ماله جواز الصالونات ..ولا هو أي أمريكاني وخلاص ؟؟؟

**swimmer25** · 22-07-2015 01:24 PM

المشاركة الأصلية كتبت بواسطة تامر.محمد

توضيحا , انا مش بادعي الفهم لنفسي
انا برده مش فاهم او فاهم حاجة بسيطة زي الاغلب

بس ماحدش يتكلم و هو واثق ثقة رهيبة في اللي هو بيقوله و احنا اغلبنا مش فاهمين

ما هو إنت يا تامر إنتقدت الناس بدون ما تقول رأيك
وضحلنا فهمك للموضوع

**Abo_Mazen** · 22-07-2015 02:03 PM

المشاركة الأصلية كتبت بواسطة volociximab

انت كده قسمت البنات لقسمين
واحده مقضياها و فى الاخر اتجوزت
و واحده مقضياها و فى الاخر متجوزتش و قعدت فى الصالون
على كده خربانه خربانه مفيش وش القفص و لا تحت القفص --القفص مضروب

ما أنا رديت عليه والله ..وقلتله خلي بالك بنات الناس كتير

**تامر.محمد** · 22-07-2015 02:41 PM

المشاركة الأصلية كتبت بواسطة swimmer25

ما هو إنت يا تامر إنتقدت الناس بدون ما تقول رأيك
وضحلنا فهمك للموضوع

اصل الموضوع كبير اوي و الكلام فيه كتير اوي بصراحة

هاحاول الخص في نقط سريعة

# البعض , المؤيد و المعارض , بيتعامل على ان البديل الوحيد لجواز الصالونات هو (الزواج عن حب بالمفهوم الغربي) اللي بنسميه عندنا ( المصاحبة و المشي في الحرام) , و دي قناعة خاطئة تماما
(و يقعدوا يتجادلوا بقى بين ده و ده و انا اتشل -_- )

# الحقيقة , ان (الصالونات) , و (الفيس بوك) بأنواعه , و (مواقع التعارف) بأنواعها , و (الخاطبة) , و ............ كلها (مجرد) طرق عشان تحقق (يتحط ده قدام ده) , دي مرحلة , مفروض يتبعها مرحلة (التعارف و القبول)

# كل مرحلة من دول , ليها قواعدها شرعا و عرفا , و طبعا كل مرحلة فيها مجموعة طرق تحقق هدفها و كل طريقة برده قد تجوز شرعا و قد لا تجوز

# بعد المرحلة التانية (التعارف و القبول) ما تعدي , او ما تعديش , بتدخل المرحلة التالتة عندنا اللي هي مرحلة الماديات و التجهيزات بقى و الحوارات السخيفة دي

# لو جينا ندرس (الزواج عن حب بالمفهوم الغربي) هنلاقيه عبارة عن ايه ؟ : واحد شاف/قابل واحدة قدرا و عجبته , او العكس شافته و عجبها (كده المرحلة الاولى اتحققت) , نخش في المرحلة التانية , لفت نظرها/لفتت نظره , و لو الاعجاب قابل اهتمام من الناحية التانية بيحصل تعارف بأي شكل و بتبدأ العلاقة بتتطور , و بكده يبقى المرحلة التانية اشتغلت ...... استمرت العلاقة و ارتاحوا لبعض اكتر بعد ما عرفوا بعض كويس , كده دخلوا في تالت مرحلة او تخطوها حسب ثقافة المجتمع , ما ارتاحوش او حصل بينهم خلافات جامدة و انفصلوا broke up , و ما كملش و كل واحد بيشوف سكته ........ المهم في الآخر ان نفس الخريطة انطبقت

# اللي متخيل ان فيه مشكلة انه يخش بيت واتنين و عشرة , و يخطب مرة و اتنين و عشرة , عادي خالص لو هاتطبق المفهوم الغربي هاتخش في علاقة و اتنين و عشرة , في الآخر كلها وسائل لحد ما تلاقي الmatch اللي ترضى بيه و يرضى بيك

# لو حبينا نبعد عن نموذج الصالونات المعتاد اللي البعض ما بيحبوهوش و في نفس الوقت ما تمشيش في الحرام , عادي خالص , كل ما هاتشوف واحدة تعجبك اوي (ادي المرحلة الاولى حصلت) هاتعمل اي حاجة لحد ما تخطبها رسمي و تخش في المرحلة التانية , و برده هاتخش بيوت كتير و هاتخش في علاقات كتير , لأن برده خلال اول مرحلة ممكن ما يحصلش match و ممكن خلال تاني مرحلة و ممكن بعد تاني مرحلة , و القواعد دي في كل حتة

الكلام كتير بس انا تعبت -_- , بصفة عامة انا كلامي هنا عن الجواز , و ما دخلتش فيه للحب نفسه و دخله بالحاجات دي

ممكن بعض الناس تشوف اني باقول كلام معروف ..... راجع مشاركاتك يا صديقي و شوف مدى تطابقها مع الكلام المعروف ده , اقل واجب هتلاقي نفسك مش عارف تشرح افكارك

