الموضوع: يا رب اخترلي الاصلح ولا تخيرني - أرجو ابدأ نصيحة لوجة الله

المشاركة الأصلية كتبت بواسطة achillie

السلام عليكم، انا كنت في موقف زي ده قبل كده و اتضايقت اكتر منك خصوصا اني زيك مبعرفش اجامل و بتاع شغل و بس ، و هديت لما قرات قصه سيدنا الخضر مع سيدنا موسي ، اقراها بالراحه و بتركيز و انت هتعرف هتعمل ايه ، الله كريم ، لا اله الا الله محمد رسول الله

أشكرك ، بس ممكن توضح شوية عاوز تقول ايه ؟ عاوز افهم ايه اللحصل معاك بالضبط لو أمكن .

المشاركة الأصلية كتبت بواسطة wael30003

انسى النفسية دلوقتى
هم كده خلاص خسروك ومش باقيين عليك

انت لازم تبقى على مصلحتك ......وانا كنت فى نفس موقفك .....كنت شايل هم الشغل فوق دماغى واقول ما حصل صدام ......ولقيتهم باعونى .
.


.اشتريت دماغى وبقيت اشتغل على قد جهدى وبضمير .....بس بدون ما اشيل هم الشغل هيخلص ولا لأ......يخلص براحته .....احنا هنستعجل ليه .....وفعلا وصلتهم انهم يسألونى عايز تكمل معانا ولا لأ......

عايز اقولك حاجة .....انا بعد ما غدروا بيا ...اخدت اسرتى واجرت شقة مفروشة وجت فرصة ابيع العفش بدون خسارة .....

لانى خلاص انا مش مامن لهم وحجزت ٣تذاكر للعيال وامهم .....لغاية ما سحبت الاستقالة .....وبعدين خلاص انا ماشى بدون خسائر عدا العربية وقيمة كارت العمل والاقامة ....والخسائر هعوضها بس كده انا اتعلمت انى ما امضيش على شرط جزائى كبير ..

استمر وفكر فى نفسك ومصلحتك ودوس بجزمتك على الشغل ومصلحة الشغل

والله بحاول أفهمك بس الموضوع مش راكب، يعني انت قفلت فعلا و استقالت و طلعت بدون خسائر تقريبا.
السؤال ، ليه محولتش تستمر ذي مبتنصحني؟ واضح ان كان في مجال لدة بس انت رفضت، ياريت توضح.
معلش بطول عليك، لو في مجال ابعتلي رقم جوالك علي raefbadr@hotmail.com

يا باشا خليك فى شغلك واكل عيشك حتى لو قالولك خاليك فى البيت وهنبعتلك المرتب على البيت وافق مدام انت عامل شغلك والى عاليك ريح دماغك وبطل تفكير فى بلادنا العربية وبالأخص فى القطاع الخاص الشغل مش بالكفاءة والاجتهاد فى العمل بتبقى ظروف وشيل من دماغك الرجوع لمصر الحبيبة دى خالص

ومتسيبش شغلك الا اذا كنت نابغة فى تخصصك وهتتخطف خطف وتكون عارف هتسب فيم وهتروح فين

الله معك

المشاركة الأصلية كتبت بواسطة ahmed2y

يا باشا خليك فى شغلك واكل عيشك حتى لو قالولك خاليك فى البيت وهنبعتلك المرتب على البيت وافق مدام انت عامل شغلك والى عاليك ريح دماغك وبطل تفكير فى بلادنا العربية وبالأخص فى القطاع الخاص الشغل مش بالكفاءة والاجتهاد فى العمل بتبقى ظروف وشيل من دماغك الرجوع لمصر الحبيبة دى خالص

ومتسيبش شغلك الا اذا كنت نابغة فى تخصصك وهتتخطف خطف وتكون عارف هتسب فيم وهتروح فين

الله معك

هقولك حاجة يا أستاذ احمد، في البداية أحب أشكرك و لكن ذي مانت عارف ربنا خلق الناس درجات ولكل واحد فينا قدر معين من التحمل.
بمعني اخر، وضعي ده ممكن يكون عادي جدا لأي شخص تاني و مفيش مشكلة و ممكن واحد تاني يمر بنفس الموقف و تقوم قيامتة (وصف مجازي طبعا) و في الاخر أنا اريد وانت تريد والله يفعل ما يريد و ادينا بنحاول نستشير و الله الموفق.
عارف ان القرار صععععب بس (قل لن يصيبنا الا ما كتب الله لنا) و عذرا لعدم تشكيل الايه.
مش هقولك مصر حلوة ذي ماحنا عرفين ( فقر و فهلوة و جهل و قول ذي مانت عاوز)، بس صدقني ده هيا اللحظة الهتعرف قيمة بلدك بعد سداد جميع ألابواب و ادينا بنحاول نستمر لحد ما ربنا يصلح الأحوال بس هتقول ايه - ربنا يحفظنا جميعا من شر الفقر و الجهل و دمت بخير....

