لما بتكون زهقان بتاخد عربيتك و تروح فين ؟؟؟

**mr.president** · 20-11-2008 05:43 PM

المشاركة الأصلية كتبت بواسطة m_a_aboelsoud

لما ابقى مخنوق باركب المترو و انزل مكرم عبيد

هو فى خط مترو وصل مدينة نصر؟؟

**sh23** · 20-11-2008 05:51 PM

*بالذمة واحد مخنوق وطهقان وزهقان يفكر يسوق كمان في بلادنا
* أنا لما بأكون مخنوق أدخل حجرة الأنترية وأقفل علي نفسي بالمفتاح وأطفي النور وأفتح الشباك (حتي لو كان في الشتاء ) وأبقي مش عاوز أشوف أو أسمع أي حد أو أي حاجة ( نص ساعة علي الأقل )
* بعد ما أهدي نسبياً دش بارد (صيف أو شتاء ) وركعتين لله وبعد كدة تفرج وكل شئ يهون

**Hany A Fattah** · 20-11-2008 10:57 PM

المشاركة الأصلية كتبت بواسطة Jato.33

يخرب بيت إلي يزعلك يا شيخ

تروح المدافن :k20:

ده في ناس بتخاف تركب الأوتوستراد بالليل بالعربية عشان متفوتش على المدافن

ابقى خد بالك من نفسك المدافن مليانة بلاوي وإنتا فاهم بأه

أقولك إنتحر أحسن:k26:

طب جرب وشوف النتيجة وطالما قلبك ضعيف بلاش باليل روح الصبح وانسى الدنيا وفكر ان هو ده المكان اللى باقى ليك وانا متاكد انك هاتروح وانت زاهد الدنيا ومافيها

**HANGMAN** · 21-11-2008 02:34 AM

باصلي الفجر واروح اتفرج علي شروق الشمس في المنتزة الزمالك

**mr.president** · 22-11-2008 11:34 AM

المشاركة الأصلية كتبت بواسطة sh23

*بالذمة واحد مخنوق وطهقان وزهقان يفكر يسوق كمان في بلادنا

ياعم مش لازم تنزل تسوق مخصوص ساعات الواحد بيبقى زهقان ومش عايز يرجع البيت ساعتها بقى بتروح فين؟

**AboELsoud** · 22-11-2008 06:07 PM

المشاركة الأصلية كتبت بواسطة prisdent

هو فى خط مترو وصل مدينة نصر؟؟

ايوه يا باشا المترو القديم زي بتاع اسكندريه اللي بيروح المطريه و روكسي و رمسيس و الميرغني وبيعدي في مدينه نصر من ناحيه كليه البنات و خضر التوني و يوسف عباس و اخيرا مصطفى النحاس

**نور القمر** · 22-11-2008 06:33 PM

غالبا لما اكون متضايقه بنام
النوم بيضيع الوقت والملل
وبحب اوي اشغل قرآن للشيخ مشاري بالذات بحس اني ارتحت وهديت

ولوحالة الخنقة دي مكنتش مأثرة عليا اوي يعني مش تعبانه جسديا او هبطانه بنزل وسط البلد اشتري اي حاجة تعجبني او نفسي فيها
الشوبنج بيغير حالتي المزاجية للافضل

**zalpany2000** · 22-11-2008 10:56 PM

لو زهقان وانا مروح من الجامعة
باطلع الدائري بتاع المنيب واركن وانزل من العربية واقعد اتفرج علي النيل
وطبعا كاسيت العربية شغال علي فيروز

لو طالبة معايا جو روحاني "نصر الدين طوبار"

الاماكن اللي بتريحني جدا جدا جدا
منيل الروضة
المقطم "وده حديثا"
اسكندرييييييييييييييييييي ييييييييييييييييييييييييي ييييييييييييية "المرسي ابو العباس هايل"
اوحضن امي بقي لو العملية مقفلة خالص

تحياتي

**limo** · 22-11-2008 11:04 PM

بكلم اى حد من صحابى وانزل اعد معاه نكلم او اخده ونروح مقام السيده النفيسه رضى الله عنها او مقام سيدنا الحسين
لو مفيش حد فاضى ممكن انزل اشترى مستلزمات البيت او ليه
لو البيت من محتاج حاجه باعد فى غرفه نومى واعد افكر فى اى حاجه تانيه غير الموضوع الى انا متضايق منه و اكتر مواضيع ممكن تشغلنى هى العربيه بتاعتى او القانون علشان مجال عملى او تضبيط المصاريف بتاعتى فى الشهر