الموضوع: ماله جواز الصالونات ..ولا هو أي أمريكاني وخلاص ؟؟؟

المشاركة الأصلية كتبت بواسطة abo_mazen

أيوه ..والراجل ما يعيبوش إلا جيبه ..ما هو ده الكلام اللي مودي الرجاله في داهيه

ابو مازن

سيدنا النبي محمد علبه الصلاه و السلام هو اللي قال فيما معناه لو جالكم شاب راضيين عن اخلاقه و دينه فزوجوه غير كده ده بعتبر افساد في الارض

عشان كده قولت الراجل ميعيبوش الا اخلافه و تدينه

المشاركة الأصلية كتبت بواسطة abo_mazen

أنا فهمت من كلامك إن من ضمن مشاكل جواز الصالونات إنه بيدي فرصه للبنت تختار وتقرر وتقبل وترفض زيها زي الراجل

لا طبعا يا ابو مازن من حق البنت تختار ده الدين و الشرع قال كده
بس اللي انا شايفه عيب ان يجي لها 5 او 6 عرسان مع بعض و تشوفهم مع بعض و تقعد معاهم مع بعض في نفس الوقت و بعيدين تختار اللي شايفاه احسنهم و تقول للباقي مفيش نصيب
في رأيي المفروض تشوف واحد في كل مره و بعدين ترد عليه يا اه يا لا و لو معجبهاش تشوف التاني و هكذا
فاهماني
لكن مبدء انك داخل كارفور بتتفرج علي 12 تلاجه في نفس الوقت و عمال تقارن بينهم في نفس الوقت علشان تختار واحده فيهم لما تيجي تطبقه علي البشر بيحسسك بالاهانه و بيحسسك ان الموضوع مش اختيار ليك لشخصك لا ده اختيار ليك لأنك طلعت الافضل ما بين 5 او 6 اشخاص في نقطه معينه و غالبا مش بتبقي حاجه ماديه ملهاش علاقه بالشخصيه و الدين( مرتب اعلي او شقه اكبر او في مكان احسن او تمتلك عربيه الخ....)