حقيقه حرب اكتوبر 73

**الفجر** · 15-11-2015 12:38 PM

شوف حتى لو لا قدر الله اتهزمنا بل وحتى ما قدرنا نعبر القناة اصلا ........... يكفى انك حاولت وعملت اللى عليك وكان عندك ارادة شعوب المتقدمة انك تحرر بلدك فتحية لهم جمبعا مع تقبيل تراب ارجلهم وايدي كل جندى شارك فى عبور القناة وهو عارف انة رايح ومش راجع

وحتى لو تم ابادة اخر جندى عندك............ فيكفى فخرا انك قتلت بشجاعة ومرؤة ومت وانت فى ميدان القتال اهوة احسن ما تموت فطيس فى حادث عربية ولا سيول

**Mecha** · 15-11-2015 12:54 PM

المشاركة الأصلية كتبت بواسطة ahmed_eng2001

صديقى اللدود المهندس ميكا :)

فيه برنامج جامد جدا اسمه تحقيقات حوادث الطائرات ... اكيد حضرتك متابعه نظرا لعملك فى المجال سابقا ... التحقيقات بتحصل علشان نحاول نطلع ببعض اسباب حدوث الحادثة ... و الاستفادة من الاخطاء التى فى الغالب بتكون غير مقصودة .... و محاولة تجنب حدوثها فى المستقبل ...

نفس الى بيحصل فى التاريخ .... الناس بتحاول تدور و تبحث و تطلع بنظريات و تمشى فيها ... و تكتشف بخطأ هذه النظريات .. و ثم تقوم بالرجوع عنها .... و افتراض نظريات اخرى .. و البحث فيها ... و هكذا

فى تاريخنا الفراعونى/العربى/الحديث .... ستجد الكثير من النقط التى يجب دراستها و البحث فيها

اليومين دول فيه برنامج على قناة history بيتكلم عن مقتل هتلر .. و جثته فين .. الكثير من النقاط الغامضة

الاجانب مقتنعين تماما ان الى بنى الاهرامات كائنات فضائية ..... الرد عليهم يكون عن طريق بحث و اثباتات و حقائق

ان شاء الله مفيش عالم للشك و الضلالات طالما بتعرف تربط الاحداث و بتفكر بطريقة مرتبة

اخي العزيز بشمهندس احمد اشكرك جدا
التشكيك عن حرب ٧٣ سمعته من عرب من قبل وللاسف دخلو مصر لجوء قبل ميروحوا بلاد اخري ، وحسيت بكم الكراهيه والحقد لمصر.
الحرب حديثه ويمكن مفيش بيت فيكي يا مصر ملوش شهيد او مجند في الحرب
الارض موجوده ع الطبيعه ، سينا مفهاش عساكر اسراءيليين والشاذلي شهد بالحق رغم اختلافه مع السادات
احترم رايك في البحث رغم القياس مع الفارق ، مهش وفاة شخص فرد
الالاف المهوله اللي استشهدت ربنا طعمهم خير بنصر من عنده
واكون موتًور لعين لو شككت في جهدهم.في كل الحروب تكتيكات واخري مضاده واخطاء واختلافات
والحرب كر وفر وان تخسر موقعه ولا حاجه ، العبره بالنتاءج -الارض المستعاده.
ملاحظه: في نقطة الاهرامات، ممكن البعض يظن ذلك وناس ادعوا بنيت بسخرة بني اسراءيل لكن البرديات ومظاهر العصر
الفرعوني الاخري دامغه وبشهادة علماء مصريات اجانب.

تحياتي

**ahmed_eng2001** · 15-11-2015 01:31 PM

المشاركة الأصلية كتبت بواسطة Mecha

اخي العزيز بشمهندس احمد اشكرك جدا
التشكيك عن حرب ٧٣ سمعته من عرب من قبل وللاسف دخلو مصر لجوء قبل ميروحوا بلاد اخري ، وحسيت بكم الكراهيه والحقد لمصر.
الحرب حديثه ويمكن مفيش بيت فيكي يا مصر ملوش شهيد او مجند في الحرب
الارض موجوده ع الطبيعه ، سينا مفهاش عساكر اسراءيليين والشاذلي شهد بالحق رغم اختلافه مع السادات
احترم رايك في البحث رغم القياس مع الفارق ، مهش وفاة شخص فرد
الالاف المهوله اللي استشهدت ربنا طعمهم خير بنصر من عنده
واكون موتًور لعين لو شككت في جهدهم.في كل الحروب تكتيكات واخري مضاده واخطاء واختلافات
والحرب كر وفر وان تخسر موقعه ولا حاجه ، العبره بالنتاءج -الارض المستعاده.
ملاحظه: في نقطة الاهرامات، ممكن البعض يظن ذلك وناس ادعوا بنيت بسخرة بني اسراءيل لكن البرديات ومظاهر العصر
الفرعوني الاخري دامغه وبشهادة علماء مصريات اجانب.

