الموضوع: الإسلام فى السعودية التى تدعى التدين‏

المشاركة الأصلية كتبت بواسطة Tyler_Durden

وانت ايضا رجاء لا تتبع الهوى و تصدق و تؤمن و تؤكد ان هذا الحكم عادل لمجرد انك تحب السعودية..اذا كنت تؤيد هذا الحكم فهذا رأيك و انت حر و لكن وصفك للاخوة بانهم يتبعون الهوى لمجرد انهم يختلفون معك او مع الحكم فلا يصح.
لا يوجد في الكتاب او السنة حكم بالسجن عشرون عاما و الجلد 1500 جلدة..و بالتالي فحكم القاضي اجتهادي..و نحن لا نعرف القاضي و ربه اعلم بما في قلبه..فبالتالي لا ادري لماذا لا يمكن للناس مناقشة حكم مثل هذا القاضي فهو ليس ابو بكر او عمر مثلا..
اخيرا اتمنى منك او من ايا كان ان يذكر لي عدد القضايا منذ بداية الاسلام التي تم فيها الحكم بمثل هذه العقوبة..
20 سنة و 1500 جلدة اظن عندما تفكر فيها تجدها عقوبة ملائمة لمسيلمة الكذاب مثلا..و ليس لطبيب اخطأ و العلم عند الله وحده ان كان خطأ بقصد او بدون قصد

والله احنا بنحب الكلام عن الحق نفسه

شعب بتاع كلام وبس

يا اخي الفاضل هل انت قرأت المشاركات السابقة كلها
اشك
لأن انا وضعب عدة احكام حدثت في السعودية وكان هناك حكم بــ 2500 جلده للشباب بتوع فتاة الطائف

وشاب جلد 50 جلده لأنه لم يسمع كلام والده وغيره وغيره

وهما سعوديين مش مصريين

وياريت تقرا المشاركات جويس لأن ده ليس كلامي وانما كلام منقول

بدل ما انت حضرتك تتهم بدون علم كامل بما كتبته
ركز في المشاركات واقرأها قبل ان ترد على احد
لأنه ليس سباق في الرد او تنفيس لشئ في النفس

المشاركة الأصلية كتبت بواسطة human12

اعترف بالكلام وهوه كان قايم من عمليه حصوه
ياريت بلاش بقى افترى على الراجل
انا زهقت من كم الاكاذيب اللى الناس بتقولها

ياعم بتتبلى على الراجل و تقول نام مع المريضه وجايبلى كلام من السعوديه
انت ناتعرفش ده بيحب مراته تد ايه و مراته بتحبه اد ايه الكلام العجيب اللى بتكتبه ده فاكرينه هيقربكوا من ربنا

ماعندكش كلمه حلوه يبقى ماتكتبش على الدكتور تانى انت ماتعرفوش و بتسئ اليه و بتدافع عن ظلمه متخلفين

مش عارف نفهم الناس ازاى

الراجل ده كان وسط امرا و الموضوع انه لازم مايرجعش اللى يعرفه كتير
ماسألتش نفسك فين شهاده الست ديه؟؟؟

و بعدين اعتراف ايه؟؟ انت ماسمعتش يعنى ايه سجن فى دوله عربيه؟
ماتعرفش يعنى ايه تعذيب؟؟؟؟؟

ماتعرفش يعنى ايه تختفى ومن غير تهمه و بعديت تلاقى تهمه مستنياك؟؟؟؟

و للاداره لو عايزيين توقفونى اتفضلوا انا زهقت

الله يسامحك يا اخي على هذا الأسلوب الراقي

افتر ان حضرتك اتهمتني باني ظالم وبفتري على الناس
وشككت في نيتي في التقرب لله

وللأسف انا ولائي للحق وليس عصبية وهمجيه ما انزل الله بما من سلطان

من لا يعلم هؤلاء الذين حكموا ومقدارهم العلمي
فله الحق انه يفتي بحق

للأسف بلدنا خلتنا نعتقد ان كل شئ فيه فلوس وان كل شئ ممكن يتباع
وللأسف هذا لا يحدث في القضاء السعودي لأن القضاه هم علماء شرعيين نجل لهم كل الاحترام والتقدير فوق اي احد

وهذا ولائي وان كان مش عاجب احد فيخبط دماغه في الحيطه لأني ماليش دعوه به
فانا مضربتش حد على ايده علشان يقتنع
وانما زي ما حضرتك شايف ان لك الحق انك ترد على كلامي وان كلامي طالم
فانا ارد على كلام اراه طالم من اوله لأخره على علماء من الواجب على كل مسلم يتبع شرع الله ان يظن فيهم الظن الحسن وان كان يشك هو في نفسه لأنهم ورثة الأنبياء
وهذا مما نتعبد به لله

بلا قرف الواحد قرف من الهمجيه والحميه

اخواني اتركوها فأنها منتنه والله

أنا عندي طلب لكل الإخوان اللي بيشجعو السعودية و بيعتبروها دولة الإسلام ..
يبقى فيه موضوع خاص بمشجعي آل سعود و عزبتهم و يكون في مواجهتهم الناس اللي عاشت في السعودية وشافت بعينها الإسلام السعودي ..
وساعتها نقدر نشوف رأي معظم الناس اللي سافرت السعودية .. ويا سلام لو اتعملت احصائية فيما يخص هيئة الأمر بالمعروف والنهي عن المنكر ورأي الناس عنها ..
طبعا الكل هيقولي ليه متعملش انتا الموضوع ده .. هقول انا لا افضل اني اعمل موضوع ومكنش كفأ بمتابعته علشان انا لا املك الوقت الكافي لمتابعة موضوع شائك و فيه كلام كثييير .

