تجربة سيئة في شراء منتج من سوق دوت كوم

**sayedmatrix** · 12-07-2015 09:11 PM

رغم ان اكيد مش كل مبيعاتهم بيحصل فيها نفس السيناريو لكن موضوعك جاء في وقته ، كنت لسه بفكر اشتري هارد اكسترنال منهم لكن زي ما المثل بتاعنا بيقول ابعد عن الشر وغنيله. انزل اشتريه بنفسي احسن عشان ابعد عن وجع الدماغ ده.

**A_H_M_A_D** · 12-07-2015 09:16 PM

ابو اسر باشا ، اخبارك ايه الاول
بص يا باشا انا بتعامل مع سوق دوت كوم بقالي ٥ سنين فرع مصر وفرع دبي وبصراحة خلال الفترة دي مشفتش منهم حاجه وحشه واي مشكلة معاهم كانت بتتحل

هم اكيد بعتولك confirmation mail لما انت عملت الاوردر الاولاني ، وده يأكد ان الاوردر مظبوط وان كان موجود في الستوك بتاعهم
يبقى الحل حضرتك تفرورد الميل ده لخدمة العملا عندهم وتكتب شكوى ان الاوردر ده اتلغى بعد مانت عملته ومن غير مانت اللي تلغيه
واستنى شوف هايردوا عليك بأيه وان شاء الله خير

**أبو آسر** · 12-07-2015 09:48 PM

المشاركة الأصلية كتبت بواسطة A_H_M_A_D

ابو اسر باشا ، اخبارك ايه الاول
بص يا باشا انا بتعامل مع سوق دوت كوم بقالي ٥ سنين فرع مصر وفرع دبي وبصراحة خلال الفترة دي مشفتش منهم حاجه وحشه واي مشكلة معاهم كانت بتتحل

هم اكيد بعتولك confirmation mail لما انت عملت الاوردر الاولاني ، وده يأكد ان الاوردر مظبوط وان كان موجود في الستوك بتاعهم
يبقى الحل حضرتك تفرورد الميل ده لخدمة العملا عندهم وتكتب شكوى ان الاوردر ده اتلغى بعد مانت عملته ومن غير مانت اللي تلغيه
واستنى شوف هايردوا عليك بأيه وان شاء الله خير

أحمد باشا :) أخبارك ايه ؟
على فكرة أنا برده بتعامل معاهم من فترة ممكن توصل ل5 سنوات زيك بس على فترات متباعدة واتعاملت كبائع ومشتري مش مشتري بس وأعترف إن زمان كانوا أسوأ من دلوقتي يعني أنا سمعت إنهم غربلوا السيستم بتاعهم ومبقوش يسمحوا لكل من هب ودب يبيع زي زمان وبقوا يصعبوا عرض منتجات التجار إلا بعد ما يقدموا ورق وإثباتات وحوارات وده شيء كويس طبعا لأن ياما اتدبست في سلع صيني رديئة ومكنتش بعرف أرجعها ويوم ما أفكر أعمل كده بندم علشان بيدوخوك السبع دوخات على ما يرجعولك فلوسك
ممكن انت تكون تجاربك معاه كلها إيجابية وده شيء كويس بس أقدر أقولك إن ده هو اللي حالة فردية لأن تقريبا محدش اتعامل معاهم لفترة ومشتكاش منهم على الأقل بسبب التأخير لكن ناس كتير بتشتكي من حاجات مش بتبقى بالمواصفات اللي مكتوبة أو بايظة أصلا أو ممكن يبعتوا حاجة غير اللي اشتروها تماما
لكن إنك تشتري من الموقع نفسه مش من بائع خارجي وتقعد 7 أيام منتظر سلعة وفي الآخر يكنسل الأوردر علشان out of stock !!! بصراحة دي قمة في التهريج والاستهبال وزي ما قلت لو موقع محترم كان راح اشترى المنتج من أي حد وبعتهولي ولو هيخسر فيه لكن لما تكلم خدمة العملاء ويقولك معلش يبقى انت بتتعامل مع عم أحمد البقال مش مع موقع محترم فمعتقدش إن إيميل هيغير من الأمر شيء وأنا أساسا صرفت نظر عن إني أتعامل معاهم تاني وهنزل أشتري الحاجة من أي مكان سلّم واستلم حتى لو أغلى بس متعرضش لموقف زي ده تاني
للأسف لسة علينا بدري على ما نوصل لثقافة البيع والشراء أونلاين ويبقى في ثقة متبادلة بين البائع والمشتري

