الموضوع: واحدة ست قفلت على عربيتي !!!

المشاركة الأصلية كتبت بواسطة MoDyBeNz2008

هي فين الخبطة دي الموضوع مفيهوش خبطات اصلا

صباح الخير يا محمد شكلك لسا مفطرتش


فيه صوره فيات حاطها CryptonX

فى مشاركته

المشاركة الأصلية كتبت بواسطة OlaOsman

قبل ما "حفلة العك" تبدأ.. مش يمكن برضه يا توت ماكانش فيه مكان فاضي ساعة ما هي كانت بتركن؟

و بعدين يا توت انت معروف بعقلك الراجح.. ليه عنوان الموضوع المستفذ بالطريقة دي؟ هو يعني مافيش رجالة بتقفل على عربيات بطرق بمنتهى الغباء؟ ليه عنوان الموضوع فيه "واحدة ست"؟ ليه ما يكونش حد قفل على عربيتي النهاردة أو اتقفل على عربيتي النهاردة.. لوجه الله يا توت عشان الناس اللي هايرودا بعدك مش هايراعوا شعور حد من اخواتهم النساء في المنتدى اللي بيسوقوا.. انما تيجي منك انت يا توت؟ انت عارف ان آخر 3 مواضيع عن سواقة الستات اتقفلوا بعد خناقات و معارك و حرق دم.. جايين النهاردة نعيده ليه؟ بنحب نحرق في دم بعض ليه؟ ليه العكننة ع الصبح ليه؟

الآنسة علا ....أنا آسف أن كان العنوان ضايقك و زعلك
و كل أخواتي الزميلات على المنتدى بأعتذرلهم إن فكروا أن الموضوع فيه أي عنصرية ضد الستات
بس اللي غاظني أن أنا المعتدي عليه ........ و بقيت عمال أعتذرلها زي ما أكون عملت مصيبة
و كمان هي فوق كل ده مش عايزة تعترف بغلطتها
بس في الأخر بعد ما هديت ........ فهمتها أنها غلطانة

على فكرة ......... المكان كان فاضي في كلا الجانبين و كان عندها مكان تركن فيه بس بقى الكسل المصري ........لازم يركنوا لاصقين عند باب المكان اللي رايحين يزروه

مش حاجة تقرف بجد

بس على فكرة مش الستات بس اللي وحشين في الموضوع ده
كلنا زفت ....... ستات و رجالة
و مرة تانية مش عايز أي أخت زميلة تزعل و بأعتذرلكم يا ورود منتدانا الغالي

المشاركة الأصلية كتبت بواسطة CryptonX

قبل العك برده .

مش شايف اي مشكلة لما حدي يقول واحدة ست او واحد راجل قفل عليا .. معظم الناس في السواقة ( بقول معظم ) بيفكروا ان الستات اقل حيلة و " مكرا " في السواقة عن الرجالة .. فمواقف زي دي بتكرر كتير مع الستات اكتر انما ملهاش علاقة بشخصية السيدة نفسها .

على سبيل المثال مش اكتر .. كنت راكن سيارتي صف تاني في عباس العقاد من سنة و نصف و انا قاعد في العربية انا و 2 كمان صحابي مسنتيين واحد صاحبنا ينزل ( قدام مصر الطيران في عباس العقاد ) الشارع بالظبط 5 حارات و منهم واحدة بيتركن فيها يعني في 3 حارات جنبي غير الحارة الي انا واقف بيها ..

بدون سابق انذار .. صوت " انفجاااااار " و اتخبطت في الدركسيون و اتنطرت 10-15 متر قدام ( العربية يعني ) .

انزل الاقي ستروين C3 لابسة فيا من وراء .. بدون سائق و السيارة مقفولة .. و عربيتي اتبهدلت و انا اتعورت .. كل ده ليه ؟؟ علشان واحدة سيدة فاضلة لم تتجاوز ال 24 سنة ركنت صف تاني في اول الشارع فوق و نسيت ترفع فرامل اليد راحت العربية متجرجرة علي الطريق ( و هو منزل فعلا ) و طبها كحظي المعتاد انا الوحيد الي واقف صف تاني في المنطقة كلها !!