المشاركة الأصلية كتبت بواسطة waled369

مش عارف الاخوة اللي انبروا يدافعو عن السعودية و السعوديين بكل استماتة عايزيين يوصلونا لإيه بالظبط .
أنا مريت من السعودية مرة أثناء سفري بر تصوروا بس مرور و تخيلوا قلة الأدب في التفتيش الأخ السعودي اللي فتش شنطتي فتشها ب ( رجله ) حط رجله و بيقلب في الحاجات اللي معايا و طبعا انا واقف هفرقع منه و مش قادر اتكلم و الا مش هخلص . و لما خلص اعطاني ورقة و قال لي يلا ( يالمصري )و كأنها شتمة تقدر تمشي فسألته أخرج ازاي من المكان فقال لي اديني الورقة اللي اعطيتها لك و بالفعل اعطتها له مرة تانية . قال لي علشان تبقى صاحي و متسألش سؤال زي ده تاني ( كأني أذنبت ) مثلا خليك قاعد لما أسامحك و اعطيك اورقة و بالفعل اعطاها لي تاني بعد حوالي نصف ساعة . تصوروا موظف حقير أنا مرضيش انه يشتغل عندي بيقول لي كده .
و أثناء رجوعي نفس الشئ كنت آخر واحد طالع من منفذ الأردن و دخلت السعودية و قال لي الموظف ( أبو دم خفيف ) انتظر لما يجيبوا الكلاب البوليسية علشان يفتشوك قلت له كل العربيات اتفتشت من غير كلاب قال لي ( كيفي ) و فضل مقعدني تقريبا 4 ساعات و لا كلاب جت و لا يحزنون و طلع هوه الكلب الوحيد اللي فتشني .
و السؤال المتكرر الآن عن الدولة اللي بتطبق شرع الله . هل طبقوا الشرع ده في قضية الممرضات . و لا علشان أسيادهم كانوا هيوروهم العين الحمرا لو كانوا عملوها .
يكفي ان جيرانهم الخليجيين بيقولوا عنهم قولة مشهورة ( أطهر أرض و أنجس شعب ).
و في أي شرع 1500 جلدة ؟؟؟
و اللي بيشكك في ان الأمراء لهم سطوة و يقدروا يغيروا أحكام القضاء السعودي الشرعي ( النزيه ) بالتليفون عارفين هناك يعني ايه أمير و يا ريت ميغالطوش نفسهم .

اخي وليد نحن لا ندافع عن اشخاص بأعينهم
وانما نتكلم على العام

ومتهيألي حضرتك ممكن تيجي مصر وانا أخليك تكره نفسك من مواقف انيل وازفت من اللي حضرتك بتحكي عليها
بس احنا بننسى بس

يعني تفتكر الشعب اللي اكل عيش من بواقي اكل ابهايم في الخارج ده كده ميه ميه

تفتكر العساكر المصريين والظباط وامناء الشرطه مفيهمشي حد بيعمل انيل من اللي حضرتك ذكرته

للأسف اللي بيته من زاجاج ميحدف الناس بالطوب
واظن ان بيتنا من ورق وليس من زجاج بس

ولكن حميه والله

المشاركة الأصلية كتبت بواسطة Mohammed_Adel_Amin

أنا عندي طلب لكل الإخوان اللي بيشجعو السعودية و بيعتبروها دولة الإسلام ..
يبقى فيه موضوع خاص بمشجعي آل سعود و عزبتهم و يكون في مواجهتهم الناس اللي عاشت في السعودية وشافت بعينها الإسلام السعودي ..
وساعتها نقدر نشوف رأي معظم الناس اللي سافرت السعودية .. ويا سلام لو اتعملت احصائية فيما يخص هيئة الأمر بالمعروف والنهي عن المنكر ورأي الناس عنها ..
طبعا الكل هيقولي ليه متعملش انتا الموضوع ده .. هقول انا لا افضل اني اعمل موضوع ومكنش كفأ بمتابعته علشان انا لا املك الوقت الكافي لمتابعة موضوع شائك و فيه كلام كثييير .

انا عندي طلب اظرف من كده بقه

ان كل واحد مش عاجبه الكلام ومش عاوز يناقش بطريقه مهذبه وداخل يهزر وبس
انه يفتحله موضوع يعمل فيه اللي هو عاوزه فيه ويريحنا

انا مش فاهم والله هو اللي بيدخل يقول وقت ومش وقت ومش فاضي
طيب يعني نعمل ايه احنا مش فاهم

احنا ناس فاضيين ريحونا بقه

المشاركة الأصلية كتبت بواسطة أبو عبدالله

الله يسامحك يا اخي على هذا الأسلوب الراقي


بلا قرف الواحد قرف من الهمجيه والحميه

اخواني اتركوها فأنها منتنه والله

r
قول الكلمتين دول لنفسك عشان تفتكر ازاى انت معارض لكل الناس

حضرتك حتى مش شايف ان انت بتردد كلام فى شرف راجل فاضل انت ماتعرفوش
و بتقول عليه انه مارس الفحشاء
حضرتك عرفت منين من موقع سعودى؟؟
وهما شافوهم ولا ايه؟؟؟

و على فكره مافيش بلاغ ضده من اى حد

بلاش ثقه عمياء فى كل واحد قالوله شيخ