ماله جواز الصالونات ..ولا هو أي أمريكاني وخلاص ؟؟؟

**Abo_Mazen** · 21-07-2015 03:50 PM

المشاركة الأصلية كتبت بواسطة eso101

المهم ميحصلش بينكم خلوة .. وتتقدم لها وتخطبها وتتزوجها من والدها
بعد استسماحه و رضاه وتلبية شروطه وتطيب خاطره
إيه الوحش في الحكاية دي ؟! كله في النهاية بيوصل للزواج الشرعي

طيب ما هو ده كلامي اللي أنا قلته في الأول ...هو إيه اللي فرق معاك بقى في الموضوع ..إن أول لقاء ما يبقاش في الصالون؟؟؟؟ ..خلاص ..ممكن تعملو أول لقاء في كافيه مثلا ..أو في أي مكان عام ..بس برضه يبقى مع ولي أمرها وفي حضوره عشان ما يحصلش خلوه ..هي الفكره يعني إنك ما تقعدش في الصالون ...؟؟؟!!!!!!!!!!!

شكل الصالون بيضايقك قوي يعني ..؟؟؟؟؟؟

**ahmed1981** · 21-07-2015 03:57 PM

جواز الصالونات شيء طبيعي
مينفعش نقول إنه غلط

ورأيي في الموضوع ده :ـ
http://www.nilemotors.net/Nile/311855-a.html

**ESO101** · 21-07-2015 04:02 PM

مش موضوع صالونات أصل بمجرد مابتجيب السيرة دي
بتخيل نفسي بدور بين البيوت أتفرج على البنات وأختار وحدة !
اللي فارق معايا إن نادرًا ما هيحصل الإعجاب بالشكل دا بل في حالتي يصل دا لمستحيل ..
لإن نادرًا جدًا مابتلفت نظري وحدة حتى في التعامل الكثير من النساء
الإعجاب والحب بييجي من التعامل العشوائي ..
يعني صدفة كدا وحدة تعلق معاك عرفتها فأي مناسبة مش مخطط لها ..
تسيبها عشان مش صالونات ؟!
أنا ماعبتش في الجواز الصالونات ..
فيه ناس ظروفها بتجبرها تلتقي بشريكها بالشكل دا .. أنا مش منهم !

**Abo_Mazen** · 21-07-2015 04:05 PM

المشاركة الأصلية كتبت بواسطة eso101

مش موضوع صالونات أصل بمجرد مابتجيب السيرة دي بتخيل نفسي بدور بين البيوت أتفرج على البنات وأختار وحدة !
اللي فارق معايا إن نادرًا ما هيحصل الإعجاب بالشكل دا بل في حالتي يصل دا لمستحيل .. لإن نادرًا جدًا مابتلفت نظري وحدة حتى في التعامل الكثير من النساء
الإعجاب والحب بييجي من التعامل العشوائي .. يعني صدفة كدا وحدة تعلق معاك عرفتها فأي مناسبة مش مخطط لها ..
تسيبها عشان مش صالونات ؟!
أنا ماعبتش في الجواز الصالونات .. فيه ناس ظروفها بتجبرها تلتقي بشريكها بالشكل دا .. أنا مش منهم !

قمة العجب إني ممكن أرتبط بواحده أعجبت بيها إعجاب عشوائي !!!!!!!!!!!!!!!!!!!

أصل الزوجه دي هتبقى أم أولادي ...

حديث تنكح المرأة لأربع ليس منا ببعيد ...ومكانش من ضمن الأربع الإعجاب العشوائي

**Bassem Youssef** · 21-07-2015 04:07 PM

المشكله ان البنات بيظهروا زي الملايكه قدام اهاليهم و تعمل نفسها الرزينه العاقله عشان تتدبس عن اقتناع

و بعد الجواز بتكتشف الشخصيه الحقيفيه لزوجتك

انا طبعا مش هتكلم عن البنت اللي بعمل نفسها خضره الشريفه و هي مدوراها بره البيت

**swimmer25** · 21-07-2015 04:12 PM

المشاركة الأصلية كتبت بواسطة abo_mazen

قمة العجب إني ممكن أرتبط بواحده أعجبت بيها إعجاب عشوائي !!!!!!!!!!!!!!!!!!!

أصل الزوجه دي هتبقى أم أولادي ...

