الموضوع: ماله جواز الصالونات ..ولا هو أي أمريكاني وخلاص ؟؟؟

المشاركة الأصلية كتبت بواسطة باسم يوسف

المشكله ان البنات بيظهروا زي الملايكه قدام اهاليهم و تعمل نفسها الرزينه العاقله عشان تتدبس عن اقتناع

و بعد الجواز بتكتشف الشخصيه الحقيفيه لزوجتك

انا طبعا مش هتكلم عن البنت اللي بعمل نفسها خضره الشريفه و هي مدوراها بره البيت

أنا هى دى مشكلتى مع جواز الصالونات
أنت داخل بيت ناس على إنك عريس .. فالناس عايزة تظهر قدامك بأحسن شكل عندها وخصوصا البنت .. بتشوف أنت بتحب اية وعايز اية وتبقى على الصراط المستقيم .. فى الأول بس !
بعد كدة الشخصية بتبان والطبع بيغلب التطبع وبتشوف الحقيقة اللى مكانتش هتبقى مختفية لو حصل تعامل فى الأول وشفت البنت على حقيقتها من تدين وإحترام وشخصية وتعامل وأخلاق

أما بقى اللى مدوراها وعاملة نفسها شريفة .. مفيش غير ربنا سبحانه هو القادر على كشفها .. أتخن تخين بيتلف عادى .. وواحد ملوش اى خبرة بالعلاقات بيكتشف الموضوع .. دة ستر ربنا وتوفيقة وكرمة

ربنا يستر

المشاركة الأصلية كتبت بواسطة eso101

الطريقة دي فشلت بالنسبالي مرتين .. ومش ممكن هفكر فيها تاني ..
أساسًا مجرد التفكير في مراحل الزواج بالشكل دا بيجيلي غثيان ..
وأنا ممكن أتحمل أي حاجة في الدنيا بس متحملش أعيش عازب لكن لو مفيش إلا الطريقة دي لاء أنا أعيش طول عمري عازب !
أحب وحدة وأعيش معاها بقيت عمري بالطريقة اللي نرتضيها مع بعض
مش هينفع تقول إن الطريقة دي اللي بتمثل رغبتك هيا الصح في النهاية كل واحد ينام على الجنب اللي يريحه

فشلت معاك مرتين لا يعنى فشلها
نجحت معايا و شكلها نجحت مع ابو مازن يبقى النتيجة 2-2
كل واحد ينام على الجنب المسموح ليه

بس انتبهت لشيء و هو ان واحده خدت على انها تكلم واحد و تنبسط معه فى الكلام و هو غريب عنها بعد ما تتجوزه عادى بالنسبة لها انها تنبسط فى كلامها مع غيره من الرجال لان هذا طبعها حتى لو لم ترتبط عاطفيا مع الرجال الاغراب
و اكيد كلنا بنلاحظ هذا فى تصرفات زميلاتنا المتزوجات مع الاغراب---لدرجة انها ممكن تحكى اسرارها الزوجية لرجل غريب
التانية الى معرفتش تكلمها الا فى بيت ابوها هتحفظ سر البيت لانها مش متعودة تطول فى الكلام مع حد
هتقول ما ممكن تكون ميه من تحت تبن
اقولك المظهر السيء دليل على سوء فى الباطن لكن العكس غير صحيح --ممكن تكون متظاهره بحسن الاخلاق و السريره سيئة
فحتى فى جواز الصالونات تحتاج للبحث و التدقيق و هذا دور فترة الخطوبة
و توفيق الله فوق كل شيئ

