اقتباس المشاركة الأصلية كتبت بواسطة alysalim مشاهدة المشاركة
اذا كنت هتاخد كلام جولد مائير فجولد مائير قالت لامريكا المصريين دخلو تل ابيب - كل كلامهم كذب وتضخيم للذات
الولايات المتحدة هي اللي ادارت الثغرة وادارت معركة اعلامية جوفاء مكنش لها اي قيمه عند مصر
كان فيه ضعف استخباراتي واضح عند مصر كلفها كتير ونشوة الانتصار اخدت اكتر من حقها
لكن اسرائيل لم تنتصر علي مصر لكن مصر استطاعت اجبار امريكا واسرائيل علي توقيع اتفاقية وقف اطلاق النار
المشكلة اللي حاصلة النهاردة عندك وعند ناس كتير ان الثغرة خدت اكتر من حقها
والسادات كان ملهوف علي استرجاع سيناء لاظهار انه افضل من عبد الناصر
لو المفاووضيين المصريين كانو عندهم احترافيه اكبر كانو احبرو اسرائيل علي تسليم غزة وطابا والانسحاب لحدود 67 لكن السرعة والرغبة في انهاء الوضع هو اللي عمل كده
فعشان كده متحملش الحرب اكتر من طاقتها
الحرب ادت ماعليها لكن الشق السياسي من الحرب هو اللي جمل موقف اسرائيل
المانيا الحقت هزائم فادحه بالحلفاء فده مش معناه ان المانيا كسبت الحرب وركعت الحلفاء
لكن الحلفاء فرضو شروطهم
طبعا مع اختلاف القياس
اسرائيل لم تتخلي عن فكرة ضم سيناء لكن الوضع الحالي لايسمح لها بالحفاظ عليها
تخيل مساحة سيناء قد مساحتها الحالية 3 مرات
المفروض اننا نناقش الدروس المستفادة من حرب اكتوبر
اولها ماحك جلدك مثل ظفرك
وانا واخويا مع ابن عمي ع الغريب
ومصراين البطن بتتخانق
وصديق عدوي هو عدويزمحدش هيعمل في مصر قد ماسرائيل وبريطانيا وامريكا وفرنسا عملو فيها
بالطبع انا مش حاخد كلام جولدا مائير موضع ثقة .... علشان انا عارف انهم بيبالغوا ..... و لكن ... فيه صور كتيرة .. ليها و هى فى مطار السويس !!!! و متصورة جنب طيارات مصرية متدمرة .... و اخرى سليمة .... المصيبة انها مش لوحدها .... ده متصور معاها عدد كبير من الجنود !!!!!!
ده غير صور لجنود اسرائيليين و هما راكبين على صواريخ سام !!!
و صور اخرى لجنود اسرائيليين و هما واخدين اسرى .. و شكلهم باين اوى انهم مصريين .. و فى اراضى زراعية ... مش فى الصحراء .. ده غير صور الجنود الاسرى المصريين

و على فكرة ... هى ماقلتش ان مصر دخلت تل ابيب ... قالت حيدخلوا تل ابيب

ممكن نقول ان الولايات المتحدة هى الى مدت اسرائيل بصور الجيش التانى و الثالث ... و وجود فاصل ما بينهم حاجة عادية جدا .... الغريب ان اسرائيل حاولت انها تطوق الجيش التانى من الثغرة دى و معرفتش ... و كان فيه معركة مشهورة اسمها معركة المزرعة الصينية ... بعد كدة قاموا بتغيير الخطة و تكملة اختراق المساحة الفاصلة بين الجيشين

بالمناسبة ... انا مش بتكلم فى الموضوع علشان اطلع بقرار و رأى اخير و نهائى لحرب اكتوبر ...

ما اريده ... ان يتم تقييم كل فترة على حدة ... و معرفة اثارها الايجابية و السلبية .... و البعد عن الميل العاطفى ... و محاولة البحث عن ادلة مادية ... و الموضوع ده مش سهل

سؤال لحضرتك ... ايه معايير تقييمك لمراحل الحرب ؟!!
يعنى حضرتك بتقيمها بنتائجها ... و لا بعدد ايامها .... و لا بكمبة الاحداث الى حصلت فيها ؟؟ و لا بعدد الشهداء الى ماتوا فيها ؟؟؟ !!!

لو الثغرة اخدت اكبر من حجمها .... فده للنقاط الى ذكرتها فى التقييم ... السياسة ... دورها جاى ..

كلامك عن السادات انه كان مستعجل علشان يبين انه احسن من عبد الناصر ..... يوديه فى داهية ... و يدينه و لا يبرأه .... و انا ارى ان السادات عمل كدة لأسباب تانية كتير .... مش منها انه عاوز يكون افضل من عبد الناصر

المفاوضين المصريين ؟!!!! الى هما كان منهم وزير الخارجية و السادات نفسه ؟؟!! دول افضل ناس فى مصر ... و انا متأكد انهم عملوا كل الى عليهم ...
فيه حاجات اهم من المفاوضين ... الواقع على الارض اخباره ايه ... و شرحت فى عجالة اخبار الوضع على الارض كان عامل ازاى

المانيا خسرت الحرب .... علشان كدة الحلفا وضعوا شروطهم

ايه الى ميخليش اسرائيل تعرف تحافظ على سيناء ؟؟؟ ... هى حافظت عليها 6 سنوات ... و ممكن تعرف تحافظ عليها لو استولت عليها تانى

و بالطبع حنتكلم عن الدروس المستفادة ان شاء الله .....
بس الاول ... نعرف ايه الى حصل فى الفترة من 6 اكتوبر لغاية 24 .... و بعدين ممكن نتكلم عن الدروس المستفادة ... و نحاول نكون غير عاطفيين ... و موضوعيين


هناك