رد للناس اللى بتسال امتى العربيات هترخص و هترخص حقيقى و لا لأ و ليه؟

**m_elsabah** · 26-11-2008 10:03 AM

في حد يعرف أي حاجه عن العربية كابرس
لو حد يعرف يقول لو سمحتو

**NaviGator_13** · 26-11-2008 11:48 AM

المشاركة الأصلية كتبت بواسطة koki99us

ياجماعة ماحدش يقول لاحول الله.... المفروض تتقال(لاحول ولا قوة الا بالله) راعوا الحكاية دي..... يا أخ تيوتا الحالة النفسية دي مش حتحس بيها.... انا مثلا عايز اشتري عربية بقالي 3سنين مش عارف ...عارف ليه علشان الناس اللي راكبة صفيح لما بتبيع كأنه بيبيع طيارة ...كل حاجة في مصر ملخبطة حديقول 128تمانينات بيندفع فيها 22و25الف ج ولا 504ب45و50الف والكرولا 92و93ب55و53الف ليه يعني لوحد سافر وشاف اسعار الغربيات دي كام حنبكي على احوالنا انا كنت مع صديق عايش في هولندا كان معاه505 لما الكهربا الضفيره اتحرقت سابها في الساحة الخاصة بالخرده بمفاتيحها لأن اصلاحها اغلى من تمنها....ارجو في النهاية ماحدش يزعل من الأخر كلنا عايزبن مصلحة بعض واولا واخيرا بلدنا

ياباشا علشان كدا لما قررت اشترى نزلت واشتريت جديد وريحت نفسى طالما الفرق
حوالى 15-20 % من تمن العربية فقولت مش مستاهلة (بالذات للموديلات الحديثة )
الجديد برده ليه فرحته هههههههههههه

**tutankhamoun** · 26-11-2008 12:21 PM

أولا تحية خاصة للأخ سُمعة و أوافقه في كل كلمة قالها

و برضه أحب أوضح حاجة الناس مش واخدة بالها منها بالنسبة لموضوع الدعم الخاص بالمشتقات البترولية و موضوع الضرائب

مين قال أن العربيات الأوروبي في أوروبا أرخص من مصر ؟؟؟؟؟؟؟؟؟
و مين قال أن البنزين بيتباع في مصر بثمنه دون تدعيم ؟؟؟؟؟؟؟؟؟؟؟

أولا الناس اللي مش عارفه
في أوروبا العربيات ثمنها مثل مصر تماما و انا أتحدث عن العربيات الأوروبي الجديدة و مش بنتلكم عن المستعمل
و كمان فيه عربيات أغلى من مصر كمان ( و لكن أقل في الأمكانيات )
لأن عندهم ضرائب عالية جدا و أضعاف أضعاف الضرائب اللي حكومتنا بتحصلها مننا

بالنسبة لموضوع البنزين
طبعا البنزين مدعم من الحكومة و مازال مدعم لأن أحنا بنزيد في العدد و عدد عربياتنا بيزيد و بالتالي التكلفة بتزيد على الحكومة و ده كان من أهم أسباب رفع سعره فبدلا من الدعم بنسبة معينة ......... قاموا بتقليل هذه النسبة و لكنه مازال مدعم

أما بالنسبة لإقتصاد مصر و موضوع الأزمات العالمية
أحنا في مصر عايشين حالة غريبة أقتصادية
لا أحنا دولة أشتراكية 100 % و لا رأسمالية 100 %

لخبطيتة ...... علشان كدا مينفعش نقارن بين مصر و أمريكا في موضوع أنخفاض سعر البنزين
لأن في أمريكا الحكومة مش بتدفع شلن للمواطن لدعم السعر و بالتالي السعر معرض لقواعد السوق ....... العرض و الطلب و التكلفة