شوف يا ابو مازن
بما اني لسه خارج من تجربه ارتباط من نوع الصالونات فاشله
فأنا هجبلك من الاخر
ليه الناس بتكره الاسلوب ده هقولك يا سيدي
لما تقابل 15 واحده و لحد دلوقت متعرفش ترتبط يبقي اكيد الطريقه دي فيها حاجه مش صح و انا هقولك ايه هي
اولا : بتروح تشوف واحد من غير حتي ما تبقي عارف شكلها و الناس بقت ترفض توريك صوره تقولك شوف علي الطبيعه احسن اصل الصوره ساعات بتخدع و تبقي اوحش من الواقع
ثانيا : تروح تلاقي البنت غير ما اتوصفت ليك خالص و نادرا ما تلاقيها مقبوله الشكل بالنسبه ليك فيبقي قدامك حل من اثنين تيجي علي نفسك و تقبلها او ترفضها ( لو رفضتها تسمع كلام من عينه انت بتاع مظاهر شكل ايه و نيله ايه المهم الاخلاق الخ الخ ) و تبقي لما بترفض الحد الناس بتعتبرك انك عايز ترتبط بملكه جمال العالم
ثالثا : فرضنا و حصل القبول و تدخل بيت الناس تلاقي الموضوع بيعه و شروه و مفيهاش مبدء احنا بنشتري راجل و فصال و نقاش و مين يزود
و هتدفع كام و ا زاي و ليه و تلاقيهم كانهم داخلين مزاد و اللي يعرفوا يكسبوه منك و يخدوه سواء مهر او شبكه اكبر شقه احسن الخ يبقي هو الهدف الاساسي
يعني بتحس بالاهانه علشان بيعاملوك علي قد المبلغ اللي في جيبك مش علي قد اخلاقك و سلوكك او كأنك جي علشان تفاصل و تاخد بنتهم بأقل الاسعار فهما بيزودوا عليك
رابعا : تعتذر عن الجوازه تلاقي الكلام اتغير و يجروا وراك و اللي انت عايزه و مش عارف ايه لما يفقوا انك هتطير و هتروح تشتري من حته تانيه
بذمتك ده مش مهين ليك
هما كرهوا الناس في الطريقه الحلال الصح اللي هي جواز الصالونات
علشان في المقابل ما البنت تبقي متعلقه بزميلها في الكليه ممكن يجي يتقدم ببلاش و بضغط البنت علي اهلها تخليهم يرضوا بيه
لكن تيجي انت من باب البيت بأدب و احترام يعاملوك كأنك داخل سوق الجواري

الموضوع كان صح زمان ايام اهلينا كل الناس اتجوزت صالونات ايام ما كانت الناس قنوعه و البنت بتتربى تبقى ست بيت تشيل مسؤليه انما حاليا فى ظل تطلعات الاهالى و بناتهم و دلع البنات اليومين دول و الموضوع فعليا سوق جوارى و كل بضاعه ليها زبونها و الى ماعهوش ما يلزمهوش و ياريت على كده و بس لأ انت مطالب تدفع فى جوازه دم قلبك و شقى عمرك فى كائنات ما تساوش فى سوق الحريم 3 مليم ....
لما كل الاهالى عايزين تمليك اقل شقة بتشطيبها قول ربع مليون غير الفرش و الحبشتكنات انت داخل فى 400 الف ...ده لو وافقوا بالشقة الى بربع مليون ماطلبوش فى كمبوند ب مليون نص .... فى الاخر تلاقى ايه الى انت اخدته زياده يستاهل يعنى الى هتدفع فيها 400 الف ولا مليون ولا اتنين فيها ايه ... معاها جايزه نوبل فى الفيزياء مثلا ...ولا ابوها رئيس الاركان ههههه
ولا ملكه جمال بلطيم ههه ......فى الاخر بتلاقى تفاهه متناهيه و لا ادنى تقدير للفلوس دى بتيجى ازاى ولا حتى شكل ولو رفضت طلب من طلبات الهانم او نسيت تجيب هديه فى مناسبة تلاقيها ضربت بوز يدخلها موسوعه جينيس هههه
كل هم الاهالى مرتبك كام و الشقة فين و الشبكه بكام و الفرح فين و شهر العسل فين و كل هم البنات الشوبنج و الفسح و الخروج و التنطيط و فلانه جابت و فلانه اشترت و فلانه اتنيلت على عينها و انت بس دورك atm و اول ما رصيدك يخلص يدوروا على مكانه atm تانيه شغاله