تحياتي

ربنا يكرمك ... القلوب عند بعضها ... سؤال فى المتدارى كدة قبل ما حد ياخد باله .... ضغط طرمبة الهيدروليك الى على الاوناش المتحركة 50 طن ... ممكن يوصل لكام ؟! telescopic crane

انا شفت ناس كتير جدا بتشكك فى حرب اكتوبر ... لمجرد التشكيك ... رأيهم سمعته و دورت عليه ... و لم اجد له اصل .... فكلامهم مش محل تصديق
و زى ما حضرتك ذكرت ... حداثة حرب اكتوبر الى حد بعيد ... و ده يخلى الواحد يدور و يبحث اكتر لمعرفة الاحداث

موضوع الارض المستعادة ..... ده برضو فيه كلام كتير ... نوصله فى وقته ان شاء الله
النقطة المهمة .... ايه الى حصل بداية من يوم 13 اكتوبر .... فيما عرف بتطوير الهجوم ... ليه و ازاى ؟؟!! و نبدأ نتكلم عن الناس الى استشهدوا بطريقة مختلفة شوية .... و ايه الاسباب البشرية الى حصلت !!!!!
موضوع سخرة بنى اسرائيل دى بسيطة ... و ردها التاريخى واضح للجميع .. انما الموضوع الى محتاج لبعض الاثباتات الفعلية ... موضوع الكائنات الفضائية ده

**Mecha** · 15-11-2015 01:40 PM

المشاركة الأصلية كتبت بواسطة ahmed_eng2001

ربنا يكرمك ... القلوب عند بعضها ... سؤال فى المتدارى كدة قبل ما حد ياخد باله .... ضغط طرمبة الهيدروليك الى على الاوناش المتحركة 50 طن ... ممكن يوصل لكام ؟! Telescopic crane

انا شفت ناس كتير جدا بتشكك فى حرب اكتوبر ... لمجرد التشكيك ... رأيهم سمعته و دورت عليه ... و لم اجد له اصل .... فكلامهم مش محل تصديق
و زى ما حضرتك ذكرت ... حداثة حرب اكتوبر الى حد بعيد ... و ده يخلى الواحد يدور و يبحث اكتر لمعرفة الاحداث

موضوع الارض المستعادة ..... ده برضو فيه كلام كتير ... نوصله فى وقته ان شاء الله
النقطة المهمة .... ايه الى حصل بداية من يوم 13 اكتوبر .... فيما عرف بتطوير الهجوم ... ليه و ازاى ؟؟!! و نبدأ نتكلم عن الناس الى استشهدوا بطريقة مختلفة شوية .... و ايه الاسباب البشرية الى حصلت !!!!!
موضوع سخرة بنى اسرائيل دى بسيطة ... و ردها التاريخى واضح للجميع .. انما الموضوع الى محتاج لبعض الاثباتات الفعلية ... موضوع الكائنات الفضائية ده

الضغوط ممكن من ٢٥٠ - ٣٥٠ بار
الرفرنس الكتالوج لو هتظبط ضغوط
لان في شركه بتصغر البساتم وتكبر الضغط او العكس
ودا العمومي وفيه ضغط البيلوت ودا في رينج ٢٠- ٢٥ بار
تحياتي

**ahmed_eng2001** · 15-11-2015 01:45 PM

المشاركة الأصلية كتبت بواسطة الفجر

شوف حتى لو لا قدر الله اتهزمنا بل وحتى ما قدرنا نعبر القناة اصلا ........... يكفى انك حاولت وعملت اللى عليك وكان عندك ارادة شعوب المتقدمة انك تحرر بلدك فتحية لهم جمبعا مع تقبيل تراب ارجلهم وايدي كل جندى شارك فى عبور القناة وهو عارف انة رايح ومش راجع

وحتى لو تم ابادة اخر جندى عندك............ فيكفى فخرا انك قتلت بشجاعة ومرؤة ومت وانت فى ميدان القتال اهوة احسن ما تموت فطيس فى حادث عربية ولا سيول

لى بعض الملاحظات على كلام حضرتك ...

