الموضوع: حقيقه حرب اكتوبر 73

المشاركة الأصلية كتبت بواسطة volociximab

بعد اكثر من اربعين عاما علي الحرب يبقي الصراع علي احد اهم مكتسباتها الا هو الشق المعنوي
الصراع بين فكرة انك بأقل الامكانيات ممكن تنتصر مقابل فكرة انك مهما فعلت ستفشل و تنهزم
هذا الجانب مهم جدا لاسرائيل...انظر الي الخريطة ستجد اسرائيل دولة ضئيلة جدا وسط اعدائها
انظر الي موقع القدس ستجدها قريبة جدا جدا من الحدود الاردنية فالجانب النفسي مهم اسرائيل لعمل ما يشبه الباب
الذي قال بنو اسرائيل ان فيها قوما جبارين و انا لن ندخلها حتي يخرجوا منها
خصوصا في فترتنا هذه التي اضطربت فيها قوي العالم و لاحت معركة هائلة في الافق اشد دموية و اكثر اتساعا ربما كانت هذه المعركة مسرحا اسرائيل و ما حولها

حضرتك حطيت ايدك على احد النقاط الهامة جدا ..... الى من المفروض اننا نبروزها و نعلمها لاولادنا فى المدارس ...
الايمان ...و العمل ... التفكير المنظم .. حسن استعلال الموارد

و ياريت بالمرة .... نشوف ايه نقاط ضعف الشخصية و المجتمع المصرى ... و نضغط عليها شوية .. و نهتم بيها

و بالمرة ... متنساش المكتسبات المادية ... انا طماع شوية .... و تتحلل هى كمان .. و نقارن الاثتنين ببعض

رأى يستحق الاحترام
تقبل تحياتى و احترامى

المشاركة الأصلية كتبت بواسطة ahmed_eng2001

بالطبع انا مش حاخد كلام جولدا مائير موضع ثقة .... علشان انا عارف انهم بيبالغوا ..... و لكن ... فيه صور كتيرة .. ليها و هى فى مطار السويس !!!! و متصورة جنب طيارات مصرية متدمرة .... و اخرى سليمة .... المصيبة انها مش لوحدها .... ده متصور معاها عدد كبير من الجنود !!!!!!
ده غير صور لجنود اسرائيليين و هما راكبين على صواريخ سام !!!
و صور اخرى لجنود اسرائيليين و هما واخدين اسرى .. و شكلهم باين اوى انهم مصريين .. و فى اراضى زراعية ... مش فى الصحراء .. ده غير صور الجنود الاسرى المصريين

و على فكرة ... هى ماقلتش ان مصر دخلت تل ابيب ... قالت حيدخلوا تل ابيب

ممكن نقول ان الولايات المتحدة هى الى مدت اسرائيل بصور الجيش التانى و الثالث ... و وجود فاصل ما بينهم حاجة عادية جدا .... الغريب ان اسرائيل حاولت انها تطوق الجيش التانى من الثغرة دى و معرفتش ... و كان فيه معركة مشهورة اسمها معركة المزرعة الصينية ... بعد كدة قاموا بتغيير الخطة و تكملة اختراق المساحة الفاصلة بين الجيشين

بالمناسبة ... انا مش بتكلم فى الموضوع علشان اطلع بقرار و رأى اخير و نهائى لحرب اكتوبر ...

ما اريده ... ان يتم تقييم كل فترة على حدة ... و معرفة اثارها الايجابية و السلبية .... و البعد عن الميل العاطفى ... و محاولة البحث عن ادلة مادية ... و الموضوع ده مش سهل

سؤال لحضرتك ... ايه معايير تقييمك لمراحل الحرب ؟!!
يعنى حضرتك بتقيمها بنتائجها ... و لا بعدد ايامها .... و لا بكمبة الاحداث الى حصلت فيها ؟؟ و لا بعدد الشهداء الى ماتوا فيها ؟؟؟ !!!

لو الثغرة اخدت اكبر من حجمها .... فده للنقاط الى ذكرتها فى التقييم ... السياسة ... دورها جاى ..

