الموضوع: رد للناس اللى بتسال امتى العربيات هترخص و هترخص حقيقى و لا لأ و ليه؟

للاسف لا قواعد .. ومصر عمرها ماكانت ماشيه على قواعد للسوق .... يعنى اللى المفروض يحصل
بيحصل دايما عكسه ....... وده كان موجود سنة 2002 لما العربيات غليت فجأة بدون مبرر
وفى 2004 رخصت فجأة بدون أى قواعد لده ....والكل بيقول مفيش جنارك قبل 2010
والكلام ده اتقال كتير وعندى مقالات من سنة 1999 و 2002 و 2005 كل واحد مسئول فى الجمارك
يقولك الجات سنة 2000 واللى قال التطبيق الفعلى من 2007 واللى بيقول فى 2011 واللى بيقول الزيرو جمارك فى 2019 .. مفيش اى ضوابط .. وشخصيا اتوقع ارتفاع الأسعار بشكل تدريجى
تحسبا منهم لاى انخفاض جاى

مبدئيا مفيش قواعد او قوانين في مصر (مصر ام الفهلوه اقصد الدنيا) كل الوكلاء والموزعين والتجار كسب مكاسب خرافيه من بيع ماقبل الازمه الاقتصاديه بسنين بمعني لن يخفض السعر السياره حتي لو اعلنت المصانع التخفيض!!!!! مكاسبه تقدر تغطيه بالبلدي يستحمل 6شهور اوسنه او اكتر الي ان يأكد لكل المشترين ان حكايه نزول الاسعار دي من عمل الشيطان والعياذبالله
والاسعار الي انخفضت حاليا هي مخزون 2008 مش اكتر وده تصوري الشخصي ومش عارف ايه رئيكوا
اخوكم خالد

المشاركة الأصلية كتبت بواسطة magedomran

الكلام دة جميل قوى بس لا اعتقد ان دة هيحصل فى مصر
مصر الوحيدة لو كل الدنيا رخصت هى الوحيده اللى بتغلى
والدليل لما البنزين غلى وقالوا دى زيادة فى العالم كله والبترول غلى فى العالم كله
وقولنا ماشى
طيب لما البترول رخص تانى
وفى دول خفضت تمن البنزين تانى
احنا هنا فى مصر عملوا ودن من طين والتانيه من عجين
وطبعا مش هينزل فى سعر البنزين ابدا بعد ما زودة غصب عن كل البشر رغم الاعتراض

احنا فى مصر

ايوه بس على فكره هما غلوا البنزين مش عشان البترول غلى او رخص هو غلى علشان ياخدو فرق الزياده لتعويض الدعم لرغيف العيش بدل مايغلو العيش نفسه اما البنزين كان من وجهة نظرهم ان اللى هيشتريه هما القادرين فقط

المشاركة الأصلية كتبت بواسطة koki99us

انا مثلا عايز اشتري عربية بقالي 3سنين مش عارف ...عارف ليه علشان الناس اللي راكبة صفيح لما بتبيع كأنه بيبيع طيارة ...كل حاجة في مصر ملخبطة حديقول 128تمانينات بيندفع فيها 22و25الف ج ولا 504ب45و50الف والكرولا 92و93ب55و53الف ليه يعني لوحد سافر وشاف اسعار الغربيات دي كام حنبكي على احوالنا انا كنت مع صديق عايش في هولندا كان معاه505 لما الكهربا الضفيره اتحرقت سابها في الساحة الخاصة بالخرده بمفاتيحها لأن اصلاحها اغلى من تمنها....ارجو في النهاية ماحدش يزعل من الأخر كلنا عايزبن مصلحة بعض واولا واخيرا بلدنا

شكرا ليك يا اخ كوكي

ولكن لو حضرتك راجعت الموضوع من اوله هتلاحظ ان الاخ smartman متخيل ان انا المسؤل عن اسعار السيارات الغالية طب انا مالي يا جدعان انا زيي زيكم ونفسنا نبقي زي باقي الدول لكن احنا هنا في المنتدي بنكتب الامر الواقع والمتوقع وهو في الاول ولا في الاخر كلام لا هيودي ولا هيجيب ليه بقي العضو بيهاجمني وزعلان اوي مني زي ما اكون انا السبب في غلو الاسعار
وبعدين يا جماعة احنا في مصر عندنا اختناق مروري لا يعلم بيه الا ربنا بنقف بالنص ساعة في الاشارات تخيل بقي الاسعار رخصت هيبقي ايه الحال؟
انا مش بقول ان الاسعار ما تنزلش لكن ما يبقاش كل همنا ان الاسعار تنزل وخلاص
لو الاسعار نزلت بدون تخطيط هتلاقي كل مواطن بقي عنده عربيتين تلاتة ليه وللمدام وربنا يخلي للاولاد اول ما يتمو 18 سنة
متخيل انت المشكلة في ايه؟؟
ياريت كل واحد من الشعب يبقي عنده عربية bmw واحدة فقط اخر موديل ونتطور زي باقي الدول لكن في مصر هتلاقي البقال جابله 3 او 4 عربيات 128 لولاده ماهي بقت رخيصة بقي
وهتلاقي المشكلة ساعتها اكبر من ان احنا عايزين الاسعار ترخص

اتمني يكون قصدي من الموضوع ده وصل بدون ما حد من الناس اللي بتحلم بعربية تزعل مني

ياريت الاسعار تنزل يا جماعة مع (وضع قيود علي عدد السيارات المملوكة لكل مواطن ان امكن وان كنت اعتقد انه مستحيل)