المشاركة الأصلية كتبت بواسطة sherifmt

اخي الفاضل ...... اسمح لي اشارك معاك ونفكر سوا بصوت عالي علشان بحكم عملي في نفس السوق السعودي عارف تماما الوضع اللي انت فيه .... اولا انسي انك تمشي او تسيب شغلك وافتكر دايما المرونه قوة وبعدين انت عارف وانا عارف ان لو حصل وجابو عليك مدير بسبب السعودة علشان ميتسجلش علي الشركة مخالفة توطين الوظايف فقط لا غير يعني اسما وليس فعلا مجرد مسمي فقط وده اتجاه دولة ولازم نحترمه اولا واخيرا احنا ضيوف بنشتغل بما يرضي الله لهدف ما اذا كان مادي او مهني الي حين ولما يحين الاوان شكرا يا اما نطير علي فرصة تانية او بارك الله فيما رزق ونرجع علي بلدنا في توقيت يناسبنا ويناسب ظروفنا ومعلش اسمحلي من الواضح ان الفترة اللي فاتت انت نسيت انك ضيف في بلاد غريبة بسبب الاستقرار النسبي والمطلوب انك ترجع تفكر تاني انك ضيف ممكن تضطر انك ترجع في اي وقت ولازم تكون عامل حساب اليوم ده زي ما يكون بكرة !!! نصيحتي هي القرارات المصيرية اللحظية مردودها كارثي خصوصا وانك عندك التزامات علشان كدة خد الامور بأيجابية كنوع من تخفيف المسؤولية عن كتافك اولا واخيراً احنا موظفين مش اشترينا الشركة ولا ورثناها وعلشان الانا عندك متحبطش حط لنفسك 3 شهور كهدف زي اختبار هل هتتأقلم علي الوضع الجديد ومرتاح خلاص ولا كأن شيء حصل .....ولو لسة الموضوع مسبب مشكلة هتكون في خلال 3 شهور قدرت توجد خطة بديلة مع فرصة مناسبة عن طريق شركتك العالمية زي فرع تاني في مدينة تانية او حتي دولة تانية ويمكن ربنا يكرمك في مصر بفرصة افضل من كل دة ....... غير افكارك السلبية الي أيجابية خد زمام المبادرة علشان ده ممكن يساعدك انك تساهم في اختيار المرشحين للمنصب وكمان انت هتعتبر انك اترقيت الي أستشاري بدلا من تنفيذي واحتمال كبير الشخص الجديد يكون انسان فاضل يساعدك ويكمل الجزء الاجتماعي المفتقد بشهادتك مع الموظفين وده في رأيي هيكون نقطة قوة ليك بالاضافة انك هتقدر كمان تصدر القرارات الصعبة من خلاله سواء لمجلس الادارة او للموظفين علشان هو اللي هيكون الواجهة !!!! من الاخر فكر فيها باسلوب " لعلة خير" وتقبل تحياتي

يا اخي الفاضل ..... انا اللي كتبتلك الا قتباس اللي فوق.... وحبيت افكرك لو حاولت تشتغل معاهم في نظام قرف ومشاكل ووش خشب لغاية نهاية مدة عقدك هتكون انت اللي خسران راحة بالك وصحتك وتركيزك فكر كويس واقرا عقدك مره تانية ...... في بند اساسي في كل العقود بيقول ان فيه شهر أخطار لأنهاء العقد يعني لو انت مصمم هما مش ملزمين يستنوا نهاية العقد وكبيرهم هيدفعولك الشهر الاخطار مقدم ومع السلامة طيب لية تخسر كل حاجة لمجرد ان التغيير مش عاجبك ..... حضرتك اولا واخيرا موظف في الشركة وبما ان محدش داس لك علي طرف ولا قرب لمدخولاتك يعني من الاخر ماديا ومعنويا حقك متصان ..... بلاش تضخم الامور وتخسر حد بيدعمك زي مديرك المباشر ,,,,,,, وافتكر ان الناس الملزومة منك ليهم عليك حق قبل ما تدخل في عناد ومشاكل وتضطر الادارة انها تعجل بانهاء خدماتك ...... انت مدير فكر بتبادل الادوار هتلاقي انك لو مكانهم مش هتغلب !!!

المشاركة الأصلية كتبت بواسطة Sherifmt

يا اخي الفاضل ..... انا اللي كتبتلك الا قتباس اللي فوق.... وحبيت افكرك لو حاولت تشتغل معاهم في نظام قرف ومشاكل ووش خشب لغاية نهاية مدة عقدك هتكون انت اللي خسران راحة بالك وصحتك وتركيزك فكر كويس واقرا عقدك مره تانية ...... في بند اساسي في كل العقود بيقول ان فيه شهر أخطار لأنهاء العقد يعني لو انت مصمم هما مش ملزمين يستنوا نهاية العقد وكبيرهم هيدفعولك الشهر الاخطار مقدم ومع السلامة طيب لية تخسر كل حاجة لمجرد ان التغيير مش عاجبك ..... حضرتك اولا واخيرا موظف في الشركة وبما ان محدش داس لك علي طرف ولا قرب لمدخولاتك يعني من الاخر ماديا ومعنويا حقك متصان ..... بلاش تضخم الامور وتخسر حد بيدعمك زي مديرك المباشر ,,,,,,, وافتكر ان الناس الملزومة منك ليهم عليك حق قبل ما تدخل في عناد ومشاكل وتضطر الادارة انها تعجل بانهاء خدماتك ...... انت مدير فكر بتبادل الادوار هتلاقي انك لو مكانهم مش هتغلب !!!

ممكن تشرفني بتليفونات علي raefbadr@hotmail.com