عالي السيلكون الوحد 50A /1000V سيلكون ضخم حجمة زي بوجهات الموتور و مكثف ضخم بردو
الثانى لعمل تحسين مستقبلى للاداره الكامله بدون استخدام بنزين والاعتماد كليا على الهيدروجين حتى فى الاداره يعنى تفتح كونتاك ينتج الغاز وتنتظر وصوله لحد كافى للتشغيل وتدور لاكنك حتحتاج دينمو كبير وبطاريه لا تقل عن 100 امبير لبدء التشغيل
لو بطارية تعبانه الخلية تاكل البطارية في دقيقة ...طيب المفروض تسئلني ...طيب ايه الحل؟ الاجابة ان العربية هيكون نظامها نفس نظام العربيات الشغاله بنزين و غاز طبيعي ...يعني ايه؟ يعني العربية هتدور بنزين عادي و بعد دوران المحرك طبيعي واستقرارة ممكن استخدم سينسور حراري او سينسور حركي او طرق تاني كتير مثلا استخدام شريحة الكترونية ذكيه اسمها arduino او ميكرو كونترولار لتشغيل الخلية و فصل طرمبة البزين و منع مرور البنزين للمحرك عن طريق فالف او حنفية كهربية واعطاء اشارة لكونتاكتور الخلية وفتح الغاز للمحرك (تحويله يعني) ودة طبعا يتم اتوماتيك او ممكن يدوي ...يعني الكونترول سهل ..المهم عندي حاليا كمية الغاز فقط
اجيلك لتوانيا مستعد والله
ياعم تيجي تنورنا و لو ماشالتكش الارض نشيلك فوق دماغنا
ده تصميم كروكى مبدئى بنيته على التصميمين البسيط والمركب لانى محتاج 4 مسامير فى الجوانات المطاط لاحكام الخلايا وباقى المسامير من الخارج وعملت نصف دايره من اعلى نقطه لخروج الغاز وكده اضمن ان الميه بالكامل ملامسه لاسطح الخليه للحصول على اعلى قدره
لا التصميم في اخطاء اولا الواح الباور السالب و الموجب ليهم شكل في القص و بيكونوا وحدة يمين و وحدة شمال
ثانيا الواح النوترال ليهم شكل في القص
ثالثا الفتحة من اعلي ازاي يعني؟هتجمع الغاز كيف؟
ثالثا انت ليه اخترت التصميم الصعب و هتخرم في الكاوتشوك و الشرايح لية قص يدوي مش هتظبط معاك دي عايزة ليزر ماانت عندك طريقة اسهل من كدة خلي مسامير التثبيت كلها في الكفر الخارجي ودل كفاية قوي لانك هتفقد مساحة من الشرايح و هتضعف البرواز الكاوتشوك بس مسامير التثبيت كترهم شويه و خلاص
هبعتلك صورة لشريحة نوترال عليها الكاوتشوك قبل ما تتخرم و صورة للخلية كاملة واتفرج كويس