الموضوع: يا رب اخترلي الاصلح ولا تخيرني - أرجو ابدأ نصيحة لوجة الله

المشاركة الأصلية كتبت بواسطة hilal

طالما أن الموضوع يتعلق بتوطين معظم الوظائف القيادية في هذا البلد فلا تفكر بالعاطفة ولكن استمر حرصا على مصلحتك ومصلحة أولادك ولا تغامر بترك هذه الوظيفة في الوقت الحالي حتى يأتي الله بأمره.
تحياتي

للاسف ده الكلام الدائم ذكرة في كل حالات التغير و هو المبرر الوحيد لأي تغير تراة الادارة و لكنك لا تعرف أين هيا الحقيقة.
أنا كل مخاوفي ان ده يكون مجرد جس نبض و لو بنسبه قليلة لرد فعلي و لذلك القرار صعب جدا.
من الجائز و لو بنسبة قليلة مجرد التهديد بالاستقالة سيغير الوضع و من الجائز بردة تقبل !!!!! يارب اخترلي
ولَك جزيل الشكر

المشاركة الأصلية كتبت بواسطة raefbadr

والله عارف و لك جزيل الشكر و العرفان علي النصيحة و طبعا هيكون اخر حل لو هيا دي إرادة الله و اختيارة لي و برضة لسة محدش رد عليا ، في ظل الوضع الاقتصادي المتردي لسه في شغل في مصر و لا ؟

السوق نايم و الاسعار نار و عن نفسي بصفي شغلي هنا .... عندنا محل و مش عارفين نبيعه بقالنا سنه

أنا سمعت مقولة مش متأكد من صحة الكلمات لكن متأكد من صحة المعني. "من الشجاعة أن تجبن ساعة"
يعني احيانأ الشجاعة أنك تبقي جبان لكن لمدة صغيرة.
الخلاصة رأيي توافق و تمشي الأمور لحد ما تلاقي شغل تاني و في هذه الاثناء يمكن تلاقي الوضع مريح و اللي حصل كان فعلا ل مجرد تشغيل المواطنين و ده بيحصل في كل الدنيا.
ربنا يوفقك للي فيه صلاح أمرك.

ركعتين في جوف الليل قبل الفجر بخشوع بين يدي الله
و قل قيهما ربنا آتنا من لدنك رحمةً و هيء لنا من أمرنا رشدا
و قل في التشهد حسبنا الله سيؤتينا الله من فضله إنا إلى الله راغبون ..
بيقين و حبٍ في الله
والله ليبدلن الله حالك إلى غير ماكنت تتوقعه و خير ما كنت تحلم به ..

والله يا اخي الفاضل هذا لسان حالي و دعائي، بارك الله لك و فيك
اسأل الله القبول، دعواتك لنا جميعا.

فعلا قرارات كتير في الخليج لجس النبض والضغط بحجج كتير لكن خصوصا مع الناس اللي ملهاش ود ومحبة مع الادارة- شغال كويس وتمام وراجل دغري بس مش تبقي مدير لا تبقي موظف
بتاع اونطة وحبشتكانات تبقي اجدع مدير ويتاخد رايك في الكبيرة والصغيرة
هم عاوزين اللي ينفخهم ويريحهم انهم اصحاب المال واصحاب الادارة
اما الشغل عندهم فالموظفين يشتغلو امال بياخدو راتب ليه
حالات كتير مرت عليا ومعايا كان سببها ان فلان مش مريح وكلامه كتير وانتقاداته اكتر
والغريب ان الادارة بتشكر فيهم قدامهم لكن اللي بيوصل من ناس تانيه غير كده
هم محتاجينك لكنك مش عاجبهم دي معظم الحالات اللي زي حالتك
استخير وكمل عقدك عشان لوفي مستحقات مادية
وبلاش كلمة استقالة زي مانت عارف
لو علي مدارس العيال شوف ممكن تكمل في مصر ولا لا
بس نصيحة اضغط بقوة انك تمشي ومش عاوز تشتغل خالص
ولا هتلاقيهم كل شوية ينزلو من مستوالك او ع الاقل محلك سر
متنبهرش باحتياجهم ليك وشكرهم فيك قدامك
ولا تتغر بمستوي عملك انه ممكن يحميك منهم
علاقاتك ومجاملاتك هي الاساس
وربنا يوفقك
* * ملاحظه متفتكرش مادمت قبلت الاقل ان هتيجي الفرصة وتتحسن االامور
لا دي بتسوء اكتر
فرصتك تخلع وتشوف مكان تاني افضل والاماكن كتير اكتر مما تتخيل بس تبقي حر مش مرتبط مع شركة