و الله أعلى و أعلم

**eng_mohamedagamy** · 26-11-2008 01:32 PM

ارجو من الاخوة الاحباء (الكلام ليك انت يا استاذ / toyota و انت يا استاذ smartman ) ان يتحلى الجميع بالروح الرياضية و يتفهموا ان رايك صواب و يحتمل الخطا و رأي غيرك خطأ و يحتمل الصواب و ياريت تعدي حاجة لاخوك و لا تقف له على الواحدة .
و في النهاية احب اقول انني شخصيا انتميت لهذا المنتدى العظيم لما لمسته من روح الاخوة و العطاء بلا مقابل و روح الحب السائدة بين الاعضاء.... ما تفرحوش المنتديات التانية فينا !!!!

**osama7997** · 04-12-2008 12:55 PM

يا عم تويوتا سيبنا ناخذ الامل ولا دة كمان يخضع لفئة جمركية 130% وبعدين رشيد محمد رشيد اما قال اللى هيشترى عربية او سلعة معمرة لازم يعرف ان سعرها هينزل كان عايز يعطش السوق هوة كمان

**Ghamrawy** · 04-12-2008 02:11 PM

للعلم بالشيئ

**bassem.naguib** · 05-12-2008 02:14 AM

المشاركة الأصلية كتبت بواسطة khaledsl

مبدئيا مفيش قواعد او قوانين في مصر (مصر ام الفهلوه اقصد الدنيا) كل الوكلاء والموزعين والتجار كسب مكاسب خرافيه من بيع ماقبل الازمه الاقتصاديه بسنين بمعني لن يخفض السعر السياره حتي لو اعلنت المصانع التخفيض!!!!! مكاسبه تقدر تغطيه بالبلدي يستحمل 6شهور اوسنه او اكتر الي ان يأكد لكل المشترين ان حكايه نزول الاسعار دي من عمل الشيطان والعياذبالله
والاسعار الي انخفضت حاليا هي مخزون 2008 مش اكتر وده تصوري الشخصي ومش عارف ايه رئيكوا
اخوكم خالد

أنت استاذ يا أستاذ خالد .. ووجهه نظرك صح مائة بالمائة بل مليون بالمائة فعلشان كده لازم المستهلكين (او مشترين السيارات يصبروا شوية أو زي ما بيقولوا يتقلوا على الرز شوية) لحد ما التجار يقولوا حقي برقبتي .. ويبتدوا يحسوا بالخطر وأن المستهلك واعي فعلاً .. مش يستخفوا بالعقول وخلاص .. فلازم يبقى فيه وقفه .

**AshTurbo** · 05-12-2008 07:17 AM

كلام كويس ومبني على الواقع مش تخيلات وأستنتاجات خاطئة زي ما أحد الأعضاء قال كدة وأن كنت أتوقع أن الأنخفاض هيبتدي أقرب من 6 شهور لأن الأزمة بقالها فترة مش بسيطة تزيد على ال 3 شهور يعني الناس دي لو ملحقتش نفسها وخفضت من هامش ربح ولا من غيرة هيشحتوا بربابة وهم مش أحسن من أكبر 3 شركات في العالم واللى لو محصلوش على معونة مالية من الحكومة بتاعتهم على آخر الشهر دة اللى هو شهر 12 هيفلسوا والكلام دة من بقهم مش من بقي أنا ولسة شايفهم وهم بيشحتوا من مجلش الشيوخ في نشرة سي بي أس وكانوا بيركبوا طائرات يتنقلوا بيها من ولاية لولاية ودلوقتي بقوا بيركبوا عربيات هيبرد وكهرباء عشان يوفروا وأحب أقول للي فاكر أن دي فترة بسيطة وهتعدي ( زي التجار مثلاً ) أحب أقوله فوق من الحلم الجميل اللي كنت عايش فيه وألحق بيع عربياتك قبل ما تبيع هدومك لأن الليلة طويلة والناس مش هتلاقي تاكل عشان تلاقي تشتري عربيات .