كلامك عن السادات انه كان مستعجل علشان يبين انه احسن من عبد الناصر ..... يوديه فى داهية ... و يدينه و لا يبرأه .... و انا ارى ان السادات عمل كدة لأسباب تانية كتير .... مش منها انه عاوز يكون افضل من عبد الناصر

المفاوضين المصريين ؟!!!! الى هما كان منهم وزير الخارجية و السادات نفسه ؟؟!! دول افضل ناس فى مصر ... و انا متأكد انهم عملوا كل الى عليهم ...
فيه حاجات اهم من المفاوضين ... الواقع على الارض اخباره ايه ... و شرحت فى عجالة اخبار الوضع على الارض كان عامل ازاى

المانيا خسرت الحرب .... علشان كدة الحلفا وضعوا شروطهم

ايه الى ميخليش اسرائيل تعرف تحافظ على سيناء ؟؟؟ ... هى حافظت عليها 6 سنوات ... و ممكن تعرف تحافظ عليها لو استولت عليها تانى

و بالطبع حنتكلم عن الدروس المستفادة ان شاء الله .....
بس الاول ... نعرف ايه الى حصل فى الفترة من 6 اكتوبر لغاية 24 .... و بعدين ممكن نتكلم عن الدروس المستفادة ... و نحاول نكون غير عاطفيين ... و موضوعيين


هناك

ياباشا انت عاوز توصل لايه
انت عاوز تبني معركة حرب كاملة علي معركة واحدة
وانا بقولك العكس تفيد ايه معركة وسط حرب كاملة
ولما الطريق كان مفتوح للقاهرة مخدوش بعضهم علي القاهرة ليه
ده اسلوب حرب غربي امريكي بمعني الكلمة
ان تحقق انتصار في معركة واحدة افضل من لاشي
واحب اقولك ان اتصالات امريكا مع مصر كانت لوقف الحرب
كانت في نفس يوم 6اكتوبر والسادات مردش علي تليفونات كتير
السادات وقع في اخطاء كتير
وكذلك القادة بتوعة
لكن ده ميعطيش مبرر ان مصر خسرت او اسرائيل انتصرت في 73
انت عارف اسرائيل عاوز توصل لايه من نقاشات زي دي ان مصر كسبت في الاول
واسرائيل كسبت بعدين وبالتالي الوضع لاهزيمة لاانتصار - وضع تعادل وهم بيقولو كدا
تخيل انهم عاوزين يرسخو مبدا اللاهزيمة في الحرب دي مع انهم في 67 كانو بيتافخرو بالانتصار
الوضع اللي احتلت فيه سيناء كان صعب التكرار
جيش مهزوم منكسر مشرد فيه فيه سلاح علي قيد الحياه- حرب استنزاف تقوم بها اسرائيل يوميا
لضرب المصانع والمطارات وكسر الروح المعنوية عند الشعب والجيش
بعد مامصر جهزت الوضع اختلف وبدات مصر في حرب الاستنزاف

المشاركة الأصلية كتبت بواسطة alysalim

ياباشا انت عاوز توصل لايه
انت عاوز تبني معركة حرب كاملة علي معركة واحدة
وانا بقولك العكس تفيد ايه معركة وسط حرب كاملة
ولما الطريق كان مفتوح للقاهرة مخدوش بعضهم علي القاهرة ليه
ده اسلوب حرب غربي امريكي بمعني الكلمة
ان تحقق انتصار في معركة واحدة افضل من لاشي
واحب اقولك ان اتصالات امريكا مع مصر كانت لوقف الحرب
كانت في نفس يوم 6اكتوبر والسادات مردش علي تليفونات كتير
السادات وقع في اخطاء كتير
وكذلك القادة بتوعة
لكن ده ميعطيش مبرر ان مصر خسرت او اسرائيل انتصرت في 73
انت عارف اسرائيل عاوز توصل لايه من نقاشات زي دي ان مصر كسبت في الاول
واسرائيل كسبت بعدين وبالتالي الوضع لاهزيمة لاانتصار - وضع تعادل وهم بيقولو كدا
تخيل انهم عاوزين يرسخو مبدا اللاهزيمة في الحرب دي مع انهم في 67 كانو بيتافخرو بالانتصار
الوضع اللي احتلت فيه سيناء كان صعب التكرار
جيش مهزوم منكسر مشرد فيه فيه سلاح علي قيد الحياه- حرب استنزاف تقوم بها اسرائيل يوميا
لضرب المصانع والمطارات وكسر الروح المعنوية عند الشعب والجيش
بعد مامصر جهزت الوضع اختلف وبدات مصر في حرب الاستنزاف

انا ذكرت انا عاوز اوصل لآيه فى اكتر من مشاركة ... بس حضرتك ما اخدتش بالك ....

