حقيقه حرب اكتوبر 73

**ahmed_eng2001** · 16-11-2015 08:03 AM

المشاركة الأصلية كتبت بواسطة volociximab

نحن لا نتكلم عن نصر ساحق للمصريين
نحن نتكلم عن محصلة الحرب و هل كانت فى صالح المصريين ام لا
هل ندم المصريون على القيام بهذه الحر ام لا؟
هل كان المصريون سيقومون بهذه الحرب ولو عرفوا نتائجها ام لا؟
هل تمنى الاسرائليون هذه الحرب ام لا؟
موشى ديان فى اخر حياته قال ان هذه الحرب انهت مشواره العسكرى

مش كل الحروب بيكون فيها نصر ساحق لطرف ... و لا ما كنش اسمها حرب ... كنا سمينا .. اقتحام او احتلال مثلا

محصلة الحرب ... برضوا دى فيها كلام كتير

عارف حضرتك رأى الاسرائيليين ايه ؟؟!!!

انهم كانوا بيحاربوا دولتين كبار ( مصر و سوريا ) عام 67 فى نفس الوقت و انتصروا عليهم و توسعوا داخل اراضيهم ... و فى سنة 73 .. رجعنا لمصر الارض الى اخدناها منها ... و قفلنا الجبهة دى الى الابد !!!!

**volociximab** · 16-11-2015 08:26 AM

و بالفعل هذه هى محصلة الحربين

**msobhy** · 16-11-2015 09:34 AM

الى صاحب الموضوع
مينفعش تتناقش فى الموضوع ده لأنه من المحرمات
انا هاسأل شوية أسئله وهارد على نفسى
هل أسرائيل تلقت ضربه موجعه فى 6 أكتوبر ----- ايوه حصل
هل مصر خرجت من حرب اكتوبر بمكاسب ------ ايوه حصل
هل فيه اتفاقات تحت الترابيزه تمت ------------------------------------------- حصل

الجزء التانى من الاسئله هاضمه فى سؤال واحد
هل مصر فى خلال 6 ساعات افقدت العدو توازنه بالاضافه الى مئات الالف من القتلى والجرحى من الطرفين وتطهير مصر لسيناء بالكامل واحتمالية الوصول الى تل أبيب وركوع كل قوى العالم امام المصريين فى ملحمع تاريخيه ولا أروع ------ يمين عظيم الكلام ده كله بلح

**tkamal** · 16-11-2015 12:07 PM

طيبب ما تيجى نشوف حصاد ما بعد الحرب ومرور اكثر من 40 عام
ايه الوضع الحالى كمقارنه على الارض

**A.Saad** · 16-11-2015 12:20 PM

نص التكليف الصادر من السادات الى المشير احمد اسماعيل
محدد فيه مهام القوات المسلحة
ماتقالش فيه التحرير الجزئي للارض ولا تحرير 5 كيلو ولا غيره

الشاذلى كان بينه وبين السادات خلاف وارد جدا ان كلامه مش يكون محايد
هل فيه مستند على صحة كلام الشاذلى ؟؟؟؟؟؟؟؟؟

الثغرة كانت محاصرة ايضا فى نهاية الحرب
وجهة نظر الشاذلى بنقل قوات من الشرق للغرب حد فكر هينتج عنها ايه ؟؟؟؟
1- احتلال اسرائيل تانى للارض اللى هتسيبها القوات
2 - انخفاض القدرة النيرانية للجيش المصرى اثناء نقل القوات
3- والاهم الاثر على معنويات الجيش والمواطنين وممكن يتقال ان ده يؤدى لانسحاب شامل والروح المعنوية للمجندين تنخفض

الثغرة حدثت اى نعم
هل مصر قدرت تحجمها
حصل

سؤال لصاحب الموضوع ومؤيدى وجهة نظره ..؟؟؟؟؟؟؟؟؟
1- ليه اسرائيل مكملتش احتلال اراضى بعد الثغرة وكملت للقاهرة الى اخره
2 - وليه مادخلتش اسماعيلية ؟؟؟؟؟؟؟؟؟؟؟؟؟

**volociximab** · 16-11-2015 12:36 PM

ترلتيت

**volociximab** · 16-11-2015 12:51 PM

بعد اكثر من اربعين عاما علي الحرب يبقي الصراع علي احد اهم مكتسباتها الا هو الشق المعنوي
الصراع بين فكرة انك بأقل الامكانيات ممكن تنتصر مقابل فكرة انك مهما فعلت ستفشل و تنهزم
هذا الجانب مهم جدا لاسرائيل...انظر الي الخريطة ستجد اسرائيل دولة ضئيلة جدا وسط اعدائها
انظر الي موقع القدس ستجدها قريبة جدا جدا من الحدود الاردنية فالجانب النفسي مهم اسرائيل لعمل ما يشبه الباب
الذي قال بنو اسرائيل ان فيها قوما جبارين و انا لن ندخلها حتي يخرجوا منها
خصوصا في فترتنا هذه التي اضطربت فيها قوي العالم و لاحت معركة هائلة في الافق اشد دموية و اكثر اتساعا ربما كانت هذه المعركة مسرحا اسرائيل و ما حولها

**ahmed_eng2001** · 16-11-2015 01:43 PM

المشاركة الأصلية كتبت بواسطة a.saad

نص التكليف الصادر من السادات الى المشير احمد اسماعيل
محدد فيه مهام القوات المسلحة
ماتقالش فيه التحرير الجزئي للارض ولا تحرير 5 كيلو ولا غيره

الشاذلى كان بينه وبين السادات خلاف وارد جدا ان كلامه مش يكون محايد
هل فيه مستند على صحة كلام الشاذلى ؟؟؟؟؟؟؟؟؟

