الموضوع: اى استفسار او سؤال بخصوص بريليانس انا فى الخدمه

ممكن اعرف حضرتك تقصد اقصى سرعه ولا تجميع العربيه

مش قصدي أقصى سرعة
انا قصدي ان العربية مبتسحبش.. اي عربية بتطلع منى بسهولة
علشان العربية تشد، بحس اني لازم اهرس دواسة البنزين و صوت الموتور يعلى جدا و ال rpm يعدي ال ٤ علشان العربية تشد شوية
لكن لو دست جامد فعلا و صبرت عليها، ممكن تجيب ١٤٠ و ١٥٠ (مجربتش اجيب بيها اكتر من كده الصراحة)

انا مش عايز اقفلك من العربيه بس انا هقولك اللى فيها . العربيه موتور مايفك صينى وفتيس هيونداى صينى وتجميع الفتيس ده بطىء جداً بيجمع على 4 و 4.5 وغير كده كمان كنترول الفتيس استجابته لدواسه البنزين بطيئه انك تدوس اخر دواسه البنزين ده الطبيعى بتاع العربيه ومتنساش كمان ان البوجيهات اللى فى العربيه صينى ومعفنه حضرتك ان شاء الله فى صيانه ال20 اشترى بوجيهات 16 سن طويل اريديوم واطلب من مهندس الصيانه تركيب البوجيهات اللى حضرتك جايبها ودى مش هتحتاج تغيرها فى صيانه ال40 ده هتفرق معاك كتير بجانب انك كده كده هتغير فلتر البنزين والهوا وان شاء الله هتشوف اداء مختلف وللعلم اخر سرعه للعربيه 175 عند 5.8 rpm حضرتك هتخاف تجيب السرعه دى من صوت الموتور . منتظر راى حضرتك بعد الصيانه .

بصراحة انت كده ريحتني
هتستغرب لما أقولك ان ده الرد اللي انا نفسي اسمعه من زمان
لإني كل مرة اركب العربية احس ان فيها حاجه غلط و محدش عارف يصلحها.. و ده لوحده احساس مستفز جدددداا
لكن لو هي كده.. ممكن نتعايش شوية

طب اسال حضرتك سؤال ايه رايك في العربية v5 بما ان ليها شعبية كبيرة في الموقع وفي الشارع هل وصلتك اي شكاوي في فترة عملك بخصوص الفتيس الأتوماتيك بتاعها انه محتاج تغيير مثلا او مشاكله متكررة؟ وايه اكبر عيوب العربية وكيفية علاجها ومكان نعالجها فيه

بخصوص الفتيس حصل منه مشاكل كبيره واكتر مشكله انه لما ينقل على السرعه الخامسه سرعه العربيه بتقل وانك علشان تحافظ على سرعتك لازم تجيب الفتيس مانيوال وتفضل على الرابع .
انما تغيير فتيس دى صعب ممكن حضرتك تقولى لو عندك مشكله محدده واقولك ده من ايه .
بالنسبه لمشاكل العربيه بصراحه كتير وفى حاجات حتى لما بتتصلح بترجع تانى ممكن اقولك شويه حاجات ...
1. علبه الدركسيون .صوت خبط مع المطبات . علاج التوكيل تغيير علبه من نفس نوع العلبه اللى راكبه والنتيجه صوت خبط تانى
2. ضعف سحب . فلتر بنزين صينى مع بوجيهات صينى وموتور صينى وطلمبه بنزين ضعيفه . حل التوكيل تغير كل دول بنفس الحاجه والنتيجه نفس ضعف السحب
3. البطاريه بتنام . العربيه ال gls فيها كذا كنترول منها كنترول على طول فى وضع تشغيل مش استعداد والنتيجه البطاريه بتنام
طبعاً مش هقدر احصر كل المشاكل بس دى اكترها

من فضلك بالنسبة لل fsv 2011
- في خبط فالناحية اليمين قدام ولما وديتها للميكانيكي بقوله عاوز اغير جلبه مقص قالي الافضل تغير مقص كامل
- وفي رجة فالدركسيون فى الشوارع المكسرة او المطبات هل ده من بارات الدركسيون ولا بيض ولا تيش ميزان مع العلم ان تيل الفرامل سليم بس لما بجري بالعربية كتير واجي اضدوس فرامل بسمع صوت صفارة

لا موضوع علبة الدركسيون والتخبيط الي بتسببه ده مشهور فعلا والحل نشوف حد بييع العلبة بره التوكيل تكون انضف من بتاعة التوكيل بالنسبة موضوع السحب مش محسوس اوي لان العربية بتطلع من 0-100 في 15 ثانية وبعد كده بتاخد سرعتها العادية زي مانت عايز مش بتقل مع الغيار لكن سوالي عن فتيس الموتور لان فيه ناس اعرفهم معاهم نيسان قشقاي 2012و2013 بعد معدو 50 الف كيلو الفتيس باظ والتوكيل قالك ده بره الضمان ويتغير ب35000 وده الي كان صادمني في نيسان واخشي نفي العيب يكون في
v5 كمان