رقم العضوية : 19487
تاريخ التسجيل : 19Sep2008
المشاركات : 3,293
النوع : ذكر
الاقامة : Cairo - Dubai
السيارة: Yaris "08/Accord "13
السيارة[2]: Lanos "08/Civic "14
دراجة بخارية: N/A
الحالة :
رقم العضوية : 173400
تاريخ التسجيل : 22Mar2015
المشاركات : 1,345
النوع : ذكر
الاقامة : السعودية
السيارة: صنى2004
السيارة[2]: التو
الحالة :
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
اصل الموضوع كبير اوي و الكلام فيه كتير اوي بصراحة
هاحاول الخص في نقط سريعة
# البعض , المؤيد و المعارض , بيتعامل على ان البديل الوحيد لجواز الصالونات هو (الزواج عن حب بالمفهوم الغربي) اللي بنسميه عندنا ( المصاحبة و المشي في الحرام) , و دي قناعة خاطئة تماما
(و يقعدوا يتجادلوا بقى بين ده و ده و انا اتشل -_- )
# الحقيقة , ان (الصالونات) , و (الفيس بوك) بأنواعه , و (مواقع التعارف) بأنواعها , و (الخاطبة) , و ............ كلها (مجرد) طرق عشان تحقق (يتحط ده قدام ده) , دي مرحلة , مفروض يتبعها مرحلة (التعارف و القبول)
# كل مرحلة من دول , ليها قواعدها شرعا و عرفا , و طبعا كل مرحلة فيها مجموعة طرق تحقق هدفها و كل طريقة برده قد تجوز شرعا و قد لا تجوز
# بعد المرحلة التانية (التعارف و القبول) ما تعدي , او ما تعديش , بتدخل المرحلة التالتة عندنا اللي هي مرحلة الماديات و التجهيزات بقى و الحوارات السخيفة دي
# لو جينا ندرس (الزواج عن حب بالمفهوم الغربي) هنلاقيه عبارة عن ايه ؟ : واحد شاف/قابل واحدة قدرا و عجبته , او العكس شافته و عجبها (كده المرحلة الاولى اتحققت) , نخش في المرحلة التانية , لفت نظرها/لفتت نظره , و لو الاعجاب قابل اهتمام من الناحية التانية بيحصل تعارف بأي شكل و بتبدأ العلاقة بتتطور , و بكده يبقى المرحلة التانية اشتغلت ...... استمرت العلاقة و ارتاحوا لبعض اكتر بعد ما عرفوا بعض كويس , كده دخلوا في تالت مرحلة او تخطوها حسب ثقافة المجتمع , ما ارتاحوش او حصل بينهم خلافات جامدة و انفصلوا broke up , و ما كملش و كل واحد بيشوف سكته ........ المهم في الآخر ان نفس الخريطة انطبقت
# اللي متخيل ان فيه مشكلة انه يخش بيت واتنين و عشرة , و يخطب مرة و اتنين و عشرة , عادي خالص لو هاتطبق المفهوم الغربي هاتخش في علاقة و اتنين و عشرة , في الآخر كلها وسائل لحد ما تلاقي الmatch اللي ترضى بيه و يرضى بيك
# لو حبينا نبعد عن نموذج الصالونات المعتاد اللي البعض ما بيحبوهوش و في نفس الوقت ما تمشيش في الحرام , عادي خالص , كل ما هاتشوف واحدة تعجبك اوي (ادي المرحلة الاولى حصلت) هاتعمل اي حاجة لحد ما تخطبها رسمي و تخش في المرحلة التانية , و برده هاتخش بيوت كتير و هاتخش في علاقات كتير , لأن برده خلال اول مرحلة ممكن ما يحصلش match و ممكن خلال تاني مرحلة و ممكن بعد تاني مرحلة , و القواعد دي في كل حتة
الكلام كتير بس انا تعبت -_- , بصفة عامة انا كلامي هنا عن الجواز , و ما دخلتش فيه للحب نفسه و دخله بالحاجات دي
ممكن بعض الناس تشوف اني باقول كلام معروف ..... راجع مشاركاتك يا صديقي و شوف مدى تطابقها مع الكلام المعروف ده , اقل واجب هتلاقي نفسك مش عارف تشرح افكارك
رقم العضوية : 175136
تاريخ التسجيل : 06May2015
المشاركات : 191
النوع : ذكر
الاقامة : Egypt
السيارة: none
السيارة[2]: none
الحالة :
ابو مازن انت اديت تفسك الحق في انك تحكم عليا و علي موقفي من 15 بنت بدون وجه حق و اعتبرت اني هائم علي وجهي و مش عارف عايز ايه
اولا مين قالك ان ال 15 معجبونيش و ان مفيش رفض تم من نحيتهم
ثانيا من قالك ان الشخص اللي كان بيرشخ الناس دي ليا كان بيوصف ليا حاجه و تروح تلاقي حاجه تانيه خالص من خيث الاسلوب المستوي الاجتماعي و الشكل و غيره
ثالثا : تعرف ايه خضرتك عني علشان تقولي انت مش محدد هدفك هو حضرتك اصلا تعرفني تعرف تعليمي تعرف مستوي تفكيري تعرف انا بفكر ازاي