تقييم كل فترة على حدة .... ادلة مادية ... نتائج ... نقاط سلبية .. نقاط ايجابية

عذرا ... حضرتك تقصد بالحرب الكاملة حرب اكتوبر ؟ و المعركة الواحدة هى معركة الثغرة ؟؟ ياريت حضرتك توضح النقطة دى

و برضو لو حضرتك اخدت بالك من كلامى ... انا لسة موصلتش لمرحلة التكهنات ... و ليه هما معملوش كدة ... دى درجة اعلى شوية فى البحث .. و لا اخفيك سرا .... انا لسة موصلتش للمرحلة دى من البحث
السياسة جزء منفصل عن الى بتكلم فيه ...
و ممكن انى اقول لحضرتك على كلام مختلف تماما عن الى حضرتك قلته ... و برضو حصل .. و انقل لحضرتك الجانب الامريكى قال ايه عن المباحثات ... و ندخل فى رمحلة صدق و كذب و نقل اخبار بدون التحقق منها ... و بعد التحقق منها تكون وجهة نظر .. و غير مبنية على تحليل .. و هكذا

انا مجنب الحاجات دى و المفاوضات الان .. علشان انا معنديش ادلة ... او شبه حقائق عن كدة

السادات وقع فى اخطاء كتير و القادة بتوعه كمان ...!!! ايوة .. زى ايه مثلا .... ؟؟؟
نعرف الاخطاء دى و نحللها .... احتمال السادات كان عنده رأى ... ممكن يكون خطأ او صواب ... امال حنتعلم ازاى ؟؟؟!!!!!!

انا لم اقل على الاطلاق ان مصر خسرت حرب 73 ... و لا ان اسرائيل كسبت ... لا تحمل كلامى اكثر مما يعنى ... كلامى واضح جدا و محدد ... و انا لا اخفى اى وجهات نظر او توجهات

و بالمرة ... اسرائيل ما قلتش ان مصر كسبت فى الاول خالص كمان .... دول قالوا ان المصريين عبروا القناة و دمروا الفاعات الى عاملينهالهم ( خط بارليف ) .. و احنا كمان عبرنا قناة السويس عندهم ... و اسرنا ناس كيتير ... و كان بينا و بين القاهرة اقل من 100 كيلو ... انما قواتهم كان بينها و بين تل ابيب 500 كيلو ... و بعد المفاوضات ... اشترطنا عليهم ميعملوش كدة تانى و رجعنالهم الارض الى اخدناها منهم فى 67 ....
كلام يفقع المرارة .... خلى الكلام ده على جنب ... رأيهم و هم احرار فيه .. احنا عندنا رأى تانى و وجهة نظر تانية

و هما عاوزين يرسخوا حاجات كتير فى عقول كل جيرانهم .. مش احنا و بس ...
بالمناسبة ... المفروض كمان نتعلم حاجات كتير منهم ...طريقة تفكيرهم .... اسلوب الدعاية العالمية ... لبس الحق بالباطل و طرق اظهار ده ..... و مش حنتعلم غير لما ندرس و نذاكر كويس ... و انا ما قلتش نختلط بيهم

مصطلح حرب الاستنزاف ده مصطلح مصرى .... يعنى احنا الى بدعناه .... و كان يهدف الى جعل العدو يعرف ان وجوده مش ببلاش ... و نخليه يخسر طول ما هو قاعد فى مكانه
الغارات الى كانت بتقوم بها اسرائيل ... الهدف منها اولا الخسارة المادية لمصر .... و كمان كسر العزيمة و الارادة ... بتعظيم حجم العدو
العساكر كانوا فاكرين الاسرائيليين دول ليهم 3 دراعات و راسين و 4 عيون .... انا ببالغ شوية ... بس العساكر كانوا فاكرين ان الجندى الاسرائيلى لا يقهر ... و ناس طول بعرض .. و مولودين فى خندق ... و بيحاربوا بقالهم سنين .... و حاجات شبه كدة