فيه بعض الحاجات الاساسية الى لازم تتغير فى طريقة التفكير ..... على سبيل المثال
....
موضوع يكفى شرف المحاولة ده .... ده فى مضمونه يدعو الى التكاسل .. لا يكفى انك عملت الى عليك دى و تسكت ..... لازم تعمل اكتر و اكتر ... الى ان تحقق المطلوب ... عملته بعد سنة .... سنتين ... 10 سنوات ... هنا بس اسمك عملت الى عليك ... انا بتكلم بصفة عامة

ارادة شعوب متقدمة ... احنا يا فندم من الشعوب المتقدمة ( المفروض ) .... امال ارثنا التاريخى الى مفيش حد فى العالم تقريبا عنده زى التاريخ ده يعتبر ايه ؟؟!!! تاريخ من ايام ما كنا متقدمين ... يخلى عندنا ارادة شعوب متقدمة .. و خبرات كثيرة جدا تمكنا من تحدى اى مشكلات و التغلب عليها

مفيش مجال للنقاش ... على شرف و تضحية و فداء الجندى المصرى ... بس البحث و الدراسة بعيدين شوية عن العواطف و الميول الشخصية ... و دى حاجة تانية من المستحب انها تتغير ... اشراك العاطفة فى الحكم العقى على الاشياء ...

متابع مع حضرتك

**م أحمد** · 15-11-2015 02:11 PM

من فترة كان فيه استفسار من بروفايل جديد لانج بيقول انها واحدة عايزة تعرف معلومات عن خطيبها اللى فى احد مراكز تدريب الجيش.... مع العلم ان اخوها رائد دفاع جوى بس عايزة تتاكد... و الإدارة مشكورة حذفت الموضوع

دلوقتى نقاش حول حرب 73 هل هى نصر ام هزيمة لمصر ؟ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!

دا باعتبار ان احنا اجيال جديدة الأمور قد تكون التبست عليها بمرور الزمن ؟

أنا دورت فى مشاركات الأستاذ خالد " الشاذلى " على مشاركاته فى المنتدى... 3 صفح مواضيع مكتوبة و 9 صفح مواضيع مشاركات لم أجد مشاركة واحدة...و أكرر واحدة فى مجال السيارات

**sting_2010** · 15-11-2015 03:27 PM

فى 1967 هزمتنا اسارئيل هزيمة مذلة وسيطرت على سيناء بالكامل .

فى 1973 هزمنا اسرائيل هزيمة محدودة واستعدنا حوالى 10 كيلو متر من صحراء سيناء . !

رحم الله جميع شهداء مصر فى الحربين .

------------------------------------------------------------------------------------------
ويبقى السؤال الاهم

هل انتصرنا عليهم بعدها فى الاربعين عاما اللاحقة فى اى شىء .!! هم يحلقون فى فضاء العلوم والمعرفة والتصنيع والاقتصاد ..ونحن لازلنا نتكلم عن الماضى وحرب مدتها 17 يوم . ! ولا ننتج او نصنع اى شىء ذو اهمية اللهم الا الكلام . والغناء بالماضى الذى ذهب بلا رجعة

**A.Saad** · 15-11-2015 03:50 PM

مين قال إن هدف الحرب إنها تكون نقطة تفاوض وتحرير جزئي لسينا

**volociximab** · 15-11-2015 08:37 PM

من امثلة التضليل ادخل على صفحة الويكيبيديا لموقعة المنصورة الجوية(اكبر موقعة جوية بعد الحرب العالمية الثانية) مصر بتقول اسرائيل خسرت 17 طيارة اسرائيل بتستهبل و تقول خسرنا طيارتين بس
https://en.wikipedia.org/wiki/Air_Battle_of_El_Mansoura

-

الموضوع: حقيقه حرب اكتوبر 73

LinkBack

أدوات الموضوع

عرض

-

-

-

-

المواضيع المتشابهه

حقيقه ولا افتكاسه كهربائى!!!!

اسعار حقيقه ولا كذب

سرقة الاطفال حقيقه

حقيقه صغيره

الكلمات الدلالية لهذا الموضوع

المفضلات

المفضلات

ضوابط المشاركة