الموضوع: حد من اسكندريه يحكيلنا عن المهزله اللي حصلت

المشاركة الأصلية كتبت بواسطة abo_mazen

عارف ..بعيدا عن كلامك إن بلدنا أحسن من السنة اللي فاتت كتير وإن إحنا السنة الجايه مش هنسمع صوت إرهاب ولا رصاص ...وإن الكلام ده ما بياكلش معايا بنص شلن أحمر ..لإنه أستهلك وسمعناه كتيييير وبيتقال من ستين سنة فاتت ..وبصرف النظر عن المصيبة النوعية والكيفية الي بتحصل حاليا في سينا..وأدخل خدلك كده جوله في الجرايد الإلكترونية على الإنترنت وشوف المصيبة والفاجعه اللي هتخلي جسمك كله يقشعر اللي حصلت النهارده في سينا ..بس أنا لاحظت حاجه ..لاحظت إن بداية اي كارثه إقتصادية بتلحق بأي بلد ..إبتداء من المجاعه المستنصرية إنتهاء بالمجاعات اللي بتحصل لغاية دلوقتي في بعض دول أفريقيا ..بتكون في إرتفاع الأسعار ..آه بجد..بتلاقي البداية دائما بتكون إرتفاع الأسعار ..وبعدين ندرة السلع ..وبعدين تبدأ المصيبة ..عامل مشترك في كل المجاعات اللي حصلت على مدار التاريخ إلى الآن ..تابع كده ما بين السطور هتلاقي الكلام ده بيحصل ..يعني أقدم مجاعه عرفها التاريخ كانت في مصر ايام سيدنا يوسف عليه السلام ..وسيدنا يوسف طبعا بحكمته اللي ربنا رزقه بيها ..كان قادر على إنه يدير المجاعه دي كويس قوي وطلع منها بسلام ..لكن لو شفت تاني مجاعه علطول بيأرخ ليها المؤرخين ..هتلاقيها المجاعه المستنصرية ..إكتب كده في جوجل المجاعه المستنصرية وإقرا ..هتلاقي إن بدايتها كانت إرتفاع الأسعار برضه ..بص ..بداية كده ..ما دامت الأسعار عندك بتزيد ..ودخل الفرد بيقل ..تعرف إن إحنا لا يمكن نكون ماشيين على الطريق الصح ..على الأقل إقتصاديا ..ده على الأقل ..مش هكلمك بقى عن الجانب الأمني ولا على بقيت الجوانب ..أنا بتكلم على الأقل إقتصاديا

بص هو الموضوع زى ما انت قولت تفاؤل
انا عندى الفترة دى تفاؤل بسبب اقتناعى بالنظام السياسى الحالى
لو ماكنتش مقتنع باللى ماسكين البلد و بسبب ان فيه ثقة
اكيد اكيد كنت هترعب و هقول زيك فيه مجاعة
عارف الدول اللى برة لما الحكومات بياخدوا قرار مش بيفضلوا يتظاهروا كل شوية و يغضبوا كدة
دا لانهم بيثقوا فى حكوماتهم اللى انتخبوها

المشاركة الأصلية كتبت بواسطة JOHN YOUSSEF

احنا على الدرب السليم
و بلدنا احسن من السنة اللى فاتت بمليون مرة
على الاقل مفيش مظاهرات مسلحة و قتل
التفجيرات قلت كتيرررررر
و على السنة الجاية زى دلوقت مش هنسمع صوتهم ابدا
و ربنا ينصر بلدنا على اعدائها ان شاء الله

يبقى من حقى اتفائل بالتأكيد لان فيه بشاير جيدة جدا و البدايات على كل المستويات مطمئنة

مظاهرات مسلحة هههههههههههه
يعني اللي معاه سلاح حيعمل مظاهرات
مفيش اي مجموعة مسلحة في العالم بتحاول تاخد تأخذ باساليب ثورية زي المظاهرات
بس حنقول ايه
جون بيسمع توفيق عكاشة
المعادلة كده شكلها حلو

المشاركة الأصلية كتبت بواسطة john youssef

احنا على الدرب السليم
و بلدنا احسن من السنة اللى فاتت بمليون مرة
على الاقل مفيش مظاهرات مسلحة و قتل
التفجيرات قلت كتيرررررر
و على السنة الجاية زى دلوقت مش هنسمع صوتهم ابدا
و ربنا ينصر بلدنا على اعدائها ان شاء الله

يبقى من حقى اتفائل بالتأكيد لان فيه بشاير جيدة جدا و البدايات على كل المستويات مطمئنة

التفجيرات قلت كتير هههههههههههه
بأمارة التفجير بتاع إمبارح ايا كان الفاعل
وبأمارة تفجيرات مدينة الإنتاج الإعلامي
افتح مصراوي بتاع نجيب ساويرس - اكيد حيكون مصدر ثقة ليك عشان مسيحي زيك -
وابحث عن كلمة تفجير وشوف المهازل اللي حصلت خلال الشهر اللي فات فقط

المشاركة الأصلية كتبت بواسطة john youssef

احنا على الدرب السليم
و بلدنا احسن من السنة اللى فاتت بمليون مرة
على الاقل مفيش مظاهرات مسلحة و قتل
التفجيرات قلت كتيرررررر
و على السنة الجاية زى دلوقت مش هنسمع صوتهم ابدا
و ربنا ينصر بلدنا على اعدائها ان شاء الله

يبقى من حقى اتفائل بالتأكيد لان فيه بشاير جيدة جدا و البدايات على كل المستويات مطمئنة

طب اديني اماره واحده :)))