حديث تنكح المرأة لأربع ليس منا ببعيد ...ومكانش من ضمن الأربع الإعجاب العشوائي

في إعتقادي هو قصده معرفة من موقف عارض غير مخطط لها من قبل
بس هو بردو مردش على سؤالي..ما هو الحب؟ ما تعملنا موضوع يا أبو مازن للسؤال ده عشان يكون منفصل عن موضوع الزواج

**ESO101** · 21-07-2015 04:22 PM

المشاركة الأصلية كتبت بواسطة abo_mazen

قمة العجب إني ممكن أرتبط بواحده أعجبت بيها إعجاب عشوائي !!!!!!!!!!!!!!!!!!!

أصل الزوجه دي هتبقى أم أولادي ...

حديث تنكح المرأة لأربع ليس منا ببعيد ...ومكانش من ضمن الأربع الإعجاب العشوائي

دا كلام للكلام
لإن كل التعارفات مش مخطط لها غالبًا وبتحصل بالصدفة
يعني إنك تعرف وحدة بالصدفة دا شيء عادي بيحصل للناس كلها
فعجبي من عجبك ! عايز الناس يتعرفوا على بعض إزاي يا أخ أبو مازن !
هحلم بيهم قبل ماعرفهم وأتعرف عليهم في عالم الأحلام فالأول ؟!
وحدة وشوفتها وتعاملت معاها وحصل حب وإعجاب إيه الغلط ماكل الدنيا بتتجوز كدا
هنغير الناموس الكوني ؟
غير إن نظريتك في الزواج خاصة بيك وحدك
يعني ماينفعش تيجي تقولي إيه دا إنتا إزاي إخترت مراتك كدا
أنا شايف طريقتك في إنك تلف على البيوت وتختار مراتك طريقة مش مناسبة ومش مقبولة
أنا عندي أتعامل مع بنت وتبقى مكشوفالي بدون تمثيل وهيا ماتعرفش نيتي فيها
وأشوف طبيعتها بوضوح كدا وأعرف كل مميزاتها وعيوبها .. أشوف بعيني
أحسن من إني أخد الموضوع بالعكس .. إني أروح لبيت معرفش عنه حاجة وأسألة عن أخلاق أهل البيت اللي دائمًا بتبقى مستترة
وبعدين أعرفها نيتي فالأول ! .. وأحاول أتقبلها شكلًا وأحاول أحبها ! وأقنع نفسي إني هعيش مبسوط كدا فالآخر !
وكل دا بعد ماعرفت فنسبة التمثيل والتزييف هتبقى عالية .. بالإضافة لإني عاصر على نفسي لمونة
كل واحد حر .. دي إختياراتك إنتا ورغبتك إنتا تفرضها على غيرك ليه !

**Abo_Mazen** · 21-07-2015 04:25 PM

المشاركة الأصلية كتبت بواسطة swimmer25

في إعتقادي هو قصده معرفة من موقف عارض غير مخطط لها من قبل
بس هو بردو مردش على سؤالي..ما هو الحب؟ ما تعملنا موضوع يا أبو مازن للسؤال ده عشان يكون منفصل عن موضوع الزواج

وهل موقف عارض غير مخطط له من قبل كافي إنك تاخد قرار بالإرتباط بواحده ؟؟؟؟...ولا هو يقصد كذا موقف عارض وقال إيه ..صدفه مش مقصوده ؟؟؟؟

بالنسبة لسؤال حضرتك ...إيه هو الحب ..فأنا متهيألي ده موضوع كبير وليه إجابات أكتر ..تختلف من شخص للتاني

**A.Saad** · 21-07-2015 05:23 PM

جواز الصالونات حلو
بس يكون فيه ناس زى زمان صادقة في التعارف
ومين قال ان مفيهوش تعارف
الدين نهى عن الخلوة فقط
لكن مفيش حاجة قالت ان الخطيب لا يكلم خطيبته

-

الموضوع: ماله جواز الصالونات ..ولا هو أي أمريكاني وخلاص ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هل جواز الصالونات فاشل أم ناجح ؟

جواز الصالونات و الخداع

الوسيط في جواز الصالونات

الحُب الحلال و جواز الصالونات وجهان لعملة واحده ;))

ماوراء الأضواء في الصالونات النسائية‏

الكلمات الدلالية لهذا الموضوع

المفضلات

المفضلات

ضوابط المشاركة