الثغرة كانت محاصرة ايضا فى نهاية الحرب
وجهة نظر الشاذلى بنقل قوات من الشرق للغرب حد فكر هينتج عنها ايه ؟؟؟؟
1- احتلال اسرائيل تانى للارض اللى هتسيبها القوات
2 - انخفاض القدرة النيرانية للجيش المصرى اثناء نقل القوات
3- والاهم الاثر على معنويات الجيش والمواطنين وممكن يتقال ان ده يؤدى لانسحاب شامل والروح المعنوية للمجندين تنخفض

الثغرة حدثت اى نعم
هل مصر قدرت تحجمها
حصل

سؤال لصاحب الموضوع ومؤيدى وجهة نظره ..؟؟؟؟؟؟؟؟؟
1- ليه اسرائيل مكملتش احتلال اراضى بعد الثغرة وكملت للقاهرة الى اخره
2 - وليه مادخلتش اسماعيلية ؟؟؟؟؟؟؟؟؟؟؟؟؟

محدش بيشكك فى توجيه السادات لوزير دفاعه عن مهام القوات المسلحة .... التفاصيل من اختصاص وزير الدفاع و القادة .... و توقفهم عند مرحلة معينة ... من مقتضيات الظروف ... و تغيرها يتم من تغير الظروف ... هدف القوات المسلحة العام هو تحرير سيناء بالكامل ... و ملهمش دعوة بالقيادة السياسية بتفكر فى ايه ... لو القيادة بلغتهم بتغير المهام ... يغيروا المهمة بتاعتهم

اعتقادى الشخصى ... بالفعل ممكن يكون الشاذلى متحامل شوية على السادات ... فقصته ممكن تكون فيها نوع من عدم الحيادية ..... طيب ..

فين رد السادات على افتراءات الشاذلى ؟؟
رأى الجمسى ... الى كان ميال فيه بشكل غير صريح لرأى الشاذلى
طلب الشاذلى بعمل تحقيق شامل للجميع ... و هو اولهم ... و يتم التحقيق مع الكل ... بما فيهم السادات ... بما كان يعرف بلجنة تقصى الحقائق ... و لم تتم

تعليق بسيط .... الثغرة لم تكن محاصرة فى نهاية الحرب !!!!!! عاوز شرح حضرتك ازاى كانت محاصرة ؟؟!!! علشان على حسب معلوماتى .... الجيش الثالث شرق القناه ... الثغرة غرب القناة ... الطريق مفتوح من الجنوب ... و من الغرب

حضرتك فيه نقط مخدتش بالك منها فى كلامى ( وجهة نظر الشاذلى ) عن التصدى للقوات الموجودة غرب القناة

فكرته .. سحب 3 الوية من النسق الثانى ( من غير النسق الاول ) ..... الى هى ملهاش مواجهة مع العدو مباشرة ..... احتياطى القوات المقاتلة ... و تحريكهم للغرب للتعامل مع لواء واحد مشاة ميكانيكى

فالقوات دى مش بتقاتل ... ممكن حضرتك تطلع على مذكرات الشاذلى .... و كان فيه لقاءات معاه على اليوتيوب ... بيشرح الموضوع ده بمزيد من الشرح

القدرة النيرانية ..... لايه بالظبط ؟؟ للمدفعية ؟؟ و لا للقوات الجوية ؟؟ و لا للقوات الى بترجع ؟؟؟
و لا واحدة من دول حتقل ... لآن تحريك القوات بيتم داخل اراضى مسيطر عليها الجيش المصرى .... يعنى المفعية او الطيارات لما تيجى تضرب ... حتضرب ابعد من اماكن وجود النسق الاول

معنويات القوات المسلحة يتحكم فيها الشئون المعنوية ..... و بعدين الجنود مش بيعرفوا اوامر التحركات لغيرهم .....

ليه اسرائيل مكملتش للقاهرة ؟؟؟؟ سؤال وجيه جدا ... و محتاج للكثير من البحث فيه ... الى حصل فعلا انهم مكملوش للقاهرة
مش حجاوب حضرتك ببعض الاراء المتطرفة الى قرأتها عن تفسير الموضوع ده .. لآنى مش مقتنع بيها حتى الان ... الا انها تحت الدراسة

ليه مدخلوش الاسماعيلية ؟؟ حاولوا يدخلوها بالفعل ... و وجدوا الكثير من المقاومة و عدلوا خطتهم تماما و اتجهوا الى السويس .... و بالفعل دخلوا السويس ... و وجدوا مقاومة كبيرة و اضطروا انهم يخرجوا منها .. و يكتفوا بحصارها .... و كتائب الصاعقة ... بعض فرق المظلات ليهم دور كبير فى التصدى لاحتلال السويس ... و لا ننسى دور اهالى السويس و المقاومة الشعبية من ناس مدنية و بسيطة ... و مع ذلك مرضوش يتفرجوا على الناس و هى بتقاتل و هما واقفين بيتفرجوا

سؤال ... هما ليه مكملوش شمالا بدل جنوبا ؟؟؟؟ يعنى يحاصروا بورسعيد بدلا من السويس ؟؟ !! حقيقة انا معرفش !!!!

متابع معاك

الموضوع: حقيقه حرب اكتوبر 73

LinkBack

أدوات الموضوع

عرض

-

-

-

-

-

المواضيع المتشابهه

حقيقه ولا افتكاسه كهربائى!!!!

اسعار حقيقه ولا كذب

سرقة الاطفال حقيقه

حقيقه صغيره

الكلمات الدلالية لهذا الموضوع

المفضلات

المفضلات

ضوابط المشاركة