بتسقط نقلة وآلا بتدوس فرامل ؟؟

**MaZaGAngeE** · 03-01-2009 02:25 PM

المشاركة الأصلية كتبت بواسطة speed demon666

ساعت الخطر بس لما بكون عايز احكم سرعة العربيه بس غير كده فرامل فقط

تمام كده
أنا كمان زيك

**أبو كنوز** · 03-01-2009 05:24 PM

أنا دايما بسقط نقله وده إسمه فرملة الماتور ودي حاجه مهمه جدا يعني عند الخطر مثلا لازم تسقيط نقله مع
فرامل وده بيكون سهل جدا للي متعود عليه وبيطول عمر الفرامل ومش
بيضر الاسطوانه طول ما أنا بادوس دبرياج طبعا

**محمد فريد** · 04-01-2009 04:34 PM

المشاركة الأصلية كتبت بواسطة أبو كنوز

أنا دايما بسقط نقله وده إسمه فرملة الماتور ودي حاجه مهمه جدا يعني عند الخطر مثلا لازم تسقيط نقله مع
فرامل وده بيكون سهل جدا للي متعود عليه وبيطول عمر الفرامل ومش
بيضر الاسطوانه طول ما أنا بادوس دبرياج طبعا

معلش حضرتك ايه فايده تسقيط الغيار وانت دايس دبرياج فى الحالتين الحركة مفصوله عن الموتور

**hanyelwaly2010** · 04-01-2009 09:22 PM

مره واحده سقطت بالافيو كنت ماشي علي صلاح سالم بدل ما اجيب الخامس جبت التالت كنت ماشي علي 90 والله لقيت العربيه فرملت جامد جزء من الثانيه بس كل ده غصب عني وربنا ستر و مكانش حد ورايا

**أبو كنوز** · 04-01-2009 10:17 PM

المشاركة الأصلية كتبت بواسطة mody_2002_mody

معلش حضرتك ايه فايده تسقيط الغيار وانت دايس دبرياج فى الحالتين الحركة مفصوله عن الموتور

يا باشا الرد في سوال حضرتك يعني إنت قلت لما بندوس دبرياج الحركه بتكون مفصوله عن الماتور يعني إذا كنت ماشي مثلا علي الخامس وحبيت توقف أو تهدي لازم حيكون عزمك جامد علي الفرامل لان العربيه علي سرعتها ولكن إذا سقط النقلات اولا هتفصل الحركه اللي المفروض إن هيا عاليه علي أن توقف أو تهدي و دي فرملة الماتور وبعدين ده معروف إن في
حالة بعد الشر إذا كوتش ضرب علي سرعه عاليه لازم بتسقط النقلات و ده ليه عشان تفصل الحركه عن الماتور يعني بالبلدي تفرمل الماتور.وعلي فكره في أوروبا لما تعمل إختبار السواقه عشان الرخصه بتمشي في الشارع
و جنبك اللي بيختبرك إذا كنت ماشي علي سرعه و داخل علي أي
حاجه تلزمك انك تهدي أو حتي توقف ومورت مثلا من غير ما تسقط النقلات تعتبر ساقط في الاختبار وده يدل علي انها حاجه مهمه عند الخطر.وعلي العموم جرب بنفسك الحالتين وحاتشوف النتيجه.

**HeMa_LanCeR** · 04-01-2009 10:39 PM

انا فعلا بسقط نقلات كتير لما اكون بجري وعايز اقف في وقت قياسي
الحق مطب مثلا او في ملف كوبري وانا نازل منه زي المقطم مثلا
وحاجات كتير

**محمد فريد** · 05-01-2009 01:35 AM

المشاركة الأصلية كتبت بواسطة أبو كنوز

يا باشا الرد في سوال حضرتك يعني إنت قلت لما بندوس دبرياج الحركه بتكون مفصوله عن الماتور يعني إذا كنت ماشي مثلا علي الخامس وحبيت توقف أو تهدي لازم حيكون عزمك جامد علي الفرامل لان العربيه علي سرعتها ولكن إذا سقط النقلات اولا هتفصل الحركه اللي المفروض إن هيا عاليه علي أن توقف أو تهدي و دي فرملة الماتور وبعدين ده معروف إن في
حالة بعد الشر إذا كوتش ضرب علي سرعه عاليه لازم بتسقط النقلات و ده ليه عشان تفصل الحركه عن الماتور يعني بالبلدي تفرمل الماتور.وعلي فكره في أوروبا لما تعمل إختبار السواقه عشان الرخصه بتمشي في الشارع
و جنبك اللي بيختبرك إذا كنت ماشي علي سرعه و داخل علي أي
حاجه تلزمك انك تهدي أو حتي توقف ومورت مثلا من غير ما تسقط النقلات تعتبر ساقط في الاختبار وده يدل علي انها حاجه مهمه عند الخطر.وعلي العموم جرب بنفسك الحالتين وحاتشوف النتيجه.

مش قصدى والله يباشا انى اشكك او حاجه لانى عارف الحركه دى بس مبعملهاش لانى مش بمشى بسرعه بس انا قصدت اسال حضرتك كنت بتقول بسقط غيار وانا دايس دبرياج وطبيعى ان الواحد يدوس دبرياج عشان ينقل
واسف على التعقيب تقبل تحياتى