تغير الكبالن الى كرادين بصلايب ؟

**Colin Chapman** · 08-09-2015 05:03 AM

المشاركة الأصلية كتبت بواسطة ahmed_eng2001

حضرتك فين من زمان مش باين :)

ليه الكردان مش حينفع معاه سرعة عالية ؟ و ليه حيزود استهلاك البنزين ؟
موضوع زوايا الكوبلن بتكون اكبر انا مقتنع بيع تماما ..... بس اعتقد اننا ممكن نحصل على نفس درجة اللف باستخدام 2 صليبة

معاك فى نفس الراءى
http://www.nilemotors.net/Nile/3876005954-post61.html

**Colin Chapman** · 08-09-2015 05:06 AM

**Colin Chapman** · 08-09-2015 05:31 AM

المشاركة الأصلية كتبت بواسطة Mecha

واضح انك معجب جدا بتصميم دوبل كردان والظرف بجلب وفي الصور مكنش فيه سيل ,
عموما فيه ناس في شبرا متخصصين في تضبيط الكرادين.

عارف لو المصممين واثقين ان الكوبلن قوى كانوا لازم هيغيروا الصلايب فى كردان الجر الخلفى لكوبلن !! لكن هما غير واثقين فيه !!

**Colin Chapman** · 08-09-2015 06:05 AM

المشاركة الأصلية كتبت بواسطة borio1704

أولا .. لازم نتفق على حاجة... إن مفيش حاجة في الدنيا كلها مميزات أو كلها مساوئ

إنما فيه حاجة "مناسبة" للاستخدام أكتر من غيرها.. اللي بيها تكون مميزاتها مهمة جدا للاستخدام ومساوئها غير ذات أهمية للاستخدام..

لو اتفقنا هنا.. يبقى كده نقدر نقول إن الكبالن مناسبة جدا لو عايز توفر في البنزين وتسوق في أماكن ضيقة.. بس ما تتوقعش منها عمر طويل (أكتر من ٧ سنين)... في حين إن الكردان مناسب أكتر لو عايز استخدام شاق ومش ناوي تسوق بسرعة... إنما توقع استهلاك بنزين عالي... ومش هتعرف تسوق في شوارع ملفاتها ضيقة.

أنا شايف الكردان مناسب أكتر لعربيات الـSUV وخصوصا اللي بتروح فعلا في الـoffroads.

...

الوزن مش هيكون تقيل قوى كده للكردان علشان يسبب استهلاك وقود عالى

وزاوية كسر الدركسيون هتكون مش ضيقة

وبعدين هما عمالين يطوروا فى الكوبلن علشان يفضل مستمر ويحقق مكاسب تجارية وربحية واستهلاك قطع غيار ولو عاش 5 سنوات كوبلن المصنع او ل كوبلن افتر ماركت كبيره سنتين !! وفيه ناس عملت له مشاحم !!

عمالين يحسنوا فى الكبالن علشان مكاسب التجارة من قطع الغيار !!

**borio1704** · 09-09-2015 12:35 AM

المشاركة الأصلية كتبت بواسطة ahmed_eng2001

حضرتك فين من زمان مش باين :)

ليه الكردان مش حينفع معاه سرعة عالية ؟ و ليه حيزود استهلاك البنزين ؟
موضوع زوايا الكوبلن بتكون اكبر انا مقتنع بيع تماما ..... بس اعتقد اننا ممكن نحصل على نفس درجة اللف باستخدام 2 صليبة

أنا موجود والله... هو يمكن بس مواضيعي الجديدة مش كتير.. بس أنا بادخل أرد علطول في المواضيع بتاعت الزملا الأعضاء :)

مشكلة الكردان الأساسية هي اتزانه.. وبالذات على السرعات العالية... أنا اشتغلت في تجميع عواميد الكردان في أحد مصانع برج العرب... وكانت عملية الاتزان هي أصعب شيء في عملية التجميع لإنها بتبين مشاكل التجميع كلها.

على فكرة.. كنا بنشتغل على ماكينة اتزان مخصوصة لعواميد الكردان.. مش الشغل البلدي بتاع المخارط.. والموضوع معقد لإنك بتعمل حاجة إسمها Dynamic Balancing.. ولازم يبقى العمود كله متجمع (القطعتين).. مش بتوزن كل قطعة لوحدها.