هل ممكن يكون راجل الي عمل كدة ؟ طبعا ممكن بكل تاكيد .. بس انا دخلت علي منتدى فيات الانجليزي بعنوان ! " واحدة بنت رزعت في عربيتي من وراء ! "

وادي صور الخبطة علشان تتخيلي مدة دهشتي و اصابتي :

الله يكون في عونك يا كريم
دي خبطة بايخة و في عضم العربية
ربنا يرحمنا جميعا و ربنا يعوض عليك يا باشا

المشاركة الأصلية كتبت بواسطة OlaOsman

يا كريم افهمني انا طبعا مصدقة توت ان اللي عملت كده واحدة ست مش باكدبه يعني، انما المفروض الأعضاء القدام زيك و زي توت يحاولوا يبعدوا عن كل ما يخلق جو من التوتر في المنتدى. انا اعتراضي على ان موضوع زي كده اتفتح بالعنوان ده هتلاقي 1000 يا مين يدخل يشتم في الستات و سواقة الستات من غير حتى ما يقرا الموضوع و لا يفهم فيه ايه و طبعا الستات اللي هنا هتتضايق.. آه هنتضايق، ما انت لو حد دخل شتم فيك هتتضايق.. متهيألي حاجة طبيعية و بشرية يعني مش أفورة.

عموما الظاهر ان الموضوع ده مافيش فايدة منه.. يعني الأعضاء الجداد اللي معندهمش خلفية عن اللي بيحصل من ورا موضوع عنوانه زي كده ليهم عذرهم، انما الأعضاء القدام اللي راسيين على كل حاجة، ليه يعرضوا زميلاتهم في المنتدى للأذى ده؟

انا فعلا اتضايقت و اتعكننت و زهقت و الحياة فيها ما يكفي من العكننة، مش ناقصة كمان المتنفس الوحيد اللي الواحد بيلجأ له يبقى هو كمان مصدر عكننة بالطريقة دي.

بعد إذنك يا كريم و يا توت انا مش هاتابع الردود في الموضوع ده و لا غيره و باعتذر لو مداخلتي حولت مسار الموضوع.. انما بصراحة بأت حاجة تزهق و اللي بنقوله بنعيده كل يوم و محدش بيقدر شعور حد و لا بيخاف على حد للأسف.

مرة تانية يا علا ......... متزعليش و أنا فاهم غضبك و متفهمه جدا و تعمدت أني أعمل أقتباس تاني لمشاركتك التانية و أقدملك فيها أعتذار تاني

المشاركة الأصلية كتبت بواسطة دموع الثلج

يا سسسسسسسسساتر يارب
:k20:
ربنا يكون فى عوووووونك على الخبطه دى

معلش قضاء اخف من قضاء قول الحمد لله انك بخير


بجد بعض السسسسسسستات حاجه مستفزه بجد بيعملوا شويه حركات تشل

بس بعيد عن موضوع بيعرفوا يسوقوا ولا مبيعرفوش
:k41:
انا بتجنن من طريقه الركنه واحيانا بحس ان العربيات اللى معاهم دى كسبوهم فى البخت او طلعت لهم جائزه فى علبه شكولاته

مش عارفه ازاى بيجى لهم قلب هووووووووووووب تلاقيها راكنه صف ثانى ويبقى قدامهم خمسين ركنه على الرصيف
او تسيب العربيه فى نص الشارع وتنزل تشترى طلباتها وترجع للمكوك الفضائى اللى معاها

وبعضهم حتى لو ركنت تبقى راكنه صفين اول وثانى متقوليش اازى تبقى وش العربيه جمب الرصيف وظهرها صف ثانى والعكس حاجه تبكى

معلش يا استاذ تووووووووت التمس لاخيك عذرا لعلها ما بتعرفش تركن اصلا
او مكنش فيه مكان معلش الحمد لله جات سليمه

ومتبقاش تزززززززززعق لواحده بدل ما ترقع بالصوت وتقولى بيتحرش وتلبسك تهمه والقانون فى صفهم دلوئتى

ربنا يستر يا دموع .........تصدقي مخدتش بالي من موضوع التحرش ده
ربنا ستر المرة دي
و المرة الجاية هاقعد زي الجزمة جنب العربية لغاية ما صاحب أو صاحبة العربية ييجي أو تيجي تخرجني
أدعيلي أمسك نفسي

بس و الله ما أزعقتش إلا لما بتلموني أنا و تقولي أنها مش غلطانة
مع أن عربياتها قافلة على عربيتي و الناس جم شهدوه و يقولولها أنتي قفلتي عليه و تقول لاءة

ده اللي غاظني و الله

و بعدين ده كل اللي قلته
أنتي أزاي سايبة الاماكن دي كلها و تقفلي علي ...... بس بزعيق شوية
و هوب الدوع نزلت و بقيت أنا اللي عمال يعتذر :k41: