الموضوع: تكييف البوينتر ارجوكم

الكباس حرق اي موبينه؟؟؟ تقصد موبينة الكلاتش صح؟ الكويل او المغناطيس الكهربا صح بتاع كلاتش الكومبرسر

هو اداء الكباس ايه بيسقع ولا لا ؟؟
ممكن يبقى فيه سدد في الدوره او مواسير متنيه في خط الطرد او السربنتينه بتزود الضغط او ساعة الضغط العالي او حساس الضغط معلق او ممكن يبقى عيب شحن ( ناقص او زياده او نوع الفريون او نقص زيت او رطوبه داخليه ) او بلف الكونترول او السير بايز او مرخي او مشدود زياده
الصوت اللي عندك صوت ايه يافندم صوت بلي الكلاتش ولا خشونه في الكباس وصوت دقدقه
وممكن يبقى عيب كهربا
اللي عندك دا عرض وتغيير الكباس بالكامل مش حل جذري للسبب الرئيسي

اداء التكييف بيسقع .

عند تشغيل التكييف الصوت مزعج جدا صوت خشن والحاجة التانية انه احيانا وانا ماشى بالعربية او وانا واقف بيقف لثوانى ويشتغل تانى هى ده المشكله اما التبريد كويس جدا.

احيانا وانا مش مشغل التكييف بسمع صوت تغبيط او دقدقه جيه من ناحية الكمبروسر.

مبدأيا لتخفيض التكلفة تغير كلاتش كامل جديد بالبلية بتاعته جديده والكومبروسر راكب لو في امكانيه عشان ماتضطرش انك تشحن تاني لو المكان ضيق هاتضطر انك تفضي الفريون وتغير الكلاتش وتشحن من تاني دا الحل الاول (الاقل تكلفه هاتعمله في حاله واحده بس انك تكون متاكد ان صوت الخبط والدقدقه مصدره من الكلاتش فقط مش خبط داخل الكومبروسر لانه لو كدا يبقى الكومبروسر عندك بدأ يضعف ففي حاله زي كدا اتاكد الاول ولو الصوت مش قوي ممكن تفضي الشحنه وتفك الكمبروسر وتغير الزيت بتاعه بزيت تخليقي بولي استر مش معدني وتشحن غاز فريون١٣٤ ممكن تروح لحد عنده الجهاز الكبير التكسا الايطالي او اي اي نوع تاني بيسموها محطه خدمه بيعمل الموضوع دا اوتوماتك ويشفط الفريون من السيستم وتراجع على السير متاكل فايتغير او مهوي فيحتاج يتشد او مشدود زياده فاتشوف بلية الشداد سليمه ولا لا وتكشف على قاعده الكومبروسر ثابته ولالا كل دا عشان نحدد مصدر الصوت والخشونه فانقدر نحدد الكباس فيه مشكله ولالا مع قياس الضغط العالي والواطي عشان نعرف في سدد او تهريب ضغوط من البلوف الداخليه حتى لو فيه تسقيع الموضوع بس فيه شوية تفاصيل بعرفها لحضرتك عشان يبقى عند حضرتك فكرة فتعرف الفني دماغه رايحه فين بيشتغل ولا بيشغل دماغه ) وممكن تحتاج مع تغيير الكلاتش تغيير بلف الكونترول بتاع الكباس لو فيه مشكله وممكن عندك شحنه زياده او نوع فريون سيء او مختلف عن النظام وممكن فلتر الفريون سيء او بيسموه رسيفر دراير وممكن مشكلة كهربا خليه يقيس الفولت اللي واصل لموبينة الكلاتش وممكن يبقى اكتر من حاجه مع بعض كل دا يعتمد على الفني شغال صح وبيفكر ولا بيعك ويستسهل ومستحلي الشحن بس اللي مطمني عندك انه بيسقع بس كفائته ايه وظروف تشغيله ايه بالذات الضغط العالي والواطي بتتحدد منها الكباس عمره قصير ولا فيه امل
الحل التاني : كباس استيراد كامل بالكلاتش على التجربه + الشحن (تكلفة وسط بس هايحتاج مجهود ولف وممكن تغير اكتر من واحد وتشحن اكتر من مره لو صنايعي امين بيعملك الحل دا النظام ممكن يعيش ٥ سنين ويمكن اكتر من غير ماتلمسه )
الحل التالت : كباس جديد + الشحن(الاعلى تكلفه بس افضل من الحل التاني ) هاتعمل الحل داعند المكان اللي هايبيع المنتج عشان الضمان اي حد يبيع لك كومبروسور جديد من غير ضمان سيبك منه حتى لو رخيص ماتجزفش لو اخترت الحل دا
تحديد الحل هايعتمد على الكشف العملي
وماتنساش السير والشداد بتاعه وياريت تبقى متاكد من نوع الفريون المستخدم ونوع الزيت والكميه وصناعته وبلاش الصيني اخوان رزق فريون كويس ومش غالي وعندهم الزيت التخليقي برده
كيلو فريون رزق ١٣٤بيكلف ٧٠ جنيه وكيلو الزيت التخليقي بولي استر او peo بيكلف ٨٥ جنيه (الاسعار تقريبه)