انا معرفتش برضو انت عاوز ايه؟
عاوز الحرب ككل النتيجة واضحة كالشمس في كبد السماء
عاوز تحلل الثغرة انا معنديش معلومات غير اللي اتنشر
كان فيه اخطاء - كان اخطاء بالهبل اهمها توسيع القتال في اتجاه المضايقد
اللي عمل الثغرة دي
اسرائيل استغلت الثغرة ايوا احسن استغلال وولولاها لكانت اسرائيل تتجرع مرارة الهزيمة
ولربما كانت سوريا انتصرت في حربها لان الثغرة اجبرت مصر علي قبول شروط وقف القتال
خوفا من زيادة الخسائر وانهيار الجيش زي ماقلت ودخول امريكا في الحرب لحماية اسرائيل
كان بينهم وبين القاهرة 100كم ماشي بس ده اخرهم
بينا وبين تل ابيب 500 كم بس ايوا وكنا هندخلها
مصر اتعرضت لخسائر ايوا خسائر كتيرة خصوصا بعد دخول الجيش الامريكي علي الخط وامدادة لحليفه الاسرائيلي بالويه امريكية اسرائيلية من الجيش الاسرائيلي
الطيران الامريكي شارك في القتال ايوا غير مستبعد قتاله في جانب اسرائيل
هل شارك قاده امريكان في ادارة المعركة ايوا شاركو من امريكا ومن تل ابيب ومن سينا
الاسرائيلين تلقو ضربة كان وبيجهزو علي اثرها الهروب من اسرائيل ايوا
الجيش المصري كان فيه عيوب كتير ولسه موجوده
الجيش المصري غير محترف نعم وينقصة الكثير من التدريب لكنه يتقن تماما الشجاعة وبسالة القتال
الجيش الاسرائيلي محترف ايوا لكنه تقنيا بس يعني علي الورق كثير التدريب ضعيف العزيمة
الغرب واسرائيل افضل في ادارة المعارك الدعائية ايوا ويجيدو استغلال الثغرات والفرص
المصريين نادرا ما يقتنصو الفرص
علاج مصر ايه ؟ التعليم وارساء العدل

المشاركة الأصلية كتبت بواسطة ahmed_eng2001

انا ذكرت انا عاوز اوصل لآيه فى اكتر من مشاركة ... بس حضرتك ما اخدتش بالك ....

تقييم كل فترة على حدة .... ادلة مادية ... نتائج ... نقاط سلبية .. نقاط ايجابية

عذرا ... حضرتك تقصد بالحرب الكاملة حرب اكتوبر ؟ و المعركة الواحدة هى معركة الثغرة ؟؟ ياريت حضرتك توضح النقطة دى

ده الى انا عاوزو

و من مشاركة اخرى ....
الايمان ...و العمل ... التفكير المنظم .. حسن استعلال الموارد

و ياريت بالمرة .... نشوف ايه نقاط ضعف الشخصية و المجتمع المصرى ... و نضغط عليها شوية .. و نهتم بيها

و بالمرة ... متنساش المكتسبات المادية ... انا طماع شوية .... و تتحلل هى كمان .. و نقارن الاثتنين ببعض

و ده من مشاركة اخرى

.. المفروض كمان نتعلم حاجات كتير منهم ...طريقة تفكيرهم .... اسلوب الدعاية العالمية ... لبس الحق بالباطل و طرق اظهار ده ..... و مش حنتعلم غير لما ندرس و نذاكر كويس ... و انا ما قلتش نختلط بيهم

من مشاركة احد الاخوة الافاضل ....
الصراع بين فكرة انك بأقل الامكانيات ممكن تنتصر مقابل فكرة انك مهما فعلت ستفشل و تنهزم