**Abo_Mazen** · 22-07-2015 02:59 PM

المشاركة الأصلية كتبت بواسطة تامر.محمد

اصل الموضوع كبير اوي و الكلام فيه كتير اوي بصراحة :copy of rfds:

هاحاول الخص في نقط سريعة

# البعض , المؤيد و المعارض , بيتعامل على ان البديل الوحيد لجواز الصالونات هو (الزواج عن حب بالمفهوم الغربي) اللي بنسميه عندنا ( المصاحبة و المشي في الحرام) , و دي قناعة خاطئة تماما
(و يقعدوا يتجادلوا بقى بين ده و ده و انا اتشل -_- )

# الحقيقة , ان (الصالونات) , و (الفيس بوك) بأنواعه , و (مواقع التعارف) بأنواعها , و (الخاطبة) , و ............ كلها (مجرد) طرق عشان تحقق (يتحط ده قدام ده) , دي مرحلة , مفروض يتبعها مرحلة (التعارف و القبول)

# كل مرحلة من دول , ليها قواعدها شرعا و عرفا , و طبعا كل مرحلة فيها مجموعة طرق تحقق هدفها و كل طريقة برده قد تجوز شرعا و قد لا تجوز

# بعد المرحلة التانية (التعارف و القبول) ما تعدي , او ما تعديش , بتدخل المرحلة التالتة عندنا اللي هي مرحلة الماديات و التجهيزات بقى و الحوارات السخيفة دي

# لو جينا ندرس (الزواج عن حب بالمفهوم الغربي) هنلاقيه عبارة عن ايه ؟ : واحد شاف/قابل واحدة قدرا و عجبته , او العكس شافته و عجبها (كده المرحلة الاولى اتحققت) , نخش في المرحلة التانية , لفت نظرها/لفتت نظره , و لو الاعجاب قابل اهتمام من الناحية التانية بيحصل تعارف بأي شكل و بتبدأ العلاقة بتتطور , و بكده يبقى المرحلة التانية اشتغلت ...... استمرت العلاقة و ارتاحوا لبعض اكتر بعد ما عرفوا بعض كويس , كده دخلوا في تالت مرحلة او تخطوها حسب ثقافة المجتمع , ما ارتاحوش او حصل بينهم خلافات جامدة و انفصلوا broke up , و ما كملش و كل واحد بيشوف سكته ........ المهم في الآخر ان نفس الخريطة انطبقت

# اللي متخيل ان فيه مشكلة انه يخش بيت واتنين و عشرة , و يخطب مرة و اتنين و عشرة , عادي خالص لو هاتطبق المفهوم الغربي هاتخش في علاقة و اتنين و عشرة , في الآخر كلها وسائل لحد ما تلاقي الmatch اللي ترضى بيه و يرضى بيك

# لو حبينا نبعد عن نموذج الصالونات المعتاد اللي البعض ما بيحبوهوش و في نفس الوقت ما تمشيش في الحرام , عادي خالص , كل ما هاتشوف واحدة تعجبك اوي (ادي المرحلة الاولى حصلت) هاتعمل اي حاجة لحد ما تخطبها رسمي و تخش في المرحلة التانية , و برده هاتخش بيوت كتير و هاتخش في علاقات كتير , لأن برده خلال اول مرحلة ممكن ما يحصلش match و ممكن خلال تاني مرحلة و ممكن بعد تاني مرحلة , و القواعد دي في كل حتة

الكلام كتير بس انا تعبت -_- , بصفة عامة انا كلامي هنا عن الجواز , و ما دخلتش فيه للحب نفسه و دخله بالحاجات دي

ممكن بعض الناس تشوف اني باقول كلام معروف ..... راجع مشاركاتك يا صديقي و شوف مدى تطابقها مع الكلام المعروف ده , اقل واجب هتلاقي نفسك مش عارف تشرح افكارك

هو أنا معرفكش شخصيا ..بس من كلامك واضح إنك شخصيه محترمه جدا ..

**ESO101** · 22-07-2015 03:28 PM

المشاركة الأصلية كتبت بواسطة تامر.محمد

# لو حبينا نبعد عن نموذج الصالونات المعتاد اللي البعض ما بيحبوهوش و في نفس الوقت ما تمشيش في الحرام , عادي خالص , كل ما هاتشوف واحدة تعجبك اوي (ادي المرحلة الاولى حصلت) هاتعمل اي حاجة لحد ما تخطبها رسمي و تخش في المرحلة التانية , و برده هاتخش بيوت كتير و هاتخش في علاقات كتير , لأن برده خلال اول مرحلة ممكن ما يحصلش match و ممكن خلال تاني مرحلة و ممكن بعد تاني مرحلة , و القواعد دي في كل حتة

كدا حضرتك نظمت الحوار لإن معلومة مش صحيحة إن اللي مش عايز يتزوج صالونات يبقى هياخد المسلك الأمريكاني !
عندي بس تعليق على النقطة اللي حطيت تحتها خط دي
مش هيحصل كتير .. لإن الإعجاب بالشكل دا مش بيحصل كتير
دا يمكن يحصلك في العمر كله مرة أو مرتين في الحالة دي لازم تحاول تكمل بأي شكل .
أكبر عائق بيتهيئلي هيكون مدى استجابة البنت نفسها .. الأهل والطلبات دي كلها مسائل مش مستحيلة

**تامر.محمد** · 22-07-2015 03:58 PM

هو أنا معرفكش شخصيا ..بس من كلامك واضح إنك شخصيه محترمه جدا ..