رابعا مش علشان حضرتك من تاني مره و لا ثالث مره ربنا كرمك و لقيت بنت الحلال يبقي ده الطبيعي و الصج و المفروض و اللي يزود عن كده يبقي غلط و مش محدد هدفه و هائم علي وجهه مسمعتش حضرتك عن حاجه اسمها التوفيق من ربنا و النصيب و القدر ( هل ربنا كتب في القرأن عدد مرات معين بعدها يحصل التوفيق و لو محصلش يبقي الغلط فيك )
خامسا : لو حضرتك قريت كلامي مش هتلاقيني معترض علي الموضوع و لا شايف انه فاشل بالعكس ان شايف انه الاصح دينيا بس اللي فاشل هو اسلوب الناس و طريقتهم في البيع و الشراء
و اسف لو كان ردي عنيف شويه
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
رقم العضوية : 141393
تاريخ التسجيل : 22Apr2013
المشاركات : 761
النوع : ذكر
الاقامة : الخبر
السيارة: Cadillac Escalade 2006
السيارة[2]: Sequoia 2016 & chrysler 300 2015
الحالة :
كدا حضرتك نظمت الحوار لإن معلومة مش صحيحة إن اللي مش عايز يتزوج صالونات يبقى هياخد المسلك الأمريكاني !
عندي بس تعليق على النقطة اللي حطيت تحتها خط دي
مش هيحصل كتير .. لإن الإعجاب بالشكل دا مش بيحصل كتير
دا يمكن يحصلك في العمر كله مرة أو مرتين في الحالة دي لازم تحاول تكمل بأي شكل .
أكبر عائق بيتهيئلي هيكون مدى استجابة البنت نفسها .. الأهل والطلبات دي كلها مسائل مش مستحيلة
..........
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
حضرتك ربنا يعزك و يعز مقدارك , احسبك افضل ان شاء اللههو أنا معرفكش شخصيا ..بس من كلامك واضح إنك شخصيه محترمه جدا ..
بص , اللي مش عايز يتجوز صالونات فعلا مش بالضرورة هياخد المسلك الأمريكاني
و برده ناس كتير مش عايزين جواز الصالونات عشان هياخدوا المسلك الامريكاني , ده موجود و ده موجود
انا فاهم قصدك بس بصراحة خدت وقت على ما فهمت , خليني اقول لك , و هتاخدني للحتة اللي انا ما اتكلمتش عليها في المشاركة اللي فاتت ... تقاطع الحب و الجواز
ممكن ما تبقاش متجوز صالونات , و ما يبقاش برده عن حب , عادي بأي طريقة تعارف تانية و بتحصل كتير
و ممكن واحد و هو بيلف في البيوت , لو صح الوصف , يقابل واحدة تضرب في الcriteria اللي في عقله الباطن و يبقى جواز عن حب رغم انه صالونات , قليلة بس ممكن تحصل
ده مجال و ده مجال
كلامك بصفة عامة و رفضك لزواج الصالونات , لأنك عايز زواج عن حب
سلاح ذو حدين و حسبة برما
ممكن تتجوز عن غير حب , و نفسك ما ترضاش بكده , او ترضى بس مش اوي , رغم ان عقلك مقتنع تماما ... و طبعا امكانية الرجوع للخلف تعتمد على نفسك مش راضية قد ايه , و تعتمد على انت مشيت قد ايه
و ممكن بالعكس بقى زي ما بتقول , تقعد تنتظر لحد ما تقابل حاجة تعمل match , و دي زي ما قلت مش بتحصل كتير , كل كام سنة مرة , و كماااااااان اللي تعمل match دي ممكن ما تكونش مناسبة ليك كزوجة او انت مش مناسب ليها كزوج و العلاقة ما تنجحش او ما تنفعش من اصله , ده عادي جدا جدا سواء هنا او برة
انا مش باقول هاتخش علاقات كتير بناءً على قناعة شخصية لكن ده بيحصل فعلا برة على حد علمي , و فيه عندنا بالمناسبة ناس بيتجوزوا من اول بيت يدخلوه في المقابل , و خد بالك ان اللي لقى الmatch في حياته و مشي المشوار و العلاقة نجحت , هايروح يدور في البيوت ليه ؟ ايه هايجبره ؟
احسبها بالبنات , البنت اللي كل يوم و التاني جاي لها عريس من الشغل و عريس من الجيران و ووو , قبل ما يجيلها عريس معرفة الحاجة فلانة بنت خالة الست علانة هاتكون اتجوزت اصلا
الحسبة دي عموما مش اختيار زي ما ناس كتير متخيلين , بالعكس هي بتعتمد اكتر على المتاح قدام كل واحد
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
وأنا كمان معنديش مشكلة في إنك تدخل 15 بيت وتشوف 15 بنت ..أنا ردي عليك كان في سياق كلامك إن الطريقة دي دخلتك 15 بيت وشفت 15 بنت ورغم كده لسه مش لاقي اللي حضرتك عايزها ...