نتيجة الحرب ككل ... دى حاجة مش حنستفيد منها كتير .... على اد ما ممكن نستفيد من كل نحليل كل فترة منفصلة ... فيه حاجات مكملة مع بعض .... بس على اد ما نقدر نقطع الاحداث علشان نعرف نفصفصها كويس ... و نعرف نستفيد منها

معلوماتى عن الثغرة برضو من الى اتنشر .... و من بعض حكايات ناس كانت فى القوات المسلحة فى الفترة دى .... و بعض القصص المنقولة تواترا عن بعض الاحداث

الاخطاء الى حصلت نعرف نستفيد منها ازاى ؟؟ ... و على فكرة ... انا بتكلم بصفة عامة ... يعنى انا مش بقول لحضرتك انك تجاوب او انك تطلع الاخطاء و تعرب ما تحته خط و الكلام ده ... انا بتكلم عن الفكرة بصفة عامة ... لما تكون عندى مشكلة ... اعرف احللها ازاى !!!!

فيه نقطة مهمة ... احنا كان اخرنا ... ال 12كيلو بتوع حائط الصواريخ .... يعنى .. مكانش حينفع اننا ندخل تل ابيب زى ما حضرتك ذكرت .... و ده لو فرضنا ان اسرائيل معندهاش احتياطى .... علشان الغطاء الجوى
حضرتك مش واخد بالك ان فيه 4 الوية كانوا فى الثغرة ؟؟؟ دول كانوا موجودين فين ؟؟

تطوير الهجود شرقا .. و الى خسرت فيه مصر لواء مدرعات تقريبا على محور العريش .... و كمان خسرنا دبابات كتير فى وسط سيناء .... نتيجة تمركز الدبابات الاسرائيلية و اختباءها بين التلال
دروس مستفادة اهه

تزويد امريكا بالاسلحة .... حدث و لا حرج .... احد الطيارين لاى كانوا فى الحرب بيقولى .. انه اول مرة يشوف الطائرات المموهة ... بطنها مدهونة ازرق زى السماء .... و ظهرها اصفر زى الرمال
و اول مرة يشوف حاجة اسمها الصواريخ الموجهة و القنابل التليفزيونية
الاكتر من كدة .... اطقم الصيانة .... المتطوعين ( المرتزقة ) كل ده كان موجود بعد اول ايام من بدأ الحرب

انا بعترض على كلمة حضرتك ان الجيش المصرى غير محترف .... ارجو من حضرتك التوضيح اكتر

و موافق جدا على موضوع التعليم و ارساء العدل و الحق
متابع معاك

المشاركة الأصلية كتبت بواسطة far!d

ممكن اقولكم على نصيحه بسيطه و اسمعوها مني
لان الموضوع ده مليان مغالطات للصبح
ادخلوا على الموقع
المجموعة 73 مؤرخين - الــصـفـحـة الـرئيسيــة
او جروب الفيس بوك
https://www.facebook.com/groups/group73historians/
حتلاقوا ناس فاهمه بجد و تعرف ترد على اي استفسار ده عير الوثائق اللي معاهم

مشكور على النصيحة ... المجموعة 73 مؤرخين من المقالات الجيدة جدا

تقدر تقول محترف جزئيا او ينقصه الكفاءات
انضمام افراد قليلي التعليم منخفضي الكفاءه للجيش قلل من قدرات الجيش
لكن لايمنع انه جيش واثق من نفسه يضم بين اركانه كفاءات من احسن الكفاءات الحربية في العالم
لكن انخفاض كفاءت الجندي دي اللي تخوف ودي اعتقد السيسي بيحاول يعالجها عن طريق التدريب
الخدمة المدنية للجيش مش عارف تاثيرها ايه علي قدرات الجيش لكن ناس كتير بتنتقدها
بخصوص الكفاءه مذكرات حرب الخليج للامريكان ذكرت المعلومة دي ولولا هروب الجيش العراقي كانو الامريكان تكبدو خسائر كبيرة بسبب بطئ تقدم الجيش المصري للكويت
ع العموم اتمني اشوف الجيش المصري اعظم جيش في العالم يحمي مصر والمصريين ويحفظ السلام في العالم