**tasaka** · 12-07-2015 10:52 PM

المشاركة الأصلية كتبت بواسطة volociximab

تجربتي مع الموقع فى السعودية جيدة-لى تجارب جيدة اخرى مع اي باى و على اكسبريس
مشكلة الموقع ان التقييم السلبي ليس له قيمة
يعنى البائع على اي باى بيقعد يفخر انه 100% تقييم ايجابي و يتحايل عليك و يقولك لو حاجة زعلتك قلى و نحلها مع بعض بس متقييمش سلبى
المشكلة فى الشحن من خارج السعودية ان البضاعة لازم تتشحن ب tracking no و الا هتضيع

ُُُ EBay غير آمن .. و حصل عليه اكثر من Hack على حسابات العملاء

المنتجات عليه فيه منها اصلى .. و منها مغشوش و يباع على انه الاصلى .. و هذا هو الاعم الاغلب

ميزته الوحيده انه فيه بعض المنتجات الغير موجوده على الامازون ( بتنوع اكبر للموديلات المعروضه .. مثلا على الامازون موديل واحد .. و على الاى باى موديلات اكثر )

و يجب الانتباه جدا عند اختيار المنتج و التأكد انه الاصلى .. و عاده ستحصل على سلعه غير مطابقه للمواصفه المذكوره

اعتقد Pay Pal هو الانسب للتعامل مع هذا الموقع .. لحفظ حقك قدر الامكان

انصح بالابتعاد عنه .. الامازون افضل منه 100 مره .. فى المنتج و الثقه .. و السعر ايضا

**MaZaGAngeE** · 12-07-2015 11:19 PM

لو البياع سوق نفسها مش هتلاقي مشاكل .. لكن لو تاجر ممكن تلاقي عك بيحصل…
اشتريت منهم 4 مرات و رجعت باوربانك انجو و بدلته ب 2 باور بانك من تاجر و طلع مقلب و لبستهم

**accord** · 12-07-2015 11:21 PM

ليا تجربة سيئة ايضا معاهم من فترة .. المنتج كان مضروب مش بنفس المواصفات اللي عالموقع وتاخير مستفز في الشحن والاستلام وكذب شركة ارامكس انهم اتصلوا بيا ومردتش او لم يجدوني في العنوان وحاجة اخر استهبال وكانت التجربة الاولى والاخيرة معاهم

**ALYSALIM** · 12-07-2015 11:38 PM

ههههههههههههه - عادة سوق دوت كوم في كل دول العالم
المهم بقي من خبرتي معاهم
اول حاجة يبقي الدفع عند الاستلام
متشتريش حاجة عليها تصفيه منهم لانها ممكن تبقي مرتجعه
افحص بضاعتك قبل الدفع وشغلها تمام
لو حصلتلك مشكله في بضاعتك ورفضو يحلوها افضحهم ع المواقع المتخصصه وفي كل
المنتديات وع الفيس بوك
واعمل اوامر ارتجاع

**أبو آسر** · 12-07-2015 11:44 PM

المشاركة الأصلية كتبت بواسطة MaZaGAngeE

لو البياع سوق نفسها مش هتلاقي مشاكل .. لكن لو تاجر ممكن تلاقي عك بيحصل…

يا باشا البائع كان هو موقع سوق بنفسه مش تاجر خارجي

الموضوع: تجربة سيئة في شراء منتج من سوق دوت كوم

LinkBack

أدوات الموضوع

عرض

-

-

-

المواضيع المتشابهه

تجربة سيئة من علي اكسبريس

تجربة سيئة مع فلاشة نت فودافون

تجربة سيئة مع المتخصصون

تجربة شراء سيئة من اتو ايجيبت

الكلمات الدلالية لهذا الموضوع

المفضلات

المفضلات

ضوابط المشاركة