أعرف ناس كتير قعدت بالسنين تدور على عروسه ..وقعدت تلف على بيوت كتير ..وفيهم اللي لقي طلبه ..وفيهم اللي مش لاقي...وفي ناس بقالها 20 سنه بتدور على عروسه ..تصدق بقى ..20 سنة بيدور على عروسه ومش لاقي ..لدرجة إنه بدأ يدور في محافظات تانيه ..تخيل بقى ..محامي من بنها ..من سنة 94 لغاية النهارده بيدور على عروسه ..وأخباره إتقطعت عني من سنين ..ولسه بسأل عليه واحد يعرفه من قريب ..بتريق ..بقوله وإبراهيم المحامي عمل إيه ..إتجوز ولا لسه ..قالي تصدق لسه بيدور على عروسه !!!!!!!!!!!!!!!!!!!!!!!!!
واحد تاني خطب 8 خطوبات ..أظن ده بقى مش دخل 8 بيوت ..لأ ..ده دخل في علاقات رسمية 8 مرات ..وفي الآخر ..إتجوز التامنه ...أهو ده بقى عنده التامنه تابته ..
إذا كنت بقول إنك هائم على وجهك ومش محدد طلبك فده لإن كلامك يتفهم منه إن ال 15 مرة اللي شفت فيهم بنات كانت المشكلة من عندك ..إنت اللي رفضت ..وإنت اللي مش لاقي ..إذا كان ليك قصد تاني فأكيد حضرتك وضحته لي
أخيرا بقى ودي أهم نقطة عندي بصراحه ..حضرتك بتقول إنك شايف إن زواج الصالونات ..كما هو متعارف على تسميته هو الصح دينيا ..وشايف إن المجتمع هو اللي خلاه يفشل ..مش ده كلامك؟؟؟ ...
أولا الأصح دينيا محدش يقدر يفشله ..والدليل على كده إن في ناس ملتزمين ..واللي متعارف عليهم في بعض المجتمعات الشعبية بإسم ..أومات دقونه ..بيخطبوا بطريقتهم ..اللي هي لازم تكون واحده منتقبة وما يشوفهاش غير تلات مرات قبل الخطوبه وبعد الخطوبه ملوش تعامل معاها وده تأصيلا لحديث النبي عليه الصلاة والسلام لا إشهار في الخطبه ..ومش من حقه يشوف وشها ولا شعرها غير بعد العقد ..ورغم كده بيتجوزا ويعيشوا مع بعض عادي ..ولا المجتمع ليه دخل بيهم ..بص ..هي إتقالت في مشاركة في الموضوع ده ..كل واحد بيختار على طريقته وبيختار اللي يريحه ..بس أهم حاجه تكون طريقتك دي متوافقه مع شرع الله .أو أقرب ما تكون لشرع الله ...وملكش دعوه بالمجتمع ...كل واحد بيختار وبيتحاسب على اختياراته وعلى طريقة إختياره كمان ..
على فكره ..أنا آسف على كلمة هائم على وجهه ومش محدد هدفك ..أنا مقصدش شخصك ..أنا بتكلم عن موقفك ..متشخصنش الحوار ..وعدم تحديد الهدف من الشخص في حاجه معينة ملهاش دعوه لا بتعليم ولا بثقافة ولا بمجتمع ..عادي ..المحامي اللي بقولك عليه ده وبقاله عشرين سنة بيدور على عروسه محامي ناجح في بنها ..وأبوه الله يرحمه كان محامي كبير جدا في بنها ...وعيلته عيلة كبيره من فلاحين بنها ..ورغم كده ..مش محدد هدفه ..عدم تحديد الهدف في الزواج مش شرط يكون معناه إنك فاشل في حياتك عموما
--------
m_m_sh_a سابقا
رقم العضوية : 6424
تاريخ التسجيل : 25Feb2008
المشاركات : 1,793
النوع : ذكر
الاقامة : Nasr city
السيارة: not exist
السيارة[2]: Mistsubishi-Lancer Ex 09
الحالة :
انا لازم اقابلك واتعرف عليك ع فكره ههههههههههههه
استاذ مودي حضرتك كانك قعدت معايا وكاتب الي حصل معايا بالمللي متر وبالتفصيل الممل + ان راي وتعليقي متفق مع كل حرف انت كاتبه ونفس الي حصلك حصلي لما جيت اعتذرت عن الجوازة !!!! وبقيت قاعد مستغرب جدااااااااا ,, انا كمان لسه خارج من تجربة فاشله " جواز صالونات " وفعلا كرهوا الناس في الطريقه الحلال
http://www.nilemotors.net/Nile/152592-a.html امثال محرمةhttp://quran.muslim-web.com/sura.htm?aya=002& تفسير القران بالماوس
المفضلات