حضرتك ربنا يعزك و يعز مقدارك , احسبك افضل ان شاء الله

المشاركة الأصلية كتبت بواسطة ESO101

كدا حضرتك نظمت الحوار لإن معلومة مش صحيحة إن اللي مش عايز يتزوج صالونات يبقى هياخد المسلك الأمريكاني !
عندي بس تعليق على النقطة اللي حطيت تحتها خط دي
مش هيحصل كتير .. لإن الإعجاب بالشكل دا مش بيحصل كتير
دا يمكن يحصلك في العمر كله مرة أو مرتين في الحالة دي لازم تحاول تكمل بأي شكل .
أكبر عائق بيتهيئلي هيكون مدى استجابة البنت نفسها .. الأهل والطلبات دي كلها مسائل مش مستحيلة

بص , اللي مش عايز يتجوز صالونات فعلا مش بالضرورة هياخد المسلك الأمريكاني
و برده ناس كتير مش عايزين جواز الصالونات عشان هياخدوا المسلك الامريكاني , ده موجود و ده موجود

انا فاهم قصدك بس بصراحة خدت وقت على ما فهمت , خليني اقول لك , و هتاخدني للحتة اللي انا ما اتكلمتش عليها في المشاركة اللي فاتت ... تقاطع الحب و الجواز

ممكن ما تبقاش متجوز صالونات , و ما يبقاش برده عن حب , عادي بأي طريقة تعارف تانية و بتحصل كتير
و ممكن واحد و هو بيلف في البيوت , لو صح الوصف , يقابل واحدة تضرب في الcriteria اللي في عقله الباطن و يبقى جواز عن حب رغم انه صالونات , قليلة بس ممكن تحصل
ده مجال و ده مجال

كلامك بصفة عامة و رفضك لزواج الصالونات , لأنك عايز زواج عن حب
سلاح ذو حدين و حسبة برما

ممكن تتجوز عن غير حب , و نفسك ما ترضاش بكده , او ترضى بس مش اوي , رغم ان عقلك مقتنع تماما ... و طبعا امكانية الرجوع للخلف تعتمد على نفسك مش راضية قد ايه , و تعتمد على انت مشيت قد ايه

و ممكن بالعكس بقى زي ما بتقول , تقعد تنتظر لحد ما تقابل حاجة تعمل match , و دي زي ما قلت مش بتحصل كتير , كل كام سنة مرة , و كماااااااان اللي تعمل match دي ممكن ما تكونش مناسبة ليك كزوجة او انت مش مناسب ليها كزوج و العلاقة ما تنجحش او ما تنفعش من اصله , ده عادي جدا جدا سواء هنا او برة

انا مش باقول هاتخش علاقات كتير بناءً على قناعة شخصية لكن ده بيحصل فعلا برة على حد علمي , و فيه عندنا بالمناسبة ناس بيتجوزوا من اول بيت يدخلوه في المقابل , و خد بالك ان اللي لقى الmatch في حياته و مشي المشوار و العلاقة نجحت , هايروح يدور في البيوت ليه ؟ ايه هايجبره ؟
احسبها بالبنات , البنت اللي كل يوم و التاني جاي لها عريس من الشغل و عريس من الجيران و ووو , قبل ما يجيلها عريس معرفة الحاجة فلانة بنت خالة الست علانة هاتكون اتجوزت اصلا

الحسبة دي عموما مش اختيار زي ما ناس كتير متخيلين , بالعكس هي بتعتمد اكتر على المتاح قدام كل واحد

**kemoelord** · 22-07-2015 04:21 PM

انا لازم اقابلك واتعرف عليك ع فكره ههههههههههههه

استاذ مودي حضرتك كانك قعدت معايا وكاتب الي حصل معايا بالمللي متر وبالتفصيل الممل + ان راي وتعليقي متفق مع كل حرف انت كاتبه ونفس الي حصلك حصلي لما جيت اعتذرت عن الجوازة !!!! وبقيت قاعد مستغرب جدااااااااا ,, انا كمان لسه خارج من تجربة فاشله " جواز صالونات " وفعلا كرهوا الناس في الطريقه الحلال

-

الموضوع: ماله جواز الصالونات ..ولا هو أي أمريكاني وخلاص ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

هل جواز الصالونات فاشل أم ناجح ؟

جواز الصالونات و الخداع

الوسيط في جواز الصالونات

الحُب الحلال و جواز الصالونات وجهان لعملة واحده ;))

ماوراء الأضواء في الصالونات النسائية‏

الكلمات الدلالية لهذا الموضوع

المفضلات

المفضلات

ضوابط المشاركة