بتسقط نقلة وآلا بتدوس فرامل ؟؟

**otefa** · 01-03-2010 10:24 PM

المشاركة الأصلية كتبت بواسطة shreif16672

على فكره يا اخوانا اللي بيستخدموا التسقيط ده أكتر هما بتوع الأردن لأن عندهم جبال ( مطالع ومنازل ) فبيعتمدوا على تنزيل الغيار او بيسقوا سرعة

لو فعلا نازل من علي منزل جامد فا ميهاش كلام ان من احتياطات السلامة استعمال مساعدة الموتور لتقليل السرعة والفرملة علشان العربية متعومش او تقلب نتيجة لنقل الوزن علي محور العجلات الامامي ده غير تقليل الحمل وحرارة ديسكات الفرامل مقللة في كفاءتها

**mesho_kimi** · 01-03-2010 10:25 PM

انا فى العادى أول وتانى بدوس فرامل مع دبرياج فوق كده بفرمل من غير دبرياج خالص بس لبه ملاحظه على تسقيط النقلة يعنى مش واحد ماشى على الصحراوى 150 ويسقط على تالت لانى حيجي اجل الماتور وقتى

**dr.hazem** · 14-06-2010 12:37 AM

انا اساسي عندي تسقيط النقله للتهديه
يعني مش معقول عند كل مطب هديها فرامل فرامل فرامل

الحل بالذات ان الطريق بيبقى فيه مطبات كتير
ببقى انا اخري عالتالت وبنزل للتاني محاولة مني لتخفيف الحمل على التيل

وكمان بعمله عشان اجري في المواقف اللي تتطلب كده

وعلى فكره حتى في الفتيس الاوتوماتك

ده كنت بعمله
كنت ببقى على الدي

هات دي 1 او دي 2

نفس النتيجه بالظبط وبرضو بستخدمه للحالتين عشان اهدي او عشان اجري

اهم حاجه ميجيش واحد ذكي ينزل العربية من الخامس وهوا ماشي على 140 ويجيبها للتاني ولا حتى للتالت

اضمنلك لو عملت كده الكاوتشات هتتسلخ ده غير الآثار على المكنه والفتيس والدبرياج

انما الاستخدام العاقل انك تكون مجرد بتخفف الحمل عن الفرامل يعني ماشي على 80 والملف قدامه 20 متر فبدل مالفرامل تشيل الحمل انزل من الرابع للتالت ومن التالت للتاني وانتا فنفس الوقت بتهدي بالفرامل وخد الملف عالتاني

الله ولا احلى من كده

تحياتي

**dr.hazem** · 14-06-2010 12:41 AM

المشاركة الأصلية كتبت بواسطة shreif16672

على فكره يا اخوانا اللي بيستخدموا التسقيط ده أكتر هما بتوع الأردن لأن عندهم جبال ( مطالع ومنازل ) فبيعتمدوا على تنزيل الغيار او بيسقوا سرعة

فعلا ده الواقع هناك
وانا عشان كده بقول انا بعتمد عليه دايما دايما وسواءا فتيس مانيوال او اوتوماتيك

انا بروح هناك كتير قوي والدوله هناك بتحط لوحات عالطرق استخدم الغيار العكسي (تسقيط النقله ) ولا تعتمد عالمكابح فقط

تحياتي

**mahmoud_anwar** · 14-06-2010 05:15 AM

بص هيا علي حسب يعني لقد الله زي ماحصلي العربيه فضلت تيجي مني يمن وشمال المفروض كنت قعدت اسقط غيرات
وابدق اطلع درجه درجه فرامل اليد لغايه لما العربيه تهدي خالص لكن القدر بيكون اسرع
فا كل موقف ليه حله في حاله ان العربيه اتزحلقت ما تستخدمش فرامل تستخدم تسقيد غيرات وتسحب فرامل اليد درجه بسيطه وحده وحده لغايه لما تملك العربيه اما بي النسبه لي فرامل العادي فا دي لما تحب تهدي بتضغط فرامل من غير دبرياخ علشان ما تتعبش الاستوانه ولما تيجي تقف تقوم ضاغط علي الدبرياج علشان العربيه ما تبطلش

**Raul_7** · 14-06-2010 09:23 PM

المشاركة الأصلية كتبت بواسطة hm414

انما الاستخدام العاقل انك تكون مجرد بتخفف الحمل عن الفرامل يعني ماشي على 80 والملف قدامه 20 متر فبدل مالفرامل تشيل الحمل انزل من الرابع للتالت ومن التالت للتاني وانتا فنفس الوقت بتهدي بالفرامل وخد الملف عالتاني

الله ولا احلى من كده
تحياتي

+111111111111

ده بالضبط اللي أنا بأعمله, بس مش عارف ليه تأثير سلبي على عالموتور أو الاسطوانة ولا لأ ؟