المكنة كانت شبه كده

من خبرتي في الموضوع ده.. أي خطأ في تجميع الصليبة أو حتى استخدام أفيز (Snap ring) بمقاس مختلف بتبوظلك الدنيا خالص..

فتخيل بقى وانت ماشي تلاقي رجرجة محترمة في الدركسيون بعد مطب حلو من بتوع مصر علشان أفيز طار مثلا ولا حاجة.

بالنسبة لزيادة استهلاك البنزين .. فبسبب فرق الوزن لصالح الكبالن... بس عموما الفرق مش كبير ...

وأتفق معاك تماما إن استخدام وصلة كردان مزدوج هيحل مشكلة زاوية الدوران ويحول وصلة الكردان إلى CV joint... بس كده إحنا زودنا قطع زيادة.. يعني احتمال الأعطال كبر (كل ما كترت الأجزاء كل ما كترت الأعطال).. وبدل ما كان عندك صليبة واحدة مبوشة بقى عندك اتنين.

...

**Colin Chapman** · 09-09-2015 04:12 AM

المشاركة الأصلية كتبت بواسطة borio1704

مين قال إن الكبالن مش مستخدمة في الجر الخلفي؟؟؟؟؟؟

مرسيدس أشهر شركة سيارات استخدمت وبتستخدم الكبالن في الجر الخلفي من زمان... والمرسيدس 200 (W123) مالية شوارع مصر .. وكلها كبالن عالكورونا...

ومش مرسيدس بس... دلوقتي ما بقاش فيه شركة سيارات بتعمل سيارات نقل خلفي إلا وبتستخدم الكبالن..

أودي..

لكزس

بي إم دبليو

وحتى الشركات الأمريكية اللي بنعتبرها كلاسيكية تكنولوجياً...

GMC

أما بقى لو قصدك على العمود الرئيسي.... فده كمان بدأ يبقى CV joint....

مرسيدس

فعلا اللى انا قصدته من الفتيس الى الكارونة وليس من الكارونة للعجلة وصرة الكوبلن لم تستخدم على نطاق واسع فيه

[IMG]http://www.mercedes-

benz.no/content/media_library/hq/hq_mpc_reference_site/passenger_cars_ng/new_cars/models/glk-class/_x204/facts/04-2013/equipment/standardoptional/standard/mercedes-benz-glk-class-x204_4matic_814x443_04-2013_jpg.object-Single-MEDIA.tmp/mercedes-benz-glk-class-x204_4matic_814x443_04-2013.jpg[/IMG]

لاحظ إن عمود الإدارة ده بقى فايبركربون... يعني بيستحمل قوى أكبر كتيييييييييييييير من أي عمود إدارة صلب عادي.... وراكب عليه كوبلن... مش وصلة كردان.

...

**Colin Chapman** · 09-09-2015 04:27 AM

المشاركة الأصلية كتبت بواسطة borio1704

على فكرة...

كون إن شركات زي مرسيدس ولكزس بيستخدموا التكنولوجيا دي يبقى معناها إنها موثوقة 100%.. ولا يمكن الشركات دي تضحي بسمعتها بسبب حاجة لسه بتتجرب..

واللي مطمني أكتر.. إن لكزس (المعروفة عالميا بأفضل اعتمادية في العالم بدون أي منافسة) مستخدماها.

...

شوف هقول لحضرتك انا القصة كلها زمان وانا صغير كنت حضرت عدم توافر كوبلن كقطعة غيار لبويك سكاى لارك 1981وكان فى ميكانيكى قام بتحويلها من كبالن الى كرادين بصلايب ومشاحم وكان اشترى لها عدد 2 عمود كردان فيات ار 1100 وقصهم وعدلهم عند خراط وكانت تجربة ناجحة جدا ده كل اللى حبيت اوصله لكم وانت تعلم انه ليس لى اى مكسب من انتشار الفكرة او عدمه !!!

**Colin Chapman** · 09-09-2015 05:09 AM

المشاركة الأصلية كتبت بواسطة uzerat

حد سمع او جرب او ليه رأى بالسلب او الأيجاب عن موضوع تغير الكبالن الى كرادين بصلايب ؟
ده رابط الموضوع
http://www.masr motors.com/vb/showthread.php?t=105874&highlight=%D5%E1%C7%ED%C8

https://www.youtube.com/watch?v=E-mljeVAvoc